Connect with Us

“Zoti rrugaç”/ Budina paralajmëron Ramën: Ne ta sjellim popullin në shtëpi

Politikë

“Zoti rrugaç”/ Budina paralajmëron Ramën: Ne ta sjellim popullin në shtëpi

Publikuar

-

Regjisori Robert Budina ka paralajmëruar kryeministrin Edi Rama që të mos bëjë lojëra politike me Teatrin pasi do i çojë popullin në shtëpi.

Gjatë protestës së sotme, Budina theksoi se çështja tashmë nuk është vetëm Teatri, por edhe shpirti i qytetarëve dhe demokracisë prandaj protesta tashmë është një institucion.

”Zoti rrugaç. Ti ke shembur Teatrin në mendje, por jo në zemrat tona. T’i kujton se duke mbledhur partitë mund të bësh lojërat politike.
Do të ta sjellim popullin në shtëpi. Nuk kemi asnjë interes. kemi hallin e njerëzve. Nuk duam vetëm Teatrin, duam shpirtrin e njerëzve dhe tempullin e demokracisë. Të kanë mësuar të rrëzosh simbolet. Dhe kështu do të të rrëzojmë. Nuk kemi armë, kurse ti fute për të vrarë artistët policë.
I kemi të gjitha videot çfarë ke bërë. Ke futur kamikazë të armatosur, RENEA kundër artistëve dhe do japësh llogari. Do të t’i sjellim njerëzit para kryeministrisë. Dhe pastaj të gjithë bashkë do vendosim fatin tonë dhe t’i nuk ke asnjë mundësi të bësh fshehurazi paktet. Duhet t’i bëni në dritën e kamerave, hapur. Do e shohim ku e ke forcën tënde. Sepse ju, e kryet krimin dhe ne do ja u zbardhim atë, jo vetëm në Shqipëri, në Europë dhe kudo që të mundemi. Mos e transformoni këtë lëvizje në teatër politike nëpër studio, lërini njerëzit të flasin në shesh. Mos bëni kalkulime politike se ne do jemi si gjithë të tjerët. Do iu marrim votat dhe do i çojmë në drejtim të paditur. Protesta nuk është mërzitje, është institucion. Prandaj jeni rrugëve, merrni të drejtën tuaj dhe përplasjani të gjithë ata që e shtrembërojnë atë. Nuk janë vetëm armët dhe grushti. Ne do e fitojmë betejën. Nuk ke shanse ti të bësh lojë me tempullin e trashëgimisë dhe qytetarisë. ”- tha Budina./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Nga Denis Dyrnjaja/ Një telegram publik Ambasadores Kim!

Publikuar

-

Nga

Znj. Ambasadore para se të shkruaja këtë mesazh publik adresuar Juve në mënyrë direkte, natyrisht që kisha disa dilema, duke patur parasysh limitet që lejon komunikimi dhe gjuha diplomatike.

Edhe pse keni pak kohë si ambasadore në Shqipëri, besoj se tanimë e keni kuptuar nivelin parapolitik që kanë njerëzit amatorë, që ushtrojnë politikën si profesionistë në Shqipëri. Kjo për faktin e thjeshtë, ku sikurse keni konstantuar dhe tani jeni duke provuar në misionin tuaj, se është e pamundur që politika e këtushme, të zgjidhë mosmarrëveshjet që ka, sidomos për çështje madhore pa ndërmjetësim ndërkombëtar. Madje duhet të keni dëgjuar që shpesh kërkohet edhe hetim ndërkombëtar.

Një kërkesë e tillë është artikuluar së fundi edhe nga Presidenti i Republikës Z. Ilir Meta për çështjen e shembjes së godinës së Teatrit Kombëtar. Kjo palë e ndërmjetme është edhe dëshmitare sesi politikanët “ar-miq”, telendisin njëri tjetrin dhe aferat e tyre korruptive politike dhe ekonomike, duke harruar se me këtë sjellje jo vetëm ulin dinjitetin personal dhe profesional si politikanë, por ulin edhe dinjitetin e shtetit. Fjala vjen a nuk ju duket paradoksale, gati gati edhe ironike, që ne kemi kryesimin e radhës së Presidencës së OSBE-së dhe ndërkohë nuk negociojmë e nuk biem dot dakord, as për reformën bazike të demokracisë, sikurse është ajo zgjedhore?! E kjo është vetëm një nga shumë paradokset dhe pasojat ironike që ka prodhuar kjo klasë politike.

Por për fat, Juve dhe çdo diplomat, institucion ndërkombëtar apo shtet, gjithnjë në qëndrimet e mbajtura ka veçuar Popullin Shqiptar nga politika që e përfaqëson, çka na lë të kuptojmë se bëni diferencën mes politikanëve dhe popullit edhe pse ata flasin gjithnjë dhe vetëm në emër të popullit. Rastet e dy reformave më të rëndësishme të vendit, sikurse është ajo në drejtësi dhe ajo zgjedhore e dëshmojnë këtë. Tani pas takimeve që kryeni me ta, paramendoj se ju duken të gjithë edhe djaj, edhe engjëj njëkohësisht, edhe shumë të vërtetë edhe shumë mashtrues.

Për ne vendorët, kjo është një histori e njohur, madje e dalë boje (thënë shqiptarçe) sepse e dimë se tjetër gjë ata predikojnë, tjetër mendojnë dhe ndryshe veprojnë në realitet. Tanimë besoj se edhe Juve jeni koshiente për këtë, por edhe nëse nuk jeni me siguri do të bëheni së shpejti. Përsa më sipër, po Ju ftoj të gjeni rastin dhe mundësinë të flisni hapur për popullin shqiptar pa “interpretues politikë” të cilët i përkthejnë qëndrimet tuaja sipas interesave personale. Njerëzve iu ka sosur durimi për politikën. Ky është një vend i vogël dhe pak a shumë natyra e njerëzve është shumë këmbyese në komunikim dhe shumë gjëra mësohen e dihen.

LEXO EDHE:  Ilir Meta një histori “dashurie” me krimin dhe korrupsionin

LEXO EDHE:  Takimi Rama-Merkel/ Blushi: 28 nëntor i hidhur, Rama kërkon Europën me barcaleta

Ndaj neveria publike ka arritur kulmin se hajduti thotë kapeni hajdutin, dhunuesi kërkon ndëshkimin e dhunës e kështu me rradhë. Dhe të gjitha këto dilema, që ndoshta janë edhe spekulime e të pavërteta do të duhej të merrnin një përgjigje. Meqë institucionet dhe njerëzit që merren me politikë nuk kanë besueshmëri në tërësi, por edhe besueshmëri të ndërsjelltë, Ju lutem a mund të gjeni një mundësi të përshtatshme për t’i thënë popullit shqiptar konkretisht:

1) Kush janë ata që po bllokojnë reformën në drejtësi?

2) Kush kërkon që ajo të dështojë? Cilët persona, institucione apo grupime kërkojnë të kapin, ndikojnë ose influencojnë institucionet e reja të drejtësisë në Shqipëri?

3) Përse SPAK-u një strukturë e ngritur posaçërisht për hetimin dhe dërgimin para drejtësisë të zyrtarëve dhe ish-zyrtarëve të lartë të shtetit nuk po vepron ende sipas qëllimit dhe misionit për të cilin u ideua, projektua dhe funksionon duke patur parasysh që Reforma në Drejtësi përveç interesit të drejtpërdrejtë politik edhe është financuar nga Qeveria e SHBA?

4) Populli Shqiptar ka humbur besimin për rezultatetet e premtuara të Reformës në Drejtësi dhe këtë e tregojë sondimet publike. Po Juve personalisht dhe Ambasada e SHBA, vazhdoni të jeni optimistë se korrupsioni i nivelit të lartë në Shqipëri do të goditet dhe mbi ç’baza?

5) Keni juve një ide konkrete se kur do të shohin shqiptarët “Peshqit e Mëdhenj”, sikurse I cilësoi paraardhësi Juaj, Ambasadori Lu, politikanët e korruptuar para drejtësisë?

Për përgjigjet e këtyre pyetjeve ka nevojë Populli Shqiptar Znj. Ambasadore, në mënyrë të drejtpërdrejtë dhe pa interpretues të ndërmjetëm, të cilët fshihen pas nocioneve tuaja diplomatike kur ju takojnë. Juve jeni akoma një burim shumë i besueshëm dhe ky besim do të rritej edhe më tej nëse vërtetë Juve Znj. Ambasadore do t’i flisni direkt popullit shqiptar.

LEXO TE PLOTE

Politikë

“Po përgatitemi për tubim madhështor”/ Ervin Goci paralajmëron SPAK

Publikuar

-

Nga

Pedagogu Ervin Goci gjatë fjalës së mbajtur sot tek protesta e Teatrit ka thënë se në Durrës janë mbledhur 6 mijë e 8 firma për peticionin për rindërtimin e Teatrit aty ku ishte dhe ashtu sicc ishte.

Goci tha se nesër do të zhvendosen në Shkodër dhe më pas në shumë qytete të tjera për të firmosur peticionin.

LEXO EDHE:  Drejtimi i Ministrisë së Jashtme/ Zbardhen prapaskenat e propozimit të Ramës

LEXO EDHE:  Qeveria më m*t që kam parë/ Stresi mallkon qytetarët që shitën votën

Ai paralajmëroi se aleanca po përgatitet për një tubim të madh, por kishte edhe një paralajmërim për SPAK-un. “Po përgatitemi për një tubim madhështor për themelet e teatrit dhe kësaj republike, filozofia e sheshit. SPAK të bëjë punën se kjo do të shkaktojë përplasje civile” tha ai./CNA.al

LEXO TE PLOTE

Politikë

Hetim ndërkombëtar për Teatrin/ Meta video-konference, me përfaqësuesit e “Europa Nostra”

Publikuar

-

Nga

Presidenti i Republikës, Meta zhvilloi sot bashkëbisedim, nëpërmjet një video-konference, me përfaqësuesit e “Europa Nostra”, Zëvendëspresidentin ekzekutiv, Guy Clausse, Sekretaren e Përgjithshme, znj,Sneska Quaedvlieg-Michailovic, dhe anëtarin e bordit, Profesor Paolo Vitti.

Presidenti Meta i falenderoi për angazhimin dhe vëmendjen që “Europa Nostra” ka treguar ndaj promovimit dhe ruajtjes së trashëgimisë kulturore dhe historike të vendit tonë.

Duke u ndalur në çështjen e Teatrit Kombëtar, Presidenti Meta e falenderoi “Europa Nostra” për mbështetjen krah “Aleancës për Mbrojtjen e Teatrit” në mbrojtje të këtij kompleksi dhe gjithë zonës historike të Tiranës.

Presidenti Meta theksoi se shembja e Teatrit Kombëtar është çështje kushtetuese, e trashëgimisë historike dhe identitetit kombëtar, tashmë edhe një çështje europiane.

LEXO EDHE:  Burri i ministres rrihet nga bandat/ CNA.al sjell detajet e fundit

Në këtë kontekst u ra dakord për domosdoshmërinë e nisjes së një hetimi ndërkombëtar mbi këtë çështje dhe informimin e mëtejshëm të niveleve më të larta europiane.

“Europa nuk është vetëm euro, por edhe kulturë, solidaritet, humanizëm dhe identitet. Teatri Kombëtar ishte dëshmori i parë i Bulevardit ‘Dëshmorët e Kombit’, por demokracia dhe kultura europiane do fitojë”, – u shpreh ndër të tjera anëtari i bordit të “Europa Nostra”, Profesor Paolo Vitti.

“Nga sot më konsideroni edhe mua anëtarin më të ri të ‘Europa Nostra’ “, – u shpreh Presidenti Meta./CNA.al

LEXO TE PLOTE