Kanë kaluar 10 vite që nga “Triplete” e famshme e Interit, kur skuadra nën drejtimin e Zhoze Murinjos fitoi gjithçka në Itali dhe në Europë. Një edicion i paharrueshëm për zikaltërit, të cilin e ka kujtuar vetë trajneri portugez me një intervistë ku ka zbuluar edhe një nga episoded më kurioze të atij viti, bisedën e famshme me Guardiolën kur ky i fundit po disktutonte takikën me Ibrahimoviç gjatë duelit Barcelona-Inter.
“Kur Buskets ra në tokë thuajse i trullosur, unë isha mes stolit tonë, stolit të tyre dhe Tiago Mota që u përjashtua me karton të kuq. Me cep të syrit pashë që stoli i Barcelonës po festonte sikur të kishin fituar, Guardiolën që po thirrte Ibran për të folur për taktikë. Taktikë kur je 11 kundër 10… Thjesht i thashë “mos gëzoni se ndeshja nuk ka përfunduar””, kujton Murinjo në intervistën e tij për °La Gazzetta Dello Sport”.
Një ndeshje që u mbyll me fitoren 1-0 të Barcelonës, por me Interin që kaloi turin falë suksesit 3-1 në ndehsjen e parë. “Ajo ishte humbja më e mrekullueshme e karrierës time”, kujtoi Murinjo. “U mundëm 1-0 por fituam 3-2 në kushte epike. Vendosa të largohesha pas ndeshjes në “Kamp Nou”, e dija që do të fitonim Ligën e Kampioneve . Morati e dinte pa pasur nevojë që të flitnim”.
Gjermania ishte e para ndër top 5 ligat kryesore që çeli rinisjen e sezonit pas pandemisë së Covid-19, ndërsa të njëjtën gjë kanë ndjekur shumë shtete. Edhe në vendin tonë, FSHF ka propozuar datën 3 qershor për rinisjen e garës, ndërsa të njëjtën gjë do të bëjë edhe Portugalia.
Federata e vendit luzitan sheh mesjavën e parë të qershorit si pikënisjen e ndeshjeve, ndërsa skuadrat kanë vijuar stërvitjen për t’u rikthyer në gjendje optimale. Duket se ndalesa për më shumë se 2 muaj do të marrë fund, me Qeveritë e vendeve që po japin dritën jeshile për sportin.
E ardhmja e Rashicës është e sigurt që do të jetë larg Verder Bremenit sezonin e ardhshëm, ndërsa pritet vetëm zgjedhja e skuadrës së re. Sulmuesi shqiptar ka shkëlqyer me fanellën e klubit gjerman, që është me një këmbë në Bundesligën 2, ndërsa ambiciet e futbollistit dardan janë për të luajtur në Kupat e Europës. Lajpcig është vënë në gjurmët e Milot Rashicës, por problemi qendron te shifra e ofruar për shërbimet e tij, që nuk bind Verder Bremenin.
Ndërkohë arkat e këtyre të fundit duket se mund t’i kënaqë shuma që Napoli do të dorëzojë në tryezë. Sipas asaj që raportojnë mediat në Itali, skuadra napoletane është e gatshme të paguajë 30 milionë euro për Rashicën, shifër kjo që është pranë asaj që Bremen kërkon, 38 milionë euro. Por megjithëse Napoli është një klub i madh, të kaltrit e Gatuzos janë larg Champions League vitin e ardhshëm dhe kjo ndoshta nuk do të bundë lojtarin shqiptar, që dëshiron të provojë ndjesinë e të luajturit në trofeun më prestigjoz.
Mbrojtësi i djathtë i Kosovës, Florent Hadërgjonaj, është një objektiv i gjigantit turk, Fenerbahce. Lojtari që është në pronësi të Huddersfield, po luan si huazim në Turqi të Kasimpasa, ku ka bërë gjashtë paraqitje që pas transferimit në janar.
Takwim.com pretendon se Fenerbahce janë të interesuar për Hadërgjonajn, i cili është nën kontratë me Huddersfield deri në vitin 2021.
Te Fenerbahce, Hadërgjonaj do të zëvendësonte ish mbrojtësin e Juventusit, Mauricio Isla, që do të largohet në fund të sezonit. Pjesë e Fenerbahces është edhe sulmuesi i Kosovës, Vedat Muriqi, i cili mund të ndihmojë në këtë transferim. Gjatë karrierës së tij, Hadërgjonaj ka veshur edhe fanellën e Inglostadt dhe Young Boys
Sukseset e shqiptarëve nëpër botë vazhdojnë edhe në sporte tjera, jo vetëm në futboll. Së fundmi një hap të madh në karrierën e tij të...
Tetë lojtarë të klubit meksikan të futbollit Santos Laguna janë testuar pozitiv me koronavirus, por asnjëri prej tyre nuk ka shfaqur simptome. Lajmi është bërë...
