Connect with Us

Situatë kaotike në Superligën Shqiptare, një tjetër klub probleme me pagat. 2 lojtarët bojkotojnë stërvitjen

Sport

Situatë kaotike në Superligën Shqiptare, një tjetër klub probleme me pagat. 2 lojtarët bojkotojnë stërvitjen

Publikuar

-

Që prej të hënës te Bylisi nuk janë paraqitur në stërvitje portieri Isli Hidi dhe mbrojtësi Ditmar Bicaj. Dy prej lojtarëve të rëndësishëm të skuadrës ballshiote janë kontaktuar dje nga gazeta, por nuk kanë pranuar të prononcohen për këtë mungesë në Ballsh në seancat e këtyre tri ditëve

Mësohet se pagat e prapambetura kanë bërë që dy titullarët e Bylisit të mos paraqiten derisa të marrin garanci nga klubi. Vetë drejtuesit kanë pranuar se kanë pasur probleme, por gjithsesi nuk mendohej që lojtarë të veçantë do ta bojkotonin stërvitjen.

Gjasat janë që në ditët e ardhshme të qartësohet gjithçka mes palëve dhe Hidi e Bicaj të vazhdojnë stërvitjen me Bylisin në prag të rifillimit të kampionatit.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sport

“Kam ngrënë sultjash”, rrëfimi epik i Manajt për faqen zyrtare të Barcelonës

Publikuar

-

Nga

Sulmuesi i Shqipërisë, Rei Manaj, ka rrëfyer të gjithë përjetimet e këtyre kohërave të vështira në faqen zyrtare të klubit të Barcelonës. Lojtari shqiptar ka treguar mënyrën sesi e ka kaluar kohën e tij pranë njerëzve të dashur.

Gjithashtu duke u tërhequr nga librat me sekrete që tregojnë sesi mund të arrihet suksesi dhe që janë të natyrës motivuese. Manaj është shprehur edhe mbi kalimin te Barcelona, ku pavarëisht se transferimi në muajin janar nuk është asnjëherë i lehtë, e mendonte si zgjedhjen më të mirë për karrierën.

“Unë kam qenë me familjen time. Të paktën nuk kam qenë vetëm. Kam qenë me prindërit, gjyshen time dhe qenin tonë – emri i tij është Budino dhe ai është një “Labrador”. Ndarja ka qenë e rrallë sepse kurrë nuk kemi provuar diçka të tillë. Asnjëherë nuk jemi mbyllur në shtëpi për dy muaj dhe si futbollist duke qenë se dy muaj pa prekur topin është bërë shumë e vështirë.

Tani ne mund të shkojmë për të vrapuar në rrugë dhe megjithëse nuk jemi ende të gjithë bashkë, ne po bëjmë mirë për të përmirësuar gjendjen tonë fizike dhe gjithashtu për të pastruar mendjen. Gjithashtu jam kujdesur mirë për ushqimin, ndërsa një ditë kam ngrënë një pjatë tipike shqiptare që quhet Sultjash, e cila është puding me oriz të nxehtë. Tani jam duke lexuar libra me sekrete të cilat janë motivuese dhe në këto periudha të vështirë po më ndihmojnë shumë.

Para se të vinte Covid-19, u ndjeva gjithmonë e më mirë me ekipin. Asnjëherë nuk është e lehtë të ndryshosh skuadrat në janar, duhet të takosh shokët e rinj të ekipit dhe duhet të mësohesh me dinamikën e re, por unë e bëra atë duke menduar se ishte gjëja më e mirë për të ardhmen time dhe isha i lumtur”, tha Manaj.

LEXO TE PLOTE

Sport

Video/ Ronaldo turpërohet në stërvitje, shikoni çfarë bën Dybala

Publikuar

-

Nga

Rikthimi i stërvitjeve me grupe të plota, sjell dhe momente gazmore pafund. Episodet qesharake, nuk kanë munguar as në stërvitjen e sotme të Juventusit, ku protagonistë ishin dy yjet e skuadrës, Cristiano Ronaldo dhe Paulo Dybala.

Në ushtrimin “rondo”, ku futbollistët duhet ta pasojnë topin me një prekje dhe një futbollist është në mes, Cristiano Ronaldo e ka pësuar. Ishte ylli portugez ai që duhet të fitonte topin, ndërsa Dybala&Co, po bënin pasime të shpejta.

Një top futet mes këmbëve të Ronaldos dhe kaq ka mjaftuar që Dybala të shpërthejë në të qeshura, si dhe të duartrokasë shokun e tij që turpëroi yllin portugez. Një video për të mos u humbur…

LEXO TE PLOTE

Sport

“Jemi të barabartë me çdo kundërshtar”, Bregu: Ju tregoj objektivin e Skënderbeut

Publikuar

-

Nga

Para se kampionati të ndalej, Skënderbeu po kalonte periudhën më të mirë të sezonit, duke regjistruar fitore të njëpasnjëshme. Një prej më të mirëve të këtij sezoni është Dejvi Bregu, autor i 9 golave. Sulmuesi ishte pranë një kalimi jashtë vendit në fund të shkurtit, por gjithçka u anulua prej pandemisë dhe sulmuesit nuk i mbetet gjë tjetër veçse të luftojë te korçarët për të rikthyer formën pas pauzës. Në “Super Sport” 24-vjeçari tregon se dëshiron që skuadra e tij të ngjitet më shumë se vendi i katërt në renditje.

“Gjithmonë është bukur të bashkohesh me shokët, pasi vinim nga një periudhë mjaft e mirë, qoftë personale, qoftë edhe si ekip. Megjithatë kemi qenë një kohë të gjatë pa aktivitet, ndaj shpresoj të gjejmë sa më shpejt formën më të mirë. Normal që periudha për t’u përgatitur nuk është aspak e mjaftueshme, por unë kam besim te ekipi se mund t’ia dalim, pasi kemi cilësi në grup.

Kur ecën mirë, normalisht që do pretendosh për më lart dhe ne e kemi treguar që jemi të barabartë me këdo nga ekipet e para të renditjes. Shpresoj të ruajmë këtë pozicion, pse jo të ngjitemi më lart. U uroj të gjithë sportistëve ta kalojnë sa më mbarë këtë periudhë dhe pa asnjë dëmtim”, përfundoi Bregu.

LEXO TE PLOTE