Connect with Us

Faktet/ Lulzim Basha i jep vetes kurajo me profile fallco

Politikë

Faktet/ Lulzim Basha i jep vetes kurajo me profile fallco

Publikuar

-

Ish deputeti i PD akuza Bashës/ Po manipulon procesin e përzgjedhjes së kandidatëve

Ndodh edhe kështu, mund të duket e pabesueshme, por me Republikën e Re çfarë nuk do dëgjojmë!

CNA.al, kohë më parë ka publikuar disa shkrime për ekzistencën e një call center-i, një qendre e cila ndodhi në selinë e Republikës së Re ku disa dhjetëra të rinj punonin me orare part time dhe paguheshin.
Ata punonin si sharësa me pagesë në fakt quheshin si grupe që bënin njoftimet e strukturave por nëpërmjet profileve fallco ata sulmonin personazhe të rëndësishme politike të Partisë Demokratike të asaj kohe, mënjëherë pas daljes së PD në opozitë në vitin 2013.

Lulzim Basha duket se ndihej i riskuar dhe disa personalitete po i bënin hije, kërkonte largimin e tyre me çdo kusht, por për ta bërë këtë me sa më pak kosto, më parë duhet tju prishte imazhin në rrjete sociale.
Me profile fallco, me lajme të rreme, këtë e bënte nga godina e Republikës së Re. Lulzim Basha sulmonte Majlinda Bregun, Jozefina Topallin, Ridvan Boden, Astrit Patozin e dhjetëra të tjerë.

Më pas sulmonte edhe ata që e kritikonin, Grida Dumën, Salianjin e shumë e shumë nga personazhet politike të PD-së përfshi këtu edhe sekretarin e Përgjithshëm, Arben Ristani apo nënkryetarët Paloka e Spaho, me dhjetëra raste edhe personazhe të tjera të rëndësishme publike dhe poltike të PD.

Të gjithë sulmoheshin, intimidoheshin, akuzoheshin, dhe shpifnin kundrejt tyre me profile te rreme, me fakte false, thjeshte dhe vetëm për të krijuar një frymë negative ndaj tyre. Por, këto profile fallco përdoreshin edhe për të tjera punë. Së fundi është zbuluar se, Lulzim Basha ato që gënjen i beson edhe vetë më pas. Tani ka filluar që këto profile t’i përdorë për t’i dhënë vetes kurajo.

CNA.al ka bërë një vëzhgim në disa raste dhe ne po sjellim më të fundit, atë të ndodhur këtë fundjavë tek emisioni “Kjo Javë” me Nisida Tufën në televizionin News 24.
Ne kemi bërë një vëzhgim të thjeshtë, kemi marrë disa nga profilet të cilat flasin pro Lulzim Bashës dhe i japin kurajo, por kuptohet gjuha e tyre, japin një naivitet nga mënyra e të shprehurit, një lloj militantizmi ekstrem.

LEXO EDHE:  Kosovë/ 18 persona në pranga për mashtrime nga call-center

Bie në sy se shumica e profileve janë profile shumë të rinj, ku Lulzim Basha kërkon shpesh të atashohet pas të rinjvë si shpresa e Shqipërisë.
Ne i verifikuam këto profile, disa i bëmë “friend” me profile të tjera, disa i vëzhguam dhe çfarë rezultoi: Shumica e tyre janë profile fallco. Pra e njëjta strategji, dje përdoreshin si sharje ndërsa sot përveç sharjes i është dhënë edhe detyra që të mbështesin dhe t’i japin gjojan kurajo kryetarit të opozitës Lulzim Basha për të bërë të mundur që në rrjetet sociale të krijohet ideja se Luli po mbështetet nga të rinjtë. Rotacioni është i sigurt, i garantuar dhe se Basha është shpresa e Shqipërisë dhe e ardhmja e vendit.

Në fakt, ato janë të gjitha profile fallco, shumë prej tyre shkruajnë gjëra qesharake dhe Luli mesa duket ka vendosur që t’i japë kurajo vetes duke shpresuar se do të rrisë votat dhe do të rregullojë imazhin e tij me komente të cilat nuk vlejnë për asgjë.
Më shumë sesa komentet fallco edhe njëherë tregohet se call center-i i sharësave është kthyer në detyrë, por herë sulmojnë dhe akuzojnë mediat kritike drejt Lulzim Bashës por që kanë një porfil të thellë të djathtë, më pas sulmojnë dhe akuzojnë ata që flasin kundër Lulzim Bashës.

Ata që janë brenda PD-së dhe më tej përdoren në faqe dhe profile të ndryshme të kundërshtarëve politikë apo në fund për t’i dhënë kurajo Lulit për tu zgjuar dhe për të besuar se ai është kryeministri i vërtetë i këtij vendi.
Në fakt, të gjithë e dinë kush është Lulzim Basha, të gjithë e dinë sa vlen Lulzim Basha i cili paska katandisur me profile fallco t’i japë krajo vetes./CNA.al

Për të rejat më të fundit behuni pjesë e grupit tonë në facebook : City News Albania

1 Koment

Komentoni

Your email address will not be published. Required fields are marked *

Politikë

Meta refuzon Komisionin Hetimor/ I përgjigjet përmes një letre

Publikuar

-

Nga

Meta refuzon Komisionin Hetimor/ I përgjigjet përmes një letre

Presidenti Ilir Meta i është përgjigjur Komisionit Hetimor lidhur me ftesën për tu paraqitur në seancën dëgjimore në Komisionin Hetimor Parlamentar.

Në letrën e tij, presidenti Meta thekson se kërkesa, në përmbajtje të saj, nuk referon asnjë dispozitë kushtetuese dhe ligjore për bazueshmërinë e saj.

Sipas tij Presidenti i Republikës e ka përmbushur dhe do të vijojë ta përmbushë detyrimin kushtetues për të qenë transparent në raport me popullin shqiptar, pasi çdo akt, vendimmarrje, dekret , i ka bërë publike në faqen e Institucionit të Presidentit të Republikës dhe në mjetet e informimit publik.

Që në krye të herës, vlen të theksohet se, kjo kërkesë, në përmbajtje të saj, nuk referon asnjë dispozitë kushtetuese dhe ligjore për bazueshmërinë e saj”, thuhet në shkresën e Presidentit Meta.

Pjesë nga letra e Presidentit drejtuar Kuvendit:

 

I nderuar zoti Kryetar i Kuvendit,

 

Pas komunikimit të fundit përmes shkresës me nr. prot. 1533/2, datë 6.5.2021, me lëndë “Mbi njoftimin e Komisionit për Çështjet Ligjore, Administratën Publike dhe të Drejtat e Njeriut të datës 5 maj 2021”, pranë Institucionit të Presidentit të Republikës, me shkresat përcjellëse të Sekretarit të Përgjithshëm të Kuvendit, janë dërguar bashkëlidhur këto akte të Kuvendit:

 

1.Shkresa me nr. prot. 1131, datë 10.5.2021, administruar pranë Institucionit të Presidentit të Republikës, me nr. prot. 1610, datë 11.5.2021, me anë të së cilës, janë përcjellë disa vendime të Kuvendit për rrëzimin e dekreteve të Presidentit të Republikës, për kthimin e ligjeve për rishqyrtim. Ndërkohë që, në këtë shkresë mes këtyre vendimeve, gjenden dhe janë përcjellë:

 

– Vendimi nr. 44/2021, datë 7.5.2021, “Për miratimin e raportit dhe propozimit të Komisionit për Çështjet Ligjore, Administratën Publike dhe të Drejtat e Njeriut “Për ngritjen e një Komisioni Hetimor bazuar në kërkesën e një grupi deputetësh për shkarkimin nga detyra të Presidentit të Republikës””; dhe

 

– Vendimi nr. 45/2021, datë 7.5.2021, “Për ngritjen e Komisionit Hetimor të Kuvendit “Për hetimin e shkeljeve të rënda kushtetuese nga Presidenti i Republikës së Shqipërisë””.

 

2.Shkresa me nr. prot. 1081/10, datë 10.5.2021, e Sekretarit të Përgjithshëm të Kuvendit, administruar pranë Institucionit të Presidentit të Republikës me nr. prot. 1533/3, datë 10.5.2021, me anë të së cilës është përcjellë shkresa me nr. prot. 1081/10, datë 10.5.2021, e nënshkruar nga Alket Hyseni, cilësuar nën atributet e Kryetarit të Komisionit Hetimor me emërtimin “Për hetimin e shkeljeve të rënda kushtetuese nga Presidenti i Republikës së Shqipërisë”, me lëndë “Njoftim i Presidentit të Republikës në lidhje me ngritjen e Komisionit Hetimor, objektin e hetimit, si dhe të drejtën për t`u shprehur në Komision”.

 

3.Shkresa me nr. prot. 1081/17, datë 11.5.2021, e Sekretarit të Përgjithshëm të Kuvendit, administruar pranë Institucionit të Presidentit të Republikës, me nr. prot. 1533/4, datë 11.5.2021, me anë të së cilës përcillet shkresa e nënshkruar nga Alket Hyseni, cilësuar nën atributet e Kryetarit të Komisionit Hetimor me emërtimin “Për hetimin e shkeljeve të rënda kushtetuese nga Presidenti i Republikës së Shqipërisë”, me lëndë “Kërkesë për informacion”.

LEXO EDHE:  Largimi masiv i të rinjve nga vendi/ Topalli: Fajtorët janë tre shahistët, mjeranë!

LEXO EDHE:  Protesta para Parlamentit/ Të rinjtë e PD-së u vendosin postera me logon e kanabisit, makinave të deputetëve

 

4.Shkresa me nr. prot. 1081/23, datë 14.5.2021, e Sekretarit të Përgjithshëm të Kuvendit, administruar pranë Institucionit të Presidentit të Republikës me nr. prot. 1533/5, datë 14.5.2021, me anë të së cilës përcillet shkresa e nënshkruar nga Alket Hyseni, cilësuar nën atributet e Kryetarit të Komisionit Hetimor me emërtimin “Për hetimin e shkeljeve të rënda kushtetuese nga Presidenti i Republikës së Shqipërisë”, me lëndë “Thirrje për seancë dëgjimore”, të Presidentit të Republikës e që përmban bashkëlidhur edhe Vendimin e ndërmjetëm nr. 4, datë 14.5.2021, “Për miratimin e Planit të Hetimit”, që gjendet po bashkëlidhur saj.

 

Para së gjithash evidentoj se, në dy shkresat e para të sipërcituara, nuk parashtrohet ndonjë qëllim i veçantë, përveç atij informues dhe për të cilat Institucioni i Presidentit të Republikës i ka administruar, ndërkohë që në shkresën me nr. prot. 1081/17, datë 11.5.2021, parashtrohet kërkesa për informacion ndaj Institucionit të Presidentit të Republikës, duke kërkuar:

Titujt/dekoratat e akorduara nga Presidenti i Republikës, për periudhën 25.3.2021 deri më 25.4.2021, personat që u janë akorduar, si dhe procedura e akordimit dhe dhënies së tyre.

Aktivitetet protokollare, vizitat, si dhe takimet e organizuara, nga Zyra e Presidentit me individë, institucione apo subjekte të ndryshme, në të cilat ka qenë pjesëmarrës Presidenti, për periudhën 25.3.2021 deri më 25.4.2021.

Madje, citohet se ky informacion, me dokumentacionin justifikues, kërkohet brenda datës 17.5.2021.

Që në krye të herës, vlen të theksohet se, kjo kërkesë, në përmbajtje të saj, nuk referon asnjë dispozitë kushtetuese dhe ligjore për bazueshmërinë e saj.

I nderuar zoti Kryetar,

Nëse Kuvendi i Shqipërisë, dëshiron të njihet apo konsultohet për qëllime studimore, me aktivitetin që Presidenti i Republikës realizon në përmbushje të rolit, funksionit, dhe përgjegjësive të tij kushtetuese, ju bëj me dije se, i gjithë aktiviteti i Presidentit, që prej fillimit të ushtrimit të funksionit më 24 korrik 2017 e në vijim, është i publikuar në faqen zyrtare të institucionit “https://president.al/”, ku në mënyrë kronologjike, janë të pasqyruara të gjitha aktivitetet e Kreut të Shtetit, nga aktivitetet, vizitat dhe takimet e organizuara, deri te aktet, dekretet, vlerësimet me tituj e dekorata, vendimmarrjet dhe arsyetimet e tyre, përfshirë këtu edhe qëndrimet publike të Tij.

Presidenti i Republikës e ka përmbushur dhe do të vijojë ta përmbushë detyrimin kushtetues për të qenë transparent në raport me popullin shqiptar, pasi çdo akt, vendimmarrje, dekret etj., i ka bërë publike në faqen e Institucionit të Presidentit të Republikës dhe në mjetet e informimit publik.  / CNA.al

LEXO TE PLOTE

Politikë

“Bomba” e Ristanit/ Basha fitoi 12 milionë dollarë nga humbja në 25 prill

Publikuar

-

Nga

Zgjedhjet e 25 prillit 2021, shënuan një tjetër dështim të kryetarit të Partisë Demokratike, Lulzim Basha. Ajo çfarë e bën edhe më të turpshëm rezultatin e këtyre zgjedhjeve është fakti që kryeministri Edi Rama, pas tetë vitesh qeverisje me një mijë e një bëma dhe gjëma arriti të ruante pothuajse të njëjtat kuota me vitin 2017, ndërsa Partia Demokratike, nën drejtimin e Lulzim Bashës, edhe pse me një rritje të vogël në krahasim me 2017, sërish kishte një rezultat më të ulët se në 2013.

Rezultati katastrofik i zgjedhjeve të 25 prillit ka shtuar edhe zërat për largimin e Lulzim Bashës nga drejtimi i partisë.

Mes zërave që kërkon largimin e Bashës është edhe Arben Ristani, ish-Sekretari i Përgjithshëm i Partisë Demokratike.

LEXO EDHE:  Kosovë/ 18 persona në pranga për mashtrime nga call-center

LEXO EDHE:  "Largimet" e eksponentëve të LSI/ Tradhti apo marrëveshje?

Por përtej kërkesës për largimin e Bashës një ditë më parë, Ristani ka bërë një tjetër deklaratë të fortë.

Sipas Ristanit, Lulzim Basha po e përdor partinë për biznes dhe PD është bërë si një ndërmarrje tregtare.

Nga studio e emisionit të “Të Paekspozuarit”, Arben Ristani po ashtu tha se Basha ka fituar 12 milionë dollarë në këto zgjedhje.

“PD është bërë si një ndërmarrje tregtare. Ka fituar 12 milionë dollarë, në këto zgjedhje zotëria”-tha Ristani.

Pas kësaj deklarate të Arben Ristanit, Lulzim Basha duhet të sqarojë ku shkuan 12 milionë dollarët?/ CNA.al

LEXO TE PLOTE

Politikë

Dialogu Kosovë-Serbi/ Meta: Shqipëria mbështet paqen në rajon

Publikuar

-

Nga

Meta uron besimtarët për Fitër Bajramin dhe i bën thirrje për të mbrojtur demokracinë

Presidenti Ilir Meta, ka deklaruar se Shqipëria do ta mbështesë dialogun Kosovë-Serbi dhe një marrëveshje përfundimtare detyruese, gjithëpërfshirëse dhe të zbatueshme, që normalizon plotësisht marrëdhëniet midis dy vendeve.

Sipas Metës, Shqipëria do të kontribuojë në paqen rajonale, stabilitetin dhe perspektivën e përbashkët europiane.

Liberalizimi i vizave për qytetarët e Kosovës nga Bashkimi Europian, pa vonesa të mëtejshme, është një mbështetje për rrugën e integrimit euro-atlantik të Kosovës dhe në të njëjtën kohë, një e drejtë ende e mohuar për qytetarët e saj”, shkruan Meta në rrjete sociale./CNA.al

LEXO TE PLOTE