Connect with Us

Dyshimet për sulm terrorist në ndeshjen Shqipëri-Izrael, vendoset përfundimisht për 4 të arrestuarit

Sport

Dyshimet për sulm terrorist në ndeshjen Shqipëri-Izrael, vendoset përfundimisht për 4 të arrestuarit

Publikuar

-

Shpallen te pafajshem nga Gjykata e Posaçme Antikorrupsion kater personat e arrestuar si te dyshuar për një sulm terrorist në ndeshjen Shqipëri-Izrael.

Vendimi eshte marre sot nga Gjykata e Posacme Antikorrupsion per shtetasit Bekim Protopapa, Ergys Faslija, Xhezair Fishti dhe Medat Hasani, shkruan “Panorama”.

Ata u vune ne pranga ne vitin 2016 si të dyshuar për një sulm terrorist në ndeshjen Shqipëri-Izrael.

Tashmë drejtësia shqiptare me pushimin e çështjes i ka shpallur të pafajshëm katër shtetasit e sipërmendur ndaj dyshimeve të mëparshme.

Këta shtetas dyshoheshin për veprat penale “Vepra me qëllime terroriste”, “Kanosja për kryerjen e veprave me qëllime terroriste” dhe “Organizata Terroriste”.

Kërkesa për pushimin e kësaj çështjeje është bërë nga vetë Prokuroria e Posaçme Antikorrupsion ose SPAK siç njihet të cilën Gjykata e pranoi duke pushuar masat e sigurisë ndaj tyre.

***

Katër shtetasit Bekim Protopapa, Ergys Faslija, Xhezair Fishti dhe Medat Hasani, bashkë me disa shtetas kosovar u arrestuan si të dyshuar se kishin kontakte me terroristë të ISIS në vitin 2015 si Lavdrim Muhaxheri apo edhe të tjerë xhihadistë dhe radikal nga Maqedonia, Kosova dhe Shqipëria.

Pavarësisht këtyre dyshimeve policia dhe prokuroria nuk arritën asnjëherë që të sigurojnë këto prova që pretendojnë dhe për të cilat bënë arrestimet duke bërë që pas më shumë se 3 vitesh të marrin pafajsinë.

Një vit pas arrestimit, në nëntor të 2017-ës Bekim Protopapa, Ergys Faslija, Xhezair Fishti dhe Medat Hasani  u lanë me masën e sigurisë “arrest shtëpie” pasi prokuroria nuk dërgoi asnjë provë në gjykatën e shkallës së parë për krime të rënda duke bërë që të përfundojnë afatet ligjore për mbajtjen në paraburgim dhe duke detyruar gjykatën që të vendosë “arrest shtëpie” për të katërt.

Në kërkesën e prokurorisë për pushimin e çështjes thuhet se janë administruar në cilësinë e provës materiale ligjëratat në rrjetet sociale për shtetasin Xhezair Fishti, janë kryer kontrolle banesash dhe janë pyetur shumë persona, janë sekuestruar telefona dhe kompjutera, janë kryer përgjime dhe janë pyetur vetë të arrestuarit të cilët nuk kanë pranuar asnjë prej akuzave dhe se madje disa prej tyre nuk njihen me njëri-tjetrin, prova aspak të mjaftueshme as për t’i dënuar por as për t’i mbajtur në paraburgim katër shtetasit e sipërpërmendur.

Prokuroria thotë se nuk u arrit të provohej akti terrorist  dhe nuk është arritur të gjehen as mjetet përkatëse që organi i akuzës kishte dyshime siç janë armët, banesat apo edhe mjete të tjera logjistike për të kryer aktin terrorist.

Prokuroria është dorëzuar në fund duke thënë se me këtë nivel provash të grumbulluar në ngarkim të dyshuarve nuk mund të ngrihet akuzë ndaj tyre e jo më të dërgohen për gjykim duke bërë që tri akuzat ndaj tyre për terrorizëm në ndeshjen Shqipëri-Izrael të bien poshtë përfundimisht dhe tashmë shtetasit Bekim Protopapa, Ergys Faslija, Xhezair Fishti dhe Medat Hasani të dalin të pafajshëm pas një procesi që bëri shumë zhurmë dhe zgjati mbi 3 vite.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sport

Shansi i Muriqit, do ketë si trajner ish-in e Milanit

Publikuar

-

Nga

Aktualisht, ashtu si në të gjithë kampionatet e tjerë veç Bundesligës, edhe në Turqi futbolli është i stopuar prej koronavirusit. Mirëpo, kjo nuk i ndalon klubet të vazhdojnë punën për projektet e tyre mbi sezonin e ardhshëm, apo edhe për atë aktualin. Një rast i tillë vlen për Fenerbahçen, aty ku aktivizohet edhe sulmuesi shqiptar, Vedat Muriqi.

Klubi turk është prej muajit mars pa trajner dhe drejtuesit po punojnë për të sjellë një emër të njohur, në mënyrë që t’i japë një tjetër shtysë skuadrës. Emri në qarkullim është ai ish-trajnerit të Milanit, Viçenzo Montela.

Në rast se bisedimet shkojnë në rrugën e duhur, Muriqi mund të kishte bashkëpunim të ngushtë me një ish-sulmues si Montela i cili mund t’i mësojë më shumë rreth zanatit dhe gjithashtu mund t’i ndryshonte mendjen 26-vjeçarit për të mos u larguar nga Turqia.

LEXO TE PLOTE

Sport

Ernest Gjoka kujton arritjen e madhe me Kukësin kampion: Aty na kishit, s’na mundët dot

Publikuar

-

Nga

Për t’u shënuar në histori ishte arritja e madhe e trajnerit Ernest Gjoka me Kukësin, në sezonin 2016-2017. Atje verilindorët do të shpalleshin kampion të Superiores, pas një projekti serioz dhe disa vjeçar që kulmoi me fitimin e titullit.

Por gjithashtu ky sezon do të mbahet mend edhe për një rekord tjetër të vendosur nga ana e Kukësit.

Jo pak, por 35 javë kaluan pa asnjë humbje të vetme për skuadrën që kryesoi Superioren, duke dështuar vetëm në takimin e fundit, por atëherë gjithçka ishte mbyllur sa i përket llogarive të klasifikimit. “Aty na kishit, s’na mundët dot”, është kjo mënyra sesi Gjoka rikujton atë sezon fantastik edhe për karrierën e tij personale.

LEXO TE PLOTE

Sport

ZYRTARE/ Nuk ka më dyshime, Manuel Nojer vendos për të ardhmen

Publikuar

-

Nga

Muanel Nojerit i skadonte kontrata me Bajernin vitin e ardhshëm, teksa kërkonte një zgjidhje sa më të shpejt për këtë.

Ditën e sotme, klubi bavarez ka njoftuar rinovimin e kontratës me portierin gjerman, i cili tashmë ka hedhur firmën për kontratën e re e cila skadon në verën e vitit 2023.

Kohët e fundit kanë qarkulluar lajme, se marrëdhënia nuk ka qenë shumë e mirë mes portierit dhe drejtuesve, për shkak se thuhej se gardiani bavarez nuk ishte i lumtur për faktin se në skuadër do afrohej një portier tjetër dhe ai mund të përfundonte rezervë.

Megjithatë tashmë është arritur gjithçka dhe Nojer ka rinovuar kontratën me Bajernin, e cila tregon edhe njëherë se ai do të vazhdojë të jetë pjesë e klubit edhe për disa sezone të tjera.

LEXO TE PLOTE