Connect with Us

Emrat/ KLP zgjedh tre prokurorët që do të shkojnë në SPAK

Vetingu

Emrat/ KLP zgjedh tre prokurorët që do të shkojnë në SPAK

Publikuar

-

Këshili i Lartë i Prokurorisë ka zgjedhur sot intervistat me kandidatët për në Prokurorinë e Posaçme kundër Krimit të Organizuar dhe Korrupsionit, e njohur si SPAK.

Kështu mësohet se pas përfundimit të intervistave, prokurorët e zgjedhur për në SPAK janë: Sotir Kllapi, Dritan Prençi dhe Vladimir Mara.

KLP bën të ditur se nga katër kandidatët në garë, Sotir Kllapi mori 174 pikë, Dritan Prençi 171 pikë, Vladimir Mara 168 pikë dhe Dorina Bejko 158 pikë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Vetingu

Reforma në Drejtësi ka nevojë për reformë/ Pse shqiptarët kanë dalë kundër

Publikuar

-

Nga

Shumica absolute e qytetarëve shqiptarë kanë qënë pro një Reforme në Drejtësi. Një drejtësie që në 30 vite ka bërë lëmsh gjithçka. Ka pasur probleme. Gjyqtarë dhe prokurorë të korruptuar kanë mbyllur çështje nga më kriminalet. Janë po kjo trupë drejtësie që kanë masakruar pronat dhe pasuritë publike të shqiptarëve.

Përtej këtyre është kërkuar një Reformë në Drejtësi dhe shqiptarët e kanë mbështetur këmbë e duar të gjithë. Një mazhorancë e pabesueshme, ndoshta si kurrë më parë.

Por, çfarë ndodhi?

U bë një reformë e cila nga ndërkombëtarët, nga përfaqësuesit e SHBA-së dhe BE-së, u quajt e suksesshme për shkak se janë larguar 200 prokurorë apo gjyqtarë dhe do largohen edhe shumë të tjerë.

Ky është suksesi i Reformës.

Por shqiptarët nuk kanë pritur thjeshtë dhe vetëm që të ikin disa prokurorë dhe gjyqtarë të korruptuar.

Ajo që kanë pritur është sesi do të funksionojë sistemi i drejtësisë? Si do të veprojë në marrëdhënie me qytetarët?

A do të jetë ky sistemi i ri i drejtësisë një instrument që kur qytetari denoncon, kur media raporton dhe denoncon, prokurorët të hetojnë, të hapin çështjet, t’i çojnë në gjykata dhe të ketë drejtësi?

A do të ketë një sistem drejtësie ku gjyqtarët të mos varen nga partitë politike dhe telefoni, ku mos të kenë frikë nga një televizion, i cili bën shantazh për një çështje pronësie, siç ndodh rëndom në Shqipëri.

A do të ketë gjyqtarë dhe prokurorë, të cilët do të hetojnë çështjet korruptive, koncesionet, tenderat e qeverisë dhe të bashkive, pasuritë e deputetëve dhe politikanëve. Gjithçka çfarë duhet hapur një herë e mirë si dosje e historisë së korrupsionit 30-vjeçar të Shqipërisë.

Nuk mjaton thjeshtë dhe vetëm fakti se u hoqën disa nga puna. Problemi është sesi do të ecet.

E dielli duket që në mëngjes. SPAK është shembulli kryesor. Një institucion që duket se po fle gjumë. Megjithëse në krye të këtij institucioni është, me kompetenca thuajse të njëjta me Prokurorin e Përgjithshëm të Shqipërisë, Arben Kraja, një ish-hetues i diktaturës. Dhe Reforma në Drejtësi do të na japë një produkt në të ardhmen, duke shpresuar tek një ish-hetues i diktaturës.

Pas SPAK, është prokuroria apo gjykatat. Të gjitha për t’u parë. Në fakt i pari duket se ka dështuar. Sistemi ka pësuar një ngërç. Dje edhe vetë kryeministri Rama tha se ndoshta Reforma në Drejtësi ka nevojë për ndërhyrje, ka nevojë për një reformë. Por, kjo duhet bërë në bashkëpunim me hartuesit. “Pra, duhet të flasim me SHBA dhe BE-në, që të vëmë në vend gafat e kësaj reforme”, do të ishte fjalia e pa thënë në mënyrë diplomatike nga kryeministri, i cili ka qënë dhe “flamurtari” i saj.

Në fakt Reforma në Drejtësi ka nevojë vërtetë për një reformë. Për një reformë e cila të heqë nga duart e qeverisë gjithëpushtetshmërinë e sistemit të drejtësisë, që nga KLP-ja që drejtohet prej kunatit të një ministrje dhe ministrit që firmosi reformën, tek KLGJ-ja ku janë përfshirë njerëz të mbështetur fort nga Partia Socialiste apo edhe te KPA dhe KPP, të cilat janë ato që bëjnë Vettingun, ku janë përfshirë gjyqtarë të dyshimtë, të akuzuar dhe mbështetës apo militant partish.

Reforma në Drejtësi ka nevojë për një reformë të vërtetë. Nga fillimi në fund. Ndoshta duke qënë në hapat e saj diçka mund të korrigjohet dhe shqiptarët më në fund të shohin një produkt më pozitiv.

Me rrugët që ka zënë, duke ecur përpara e duke përplasur kokën murë më murë, nuk po bën asgjë tjetër, thjeshtë dhe vetëm në fund do të kemi një reformë drejtësie për sy e për faqe, që nuk do të vërë kurrë drejtësi në Shqipëri./ CNA.al

LEXO TE PLOTE

Vetingu

Arben Kraja, drejtori i Rilindjes

Publikuar

-

Nga

Një ndër institucionet e dala nga reforma në Drejtësi, për të cilin është trumbetuar fort në media, është Prokuroria e Posaçme Kundër Krimit dhe Korrupsionit, e njohur ndryshe si SPAK.

Në lidhje me këtë institucion pritshmëritë e opinionin ishin të larta, por sot gjashtë muaj pas ngritjes së tij, duket se është shumë larg pritshmërive.

Institucioni që pretendohej se do bënte drejtësi për shqiptarët, që do të hetonte korrusionin e këtyre 30 viteve, në fakt duket se është kthyer në “avokat” të korrupsionit politik.

Kreu i këtij institucioni, i cili ishte shpresa për drejtësi e shqiptarëve është Arben Kraja. një prokuror, i akuzuar  si bashkëpunëtor i ish-Sigurimit të Shtetit, në kohën e diktaturës.

Në fakt më shumë sesa luftë ndaj korrupsionit, duket se po bëhet show me disa tendera. Kryeprokurori i SPAK po tregon se është thjeshtë dhe vetëm një “drejtor i Rilindjes”.

Arben Kraja jo vetëm që nuk po e lufton korrupsionin e vërtetë të qeverisë por po bën rolin e drejtorit të Rilindjes për të shpëtuar qeverinë duke e mbrojtur jo vetëm nga korrupsioni i inceneratorëve, por duke mbrojtur edhe personazhe publike të kapura në flagrancë si Ben Blushi.

Kujtojmë këtu se CNA.al prej kohësh ka denoncuar pasurinë e “cmendur” të ish-politikanit Ben Blushi, i cili një pronë me vlerë 500 milionë lekë, e blen për vetëm 30 mijë euro. (Lexo ketu)

Po ashtu ne kemi denoncuar me fakte edhe ortakërinë me pronarët e kompanisë së inceneratorëve, por edhe pse gjithçka është e vërtetuar me dokumente, kanë rënë në “vesh të shurdhët”. Kreu i SPAK, Arben Kraja duke “qorr” para fakteve të publikuara.

Por, kush është Arben Kraja

Arben Kraja u zgjodh në dhjetor të vitit 2019, në krye të SPAK.

Arben Kraja e ka filluar karrirën e tij në organin e akuzës në vitin 1993 dhe prej dy dekakadash ka punuar në Prokurorinë e Përgjithshme, ku ka drejtuar sektorë të rëndësishëm si task-forca kundër krimit dhe korrupsionit.

Arben Kraja, është i njohur si prokurori që hetoi dosjen hetimore për abuzimet me fondet e rrugës Durrës-Kukës, ku u hetua edhe kryetari i Partisë Demokratike, Lulzim Basha.

Kraja mundi ta kalojë Vettingun lehtë, megjithëse ka pasur dhe denoncime ndaj tij.

Ndërsa sa i takon pasurisë, ai është një milioner. (Lexo këtu).

Por ndaj Arben Krajës ka pasur edhe akuza të forta, që lidhen me sistemin e diktaturës.

Vetë Autoriteti për Informim mbi Dosjet e Ish-Sigurimit të Shtetit ka konfirmuar se kreu i SPAK, Arben Kraja ka qenë hetues më 1990-ën dhe se ka hetuar çështje të kalimit të paligjshëm të kufirit. (Lexo këtu)

Ky është personi që pritej të bënte drejtësi për shqiptarët, por duket se do të jetë krejt e kundërta./ CNA.al

Pushimin e çështjes së CEZ e ka bërë Arben Kraja

Autoriteti i Dosjeve konfirmon/ Arben Kraja hetues i komunizmit, trajtoi çështje të kalimit të paligjshëm të kufirit

U zgjodh në krye të SPAK/ Kush është Arben Kraja, si ka ndryshuar pasuria e tij ndër vite

LEXO TE PLOTE

Vetingu

KLGJ si program asistence

Publikuar

-

Nga

Sot ishte mbledhja e KLGJ për të shqyrtuar konfliktin e vjetër dhe të ri të Adrian Dvoranit me ligjin dhe moralin.

Për ndonjë që ka mbetur pa e mësuar, Adrian Dvoranit i ka mbaruar mandati si gjyqtar i Gjykatës së Lartë prej gati 6 vjetësh.

Në pritje të zëvendësimit, zoti Dvorani duke shfrytëzuar shprehjen e ligjit të Gjykatës së Lartë, “qëndron në detyrë derisa zëvendësohet”, ka 6 vjet që praktikisht po plotëson një mandat tjetër në Gjykatën e Lartë.

Pa asnjë vendim emërimi, thjesht si njeri i duruar, zotni Dvoranin po ta leshë, rri edhe 18 vjet të tjera si gjyqtar i asaj gjykate.

Megjithatë një vendim të Gjykatës Kushtetuese, (gjykatë ku aspiron zotni Dvorani që të bëhet kryetar,) që shfuqizonte si të papajtueshme me parashikimet dhe afatet kushtetuese të mandateve të anëtarëve për Gjykatën e Lartë, atë shprehjen e ligjit të Gjykatës së Lartë që mban poshtë jastëkut prej 6 vjetësh Zotni Dvorani.

Të thërasësh moralin në rastin Dvorani, është luks konstitucional, por mund të sjellim në kujtesë raste të tjera gjyqtaresh të Gjykatës Kushtetuese që kanë arsyetuar dhe marrë vendime personale kur pritja dukej se mund të zgjatej pa afat. Petrit Plloçi, ish anëtar i Gjykatës Kushtetuese, megjithëse nuk ishte zëvendësuar, dha dorëheqjen e parevokueshme, me arsyetimin etik dhe të moralshëm dhe me një tekst dorëheqje të nivelit doktrinal, në të cilin argumentoi se pritja për tu zëvendësuar, duhet të ishte brenda afateve të arsyeshme dhe afatet e pritjes “deri në zëvendësim”, nuk mund të bëheshin të konkurueshme me afatet e mandatit të rregullt.

Teatrin e Dvoranit e kishim boll, që të shikonim sot edhe estradën e KLGJ. Organi i dalë nga paketa e talentuar e drejtësisë së re, që siguronte që ajka e jurisprudencës do drejtonte gjyqësorin, sot nuk vendoste dot dhe do presë që të pyesë partnerët se si t’ja bëjë hallit me mandatin e Zotni Dvoranit.

Kaq idiote nuk mund të ishte KLGJ-ja e kokave të gjyqësorit shqiptar.

Të paaftë dhe të kapur deri në neveri,  nuk e vuajnë fare imazhin prej idiotësh që transmetojnë tek njerëzit.

Ata nuk dinin! Ata nuk dinin as të lexonin. Ata janë të paaftë që të mendojne. Ata janë të paaftë që të arsyetojnë juridikisht.

Ata nuk kanë besim as vetë tek aftësitë e veta.

Ndryshe nuk do kërkonin opinion nga partnerët.

Si njerëz të sjellshëm ndaj partnerëve, të pakten tu kishin nisur për mendim partnerëve opinionin e tyre paraprak!

Vendosën të presin.

Derisa partnerët të lexojnë kushtetuten tonë, ligjet tona, vendimet e Gjykatës tonë Kushtetuese, letrat e Dvoranëve tanë dhe të tallen prap me ne të gjithë e jo vetëm me idiotët e caktuar që të paguhen me miliona në muaj në KLGJ./ CNA.al

LEXO TE PLOTE