Connect with Us

Fevziu e pyet nëse do ndërtojë kulla te Teatri/ Veliaj: S’ke të drejtë t’ma thuash këtë, mund të bëj ç’të dua

Politikë

Fevziu e pyet nëse do ndërtojë kulla te Teatri/ Veliaj: S’ke të drejtë t’ma thuash këtë, mund të bëj ç’të dua

Publikuar

-

“A më garantoni që në vijim të këtij teatri nuk do ndërtohen kullat e parashikuara?” Kjo ishte pyetja e drejtuar nga gazetari Blendi Fevziu për kryebashkiakun e Tiranës Erion Veliajn.

Veliaj iu përgjigj ashpër Fevziut, duke i thënë se askush nuk ka të drejtë t’ja bëjë këtë pyetje. Ai la të kuptohej se kullat mund të ndërtohen, teksa tha se bashkia mund të ndërtojë çfarë të dojë në pronën e vet.

“Janë dy projekte më vete. Ai është një projekt që do vazhdojë. E para punës, nuk ka askush të drejtë që t’i thotë kryetarit të bashkisë mos zhvillo pronat e bashkisë. Bashkia mund të bëjë aty një hotel e ta shesi, bashkia aty mund të bëjë një shkollë, një park. Pra është e drejta e bashkisë që të zhvillojë pronën dhe kjo shprehja më garanto ti që do zhvilloj pronën, më pyet dhe tani se çfarë do bëj me kullotat në Kashar”, theksoi Veliaj./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Ndërhyrja ndodhi pa asnjë lëndim real”/ Rama: Puna për teatrin e ri do fillojë deri në vjeshtë

Publikuar

-

Nga

Kryeministri Edi Rama ka folur për shembjen e Teatrit Kombëtar që është pasuar nga një numër i madh kundërshtimesh në të gjithë vendin.

Kreu i qeverisë tha se ndërhyrja nuk pati lëndime, ndërsa theksoi se një grup personash nuk mund të marrin peng një institucion.

Ai deklaroi në emisonin “Pressing” se deri në vjeshtë do të ketë filluar  puna për ndërtimin e Teatrit të ri.

“Shteti e kishte të pamundur të kishte administrimin normal. Nuk kemi dashur të krijonim një konflikt kur ende procesi ishte në fazë embrionale. Ndërhyrja ndodhi pa asnjë lëndim real. Në historinë e Shqipërisë, debati për teatrin është më i gjati. Nuk e kuptoj sesi një grup njerëzish që kanë të drejtën e tyre të jenë kundër, nuk kanë të drejtë të marrin peng fizikisht një institucion.

Asnjë pakicë e vogël apo e madhe nuk mund të marrin peng shumicën. Dje kaluam nga skema e financimit me partneritet publik privat, tek ajo që do e financojmë vet. Tashmë bashkia duhet të bëjë ndërlidhjen me studion e arkitektit, më pas duhet të futen në garë për kompaninë ndërtuese. Mendoj se deri në vjeshtë do kemi nisur nga puna për ndërtimin e teatrit të ri. Ndërsa për premierën nuk mund ta them dot me siguri, mund të dojë 24 muaj”, u shpreh Rama./ CNA.al

LEXO TE PLOTE

Politikë

“Kam lindur tek shallvaret”/ Kryemadhi zotohet për ndërtimin e Teatrit

Publikuar

-

Nga

Kryetarja e LSI-së, Monika Kryemadhi, shkruan se Teatri Kombëtar do të rindëtohet nga e para siç ka qenë me të gjithë kompleksin “Skanderbeg”.

Kryemadhi theksoi se godina do të ketë asetet bashkëkohore, ndërsa shtoi se i gjithë ansambli monumental do të rikthehet në identitet e do të jetë gjurma historike e qytetarisë së Tiranës së viteve tridhjetë të shekullit të kaluar.

“Teatri do të rindërtohet nga e para; siç ka qenë, por me të gjithë infrastrukturën dhe aksesorët bashkëkohorë, sëbashku me të gjithë kompleksin “Skanderbeg”, siç është ndërtuar në vitet 1938-1940!

I gjithë ansambli monumental do të rikthehet në identitet e do të jetë gjurma historike e qytetarisë së Tiranës së viteve tridhjetë të shekullit të kaluar.

Ky është qëndrimi im, ky është premtimi im, ky është betimi im si qytetare e Tiranës që kam lindur tek shallvaret, vetëm dyqind metra larg nga Teatri Kombëtar!”/CNA.al

 

LEXO TE PLOTE

Politikë

“U përdor dhuna ekstreme”/ Nishani kritika të forta pas shembjes së Teatrit

Publikuar

-

Nga

Ish presidenti Bujar Nishani, ka kritikuar ashpër vendimin e qeverisë për shembjen me dhunë të Teatrit Kombëtar.

Sipas Nishanit, kjo sjellje vandale si qasje politike ka asgjëruar gjithçka, duke nisur me Kushtetutën.

“Sot jemi në një moment ku finalja është imponuar nga ky pozicionim i Edi Ramës. Nuk besoj se do të ketë një teatër politik. Nëse ne e konvertojmë dramën e madhe që përjetuan jo vetëm artistët, që janë rritur aty, por të gjithë qytetarët shqiptarë dhe ajo ka qenë evidente, por do të them se tashmë kemi kaluar në një fazë të dytë që nëse do të ishte teatër do të ishte më e keqe se shembja.

Mijëra e mijëra qytetarë që janë bashkuar me këta artistë, opozita politike, nuk besoj se e kanë konsideruar këtë si një teatër, por si një reagim që është i domosdoshëm dhe nuk ka zgjidhje tjetër. Kjo sjellje vandale, jo fizikisht, por si qasje politike, që ka asgjëruar gjithçka. Duke nisur me Kushtetutën.

Këshilli Bashkiak nuk mund të marrë veprime në raport me objekte apo subjekte që nuk janë në subjektin vendor. Teatri Kombëtar nuk është i nivelit lokal. Për këtë artistët iu drejtuan sistemit gjyqësor. Aleanca për Mbrojtjen e Teatrit e çoi në Prokurori, Presidenti iu drejtua Gjykatës Kushtetuese. Bashkia e Tiranës nuk e pranoi, rrënoi edhe sistemin gjyqësor. Injoruan emocionet e shumicës së qytetarëve dhe artistëve dhe u përdor dhuna ekstreme”, tha Nishani në Syri tv./CNA.al

LEXO TE PLOTE