Connect with Us

Basha vijon takimet me qytetarët/ Vendi zhytet në varfëri, biznesi në kolaps

Politikë

Basha vijon takimet me qytetarët/ Vendi zhytet në varfëri, biznesi në kolaps

Publikuar

-

Kreu i PD, Lulzim Basha vijon takimet me qytetarët teksa vë theksin tek rënia e ekonomisë shqiptare.
Basha thotë se mungesa totale e ndihmës nga ana e qeverisë Rama po e çojnë biznesin në kolaps dhe qytetarët drejt varfërisë së pashmangshme.

“Sa më shumë qytetarë takoj aq më prezent bëhet shqetësimi për rrënimin e ekonomisë shqiptare. Faturat dhe taksat e larta, rënia drastike e konsumit por edhe mungesa totale e ndihmës nga ana e qeverisë Rama po e çojnë biznesin në kolaps dhe qytetarët drejt varfërisë së pashmangshme. Sot në Shqipëri ka 10 herë më shumë të papunë prej keqmenaxhimit të krizës nga Rama, krahasuar me vendet e tjera të rajonit”, shkruan Basha.

Më tej ai thekson se “të rinisësh normalitetin pa strategji dhe pa ndihmë konkrete siç bën Rama do të thotë t’i çosh qytetarët drejt krizës së thellë ekonomike dhe greminës së mjerimit”.

“Pandemia ekonomike ka prekur shumicën e familjeve shqiptare që sot më shumë se kurrë kanë nevojë për ndihmë dhe mbështetje konkrete. Dhe jo për fjalë dhe shoë në Facebook.
Mbi 70% e shqiptarëve janë sot pa asnjë ndihmë ekonomike dhe pa të ardhura. Ndërsa vendi zhytet në varfëri Rama vazhdon të mendojë vetëm për karrigen dhe xhepat e tij dhe të 10 oligarkëve, klientë të tij”, përfundon Basha./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Reforma Zgjedhore drejt dështimit?/ Zbardhen e-mailet, opozita “dhëmb për dhëmb” me Ramën

Publikuar

-

Nga

Opozita ka reaguar në lidhje me deklaratat e kryeministrit Edi Rama për Reformën Zgjedhore, i cili një ditë më parë tha se për kufizimin vetëm tek rekomandimet e OSBE/ODIHR-it me sa duket do të sjellin shtyrje të mëtejshme.

Opozita ka dalë kundër qëndrimeve të ramës, pasi sipas tyre ai ka si qëllim të shkatërrojë konsensusin për reformën Zgjedhore.

E-mailet e shkëmbyera mbrëmë nga anëtarët e Këshillit Politik paralajmërojnë se sot paradite do të jetë një takim i vështirë.

Nënkryetari i LSI-së, Petrit Vasili ka shprehur shqetësimin i pari me një e-mail për anëtarët e Këshillit Politik dhe ekspertëve të huaj që bëjnë pjesë në të.

“Është e qartë se ky qëndrim publik i kryeministrit është një provokim i rëndë për Këshillin Politik, që minon frymën e konsensusit. Këshilli politik nuk është as zyrë dhe as paradhomë e kryeministrit. Ky kryeministër me rekorde tepër të rënda në manipulimin dhe kriminalizimin e zgjedhjeve në Shqipëri nuk ka asnjë interes për të mbështetur propozimet e opozitës, që pastrojnë zgjedhjet nga shitblerja dhe kriminalizimi. Nuk mendoj se OSBE – ODIHR janë noterizuesit e propozimeve të njëanshme provokative dhe antikosensuale të Kryeministrit”- thuhet në komunikimin elektronik.

Petrit Vasili ka kërkuar shtyrjen e mbledhjes, duke e konsideruar mbajtjen e saj një farsë në kushtet kur kryeministri ka paracaktuar rezultatin. Por ajo që mësohet është se opozita nuk do të mungojë në mbledhjen e orës 10:30. Megjithatë, nga komunikimi kuptohet se ka për të qenë një takim i vështirë.

“Përfaqësuesi i Partisë Socialiste në Këshillin Politik, pas deklarimeve të kryeministrit kryetar partie të tij, është tashmë në kushtet e pamundësisë së plotë të negociimit dhe të mungesës së plotë të besimit e të sinqeritetit politik për të ndërtuar konsensus.Pa qartësuar në nivel politik një situatë të tillë, vazhdimi në këto kushte i punës së Këshillit Politik do të ishte vetëm një përmbushje e skenarit të Kryeministrit për zvarritjen e procesit të reformës zgjedhore, me qëllim fitimin e kohës dhe vendosjes përpara faktit të kryer e votimit të njëanshëm të kësaj reforme.”- thuhet në e-mailin e dërguar nga Petrit Vasili për anëtarët e Këshillit Politik, duke shprehur keqardhjen që rifillimi i punës me vullnetin për zgjidhje provokohet rëndë dhe shkatërrohet gjithshka me qëllim të mirëpërcaktuar nga kryeministri.
Nga përfaqësuesi i Partisë Socialiste, Damian Gjiknuri apo nga deputetja Rudina Hajdari nuk ka pasur asnjë reagim. I vetmi reagim ka qenë ai i përfaqësuesit të Partisë Demokratike, Oerd Bylykbashi, i cili ka mbështetur shqetësimet e ngritura nga Petrit Vasili në lidhje me qëndrimet ultimative të kryeministrit që pengojnë konsensusin në Këshillin Politik.

LEXO EDHE:  “Kreu i Këshillit Kombëtar të Lulit”/ Si u bë president një ish-punonjës karburanti

LEXO EDHE:  Thirrja urgjente/ Akuza të rënda Prelës dhe Markut

“Vija të kuqe si këto që ka vënë sot Kryeministri Rama në lidhje me dy nga çështjet e nxehta të Reformës Zgjedhore, kur sjellja e tij ka rënduar pikërisht ato fusha problematike, jo vetëm janë krejt pa bazë në rekomandimet e ODIHR, por minojnë qëllimisht procesin politik të Reformës, pikërisht në momentin e rinisjes së saj.” – shprehet Bylykbashi.

“Këto qëndrime tregojnë qëllimin e maxhorancës për të ecur drejt ndryshimeve të njëanshme në Kod, pas minimit të punës së Këshillit Politik apo akoma më keq, duke shkelur dokumentin e kompromisit të janarit 2020, mbi të cilin bazohet reforma, ndryshimet konsensuale të Këshillit mund të ndryshohen me votën e maxhorancës në Kuvend, pavarësisht angazhimit për mosndryshim të këtyre amendamenteve.
Konsensusi politik është themeli i kushtit të BE për reformën nga Këshilli dhe Kryeministri me këto qëndrime vë në pikëpyetje përpjekjet për konsensus që duhet të udhëheqin punën e Këshillit Politik në tre javet në vijim, deri në afatin e dakordësuar të 31 majit”- shkruan Oerd Bylykbashi.

LEXO TE PLOTE

Politikë

Deklarata e prokurorit të Antimafias/ Ish-ministri i Ramës jep alarmin

Publikuar

-

Nga

Ish-ministri i Drejtësisë në qeverinë “Rama 1”, Petrit Vasili deklaron se në Shqipëri situata është shumë e rëndë, ndërsa thekson se droga në këtë vend po bën ligjin.

Në një postim në rrjetet sociale, Vasili shkruan se ‘droga urdhëron kryeministrin të legalizojë kanabisin’. Vasili ka publikuar një deklaratë të prokurorit të Antimafias, Nicola Grateri deklaron se çereku i sipërfaqes së Shqipërisë është i mbjellë me drogë.

Postimi i Vasilit:

Situate shume e rende ne Shqiperi!!!
Droga ben ligjin, droga urdheron kryeministron te legalizoje kanabisin.
Prokurori Nicola Grateri deklaron:

Çereku i siperfaqes se Shqiperise eshte i mbjelle me Droge!!
Prokurori Nicola Gratteri:
“Mafia shqiptare është në ngjitje, madje në ngjitje të shpejtë. Është një mafia gjithnjë e më e fortë.
E pranishme në Itali, në Amerikën Jugore, në Holandë, është mafie gjithnjë e në rritje. Shpesh e ndeshim në bashkëpunim me Ndranghetan në Itali dhe në Amerikën e Jugut”.

“Pra nuk mund të flasim më për shqiptarë që grabisin apo shqiptarë që vjedhin vila, por për shqiptarë trafikantë të mëdhenj kokaine, si dhe të marijuanës. Duhet ta dini se çereku i Shqipërisë është i mbjellur me marijuanë e që shumica e saj transportohet përmes kanalit të Otrantos. Në vitin që shkoi vetëm në një operacion kemi sekuestruar 6 tonë marijuanë e kjo drogë përmes kanalit të Otrantos mbërrin në Itali”.

LEXO EDHE:  Ftesë publike elitës së vendit/ Çfarë propozon Basha

LEXO EDHE:  Ftesë publike elitës së vendit/ Çfarë propozon Basha

“Kur flas për mafie flas për ato elitare italiane e shqiptare e jo për rrugaçët që grabisin vilat. Mafioz është ai që ka në kontroll një copë territori, mafioz është ai që arrin të menaxhojë një sasi të madhe kokaine, që arrin të ngjallë frikë tek banorët e një territori, pra që ushtron fuqi. E pra kjo elitë në këtë moment po nuhat ku është e mundur të bëhet një biznes, ku mund të blihet në tregun e ligjshëm me çmime të lira, të blejnë lokale, hotele, piceri. E ky rrezik është kudo jo vetëm në Itali por dhe në vendet e tjera”.

“Ka një marrëveshje të mirë mes mafias italiane dhe asaj shqiptare, ka një raport të mirë mes tyre. Më vjen keq ta them por ka një raport të mirë mes dy vendeve dhe nga këndvështrimi kriminal. Mafia puglize, Ndrangheta kalabreze blejnë marijuanë nga Shqipëria.”
Prokurori Nicola Gratteri: Problemi që ka Shqipëria është korrupsioni, problemi që ka Shqipëria është depërtueshmëria e tij në administratën publike”.

LEXO TE PLOTE

Politikë

“Frikacak, më ka lënë gojëhapur”/ “Shpërthen” Mustafa Nano

Publikuar

-

Nga

Në monologun e mbrëmjes së djeshme, gazetari Mustafa Nano është ndalur tek vendimi i Këshillit të Lartë Gjyqësor, në lidhje me Ardian Dvoranin.

Gjatë monologut në Abc neës, Nano u shpreh se vendimi i Këshillit të Lartë Gjyqësor në lidhje me shkarkimin e kreut të Këshillit të Emërimeve në Drejtësi Ardian Dvorani, ishte marrë në mënyrë të ndrojtur dhe për më tepër frikacake.

Nano thotë se ky vendim i marrë nga KLGJ e komprometon këtë Këshill, për faktin se ai është një institucion i ngritur në kuadër të reformës në drejtësi, për më tepër sovran, dhe si i tillë nuk ka asnjë arsye se pse duhet të konsultohet me ndonjë faktor tjetër, për të marrë një vendim ndaj Dvoranit.

“Ardian Dvorani është anëtar i Gjykatës së Lartë. Vazhdon të jetë anëtar i gjykatës së lartë edhe pse mandati i ka mbaruar që në vitin 2014.

Do të duhet ti mbaronte me një vendim të po kësaj gjykate se Ardian Dvoranit i ka mbaruar mandati, mirëpo nuk kemi një vendim të gjykatës së lartë e cila të thotë këtë gjë dhe prandaj Ardian Dvorani mbeti qysh në fillim, qysh në krye të herës kur u krijua një lloj zbrazëtie e madhe brenda Gjykatës së Lartë për shkak të vettingut, e vazhdon të jetë sot e kësaj dite, kur ka filluar të plotësohet Gjykata e Lartë.

Janë emëruar 3 anëtarët  e parë të Gjykatës së Lartë. Ky fakt ndoshta do të mund të injorohej nëse Ardian Dvorani do ishte një anëtar i thjeshtë i Gjykatës së Lartë por Ardian Dvorani është pak më shumë se kaq.

Ai është ex officio, për shkak të detyrës edhe diçka tjetër.

Ai është kryetar i Këshillit të Emërimeve në sistemin e drejtësisë, që është një strukturë e re, një institucion i ri i ngritur në kuadër të reformës në drejtësi, dhe kjo strukturë e re ka një funksion shumë të rëndësishëm për të luajtur, mes të tjerash ajo ka për detyrë herë pas here që tu çojë institucioneve të rëndësishme siç është Kuvendi i Shqipërisë, Presidenti i Republikës dhe struktura të tjera, tu çojë lista të njerëzve që klandidojnë  për në strukturat e sistemit, këto lista hartohen nga Këshilli i Emërimeve.

Është alamet funksioni, kjo gjë ka shqetësuar një pjesë të madhe të njerëzve, të cilët nuk janë dakord me këtë gjë, nuk janë dakord që rolin e kreut të emërimeve ta luaj një njeri mandati i të cilit është të paktën i diskutueshëm.

LEXO EDHE:  Shkrimi i BILD për lobimin rus/ Balla: Basha genjeu shqiptarët, e qartë si drita e diellit

Mes njerëzve që janë shprehur mospajtim dhe mosmiratim për këtë situatë ka qenë edhe presidenti i republikës Ilir Meta. Ka pasur një debat të madh midis presidencës dhe Ardian Dvoranit, madje kemi edhe një pasi të bërë nga presidenca ne Prokurori në kurriz të Ardian Dvoranit.

Presidenti i Republikës nuk është mjaftuar me kaq, ai i ka dërguar edhe një letër Këshillit të Lartë Gjyqësor, i cili është një strukturë tjetër e rëndësishme e re, në kuadër të reformës në drejtësi. Me anë të kësaj letre ai e vë në dijeni këtë Këshill dhe i kërkon atij të shprehet lidhur me këtë anomali.

Këshilli i Lartë gjyqësor duhet të shprehet, është një kompetencë që i takon në mënyrë Kushtetuese, sepse KLGJ është një strukturë sovrane, ai nuk varet nga askush, vendimet që ata marrin i marrin me koshiencën e tyre morale, intelektuale, profesionale dhe ata e kanë marrë një vendim në përputhje me këtë koshiencë, dhe vendimi është disi i çuditshëm.

Mua më ka lënë gojëhapur dhe kam përshtypjen se ka lënë gojëhapur shumë njerëz. Ata kanë marrë vendimin që të konsultohen me OPDAT dhe EURALIUS të cilat janë dy struktura të monitorimit ndërkombëtar sidomos në kuadër të reformës në drejtësi.

Ky ka qenë vendimi i marrë nga Këshilli i Lartë Gjyqësor i cili është një strukturë sovrane, kushtetuese, që do të thotë se nuk ka asnjë arsye se pse ata duhet të konsultohen me ndonjë faktor tjetër publik në tokë apo edhe në qiell.

Ky vendim sipas meje komromenton këtë këshill, e komprometon që në momentin e poarë kur ata janë gati duke përuruar mandatin  e tyre, detyrën që ata kanë marrë. Ata e kanë përuruar në mënyrë të ndrojtur, në mënyrë ngalakaqe, frikacake.

Ne prisnim që ata me kurajo me guxim të merrnin një vendim pavarësisht pasojave apo efektit që do kishte vendimi i tyre në opinionin publik, pavarësisht nga ky reagim “kontrovers” do mund të provokonte opinionin politik apo zemërimin  e ndonjë pale politike, kjo është një kosto që këta njerëz duhet ta paguajnë sepse janë zgjedhur për këtë  punë, për të marrë vendime, dhe ata duhet ti dalin për zot detyrës që kanë marrë përsipër.”-tha Mustafa Nano.

LEXO TE PLOTE