Politikë
“Të përgatitur për valën e dytë të infektimit”/ Rama: Së shpejti masterplani i rimëkëmbjes
Kryeministri Edi Rama vijon të theksojë se virusi është ende mes nesh dhe do vazhdojë të jetë për një kohë të gjatë.
Rama thotë se qeveria është përgatitur për mundësinë e një vale të dytë infektimesh.
“Virusi është mes nesh dhe do te jetë për një kohë të gjate sic thuhet nga të gjithë, botërisht.
Na duhet shumë kujdes, ne jemi të përgatitur edhe për mundësinë e një vale te re infektimesh.
Vazhdojmë punën me strukturat tona të shëndetësisë”, tha Rama.
Më tej ai deklaroi se duhet një shtysë e fortë për rimëkëmbjen e ekonomisë.
“Jemi duke punuar ditë natë për një plan të përgjithshëm të rimëkëmbjes që bazën e ka në atë që ishte plani së bashku me rindërtimin. Tani kërkon një rishikim të plotë sepse kushtet kanë ndryshuar si rezultat i Covid. Shumë shpejt do të kemi masterplanin e rimëkëmbjes, do ta kalojmë këtë situatë të krijuar si pasojë e koronavirusit”, tha Rama./CNA.al
Politikë
A do të shembet Teatri Kombëtar?/ Rama i vë “vulën” debatit: Nuk bëj asnjë hap pas, mezi pres të…
Kryeministri Edi Rama ka theksuar sot se nuk do të bëjë asnjë hap pas në lidhje me çështjen e Teatrit Kombëtar.
Në një bashkëbisedim me gazetarët, kreu i qeverisë theksoi se teatri duhet të shembet dhe Shqipëria të ketë një Teatër Kombëtar të denjë.
“Është një proces për të cilin unë jam shprehur, tanimë nuk e di sa vite u bënë, dhe jam njeriu i fundit që duhet të pyesni për të bërë një hap mbrapa. E kam thënë që në vitin ‘98-99, që ajo godinë duhet shembur dhe Shqipëria të ketë një Teatër Kombëtar të denjë për këtë emër. Mezi pret të shoh të ndërtohet Teatri i ri Kombëtar”-tha Rama./ CNA.al
Politikë
PS dhe LSI drejt një koalicioni?/ Rama jep përgjigjen e prerë
Kryeministri Edi Rama ka mohuar që në të ardhmen të ketë një koalicion mes PS dhe LSI.
Gjatë një konference për mediat, kreu i qeverisë tha se nuk do të bëjë koalicion me “partinë e presidentit”, duke iu referuar kështu Ilir Metës.
“Nuk ka asnjë mundësi për koalicion me partinë e presidentit, Degradimi i vazhdueshëm i asaj force politike, detyrimet tona programore dhe bindja jonë se për ne është e mjaftueshme të flasë puna dhe në bazë të punë, bëhet një aleancë me popullin. Për mua kjo është e mjaftueshme. Nuk kemi asnjë arsye që të mendojmë në këtë drejtim”-tha Rama./ CNA.al
Politikë
Legalizmi i kanabisit/ Rama: Nuk jemi konsultuar me delegacionin e KE-së
Kryeministri Edi Rama ka treguar se me cilët ekspertë po konsultohet për legalizimin e kanabisit mjekësor
Gjatë bashkëbidesimit me gazetarët, Rama u shpreh se për draftin nuk janë konsultuar me BE-në, por me ekspertë të fushës të disa vendeve ku ka pasur eksperienca të legalizimit të hashashit për arsye mjekësore.
” Nuk jemi konsultuar me delegacionin e KE-së për projektin, as unë nuk e thashë. Nuk ka asnjë vlerësim për këtë rast, pasi e vërteta është që nuk ka asnjë konsultim të bërë me delegacionin e BE-së me këtë projekt, konsultimet i kemi bërë me ekspertë të fushës në disa vende ku ka pasur eksperienca jo të legalizimit të hashashit, por futjes në jetën ekonomike dhe veprimtarinë sipërmarrëse të vendit të përpunimit të kanabisit mjekësor” tha Rama./CNA.al
