Connect with Us

Rreth 80 mijë të vdekur nga koronavirusi në SHBA 

Bota

Rreth 80 mijë të vdekur nga koronavirusi në SHBA 

Publikuar

-

Administrata Trump është përqëndruar tek hapja e ekonomisë dhe vendimet e shteteve për të lehtësuar kufizimet ndërsa po përballet me raste infeksionesh me koronavirus në mesin e stafit të Shtëpisë së Bardhë.

Të paktën dy punonjës të Shtëpisë së Bardhë janë testuar pozitive ndaj COVID-19, në mesin e tyre sekretarja e shtypit e Nënpresidentin Mike Pence. Një zëdhënës i zotit Pence tha se Nënpresidenti është testuar negativ dhe se nuk ndodhet në karantinë, por do të vazhdojë të ndjekë këshillat e njësisë mjekësore të Shtëpisë së Bardhë. Ndërkohë doktor Anthony Fauci, eksperti kryesor i Shtëpisë së Bardhë në luftën kundër koronavirusit, ndodhet në vetëizolim edhe pse është testuar negativ.

Dy anëtarë të tjerë të lartë të grupit të punës ndaj koronavirusin në Shtëpinë së Bardhë, shefi i Administratës së Ushqimit dhe Ilaçeve Stephen Hahn dhe drejtori i Qendrave për Kontrollin dhe Parandalimin e Sëmundjeve Robert Redfield ndodhen gjithashtu në vetëizolim për dy javë, pasi kanë pasur kontakte me një person të infektuar.

Të hënën në SHBA u regjistruan më shumë se 1.3 milionë njerëz të infektuar nga virusi ndërsa rreth 80 mijë vetë kanë vdekur. New York, shteti më i goditur i SHBA me gati 27,000 të vdekur, pritet të rihapë disa biznese të premten, pas vendimesh të ngjashme në shumë shtete të tjera të cilat kanë pasur një numër më të vogël infeksionesh.

LEXO EDHE:  Detajet-Tronditet Vlora/Ekzekutohet kreu i OSHEE dhe biznesmeni

Si pjesë të planit për rihapje Guvernatori i Nju Jorkut Andrew Cuomo urdhëroi testimin e detyrueshëm për koronavirus dy herë në javë për shtëpitë e pleqve në shtetin e tij. Në konferencën e tij të së dielës zoti Cuomo tha se azilet, rreth 600 gjithësej, të cilat nuk plotësojnë kërkesat e reja do të humbasin licensën. Të moshuarit përbëjnë një të pestën e rasteve të vdekjeve në New York ose rreth 5.300 persona. Zoti Cuomo është kritikuar për shpërfillje të kësaj grupmoshe një akuzë që ai e ka kundërshtuar. Sipas rregulloreve të reja, spitalet nuk do t’i nxjerrin pacientët qe vijnë nga azilet e pleqve, nëse ata nuk rezultojnë fillimisht negativ ndaj COVID-19./ VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Rritet përqindja e infektimit në Gjermani

Publikuar

-

Nga

Në Gjermani pas lirimit të masave kufizuese rritet përqindja e riprodhimit të virusit më shumë se 1. Por ende nuk dihet si do të reflektohet kjo në shifrat reale te infektimeve, sipas Institutit Robert Koch në Berlin.

Lirime të tjera të masave kufizuese kanë filluar të hënën në shumë vende europiane. Edhe në Gjermani kthehet pak më shumë normalitet për qytetarët, por masat dallojnë nga njëri vend në tjetrin. Nga ana tjetër skepticizmi për lirimin e këtyre masave dhe pasojat që mund të kenë ato për dinamikën e pandemisë së Coronës mbeten. Në Gjermani për shembull përqindja e riprodhimit të virusit është rritur më shumë se 1 në dy ditët e fundit.

Aktualisht kjo shifër është më shumë se1,13, që do të thotë se 10 persona infektojnë 11 persona të tjerë. Instituti Shkencor gjerman që këshillon qeverinë, Robert Koch, RKI e bëri të ditur këtë të hënën. Gjithmonë është theksuar, se për të mbajtur nën kontroll epideminë kjo vlerë duhet të jetë nën 1. Por për shkak të lëkundjeve statistikore nuk është ende e qartë, nëse do të ketë një rritje të re të rasteve të infektimeve.
Numri i infeksioneve në Gjermani kap aktualisht shifrën e 169.800 raste, sipas RKI. Të paktën 7.444 vetë kanë ndërruar jetë si pasojë e virusit. 145.600 vetë janë ndërkohë të shëruar. Por si në vende të tjera edhe Gjermania llogarit me një shifër më të lartë, se ajo në statistika. Më shumë infektime ka në Bavari, Renabi-Veriore Vestfali e Baden Vyrtemberg. Megjithatë në Gjermani vazhdon trendi i lirimit të masave, pas vendimit të qeverisë me landet që masat e mëtejshme të vendosen nga vetë landet në vazhdim të zhvillimit të epidemisë. Strategjia gjermane është masa të diferencuara në bazë të rajoneve./DW

LEXO TE PLOTE

Bota

Protesta kundër masave të Coronës në Gjermani, sinjal për radikalizim?

Publikuar

-

Nga

Reagime të shqetësuara në Gjermani pas protestave të fundjavës kundër kufizimeve për shkak të pandemisë. Frikë nga marrja peng e protestave prej ekstremistëve të djathtë e keqpërdorimit të tyre nga forca antidemokratike.

Pas demonstratavee kundër masave kufizuese që janë marrë në kuadër të pandemisë së Coronës, politikanë kryesorë gjermanë shprehin shqetësimin e paralajmërojnë nga radikalizimi i tyre. Kush e mohon një pandemi dhe bën thirrje për shkelje të masave mbrojtëse, përdor paturpësisht pasigurinë e njerëzve për të destabilizuar e ndarë shoqërinë, tha bashkëkryetarja e Partisë Socialdemokrate, SPD, Saskia Esken për gazetat e grupit Funke Mediengruppe. “Të heqësh vështrimin e të heshtësh nuk ndihmon. Këtu duhet të dalim kundër si demokratë të aftë për debat.” Esken theksoi, se dhuna kundër policëve nuk duhet të tolerohet ashtu edhe sulmet ndaj gazetarëve.

Edhe Sekretari i Përgjithshëm i CDU-së, Paul Ziemiak, mbajti qëndrim të qartë. “Ne nuk lejojmë që ekstremistët të përdorin krizën e Coronës si platformë për propagandën e tyre armiqësore kundër demokracisë”, tha Ziemiak. Shqetësimet e njerëzve ne i marrim seriozisht, por duhet të veprojmë me konsekuencë kundër atyre që i nxehin edhe më shumë shqetësimet e njerëzve me teori konspirative e lajme të rreme.

Protestat rrezikohen të merren peng nga ekstremistët e djathtë

Protestat kanë sjellë shqetësim, sepse në disa prej tyre mes demonstruesve janë përzier ekstremistë të djathtë dhe përkrahës të teorive konspirative. Zëvendëskryetari i grupit parlamentar të Të Gjelbërve në Bundestag, Konstantin von Notz u shpreh, se është legjitime të kritikosh masat dhe të shprehësh pakënaqësinë. “Por shkojnë e bashkohen të gjithë ata, që vënë pikëpyetje mbi sistemin dhe politikanët i quajnë marioneta të George Soros apo Bill Gates”, tha von Notz për gazetën “Die Welt”.
Sipas drejtorit të Zyrës Federale të Kriminalistikës, Holger Münch teoricienët konspirativë e “kanë pritur me mirënjohje” temën e virusit Corona. Të hënën në Berlin ai tha, se në javët e para të pandemisë nuk ka pasur më shumë përmbajtje të tilla, sepse virusi luante një rol më të madh. Me fillimin e demonstratave, filluan sidomos aktorë të spektrit të ekstremit të djathtë të përpiqen të marrin peng protestat e qytetarëve. Kërkohet më shumë shpjegim për virusin, si edhe për mundësitë e mbështetjes ekonomike, që protestat të mos marrin përmasa shqetësuese. Münch e sheh si të mundur, që të ketë zhvillime të përafërta me ato gjatë krizës së refugjatëve.
Reagime shkaktoi të hënën edhe një letër e një punonjësi të Ministrisë së Punëve të Brendshme gjermane, në të cilën ai e sheh me dyshim strategjinë kundër pandemisë së Coronës-duke përdorur për këtë logon zyrtare të departamentit të tij. Sipas raportimeve të mediave, ai bën fjalë për “alarm global të gabuar”. Ministria Federale e hodhi poshtë këtë letër duke e cilësuar si “mendim privat”. Sipas “Spiegel” ky punonjës u lirua nga funksionet./DW

LEXO TE PLOTE

Bota

Kryetari i Bashkisë së Londrës thirrje qytetarëve/ Mos përdorni transportin publik

Publikuar

-

Nga

Kryetari i bashkisë së Londrës në Britaninë e Madhe, Sadiq Khan, u ka kërkuar njerëzve që të vazhdojnë të qëndrojnë në shtëpi dhe të mos e përdorin transportin publik, pas njoftimit të qeverisë për lehtësime në masat e izolimit.

Ai tha për BBC se të hënën, ka pasur një rritje prej 10% në përdorimin e transportit të metrosë në Londër, krahasuar me të njëjtën kohë javën e kaluar.

“Mesazhi kryesor nga kryeministri mbrëmë dhe unë sot është që të mos përdorin transportin publik. Transporti publik është vetë për punëtorët thelbësorë”, tha ai.
Më 10 maj, kryeministri i Britanisë së Madhe, Boris Johnson, tha se nuk do të ketë dalje të menjëhershme nga izolimi, por do të fillojë lehtësimi gradual i masave.
Në një konferencë për media në Londër, Johnson shpalli disa prej masave që do të lehtësohen, duke filluar nga kjo javë./CNA.al

LEXO TE PLOTE