Connect with Us

Kthjellime dhe vranësira/ Kapriçot e motit për javën e ardhshme

Sociale

Kthjellime dhe vranësira/ Kapriçot e motit për javën e ardhshme

Publikuar

-

Shërbimi Meteorologjik Ushtarak ka publikuar parashikimin meteorologjike për javën që vjen.
Ditën e hënë do të ketë mot me alternime kthjellimesh dhe vranësira.

Ditën e martë reshjet e shiut me intensitet të ulët do të prekin pjesën veriore dhe lokalisht atë qendrore të vendit deri në orët e mesditës. Ditën e mërkurë orët me diell do të mbizotërojnë në pjesën më të madhe të vendit.

Ditën e enjte dhe të premte parashikohet të ketë mot me alternime kthjellimesh dhe vranësira.
Era do të jetë kryesisht nga kuadrati i jugut 2-10m/s, e cila përgjatë vijës bregdetare dhe zonave pranë tyre, ditën e martë dhe të enjte, do të fitojë intensitet deri në 20m/s.
Në fushën termike pritet rritje graduale e temperaturave, më e ndjeshme në vlerat e mesditës./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Humbi dy prej fëmijëve/ Gjylameti dedikim prekës për nënën: Je burim force!

Publikuar

-

Nga

Deputetja e PS, Blerina Gjylameti ka kujtuar Ditën Ndërkombëtare të Nenave. Gjylameti ka uruar nënën e saj, e cila ka humbur dy prej fëmijëve të saj.

Në mesazhin e saj, deputetja e përshkruan si burim force dhe mbështetjeje në çdo çast vështirësie.

“Gëzuar ditën e nënës e shtrenjta ime !
Mirësi, urtësi dhe sakrificë për të na rritur plot e përplot me dashuri. Buzëqeshje pafund dhe atëherë kur zemra të pikon vetëm që ne të shohim botën plot ngjyra. Je burim force dhe mbështetjeje në çdo çast vështirësie!”, shkruan Gjylameti./CNA.al

LEXO TE PLOTE

Sociale

Besoni dhe falenderoni Perëndinë

Publikuar

-

Nga

Pavarësisht një parashikimi të trishtë, deri makabër për pasojat nga infektimi me koronavirus nëpër botë, fatmirësisht, po shohim se kurba treguese e të infektuarve dhe vdekjeve, nga ky virus, po bie ndjeshëm çdo ditë dhe për këtë fakt njerëzit po çlirohen gjithnjë e më shumë nga karantinimi, fashat e orareve të lëvizjes, të punës, të argëtimit po rriten dhe çdo ditë e më tepër njerëzit po i rikthehen normalitetit.

Çdo kush mund të thotë që kjo është merita e shtetarëve për masat e pazakonta të gjendjes së jashtëzakonshme, që morën për mbrojtjen e popullit e tyre, e mjekëve për vetmohimin e tyre në shërbim të pacientëve të infektuar, e policëve e ushtarëve që ruajtën rendin dhe e gjithë qytetarve të përgjegjshëm që u karantinuan dhe u kujdesën jo vetëm për jetën e tyre, por edhe të të tjerëve.

Vërtet të gjithë këta aktorë të dukshëm për përmirësimin e gjendjes kanë meritën e tyre dhe meritojnë një falenderim për parandalimin e infeksionit dhe pasojat nga Covid-19.
Por nqs shikojmë në mënyrë më analitike e gjitha kjo zmbrapsje e mrekullueshme e vrullit vrastar të koronavirusit nuk është vetëm meritë njerëzore, përkundrazi njerëzit me dashje apo pa dashje mund ta kenë keqmenaxhuar dhe keqpërdorur koronavirusin, duke e rënduar situatën. Pse?

Shtetarët e vendeve të prekuara nga Covid -19 edhe pse morën masa ekstreme karantinimi, shtetrrethimi, ato ishin ose të vonuara, ose të tepërta, duke krijuar, gjithashtu, probleme me pasoja psikologjike, sociale, ekonomike në njerëzit. Disa fshehën origjinën e krijimit të virusit duke e vonuar zgjidhjen e problemit. Të tjerë abuzuan me shantazh për përfitime elektorale, ekonomike dhe zona influecash në tregun global, duke e shtuar akoma më shumë rrezikun e kësaj pandemie, jo vetëm për shëndetin, ekonominë, por dhe për sigurinë e paqes në botë. Me gjëndjen e krijuar paqja e brishtë mund të cënohet nga përplasje verbale me akuza dhe kundërakuza mes shtetesh superfuqi, në përplasje të drejpërdrejta ushtarake që mund të jenë katastrofike për të ardhmen e njerëzimit.

Mjekët edhe pse u treguan në përgjithësi human dhe vetmohues, përsëri spitalet u kolapsuan edhe duke mos gjetur terapinë e duhur për trajtimin e pacinëve. Ky fakt tregoi dobësinë e mjekësisë pëballë këtij virusi. Së fundmi, po dëgjojmë fakte që po bëhen më pak konspirative, se është abuzuar me terapinë ndaj pacientëve duke rrezikuar jetën e tyre si edhe me numrin e vdekjeve prej virusit me rritje të shifrave në mënyrë falsifikuese dhe për këtë problem kanë nisur hetime nga prokuroritë e vendeve të prekuara me më shumë viktima .

Shkencëtarët që merren me ekzaminimin dhe parandalimin e mikrobeve dhe viruseve thonë se akoma nuk e kanë gjetur vaksinën, madje në disa eksperimente me njerëz nuk ka dhënë rezultat. Ka zëra gjithnjë e më të fortë nga kopetentë të fushës si mjek, shkencëtarë dhe biologë, se vaksina është një tjetër spekullim, pasi nuk mund të ketë një vaksinë për një koronavirus që bën mutacione të përvitshme. Nga ana tjetër po thuhet se me anën e vaksinës, që po kërkohet t’u imoponohet njerëzve të panikosur, duan që kompanitë e farmaceutikës të sigurojnë përfitime marramendëse dhe mbi njerëzit të vendoset kontrolli elektronik me mikroçip, me pretekstin për të kontrolluar përhapjen e virusit, por e vërteta është që forca të fsheta okulte duan të fusin njerëzimin në një “Big Brother” gjigand, ku njerëzimi do humbasë përfundimisht lirinë dhe normalitetin e jetës.

Kjo situatë fatkeqe edhe pse duhet të jetë një periudhë solidariteti, ku njerëzit e pasur të ndihmonin të varfërit, thuhet se po përdoret që të pasurit, bankierët, biznesmenët, politikanët,matrapazët etj, të bëhen më të pasur edhe të varfërit më të varfër deri në mjerim duke polarizuar më shumë pabarazinë sociale që nesër mund të jetë shkak parësor i konflikteve sociale.

Nqs vërtetohet ashtu si po thuhet nga president, shkenctar, mjek se virusi nuk është një mutacion gjenetik i rastësishëm nga lakuriqi tek njeriu, por një armë biologjike e prodhuar nëpër laboratore, atëhere vërtetë kemi arritur në fund të humanizmit, ashtu si na është thënë se kur të vijë ajo kohë e fundit: “njeriu do hajë njeriun”
Por fatmirësisht, bota, krijesa dhe njerëzimi nuk janë produkt i rastësisë dhe në mëshirën e fatit, djallit, ligësisë, lakmisë, poshtërsisë e çmendurisë së njerëzve me pushtet, apo ata që kontrollojnë pushtetet tokësore, por janë nën Providencën (Përkujdesjen) e Perëndisë.

Sipas Biblës dhe teologjisë së krishterë Perëndia është Krijuesi edhe Ai që kujdeset për botën. Menjëherë pasi Perëndia krijoi botën, pasuan ligjet natyrore, me anë të së cilave qeveriset bota. Megjithatë Perëndia, nuk e lejoi botën të zhvillohet dhe përparojë vetëm mbi bazën e ligjeve natyrore, por Ai si Trashedent dhe Imanent qëndroi mbi krijimin si Krijuesi i ditur i saj, duke e mbikëqyrur dhe e drejtuar atë.

Sa herë që është e domosdoshme, Perëndia ndërhyn për ta drejtuar krijimin drejt përmbushjes së qëllimeve të Tij sublime, që Ai paracaktoi dhe do të realizohen patjetër deri në fund të kohës dhe përtej saj. Ky kujdes dhe kjo mbikqyrje e vazhdueshme dhe e drejtpërdrejtë nga Perëndia për botën, për përmbushjen finale të misionit dhe paracaktimit të saj quhet Providencë Hyjnore.

Kjo Providencë Hyjnore është shtrirja dhe plotësia e krijimit hyjnor. Krijimi dhe providenca (përkujdesja) janë energjitë e Perëndisë që janë të ndërvarura dhe reciprokisht plotësuese. Providenca Hyjnore është e dyfishtë në karakteristikë, e dyfishtë në natyrë dhe në formë si: Providencë (Përkujdesje) për mirëmbajtjen e botës, dhe providencë për drejtimin dhe ndihmën e qënieve të botës dhe veçanërisht për njeriun ikona e krijuar e Perëndisë, drejt realizimit të qëllimit të ekzistencës dhe jetës së tij tokësore.

Përkujdesja më e madhe e Perëndisë Atë për ne, njerëzit është dhurimi i të vetëmlindurit Bir dhe Fjalë e Perëndis, i cili për ne njerëzit dhe shpëtimin e botës zbriti prej qiejve dhe me anën e Shpirtit të Shenjtë dhe Gjithmonëvirgjerëshës Mari u bë njeri, Jisu Krisht, ashtu si thotë edhe Ungjillori Joan: “Sepse Perëndia e deshi aq shumë botën, sa dha Birin e tij të vetëmlindurin, që, kushdo që beson në të, të mos humbasë, por të ketë jetë të përjetshme. Sepse Perëndia nuk e dërgoi Birin e vet në botë që ta dënojë botën, por që bota të shpëtohet prej tij. Ai që beson në të nuk dënohet, por ai që nuk beson tashmë është dënuar, sepse nuk ka besuar në emrin e Birit të vetëmlindur të Perëndisë.”(Joani 3 16 -18)

Jisu Krishti Biri i Perëndisë dhe Biri i Njeriut i mësoi njerëzit për këtë providencë të Perëndisë, e cila kujdeset për më të voglat e krijesave deri tek mikrobet, aq më shumë për njeriun të krijuar sipas ikonës së Perëndisë, Ai thotë “Im Atë vepron deri më tash, edhe Unë veproj”(Joani 5 17) “Vini re zogjtë e qiellit; ata nuk mbjellin, nuk korrin dhe nuk mbledhin në hambare; megjithatë Ati juaj qiellor i ushqen”.( Mateu 6:26)
“A nuk shiten vallë dy harabela për një aspër? Dhe megjithatë asnjë prej tyre nuk bie për tokë pa dashjen e Atit tuaj”(Mateu 10:29) dhe duke vazhduar Ai thotë në lidhje me njerëzit: “Sa për ju, madje të gjitha fijet e flokëve të kokës suaj janë të numëruara” (Mateu 10:30)

LEXO EDHE:  “Përvëlohet” Tirana/ Ja sa pritet të shkojnë temperaturat

LEXO EDHE:  Surprizat e motit/ Mësoni çfarë pritet për orët në vijim

Por Perëndia Atë, nëpërmjet Krishtit nuk përkujdeset vetëm për mirëqënien fizike të njerëzve në këtë kohë dhe botë kalimtare, por mbi të gjitha për shpëtimin e përjetshëm me shlyerjen e mëkateve të tyre nga ku merr pushtet çdo e keqe, sëmundje e vdekja shpirtërore edhe trupore. Apostull Pavli na thotë se: “Biri i Perëndisë, duke qënë shkëlqimi i lavdisë së Tij, vula e qënies së Tij dhe duke i mbajtur të gjitha me fjalën e fuqisë së Tij, pasi e bëri vet pastrimin nga mëkatet tona, u ul në të djathtën e Madhërisë në vendet e larta”.(Hebrejnve 1 -3)

Prandaj vetëm nëpërmjet Krishtit, njerëzit që i besojnë Atij si Zot edhe Shpëtimtar kanë mundësinë t’u falen mëkatet nga Perëndia, t’u shërohen sëmundjet edhe nqs duhet të vdesin ata do të shkojnë në Mbretërinë e Perëndisë, ashtu si përsëri apostulli thotë: Ai (Perëndia) na nxori nga pushteti i errësirës dhe na çoi në Mbretërinë e Birit të Tij të dashur” (Hebrenjve 1:3) ku: “Vetë Perëndia do të jetë bashkë me ta, Perëndi e tyre.Dhe Perëndia do të thaijë çdo lot nga sytë e tyre; dhe vdekja nuk do të jetë më; as brengë, as klithma, as mundim, sepse gjërat e mëparshme shkuan.” (Zbulesa 21 3-4):

Providenca e Perëndisë nëpërmjet Krishtit në këto kohë të fundit është e veçantë, jo sepse Zotit i duhet më shumë energji dhe kohë që të meret me botën, por përkujdesja e Tij është më e madhe, ashtu siç thotë edhe Shkrimi :”Por aty ku mëkati është i tepruar, hiri është akoma më i tepërt.”(Romakve 5:20)
Shën Pais Agjioriti thotë: “Perëndia i mirë botën e sotme e ruan me dy duart, kurse më parë me një dorë. Kështu, Krishti, e Tërëshejnta, shejntorët hidhnin vetëm një shikim për të parë botën. Sot Krishti ,e Tërëshejnta, shejntorët me një dorë kapin njërin me tjetrën tjetrin, sepse njerëzit nuk janë të ekulibruar.” Tani është një situatë e tillë.. Perëndia na ruajtë!

Gjatë kësaj periudhe kritike jo vetëm besimtarët që besojnë në providencën e një Zoti personal, Krijues dhe Shpëtues, por edhe gnostikët madje edhe ateistët duke u ndjerë të dobët dhe të rrezikuar përpara këtij armiku të padukshëm dhe tinëzar që nuk kursen askënd pavarësisht pozitës, pasurisë, kulturës, dijes dhe besimit, të gjithë thirrën të paktën njëherë: “o Zot na shpëto!”; “O Zot na shëro!”
Edhe vërtet në mënyrë të mrekullueshme, Zoti po na shpëton, po na shëron, pavarësisht se ka njerëz skeptik që nuk duan ta pranojnë këtë fakt dhe nënqeshin me ironi.
Por këta nuk mund ta mohojnë faktin që edhe pse nuk kemi një profilaksi kuruese, vaksinë parandaluese, përsëri forca e virusit për infektim dhe vdekshmëri po bie gjithnjë e më shumë. Pse ?

Atëhere ose kemi një mrekulli hyjnore që duhet ta pranojmë dhe të themi të gjithë faleminderit Zotit, ose koronavirusi-Covid 19 është mashtrimi më i madh i bërë njerëzimit nga të djallëzuarit.
Por edhe sikur Covid 19 të jetë mashtrim i njerëzimit, nga forcat e errta okulte dhe antikrishte, përsëri në zbulimin e këtij mashtrimi botëror ka meritë Zoti Jisu Krisht, i Vërteti, i Cili thotë për veten: “Unë kam ardhur si drita në botën,që kushdo që beson në mua të mos mbetet në errësirë” (Joani 12 46) dhe apostull Joani thotë:” Prandaj është shfaqur Biri i Perëndisë: për të shkatërruar veprat e djallit.”(1 Joanit 2:8)

Për njerëzit racionalë që e kanë vështirë të besojnë pa parë shenja se Perëndia ekziston dhe vepron, shenja ju dha. Edhe pse këtë vit Pashka Orthodhokse nuk u celebrua në mënyrë festive sipas traditës paskale, pasi, si kurrë ndonjëherë, besimtarët u detyruan të rrinë në shtëpi të karantinuar, përsëri Zoti që nuk mund të karantinohet i dëgjoi lutjet e tyre dhe e tregoi praninë e tij mrekullibërëse në botën e kohës tonë.
Në të Shtunën e Madhe para Pashkës në Jeruzalem në Varrin e Shejtë të Krishtit u shfaq Drita e Shejntë e Orthodhoksëve duke ndezuar 33 llambadhat e Patriarkut Orthodhoks të Jeruzalemit. Kjo është shejna e përvitshme që u jepet nga Perëndia orthodhoksëve dhe botës se Jisu Krishti është Zot i gjallë, i pavdekshëm dhe jeta e njerëzve.
Shfaqja e Dritës Hyjnore është shpresa e madhe se njerëzimi nuk do t’i dorëzohet të keqes të paktën edhe këtë vit 2020, duke pritur të shfaqet edhe vitin tjetër, sepse kur Drita e Shejntë nuk do shfaqet do jetë një nga shenjat se e keqja do sundojë mbi njerëzimin.

Pas Pashkës, ashtu siç po shohim çdo ditë, virusi po humbet fuqinë, kështu djalli, antikrishtët edhe këtë herë nuk do triumfojnë mbi njerëzimin, por “do të shpërndahen si tymi në erë dhe do të shkrihen si dylli para zjarrit”.
Së fundmi, disa mashtrues të mashtruar për të humbur gjurmët e punëve të tyre të liga na thonë që shkaku i kësaj të keqe është zemërimi i Perëndisë dhe: “po u sëmurët dhe vdiqët është shkaktar Ai, por nëse jetoni ju shpëtuam ne”. Këta janë “krisht” të rremë që vijnë nga toka, pararendësit e Antikrishtit, mos u besoni as mos i falenderoni, sepse duan t’ju mashtrojnë dhe shkatërrojnë, ashtu si Zoti Krisht na paralajmëroj:”Sepse do të dalin krisht-ë të rremë dhe profetë të rremë dhe do të bëjnë shenja e çudi për të gënjyer, po të jetë e mundur, edhe të zgjedhurit. Por ju kini kujdes; ja, unë ju paralajmërova çdo gjë”(Marku 13″22)

O njerëz besoni dhe falenderoni Perëndinë e vërtetë, sepse vetëm me Providencën Hyjnore nëpëmjet Zotit Jisu Krishtit me hirin e Shpirtit të Shenjtë me ndërmjetimin e Tërëshenjtës Mari, engjëjve dhe shenjtorëve bota ka shpëtuar nga ligësia e djallit dhe të djallëzuarve dhe do shpëtojë edhe këtë herë.
Prandaj vetëm Perëndisë Triadik, Atit, Birit dhe Shpirtit të Shenjtë i takon falenderimi, nderimi dhe adhurimi në jetë të jetëve. Amin.
Miron Çako.

LEXO TE PLOTE

Sociale

Krah Kirit dhe të ëmës/ Rudina Hajdari mesazh për nënën: Na rrite me shumë sakrifica

Publikuar

-

Nga

Deputetja e opozitës, Rudina Hajadari, ka uruar Ditën Ndërkombëtare të Nënës.
Ajo ka postuar në Instagram një foto, ku shfaqet krah vëllait të madh Kirit dhe të ëmës, gjyqtares Fatmira Hajdari.

Deputetja falenderon të ëmën për sakrificat e saj gjatë rritjes së dy fmijëve .
Hajdari shpreh mirënjohjen në mënyrë të veçantë edhe për nënat që sot janë mjeke e infermiere, apo farmaciste, pasi po luftojnë çdo ditë për t’u kujdesur për shoqërinë.

“Sot festohet Dita e Nënës në Shtetet e Bashkuara të Amerikës e në vende të tjera të botës. Nëna është personi më i rëndësishëm në jetën tonë sepse ne aty gjejmë forcën. Sot dua të falenderoj jo vetëm nënën time, por të gjithë nënat që punojnë kaq fort për të edukuar fëmijët, dhe për t’i rritur me shumë sakrifica. Dua në mënyrë të veçantë të falenderoj ato nëna që sot janë mjeke e infermiere, apo farmaciste. Sot ju po luftoni më shumë se kurrë me dashurinë e nënës për t’u kujdesur për shoqërinë tonë’, shkruan Rudina Hajdari krahas fotos./CNA.al

 

LEXO TE PLOTE