Connect with Us

Rrëfimi i talenit të QPR-së që ëndërron kombëtaren shqiptare

Kombëtare

Rrëfimi i talenit të QPR-së që ëndërron kombëtaren shqiptare

Publikuar

-

Broja dhe Dobra kanë rrëmbyer skenën për publikun shqiptar në kampionatin anglez, por atje është edhe një tjetër futbollist shqiptar i cili pak nga pak po i krijon hapësira dhe mundësi të rëndësishme vetes. Franklin Domi, mbrojtësi i talentuar i U21 të Shqipërisë, është bërë në vitin 2019 pjesë e QPR dhe shihet si një lojtar i cili mund të ketë të ardhme në radhët e këtij klubi.

Djaloshi ka treguar për faqen e klubit anglez disa kuriozitete rreth jetës së tij dhe përmirësimit që ka pasur në një vit, që kur ka firmosur me QPR. “Kam bërë shumë progres, si në fushë, ashtu edhe jashtë saj si një profesionist dhe si duhet të sillem. Në fushë më kanë ndodhur shumë, shumë gjëra të mira, si ftesa nga Shqipëria. Jam përmirësuar shumë, nëse shoh video të vetes të një viti më parë, mund të them se shumë gjëra i janë shtuar lojës time ndaj jam shumë i lumtur”, theksoi mbrojtësi i cili luan në qendër të prapavijës dhe në krahun e majtë.

Ai ka treguar emocionet e ftesës që mori në janarin e vitit 2019 nga Shqipëria U20, një moment krenarie për të. “Isha pa fjalë, në kulmin e entuziazmit. U ktheva në shtëpi dhe isha shumë i lumtur dhe i entuziazmuar. Familja ime ishte e lumtur për mia dhe ishte një moment të cilin unë do ta kujtoj gjithmonë. Bëmë një festë të vogël, një barbekju në janar, por ishte ngrohtë mjaftueshëm për një gjë të tillë. Unë mundohem gjithmonë të shkoj të takoj gjyshërit dhe familjarë të tjerë sa herë shkoj në Shqipëri për të luajtur”, tha futbollisti i cili është grumbulluar më pas gjatë vitit të kaluar me ekipin U21.

Domi e ka filluar karrierën si një mesfushor krahu por pastaj lëvizi në mbrojtje. Ndaj ai tregoi se idhujt e tij kishin ndryshuar me kalimin e kohës nga Mesi te emra si Roberto Karlos, Marcelo, Zhordi Alba, David Alaba dhe Endi Robertson, ndërsa mendon se ka lidhje me këtë të fundit.

Kur ishte në skuadrën e të rinjve të Enfilld Taun, ai financonte udhëtimet e tij për të luajtur duke punuar në një supermarket të enjteve dhe të dielave, ashtu si lojtari i Liverpulit bënte në periudhën kur ishte adoleshent. Djaloshi shqiptar shpreson që të ecë në të njëjtën rrugë si kapiteni i Skocisë. “Unë kam lexuar se në moshën 15-vjeçare e larguan nga Sëlltik se u dukej i vogël, por shiheni tani, ka fituar Ligën e Kampioneve. Disa histori futbollistësh janë shumë të bukura. Kjo histori më jep më shumë vetëbesim, kur e di se ka njerëz që ia kanë dalë duke qenë në të njëjtat kushte ku kam qenë unë.

Endi Robertson punonte, edhe unë gjithashtu Ai ia doli mbanë, kjo të jep një shtysë dhe të tegon se pavarësisht cdo gjëje, do të kesh gjithmonë një mundësi”, tha djaloshi i cili ishte huazuar te Istborn Borou në pjesën e dytë të sezonit për të luajtur rregullisht dhe shënoi që në ndeshjen e tij të parë atje.

Domi i ka idetë e qarta sa i përket objektivave që i ka vendosur vetes për të ardhmen. “Në periudhën afatgjatë, unë dua të mundohem të arrij dy gjëra. Unë dua të bëj debutimin tim me ekipin e parë të QPR dhe të stërvitem me Kombëtaren A të Shqipërisë”, deklaroi mbrojtësi i QPR: /vipsport.al/

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kombëtare

Dikur ishte e ardhmja e kombëtares shqiptare, ja ç’ka ndodhur sot Ergys Kaçen

Publikuar

-

Nga

Ergys Kaçe nuk e ka një skuadër aktualisht dhe po kërkon për shtëpinë e re në të cilët do të vazhdojë që të jetë pjesë për sezonet e ardhshme. Mesfushori shqiptar është 27-vjeç dhe karriera e tij nuk mund të quhet e përfunduar në këtë pikë, madje duhej të mbërrinte në kulmin e saj.

Për të është folur në të kaluarën edhe një mbërritje në Gjermani. Zyrtarizimi nuk erdhi kurrë pavarësisht fjalëve të menaxherit të Kaçes, ndërsa futbollisti shqiptar po kërkon një rikthim si në kohën e vjetër.



Pikërisht në skuadrën e Panathinaikosi, atje ku pati një ri shkëlqim në sezonin 2018-19, për t’u kthyer sërish në qendër të vëmendjes dhe për të vendosur karrierën në drejtimin e duhur.

Nga ana tjetër edhe te skuadra e njohur greke janë duke kërkuar një mesfushor, por në këtë moment mundësia për të marrë Kaçen e shohin disi më stepje. Në mediat greke raportohet se mesfushori është duke e kërkuar këtë aventurë të re dhe priten zhvillime në këto ditë të ardhshme.

LEXO TE PLOTE

Kombëtare

Sirena italiane për Baren, shikoni ku mund të transferohet mesfushori shqiptar

Publikuar

-

Nga

E ardhmja e Keidi Bares me shumë mundësi do të jetë larg Malagës. Klubi spanjoll kërkon ta shesë futbollistin shqiptar në mënyrë që të përfitoj financiarisht, duke qenë se kanë goxha probleme ekonomike.

Por, nëse para pak ditëve e interesuar për mesfushorin ishte vetëm Espanjol, së fundmi në horizont janë shfaqur edhe disa ekipe italiane ku më i rëndësishëm është interesimi nga ana e Udinezes.



Klubi nga Friuli po zhvillon sondazhe për fierakun, i cili pasi ka provuar shijen e La Liga me fanellën e Atletiko Madrid, tashmë mund të ketë shansin të luaj në një kampionat elitar të Europës siç është Serie A, e në këtë formë t’i bashkohej kolonisë shqiptare në Itali. Ndërkaq, pas Udinezes në listën e pretendenteve për Baren janë edhe Parma e dy ekipe të Serisë B si Pisa dhe Salernitana

LEXO TE PLOTE

Kombëtare

Theu karantinën dhe u gjobit, reagon futbollisti i Kombëtares shqiptare

Publikuar

-

Nga

Dita e djeshme nuk ishte aspak pozitive për Emanuele Ndojn. Mesfushori i Brescias theu rregullat e karantinës dhe u gjobit nga karabinierët italianë, teksa është denoncuar për veprimin e tij.

23-vjeçari i kombëtares kuqezi, ka qenë në listën e personave të infektuar me COVID-19 dhe duhet të qëndronte i izoluar. Dalja jashtë e tundoi, veprim për të cilin e pësoi.

Ndoj ka reaguar me anë të një postimi në rrjetet sociale, aty ku pranon gabimin e bërë, kërkon falje, teksa shpjegon ngjarjen e ndodhur.

Gabova, nuk duhet të dilja nga shtëpia. Më vjen keq dhe kërkoj falje. Thjesht doja të merrja pak ajër, pasi nuk dilja jashtë prej javësh.



Më fajësoni vetëm për këtë gjë. Nuk është mëkat veprimi im, sepse nuk kam vënë askënd në rrezik. Përshëndeta nga larg disa miq që i takova rastësisht dhe nuk jam ulur në asnjë bar.

Lokali kishte më shumë se një orë që ishte mbyllur, nuk kishte asnjë person aty. Pastaj, në testin e fundit dola negativ dhe e njëjta përgjigje do të dilte edhe në ditën pasardhëse.

Duhet të kisha durim, duhet të prisja testin e dytë. Dakord, e pranoj gabimin, por nuk do të vija askënd në rrezik“, shkruan mesfushori mirditor.

LEXO TE PLOTE