Connect with Us

ANALIZA/ Ja 5 arsyet pse kampionati duhet të luhet

Super Liga

ANALIZA/ Ja 5 arsyet pse kampionati duhet të luhet

Publikuar

-

Janë pesë arsye të forta pse kampionati shqiptar duhet të mbyllet me çdo mënyrë në bazë të kalendarit. Kategoria Superiore duhet të zhvillojë 10 ndeshje, ndërsa ekipet që shkojnë deri në finale të Kupës së Shqipërisë, edhe 5 takime të tjera.

Arsyeja e parë pse duhet luajtur është që ky sezon të mos mbetet një njollë në historikun e futbollit shqiptar si kampionati që u ndërpre dhe nuk vazhdoi më prej pandemisë.  Edhe në vitin 1997, pavarësisht situatës kritike në vend, sezoni u mbyll në verë.

Arsyeja e dytë që duhet të luhet patjetër është se verdiktet duhet të jepen në fushën e lojës dhe jo në tavolinë.

Gjithashtu, një tjetër arsye e fortë për të vazhduar deri në fund garën është evitimi i paragjykimeve që mund të ketë nga opinioni sportiv nëse merren vendime në tavolinë. Pra, për të shmangur polemikat rreth asaj që meritojnë ekipet për atë që kanë dhënë në fushë, atëherë duhet të luhet patjetër, në mënyrë që klubi kampion, ato që shkojnë në Europë apo zbresin nga kategoria, të vendosen në fushë.

Një arsye e fortë është edhe për futbollistët, të cilët duke luajtur javët e mbetura, do të mbeten në treg për t’u transferuar në verë në ekipe jashtë Shqipërisë.

Arsyeja e fundit, por jo e fundit për nga rëndësia janë të ardhurat e të drejtës televizive të Superiores./Panorama Sport

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sport

Jasir Asani rikthehet te Partizani, por i del një pengesë e papritur

Publikuar

-

Nga

Pandemia “COVID19” mund t’i kush tojë shumë Partizanit dhe ish-lojtarit të tij, Jasir Asani. Në merkaton e janarit të kuqtë e privuan veten nga shërbimet e 24-vjeçarit për pjesën e mbetur të sezonit duke e huazuar në Suedi, me shpresën që në qershor ta shisnin sulmuesin tek AIK Stokholm.

Pezullimi i aktiviteteve sportive në këtë periudhë nuk ka rezultuar me fat për sulmuesin nga Shkupi, i cili rrezikon të kthehet te Partizani pa luajtur me skuadrën suedeze në kampionat, ku sezoni i ri ishte planifikuar të niste më 4 prill. Asani u afrua nga AIK për të mbushur boshllëkun e lënë nga dëmtimi i mesfushorit Nabil Bahoui, i cili parashikohej të mos ishte gati deri në qershor.

Kontrata e huazimit nga Partizani tek AIK Stokholm mbaron në qershor dhe më tej hyn në fuqi klauzola e blerjes së kartonit të 24-vjeçarit nga suedezët. Nga ky transferim Partizani priste të përfitonte rreth 400 mijë euro. Situata e krijuar nga Koronavirusi, ku akoma nuk dihet se kur do të nisë kampionati në Suedi, ndonëse ekipet stërviten rregullisht, mund të bëjë që AIK të mos e ushtrojë të drejtën e blerjes së futbollistit të Partizanit edhe për faktin se Nabil Bahoui është drejt rikuperimit të plotë.

Prej kohësh ka patur një përplasje mediatike në Suedi rreth të ardhmes së Asanit te skuadra e kryeqytetit suedez. Në lidhje me këtë çështje, së fundmi për “FotbollDirekt” ka folur drejtori i përgjithshëm i AIK Stokholm, Bjorn Uestrom. Media suedeze raporton se ndërprerja e aktiviteteve sportive nga shpërthimi i pandemisë “COVID-19” mund të bëjë që Jasir Asani të mos luajë asnjë ndeshje në kampionatin suedez me AIK-un. I pyetur se si do të veprohet me të ardhmen e ish-sulmuesit të Partizanit, zyrtari i lartë i klubit suedez, Bjorn Uestrom, u shpreh:

“Vendimi për të ardhmen e Asanit do të merret përpara fundit të muajt maj”. Asani duket në formë dhe është përgatitur rregullisht me AIK-un në këtë periudhë, madje ka luajtur edhe tri ndeshje zyrtare të plota në Kupën e Suedisë, ku ka shënuar edhe një gol. E ardhmja mund të varet edhe nga kushtet e reja që AIK mund t’i kërkojë Partizanit, për të ulur çmimin.

LEXO TE PLOTE

Sport

Mesfushori i Kukësit ngre peshë tifozët: Do e përmbysim Tiranën

Publikuar

-

Nga

Vesel Limaj është larguar në Berlin që prej 15 marsit, por pas 7 javësh në Gjermani kërkon që të rikthehet në Tiranë dhe të jetë gati për rinisjen e mundshme të stërvitjes dhe aktivitetit. Në një intervistë të dhënë ekskluzivisht për “Panorama Sport” mesfushori tregon për situatën e krijuar nga “COVID19” në Gjermani dhe se si ai po e përjeton atë.

Ndihet “i bekuar” që të paktën nuk po i privohet mundësia që të dalë nga shtëpia për të kryer përgatitjet fizike, por në anën tjetër pret që një orë e më parë të riatdhesohet. Nuk kishte si të mos fliste për objektivat, ndërsa hapur e thotë që beson te titulli. Edhe pse Tirana është 9 pikë para, 23-vjeçari paralajmëron se në 10 javë mund të përmbysin gjithçka.

Çfarë do të thotë për një futbollist profesionist që të qëndrojë afro dy muaj pa dalë në fushë, qoftë edhe për stërvitje?

Normalisht që është shumë e vështirë për një futbollist që të qëndrojë gjatë pa luajtur, e aq më tepër pa u stërvitur dhe në karantinë. Ne jemi mësuar gjatë gjithë kohës në aktivitet, kjo është jeta jonë. Nuk duhet harruar asnjë detaj tjetër i rëndësishëm, biologjikisht trupi ynë nuk e përballon dot një pauzë të tillë, pasi kemi që në moshë të vogël që stërvitemi. Unë personalisht kam pasur mundësi që të dal të bëj stërvitje, ndonëse jo plotësisht. Por kur shoh që shumë futbollistë në Shqipëri apo shtete të tjera kanë pasur ndalesë totale për të dalë nga shtëpia, mendoj se jam më mirë. Nuk besoj që ka lojtarë që e kanë përjetuar mirë pandeminë, por është e kundërta.

Si po kalojnë këto ditë?

Po i kaloj me familjen time thuajse gjithë kohën e kjo ma ka lehtësuar disi atë dhimbjen e madhe psikologjike dhe trupore që jemi shkëputur kaq kohë nga futbolli i luajtur. Sa u përket stërvitjeve, unë bëj stërvitje individuale, po ashtu bëjmë dhe me trajnerin “online” së bashku me grupin.

Në Gjermani a janë ndier shumë pasojat e “COVID-19”?

Kjo është një situatë e çuditshme dhe e papërjetuar ndonjëherë. Të qëndrosh i mbyllur në shtëpi nuk është aspak gjë normale, të privohet liria në njëfarë mënyre është diçka shumë e dhimbshme. Sa i përket Gjermanisë, me thënë të drejtën, nuk e kam kuptuar edhe nuk e kam marrë vesh shumë, sepse kam qëndruar më shumë në shtëpi me familjen dhe këtu nuk ka pasur shumë panik si në vende të tjera, ku 24 në 24 flitet për pasojat e virusit dhe numrin e të vdekurve.

Kam qenë më i lirë, jo me kufizime të rrepta fare, po shpresoj që të kalojë kjo situatë sa më shpejt e të jetojmë siç kemi jetuar më parë. T’i kthehemi gjendjes sonë së mëparshme.

Çfarë prisni që të ndodhë?

Unë shpresoj dhe, me sa shoh, çdo gjë po kalon, të rinisë jeta si më parë dhe të rinisë futbolli. Këto janë dy dëshirat e mia. Natyrisht duke uruar që çdo gjë të kalojë sa me lehtë dhe pa pasoja, sidomos për njerëzit tanë dhe kombin tonë.

I keni kërkuar klubit apo autoriteteve të riktheheni në Shqipëri?

Jam në kontakt të vazhdueshëm me drejtuesit e klubit si edhe me trajnerin, por as ata nuk kanë informacion të saktë për kohën kur unë do të rikthehem. Kjo nuk është në dorën e tyre apo tonën, por në dorë të qeverisë dhe shteteve për masat që kanë marrë kundër përhapjes së virusit duke mbyllur kufijtë. Besoj në ditët në vijim do të zgjidhet edhe kjo çështje pasi do lirohen lëvizjet. Në Berlin, ku familja ime jeton, nuk ka pasur avion për fluturim. Ka vetëm në Frankfurt, qytet i cili është goxha larg nga këtu. Por edhe atje merrnin vetëm nënshtetasit shqiptarë që i riatdhesonin. Tashmë me shumë vëmendje presim datën dhe vendimin kur do të nisë kampionati.

Me rinisjen e futbollit do të ketë ngjeshje të madhe ndeshjesh, ndërkohë që edhe temperaturat pritet të jenë të larta. Sa torturuese do të jetë kjo për një lojtar?

Besoj që do jetë e vështirë shumë, sepse kemi shumë kohë të gjatë jashtë fushe dhe normalisht që kemi jo gjendje të mirë fizike. Do na duhet pak kohë derisa të marrim formën e duhur, po jemi “të dënuar” t’i përballojmë këto vështirësi. Nuk u trembemi.

Tirana është 9 pikë para, sa shanse keni për ta përmbysur rivalin në 10 ndeshje të mbetura?

9 pikë nuk janë pak, në fakt, por as jashtëzakonisht shumë. Ka shumë shembuj kur ekipe, madje superklube si Barcelona, kanë humbur titullin në javët e fundit, edhe pse kanë me 9 pikë para nga rivalët. Pra raste ka. Kemi lënë pikë në këto 4 ndeshjet e fundit, të cilët na kanë dëmtuar, por në futboll është gjithçka e mundur, e kështu do të luftojmë deri në fund. Kam besim te forca jonë, derisa matematika do të na lejojë do japim gjithçka.

A mund të ndikojë mungesa e përgatitjes fizike tek objektivi “titull”?

Është e kuptueshme që nuk jemi në gjendje fizike të mirë, por kështu janë që të gjitha ekipet në fund të fundit. Nuk besoj që kjo do të ndikojë te fitimi i titullit, pasi pothuajse të gjitha klubet të njëjtin trajtim kanë marrë. Gjithsesi, le të shpresojmë që të kthehemi sa më shpejt në fushë dhe të rifitojmë ritmin pas kësaj ndërprerjeje. Nëse kjo ndodh shpejt, atëherë do ta arrijmë qëllimin tonë për të marrë kampionatin.

LEXO TE PLOTE

Sport

Duka: Stadiumi i Kamzës nuk do prishet, ja kur fillon kampionati

Publikuar

-

Nga

Armand Duka ka pasur një takim me presidentin e Shqipërisë gjatë ditës së sotme, Ilir Meta. Kreu i FSHF ka kërkuar ndihmë në këtë instancë, që shteti të hidhte sytë edhe nga futbolli. Kjo pasi deri më sot nuk po vinte ende një përgjigje nga ana e Qeverisë, sa i përket diskutimeve për rikthimin në stërvitje dhe më pas për të zhvilluar takimet.

Menjëherë do të vinte edhe përgjigja nga Ministrja e Shëndetsisë pas takimit që u bë në mëngjesin e sotëm, duke i kërkuar FSHF-së grupin e posaçëm të punës, për të diskutuar rreth zgjidhjes së mundshme të kësaj situate dhe mundësisë për rifillimin e kampionatit. Armand Duka ka qenë i ftuar në “Ora News”, atje ku përpos temës së përfolur kaq shumë në këto ditë, ka shpresë se stadiumi i Kamzës nuk do të prishet, pasi kjo është kundra ligjit.

”Edhe pas kërkesave tona të njëpasnjëshme në mënyrë institucionale drejtuar Ministrisë së Shëndetësisë dhe Ministrisë së Arsimit, deri më sot nuk kemi pasur një përgjigje zyrtare se kur mund të diskutohet apo se kur mund të ketë një datë se kur mund të rifillojë futbolli në Shqipëri, apo dhe sportet e tjera. Për këtë kam kërkuar edhe ndihmën e presidentit, kam pasur një takim sot me presidentin. I kam paraqitur protokollin që kanë përgatirur specialistët Federatës Kombëtare të Futbollit për mënyrën se si mund të organizohen ndeshjet si dhe për të kërkuar mbështetjen e tij për rifillimin e futbollit. Në gjykimin tonë, futbolli, stërvitja dhe aktivitetet nuk janë në nivel risku të lartë për shoqërinë shqiptare, madje janë me më pak rrisk se aktivitetet e tjera që janë liberalizuar apo që kanë filluar në Shqipëri.

Sot kemi pasur një lajm të mirë, kemi pasur një reagim nga Ministrja e Shëndetësisë, ka dërguar një shkresë në federatë ku na kërkon një grup specialistësh për të diskutuar datat e rihapjes. Ja kemi dërguar me urgjencë përgjigjen dhe tani presim se kur do të ketë një datë sa më shpejt. Shqipëria nuk ka asnjë aryse që mos ta përfundojë  kampionatin sepse ne nuk kemi pasur një nivel të lartë të përhapjes së virusit. Kurba te ne është e sheshtë dhe risku është më i vogël. E mira është që ne të rikthehemi në kohë dhe të fillojmë me kushte të përshtatshme. Uroj që ne ta kemi këtë dritë jeshile para fundit të majit për të filluar aktivitetin. Pra javën e ardhsme fillojmë stërvitjen, dhe në fundit të majit të rifillojmë aktivitetet sportive.  Kjo do të bëjë që ne të përfundojmë kampionatin në datat e përcaktuara nga UEFA para fundit të korrikut ose brenda 3 gushtit.

Stadiumi i Kamzës do të prishet? Shpresoj të jetë thashethem, nuk do të prishet. Kjo është komplet kundër ligjit, nuk mund të ndërrosh një ambient sportiv për qëllime të tjera. Unë kam dëgjuar edhe kryetarin e Bashkisë Kamzës sot në një emision televiziv dhe tha se nuk është e vërtetë, pra se nuk do të shembet stadiumi i Kamzës. Do të ishte kundër ligjit”, tha Duka.

LEXO TE PLOTE