Connect with Us

Tërhoqi padinë ndaj Bild/ Rama sqaron çfarë e “bindi”: Kurseva ca të holla

Politikë

Tërhoqi padinë ndaj Bild/ Rama sqaron çfarë e “bindi”: Kurseva ca të holla

Publikuar

-

Kryeministri Edi Rama ka folur lidhur me tërheqjen e padisë së tij ndaj gazetës “Bild”.

Rama thotë se takimi me shefat editorialistë të gazetës ishte takim mbresëlënës dhe u krijua një marrëdhenie njerëzore e cila e bëri të tërheqë padinë.

“Nuk kam shumë për të thënë lidhur me këtë. Takimi me shefat editorialistë të gazetës ishte takim mbreslënës nga pikëpamja e diskutimit. Duke qenë se u krijua një marrëdhënie njerëzore mu duk e pamotivueshme për të vazhduar gjyqin. Me këtë rast kurseva edhe disa të holla nga arka e Partisë Socialiste”, tha Rama në një intervistë me Çim Pekën./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Vëzhgimi i CNA.al për rrugën Qukës-Qafë Plloçë/ Andi Përmeti: Do loboj në Parlament

Publikuar

-

Nga

CNA.al bëri sot një vëzhgim për rrugën Qukës–Qafë Plloçë, projektin strategjik të nisur rreth një dekadë më parë, por që në fakt sot pas 7 vitesh nga tenderimi, ajo që ka mbetur është vetëm një kantier i braktisur dhe një rrugë e lënë në mëshirë të fatit.

Pas këtij lajmi ka ardhur edhe reagimi i deputetit të Bindjes Demokratike Andi Përmetit, i cili deklaron se në këtë mënyrë po refuzohet me qëllim zhvillimi turistik dhe ekonomik.

Në një postim në rrjtete sociale, Përmeti thotë se një shtet pa rrugë është një shtet pa mundësi reale zhvillimi, ndërsa tregon se do lobojë në Parlament që kjo rrugë të mos lihet në harresë.

“Shqipëria për fat të keq këto 7 vite të qeverisë Rama praktikisht ka investuar vetëm në fasada. Të bësh qendrën e një qyteze pa bërë më parë rrugët interurbane që lidhin atë qytezë është marrëzi, por me marrëzi ështe të kesh financimin e rrugës, tenderimin, fillimin e punës dhe ti ti hedhësh të gjitha në kosh.

Arsyet janë të pashpjegueshme por faktet janë kokëfortë. Rruga Qukës-Qafë Pllocë është lënë prej 7 vitesh në mëshirë të fatit. Një rrugë që duhet të kishte përfunduar prej vitesh. Një rrugë që ka vlerë të padiskutueshme për zhvillimin e qarkut të Korçës dhe një nevojshmëri imediate për fermerët e Korçës. Edhe për këtë vit jashtë planeve të qeverisë Rama. Unë personalisht do loboj në Parlament që kjo rrugë të mos lihet në harresë por të përfundojë sa më parë si një prioritet i zhvillimit për qarkun Korçë. Faleminderit CNA.al për investigimin”, shkruan deputeti./ CNA.al

Foto ekskluzive/ Rruga Qukës-Qafë Plloçë, segmenti i lënë në mëshirë të fatit, nuk mbaron prej një dekade

LEXO TE PLOTE

Politikë

Artan Hoxha tallet me Ramën dhe Çim Pekën

Publikuar

-

Nga

Gazetari Artan Hoxha tallet me faktin që sot kryeministri Edi Rama është i ftuar në Syri Tv, me Çim Pekën.

Më nota ironie Hoxha thotë se Çimi, e ka emisionin si orar Champions League, e nis pa cerek. Sipas tij, me posterin qe i ka bërë SYRI TV, duket si ndeshja me e madhe e boksit për peshat e rënda.

“Mbani frymen njerez…
sot, në mbremje, në orën 20:45, ne SYRI tv…
Jo për gjë, por Cimi, e ka emisionin si orar Champions League, e nis pa cerek…
Po tani kush e ka fajin?!
Rama që “legalizon” dhe faktorizon televizionin e akuzuar nga mbeshtetesit e Rilindjes, si i financuar nga familjet Berisha-Meta?!
Apo Cimi, që do të shfaq ne ekranin e mbeshtetesve të opozites, njeriun me të urryer të tyre?! Me posterin që i ka bere SYRI TV, duket si ndeshja më e madhe e boksit për peshat e rënda, Mohamed Ali perballe Xhorxh Foreman, të zhvilluar në kryeqytetin Kinshasa të Kongos, në kontinentin Afrikan, gjate vitit 1974, për titullin kampion botë në federatat WBA dhe WBC..”, shkruan Hoxha./CNA.al

LEXO TE PLOTE

Politikë

“Naftëtarët e Ballshit pa paga”/ Balluku i përgjigjet PD-së me vendimin e qeverisë

Publikuar

-

Nga

Ministrja e Infrastrukturës, Belinda Balluku, reagon pas akuzave të opozitës se 800 naftëtarë të Ballshit nuk kanë marrë pagat, edhe pse nuk po punojnë, për shkak të situatës së krijuar nga koronavirusi.

Balluku ka publikuar vendimin e qeverisë, ndërsa thekson se naftëtarët përfitojnë pagën e luftës prej 40 mijë lekësh.

“Naftëtarët e Ballshit përfitojnë pagën e luftës prej 40 mijë lekësh. Vendimi i Qeverisë, i marrë në datë 23 prill 2020 dhe botuar tashmë në Fletoren Zyrtare, është mëse i qartë dhe nuk ka asnjë vend për dyshime e as për abuzime politike”, shkruan Balluku./CNA.al

LEXO TE PLOTE