Kosova & Rajoni
Regjistrohet viktima e 27 nga koronavirusi në Kosovë
Një tjetër viktimë është regjistruar mëngjesin e sotëm në Kosovë si shkak i koronavirusit.
Klinika Infektive e Qendrës Klinike Universitare të Kosovës, njofton në raportin ditor se ka humbur jetën një 63-vjeçare që vuante nga sëmundje kronike të veshkave dhe disa sëmundje të tjera shoqëruese.
Ndërkohë, raportohet se në klinikë janë duke marrë mjekimin 12 pacientë, 9 nga të cilët janë në gjendje të stabilizuar dhe 2 raste janë në trajtim me oksigjenoterapi dhe përkujdesje intensive.
“Në mjekimin intensiv vazhdon të jetë në gjendje të rëndë dhe përkujdesje intensive një pacient i infektuar me Covid -19, i cili ka sëmundje kronike të veshkëve dhe është në dializë.
Në orët e mëngjesit ka ndërruar jetë pacientja e lindur me 1957 nga komuna e Dragashit, e cila veç infeksionit me Covid-19, ka pasur edhe sëmundje kronike të veshkave dhe sëmundje tjera shoqëruese.
Nga klinika sot do të lirohen 5 pacientë të shëruar nga infeksioni me Covid -19, ndërsa 2 raste të cilët kanë rezultuar negativ ne testimet e fundit per Covid 19 vazhdojnë trajtimin në klinikë”, thuhet në njoftimin e Klinikës Infektive.
Kujtojmë se që nga fillimi i pandemisë kanë humbur jetën në Kosovë 27 të infektuar./ CNA.al
Kosova & Rajoni
Rritet numri i infektimeve në Kosovë/ Humbin jetën 5 persona
Rritet përsëri numri i infektimeve nga COVID-19 në Kosovë! Gjatë 24 orët e fundit kanë rezultuar pozitiv me virusin 445 persona dhe janë regjistruar 5 viktima.
Ditët e fundit shifrat e infektimeve në vend vetëm po rriten, ndërkohë që numri i viktimave është i njëjtë me ditën e djeshme.
Numri total i infektimeve ka shkuar 68.351, ndërkohë që ai i viktimave është 1.592 në të gjithë vendin që nga fillimi i pandemisë, duke përfshirë edhe përditësimet e ditës së sotme.
Ministri në detyrë i Shëndetësisë, Armend Zemaj, ka thënë se vaksinat kundër koronavirusit do të arrijnë në Kosovë gjatë këtij muaji. Ai siguroi se procesi i përgatitjes për ardhje të vaksinave ka përfunduar, që nënkupton planin e imunizimit dhe sigurimin e zinxhirit të ftohjes.
Kohët e fundit në Kosovë është ngritur alarmi pasi në vend janë regjistruar 3 rastet e para pozitive me variantin britanik të COVID-19./CNA.al
Kosova & Rajoni
Kosova regjistron 461 raste me koronavirus/ Ja sa kanë humbur jetën sot
Autoritetet shëndetësore në Kosovë kanë regjistruar të mërkurën 461 persona të infektuar me koronavirus, pas testimit të 3,138 mostrave.
Instituti Kombëtar i Shëndetësisë Publike ka njoftuar se në 24 orët e fundit janë regjistruar tri viktima me këtë virus.
“Rastet e vdekjes janë nga komunat: Fushë-Kosovë 1 rast (80 vjeç), Gjakovë 1 rast (85 vjeç), Pejë 1 rast (83 vjeç”, është thënë në njoftim.
Sipas IKSHPK-së, nga sëmundja COVID-19, që shkakton koronavirusi, të mërkurën janë shëruar 319 persona, derisa raste aktive janë 6,968.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore në këtë shtet kanë regjistruar 67,469 persona të infektuar me këtë virus.
Prej tyre, 1,582 pacientë kanë vdekur./REL
Kosova & Rajoni
E rëndë/ Shpërthen zjarri në kampin e refugjateve në Greqi, humb jetën 6-vjeçari
Një ngjarje e rëndë është regjistruar në kampin e refugjatëve Thiva në Greqi.
Një ndërtesë e një fabrike të vjetër është përfshirë nga flakët dhe për pasojë ka ndërruar jetë një djalë 6-vjeçar.
Sipas mediave greke, vogëlushi ishte me origjinë iraniane dhe anëtar i një familjeje me 7 persona.
Fëmijën e kanë nxjerrë pa ndjenja refugjatet para se të paktën 6 zjarrfikës dhe policia të mbërrinte në vendngjarje.
Ngjarja tragjike po hetohet nga policia.
Lajme të Rekomanduara:
Aksion në Ministri/ Arrestohet kreu i Agjencisë për Zhvillimin e Bujqësisë
Policia e Kosovës është duke zhvilluar një aksion në Ministrinë e Bujqësisë, Pylltarisë dhe Zhvillimit Rural. Sipas mediave kosovare, në këtë aksion është arrestuar kreu...
Akuzohet për ngacmim seksual/ Shpallet në kërkim mjeku shqiptar
Një mjek shqiptar është shpallur në kërkim për ngacmim seksual. Bëhet fjalë për Ramadan (Feriz) Sopajn, i cili punon si mjek në Qendrën Kryesore të...
