Connect with Us

Reeker: Koronavirusi po u krijon Rusisë dhe Kinës hapësira të mëdha për dezinformim në Evropë

Bota

Reeker: Koronavirusi po u krijon Rusisë dhe Kinës hapësira të mëdha për dezinformim në Evropë

Publikuar

-

Philip T. Reeker, Ndihmës Sekretari i Shtetit në detyrë për Evropën dhe Euroazinë, dhe e Dërguara e Posaçme e Shteteve të Bashkuara, Lea Gabrielle, thanë se Rusia dhe Kina po shfrytëzojnë momentin e vështirë të pandemisë për dezinformim në Evropë.

Gjatë një seance informimi me gazetarët nëpërmjet telefonit, zonja Gabrielle paralajmëroi se rrjetet dezinformuese të Rusisë kërkojnë të avancojnë interesat destabilizuese të Moskës, duke krijuar konfuzion në shoqëritë demokratike.

Zoti Reeker tha se Shtetet e Bashkuara po punojnë për të ristartuar ekonominë botërore, si dhe për t’u përballur me dezinformimin duke shpërndarë informacione të sakta për situatën e COVID-19, bazuar në traditën e hershme të transparencës në qeverisjet demokratike dhe vlerat e shoqërive tona.

Zyrtarët amerikanë thanë se Shtetet e Bashkuara e shohin gjithnjë e më shumë Ballkanin Perëndimor dhe Evropën Juglindore si një hapësirë koherente strategjike, ku njerëzit kanë marrë gjerësisht vendimin të vështrojnë drejt Perëndimit dhe të angazhohen me Bashkimin Evropian.

Ambasadori Reeker përmendi rastin e Maqedonisë së Veriut që iu bashkua NATO-s, por që tashmë e gjen veten duke u përballur me aktorë malinjë, si Rusia dhe Kina që konkurojnë për të ushtruar influencë, çfarë mund të shkaktojë edhe regres.

Ndërsa pritet që rrjetet ruse të mbjellin informacion fals për një vaksinë të mundshme për koronavirusin, si dhe të inkurajojnë zërat lokalë për teoritë e konspiracionit, po vihet re edhe rritja e aktivitetit të Kinës që ka qenë më pak e dokumentuar në të kaluarën.

Kina duket se po kopjon taktikat ruse për të goditur audienca jashtë vendit dhe tashmë po përpiqet edhe të kontrollojë diskursin global, si përshembull përpjekja për të paraqitur reagimin kinez ndaj COVID-19 si superior përballë Perëndimit.

Ambasadori Reeker tha se ndërsa Perëndimi po përgatitet të festojë 75 vjetorin e Ditës së Fitores ndaj fashizmit dhe nazizmit në Evropë, tashmë vendet aleate, të gjendura përballë një armiku krejt të ndryshëm, janë duke shkëmbyer informacione rreth koronavirusit dhe mënyrave më të mira për një përgjigje ndaj kësaj krize.

LEXO EDHE:  Diplomatët rusë të dëbuar nga Greqia/ Zbulohet skenari i frikshëm

Ai përmendi vazhdimësinë e prirjes pozitive, si anëtarësimin e Maqedonisë së Veriut në NATO, apo ftesat që Bashkimi Evropian po vazhdon t’u dërgojë vendeve për çeljen e negociatave për anëtarësim. Ai tha se fatkeqësisht, Rusia ka megjithatë tendencën të rishkruajë edhe zhvillimet historike.

Po shohim, tha zoti Reeker, se sfida që po krijon koronavirusi është e paprecedentë në mungesën e transparencës dhe të hapësirës që krijon për dezinformim. Ai saktësoi se Shtetet e Bashkuara vazhdojnë të jenë kontribuesi më i madh në fushën e shëndetësisë me mbi 140 miliardë dollarë kontribut në asistencë shëndetësore gjatë dy dekadave të fundit.

E Dërguara e Posaçme e Shteteve të Bashkuara, Lea Gabrielle, nënvizoi se kriza aktuale e koronavirusit nxjerr në pah kërcënimet serioze nga fushatat e dezinformimit dhe propagandës nga aktorë keqdashës. Ajo tha se ka vende që e përdorin dezinformimin si armë dhe që nuk hezitojnë ta përdorin as në kohëra si këto të pandemisë. Ajo vuri në dukje se siç është parë nga veprimet e Rusisë në të kaluarën, me sëmundje si Ebola apo Zika, rrjetet ruse kanë shfrytëzuar frikën dhe konfuzionin.

Mbrojtja kibernetike, e cila është bërë një pjesë thelbësore e fokusit të NATO-s, është përqëndruar në përballjen me sulmet e dezinformimit të mundësuara nga operacione kibernetike.

Një ndër shembujt më të fundit ku u pikasën elementë të ekosistemit rus të dezinformimit ishte promovimi i teorive të pabaza të konspiracionit për rrjetin 5G, apo ndaj drejtuesit të kompanisë “Microsoft” Bill Gates.

Kështu kanë vepruar edhe zyrtarë apo rrjete ruse në të kaluarën për të përhapur lajme të rreme se ishin Shtetet e Bashkuara që infektonin mushkonjat për të përhapur virusin Zika, apo siç thanë në 2019 se mund të ketë patur rol amerikan në përhapjen e Ebolas, dhe në përgjithësi për të gjitha përpjekjet amerikane në kuadrin e programeve për uljen e rreziqeve biologjike, ku marrin pjesë edhe disa vende të tjera të botës. /VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Zgjedhjet në SHBA/ Sondazhet nxjerrin fitues Joe Biden përballë Trumpit

Publikuar

-

Nga

Kandidati demokrat Joe Biden është në avantazh me 4 pikë përqindje përballë, Presidentin Trump, sipas një sondazhi të realizuar nga Hill-HarrisX.

Sipas shifrave të dala nga ky sondazh, 43 për qind e votuesve të regjistruar, thanë se do të mbështesin Biden për president nëse zgjedhjet do të mbaheshin sot, ndërsa 39 për qind e votuesve në sondazhin 3-4 korrik thanë se do të votojnë për Trump.

LEXO EDHE:  Covid-19 ngre në këmbë liderët e botës/ 5 trilionë dollarë për të shpëtuar ekonominë

LEXO EDHE:  Rritet sërish numri i të prekurve me Covid-19/ Shifrat shqetësuese në 24 orë

Pesë përqind e votuesve thanë se preferojnë dikë tjetër, ndërsa një përqindje shtesë prej afro 5 për qind e votuesve thanë që nuk planifikojnë të votojnë në zgjedhje.

Anketa  zbulon se epërsia e Biden është ngushtuar me 10 pikë nga përplasja e muajit të kaluar, ku Trump po sumonte ish-Zëvendës Presidentin demokrat. /CNA.al

Sondazhet e ditëve të para të korrikut

 

 

 

LEXO TE PLOTE

Bota

Njeriu i Merkel/ Parlamenti të miratojë marrëveshjen e 5 qershorit pa asnjë ndryshim

Publikuar

-

Nga

Njeriu i Merkel/ Parlamenti të miratojë marrëveshjen e 5 qershorit pa asnjë ndryshim

Nënkryetari i grupit parlamentar të CDU/CSU në Budestagun gjerman, Johann Wadephul ka shprehur keqardhjen se marrëveshja e 5 qershorit nuk është kodifikuar ende.

Përmes një postimi në rrjetin social “Twitter”, Wadephul shton se aprovimi i reformës zgjedhore dhe zbatimi i saj është kyç për rrugën e integrimit të Shqipërisë në BE.

Shpreh keqardhjen që marrëveshja e 5 qershorit nuk është kodifikuar akoma. Aprovimi me konsensusin e partive politike i reformës zgjedhore, pa asnjë ndryshim, si dhe zbatimi i saj është kyç për rrugën e Shqipërisë drejt BE. Nxis të gjitha palët, e në veçanti deputetët, ta finalizojnë këtë kriter të rëndësishëm. Forca Shqipëri!/CNA.al

 

LEXO TE PLOTE

Bota

Gjykata e Lartë në SHBA vendos për taksat e presidentit

Publikuar

-

Nga

Gjykata e Lartë në SHBA vendos për taksat e presidentit

Gjykata e Lartë amerikane do të bëjë të njohura sot opinionet përfundimtare të mandatit të saj të tanishëm.

Vëmendja është përqendruar në tre çështje të cilat lidhen me kërkesat e disa komisioneve të Kongresit dhe të një prokurori të Nju Jorkut që presidenti Donald Trump të publikojë taksat dhe dokumente të tjera financiare.

Presidenti Trump, i cili nuk ka ndjekur praktikën e kandidatëve të tjerë presidencialë, duke refuzuar të bëjë publike dokumentet tatimore gjatë fushatës së vitit 2016, është përpjekur të bllokojë publikimin e dokumenteve të tij financiare.

Disa komisione të Dhomës së Përfaqësuesve kanë kërkuar të dhëna për këto dokumente nga dy banka, Capital One dhe Deutsche Bank, si dhe nga firma e kontabilitetit Mazars USA.

Çështja kryesore që po shqyrtojnë gjyqtarët ka të bëjë me ndarjen e pushteteve midis degëve të qeverisë federale dhe kompetencave të kongresit për të hetuar një president.

Avokati i zotit Trump, Patrick Strawbrige, tha gjatë argumentimit të çështjes në muajin maj se kërkesat për dokumentet financiare nuk i shërbenin ndonjë qëllimi me rëndësi dhe se ligjvënësit nuk duhet të kenë autoritet të pakufizuar për të hetuar një president.

Ndërkaq, disa gjykata të nivelit më të ulët Nju Jork dhe Uashington dhanë vendime kundër Presidentit Trump në çështjen e kërkesës për dokumentet financiare.

Gjyqtari Jon O. Newman i Gjykatës së Apelit për Qarkun e Dytë të Nju Jorkut shkruante:

“Interesat e komisionevetë Kongresit për të ushtruar funksionet e tyre kushtetuese dhe legjislative janë një interes publik shumë më i rëndësishëm se çfarëdo interesi tjetër …”.

Jay Sekulow, një tjetër avokat i zotit Trump, argumentoi para Gjykatës së Lartë në muajin maj se presidenti gëzon “imunitet të përkohshëm kushtetues” nga ndjekja penale gjatë kohës që shërben në detyrë dhe se prokurori i qarkut të Nju Jorkut nuk ka asnjë autoritet për të hetuar zotin Trump.

LEXO EDHE:  Covid-19 ngre në këmbë liderët e botës/ 5 trilionë dollarë për të shpëtuar ekonominë

LEXO EDHE:  Rritet sërish numri i të prekurve me Covid-19/ Shifrat shqetësuese në 24 orë

Carey Dunne, këshilltar i përgjithshëm për prokurorin e qarkut të Manhatanit, tha se presidentët, ndërsa gëzojnë imunitet nga ndjekja penale, ata nuk përjashtohen nga kërkesat që të dorëzojnë dokumente. Për më tepër tha zoti Dunne, të dhënat që kërkon zyra e tij i takojnë periudhës përpara mandatit të Presidentit Trump dhe nuk mbrohen nga privilegji ekzekutiv.

“Ekziston një rrezik që presidentët amerikanë dhe palë të treta pa dashje të dalin mbi ligjin”, tha ai.

Gjykata e Larta e ka trajtuar edhe në të kaluarën çështjen nëse një president në detyrë duhet të përmbushë një kërkesë ligjore për dokumente.

Në vitin 1973, gjykata vëndosi njëzëri kundër Presidentit Richard Nixon në çështjen që lidhej me dorëzimin e regjistrimeve audio të Shtëpisë së Badhë tek një prokuror special. Gjykatësit po ashtu morën një vendim të njëzëshëm kundër Presidentit Bill Clinton në vitin 1997, duke lejuar një proces gjyqësor në ngarkim të presidentit për ngacmim seksual.

Gjatë argumenteve me gojë në muajin maj, të nëntë gjyqtarët lanë shumë pak të kuptohet se çfarë ane do të mbajnë për çështjet e ngritura para tyre.

Përveç vendimit në favor të njërës ose tjetrës palë, gjyqtarët mund të vëndosin dërgimin mbrapsht të çështjeve për rishqyrtim nga një gjykatë më e ulët.

Ndërsa vendimet e gjykatës së ulët kundër zotit Trump erdhën mes procesit për shkarkimin e tij nga Dhoma e Përfaqësuesve nën akuzat për pengim të drejtësisë dhe abuzim pushteti, akuza për të cilat Senati e nxori të pafajshëm, vendimi i Gjykatës së Lartë vjen ndërsa vendi është vetëm pak muaj para se të vendosë nëse do të rizgjedhë zotin Trump për një mandat të dytë presidencial, apo rivalin e tij, ish Zëvendës Presidentin Joe Biden./VOA

LEXO TE PLOTE