Connect with Us

Për punë në shtet tani do aplikohet online/ Gati rekrutimet, DAP udhëzues për testimet dhe intervistat

Sociale

Për punë në shtet tani do aplikohet online/ Gati rekrutimet, DAP udhëzues për testimet dhe intervistat

Publikuar

-

Situata me koronavirusin detyroi edhe Drejtorinë e Administratës Publike (DAP) që bën edhe rekrutimet për punësimet në administratë që të shtynte pa afat procedurat. Por tashmë janë aktivizuar vakancat e para për të cilat është bërë njoftimi në faqe, teksa DAP ka nxjerrë edhe dy udhëzues për mënyrën sesi do të vijohet me procesin e rekrutimit.

Në kuadër të distancimit social edhe nga administata do të operohet përmes kanaleve të tjera të komunikimit që do të thotë se intervistat dhe testimet do të kryhen online. Sa i takon testimeve udhëzuesi jep hap pas hapi proceduren.

Kështu udhëzuesi sqaron se aplikanti do të njoftohet nëpërmjet postës elektronike për datën dhe orën e zhvillimit të testimit.

“Sigurohuni që të mbani mend email-in dhe fjalëkalimin me të cilin keni aplikuar në platformën online të Departamentit të Administratës Publike” thuhet në udhëzues dhe nëse nuk arrini të mbani mend këto kredenciale mundësohet një link për t’i rimarrë.

Sa i takon testimit udhëzuesi sqaron se në ditën e këtij testimi 15 minuta përpara orës së fillimit duhet të klikohet në linkun: https://etesting.administrata.al/

LEXO EDHE:  Beteja me Covid-19/ Mjeku shpjegon pse Gjermania ka numrin më të vogël të viktimave

“Përpara fillimit të testimit, ju këshillojmë të mbyllni të gjitha programet e panevojshme dhe sigurohuni që kompjuteri juaj nuk është duke bërë ndonjë përditësim (update). Plotësoni adresën e emailit dhe fjalëkalimin tuaj. Shtypni “Log In” për të hyrë në testim!” sqaron udhëzuesi.

E kështu hap pas hapi udhëzuesi orienton të interesuarit përgjatë gjithë procesit deri në kualifikimin ose jo të tyre.

Një tjetër udhëzues është ai për intervistat online ku sqarohet se pas testimit me shkrim, nëpërmjet postës tuaj elektronike do të njoftoheni për datën dhe orën gjatë së cilës do të zhvillohet intervista.

“Merrni masa që gjatë periudhës kohore të intervistës të dispononi një kompjuter me kamera dhe mikrofon dhe me lidhje në internet sa më të shpejtë e të qëndrueshme” nënvizon udhëzuesi. Të plotë këto dy udhëzues i gjeni mëposhtë(duke kilkuar mbi tituj)./ Monitor

1.Testimi Online – Udhëzime për pjesëmarrësit

2.Intervista Online – Udhëzime për zhvillimin e intervistës me lidhje video

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sociale

Imuniteti i tufës dhe variantet e reja Covid/ Epidemiologu Alimehmeti jep detaje

Publikuar

-

Nga

Alimehmeti parashikim shpresëdhënës/ “Po i afrohemi imunitetit të turmës”

Epidemiologu Ilir Alimehmeti ka komentuar situatën pandemike në të cilën ndodhet vendi.

Alimehmeti ka bërë me dije se është akoma herët për të folur për fundin e pandemisë, por sipas tij fatmirësisht deri më tani të dhënat janë të mira.

Ai ka theksuar se përdorimi i vaksinës dhe imuniteti natyror duket se deri më tani kanë dhënë dhe rezultatet e tyre në imunitetin e popullatës.

Është fundi i një volumi të serisë së librave që po bën pandemia, dhe duhet të presim nëse autori (virusi) do të shkruajë libër tjetër. Jemi të shqetësuar për moshën e vjetër por fatmirësisht po mbulohet nga pjesa e vaksinimit dhe deri më tani numri më i madh i shqiptarëve tashmë janë imunizuar në mënyrë natyrale ose me vaksinë.

Vaksinimi në popullsitë e vogla është më i lehtë dhe bën që vala e tretë është më e butë dhe më e lehtshëm për të kaluar. Ne akoma nuk dimë shumë gjëra nga imunologjia, por ka disa lloj indikacionesh se ky imunitet do të zgjasë. Para një muaji OBSH ka thënë se do të zgjasë 6 deri në 9 muaj. Ka shumë studime dhe më i fundi i bërë nga Danimarka thuhet se në në 12 muaj e gjejmë dhe imunitetin.

Merret gjaku dhe vendoset në kontakt me virusin për të parë sesi reagon. Problematika e Sars Cov 1 është më i madh se Sars Cov 2, por është parë lidhja me viruset e tjera. Këto janë thjesht të dhëna vëzhgimore jo eksperimentale janë një seri informacionesh që na mbështesin hipotezën tonë se imuniteti viral zgjat mjaftueshëm dhe nuk është vetëm çështje muajsh por është vitesh”, ka thënë Alimehmeti i ftuar në studion e ABC./CNA.al

 

LEXO TE PLOTE

Sociale

“E kemi zemrën plot”/ Topalli bëhet gjyshe për herë të dytë

Publikuar

-

Nga

Ish kryeparlamentarja, Jozefina Topalli është bërë gjyshe për herë të dytë.

Topalli ka bërë me dije se vajza e saj Megi ka sjellë në jetë fëmijën e saj të dytë. Ajo ka publikuar në rrjetet sociale foto ku vajza e Topallit shfaqet me dy fëmijët e saj në krahë.

“Një engjell i vogël ka mbërritur në shtëpinë tonë duke gëzuar të gjithë. Megi e ne të gjithë kemi zemrën plot”, shkruan Topalli bashkëngjitur fotos./CNA.al

LEXO TE PLOTE

Sociale

“20 mijë policë të vaksinuar”/ Manastirliu: Arrijmë 1 milion në total në muajin qershor

Publikuar

-

Nga

Rreth 20 mijë efektivë policie janë vaksinuar kundër COVID, dëri më tani.

Shifra është bërë publike nga ministrja e Shëndetësisë Ogerta Manastirliu. Ministrja thotë se vaksinimi masiv në të gjithë vendi ka kaluar shifrën e 612 mijë në total. Ajo thekson se qeveria është e vendosur të vijojë me ritme të shpejta për të mbërritur në 1 milion vaksinime brenda muajit qershor.

Rreth 20 mijë vaksinime janë kryer për uniformat blu në të gjithë vendin, teksa vaksinimi masiv ka kaluar 612 mijë vaksinime për qytetarët më të rrezikuar. Jemi të vendosur të vijojmë me ritme të shpejta, për të mbërritur në 1 milion vaksinime brenda qershorit”, shkruan Manastirliu./CNA.al

LEXO TE PLOTE