Connect with Us

Thirrje Ambasadës Amerikane në Tiranë/ Mos derdhni fonde të tjera për të shpëtuar një kauzë të dështuar

Vetingu

Thirrje Ambasadës Amerikane në Tiranë/ Mos derdhni fonde të tjera për të shpëtuar një kauzë të dështuar

Publikuar

-

Nga Frank Shkreli

Ish-Drejtor i VOA-s për Euro-Azinë

E vërteta është se e kam të vështirë të kritikoj Ambasadën e Shteteve të Bashkuara, qoftë atë në Tiranë qoftë atë në Prishtinë.  Më vjen keq sepse si pjesëtar i komunitetit shqiptaro-amerikan, për 50-vjet tani, por edhe si një shqiptaro-amerikan që kam patur privilegjin dhe nderin të punoj nga afër me shumë diplomatë amerikanë të akredituar në trojet shqiptare për disa dekada dhe për të cilët ruaj gjithnjë kujtime shumë të mira dhe respekt.  Kishim pritur për  pothuaj një shekull – që  Kombi amerikan, më në fund, të zyrtarizonte lidhjet historikisht mike me Kombin shqiptar, të ndërprera për një kohë të gjatë nga regjimi diktatorial  komunist  i Enver Hoxhës. Falë  Zotit, sot kemi dy ambasada amerikane në trojet shqiptare: Një në Tiranë, e tjetra në Prishtinë – në Kosovën e çliruar, falë, kryesisht, ndërhyrjes ushtarake të Shteteve të Bashkuara dhe aleatëve të saj perëndimorë.  Për këto lidhje midis dy kombeve tona, unë si shqiptaro-amerikan dhe ne si komunitet këtu në Shtetet e Bashkuara, besoj se jemi shumë krenarë për punën e dy ambasadave tona në Tiranë dhe Prishtinë dhe në përgjithësi, gjatë tri dekadave të fundit kemi mbështetur veprimtaritë e tyre në të gjitha fushat, ose në ndonjë rast të pakëndëshëm edhe kemi heshtur për ndonjë gjë, për hir të rrethanave të mbrendshme politike në Shqipëri dhe në Kosovë.

Por, kjo nuk do të thotë se ne si taksapagues amerikanë, me origjinë shqiptare, nuk kemi të drejtë të bëjmë vërejtje e madje edhe të kritikojmë mënyrat se si shpenzohen fondet e miratuara nga Kongresi Amerikan, përfshirë  Shqipërinë  dhe Kosovën.  Shtetet e Bashkuara, nepërmjet ambasadës së tyre në Tiranë, për disa vite tani, kanë mbështetur fuqimisht me fonde dhe me ekspertiza të ashtuquajturën  “Reformë në Drejtësi”, e cila sipas disa ekspertëve ka dështuar tanimë dhe sipas të tjerëve, në minimum, është e vonuar dhe nuk po zbatohet, megjithë derdhjen e fondeve të mëdha në këtë fushë nga ana e Shteteve të Bashkuara.  Nuk kam asnjë dyshim se qëllimet e ambasadës amerikane në Tiranë, historikisht, kanë qenë dhe janë qëllim-mira dhe pa hile.  Por, ama sot në fillim të vitit 2020, pas shumë vjet përpjekjesh, duhet të pranohet se megjithë masat serioze të ambasadës amerikane për reformën në drejtësi në Shqipëri, ato përpjekje, sot për sot janë, fatkeqësisht, të deshtuara.  Jo se ambasada amerikane nuk ka bërë mjaft në këtë drejtim, por për arsye se kjo klasë politike, duke filluar nga Kryeministri e poshtë, nuk e do këtë reformë dhe as nuk do e zbatojnë edhe po të arrihet në letër.

Prandaj u habita kur pashë një njoftim në faqen fejsbuk të Ambasadës amerikane në Tiranë sipas të cilit, në bazë të një Memorandumi të nenshkruar të mërkurën midis USAID  dhe  Këshillit të Lartë të Gjyqësorit Shqiptar, është arritur një marrëveshje, “për të ofruar ndihmën teknike të nevojshme”, me qëllim për të zgjidhur problemin e Gjykatës së Lartë e cila sipas njoftimit të ambasadës na paska aktualisht pothuajse 35,000 dosje të prapambetura, për tu shqyrtuar.  Në njoftim thuhet gjithashtu se, “Sipas kësaj marrëveshjeje, një ekip i veçantë  juristësh të zotë shqiptarë do të punësohen për të ndihmuar gjykatën që të veprojë me më shumë efikasitet dhe të mundësojë që gjykatësit të marrin vendime më shpejt.”  More, vërtetë ka njerëz që besojnë se pas historisë së dështimeve të deritanishme në reformën e drejtësisë në Shqipëri, tani do të identifikohet, “Një ekip i veçantë juristësh të zotë shqiptarë”, që do ta zbërthejnë njëherë e mirë sekretin e problemeve në sistemin juridik shqiptar, përfshirë  edhe 35.000 dosjet e prapambetura dhe që nga puna e tyre të gjithë do të mbeten të kënaqur?  Beson njeri?  Ku ishin deri tani këta “juristë të zotë”?  Mos janë edhe këta pjesë e atyre juristëve të “zotë” që e kanë sjellë sistemin e drejtësisë në Shqipëri në këtë katastrofë, në të cilin gjëndet tani!  Keni ndonjë barometër të besueshëm për të matur pikëpamjet e shqiptarëve ndaj përpjekjeve për “reformën në drejtësi”, dhe ndaj juristëve të “zotë” shqiptarë në përgjithësi, megjithëse jam i sigurt se në radhët e tyre ka edhe të ndërshëm dhe profesionistë?

Vërtetë pret ambasada amerikane në Tiranë se me këtë Memorandum të nënshkruar të mërkurën midis USAID dhe Këshillit të Lartë të Gjyqësorit Shqiptar, dhe me gjithë fondet amerikane që do të derdhën përsëri “për Reformën Shqiptare në Drejtësi”, megjithëse shuma nuk përmendet në njoftim — numri i këtyre 35.000 çeshtjeve të prapambetura, do të zvogëlohet sa më shpejt që të jetë e mundur, siç thuhet në njoftim!?

Është një thënje amerikane, “throwing  good money after bad”, që në thelb i referohet një situate kur dikush shpenzon fonde shtesë, në përpjekje për të shpëtuar një plan të mëparshëm të dështuar.  Si një taksapagues amerikan, më duket se kjo nismë nuk duhej të ndodhte në këtë rast.  E kuptoj se në të kaluarën janë harxhuar shumë fonde qeveritare amerikane dhe shumë kohë është kaluar nga eskpertë amerikanë gjatë viteve në Tiranë dhe se është shumë e vështirë të pranohet se të gjitha ato shpenzime e mundime gjatë viteve kanë shkuar kot.  Por shpenzimi i fondeve të tjera shtesë, siç propozohet me Memorandumin e lartë- përmendur, mund të jetë një aventurë tjetër e rrezikshme, jo vetëm e pa dobishme për objektivin e caktuar, por mund të jetë katastrofike për systemin e drejtësisë.  Pas 30-vjetë përvojë në Shqipërinë post-komuniste, duhet të jeni të vetdijshëm se dollarët në vetvete nuk do të zgjidhin problemet në Shqipëri dhe aq më pak problemet në sistemin juridik të atij vendi.  Po të kishte qenë një firmë private amerikane që do të kishte derdhur aq shumë fonde dhe investime pa sukses në fusha të ndryshme, sa ka derdhur qeveria amerikane në Shqipëri gjatë 30-viteve të marrëdhënieve dy-palëshe– dhe jo vetëm qeveria amerikane – një firmë e tillë do të kishte falimentuar me kohë.

Kur flasim për vlera të përbashkëta, shqiptarët mund të jenë pro-amerikanë, por jo kjo klasë politike, megjithëse, sa për sy e faqe, ata shprehen se janë më pro-amerikanët në botë dhe u pëlqen të dalin në fotografi me zyrtarë të lartë amerikanë.

LEXO EDHE:  "Zhduken" fondet për reformën në drejtësi/ Skandali, që u fsheh nga Meta

Pretendimet e tyre pro-amerikane janë një hipokrizi e shekullit!  Të jesh pro-amerikan do të thotë të ndajsh të njëjtat vlera me Amerikën, përfshir sensin e drejtësisë dhe respektin për njerzit, të drejtat e tyre themelore, trajtimin e barabart dhe mirëqenjen e tyre.  Janë pra një serë idesh e parimesh dhe vizionesh që përbëjnë vlerat e përbashkëta. Nëqoftse do të merret seriozisht kjo klasë politike shqiptare, ajo duhet të bëjë më shumë në mbështetje të këtyre vlerave të përbashkëta dhe jo vetëm të falsin për to.

Shumë prej këtyre politikanëve shqiptarë, nuk kanë asgjë të bëjnë me Amerikën, as me vlerat amerikane, fatkeqsisht.  Kam drojë se kjo klasë politike e ka përcaktuar tanimë veten se në ç’drejtim do ta çojë Shqipërinë duke e vrarë të ardhmen e brezave, ndonëse në përgjithësi, animet politike autoritare të udhëheqjes janë kundër vullnetit të popullit të saj, një pjesë e të cilit po voton me kembë duke u larguar nga vendi për në perëndim, për arsye të gjëndjes së krijuar ekonomike dhe politike – përfshir mungesën e një reforme të sistemit juridik.  Kryeministri i vendit shpreh haptas admirimin e tij për udhëheqsit autokratë të rajonit dhe për sistemet politike të kontrolluara prej tyre.  A është kjo një politikë që duhet të mbështetet me fondet e taksa paguesve amerikanë?  Së fundmi, qeveria e kryeministrit Rama i ka kërkuar KE-së që Shqipëria të tërhiqet nga Konventa e të Drejtave të Njeriut, sikur vetëm Shqipëria po përballet me pandeminë.  Është modeli i drejtësisë autoritare dhe jo ai i bazuar në sistemin amerikan, që kjo klasë politike po ndërton në Shqipëri.  Jo vlerat amerikane, të ndarjes së pushteteve, përfshir sistemin juridik dhe qeverisjen demokratike, “të popullit, nga populli dhe për poullin”.  Është e qartë se këta nuk kanë dashur as nuk duan reformë në drejtësi dhe as antarësim në Bashkimin Evropian.  Kjo marrveshje midis USAID dhe Këshillit të Lartë të Gjyqësorit Shqiptar më duket si një shpenzim i kotë.

Si një shtetas amerikan, i them këto fjalë në frymën e mesazhit që kishte ndarë me kolegët e tij ish-Sekretari Amerikan i Shtetit, John Kerry në Munich në vitin 2014:

”Jemi krenarë”, ka thënë ai se -”Ne përpiqemi që të përsosim sistemin tonë në mënyrë të hapur e transparente, me përgjegjësi për ta reformuar, për ta ndrequr ku e kur është e nevojshme dhe për ta përforcuar atë kur duhet.”  Kështuqë, ka thënë ai, ne i bashkohemi këtij dialogu me ju këtu në Munih, “duke ditur dhe duke pranuar të metat tona, por pranimi i mangësive tona nuk do të thotë se ne nuk do themi gjërat ashtu siç i shohim në vende të tjera, duke u bazuar në pikëpamjet dhe vlerat tona”.

Prandaj, është më mirë të pranohet pra se përpjekjet, sado të drejta dhe të nevojshme që janë për një reformë rrënjësore në drejtësinë shqiptare, kanë dështuar!  Jo për arsye të mungesës së vullnetit të ambasadës dhe ndihmës amerikane për reformën në drejtësi, por në saje të mos vullnetit të klasës politike e cila mbron me çdo kusht interesat e veta dhe të oligarkëve të tyre mbështetës, në kurriz të interesave dhe të drejtave dhe lirive të popullit.  Si një shtetas krenar dhe taksapagues amerikan protestoj që të vazhdohet në këtë mënyrë, që taksat e mia të përdoren për aventura dhe kauza të dështuara, për të mbajtur në pushtet një klasë politike të dështuar dhe moralisht të korruptuar e cila në thelb nuk ndanë asnjë vlerë njerëzore, morale, politike, as drejtësie me Shtetet e Bashkuara të Amerikës. Këtë e them me plot bindje por edhe me dhimbje në zemër për bashkatadhetarët e mi sepse shoh, që siç është shprehur John Kerry, 6-vjet më parë në konferencën e Munichut në lidhje me influencat e oligarkëve, sidomos në Ballkan, se 6-vjet më vonë, asgjë nuk ka ndryshuar në Shqipëri as në Kosovë.

“Aspiratat e qytetarëve po shtypen dhe po shkelen nga interesat e oligarkëve të korruptuar, interesa këto të cilat përdorin paratë për t’i mbyllur gojën opozitës politike dhe kundërshtarëve, për të blerë politikanët dhe entet mediatike dhe për të dobësuar pavarësinë e gjykatave ndërkohë që përdorin trysni duke abuzuar me të drejtat e organizatave jo-qeveritare për të ekzistuar dhe për të vepruar në ambientin e tyre”, ka thenë Xhon Kerri.  Kjo kritikë e Zotit Kerri ndaj disa vendeve ku oligarkët, sidomos në Ballkan, kanë uzurpuar jetën politike dhe ekonomike, e ku ata në shumë raste kontrollojnë dhe përdorin median për manipulimin e politikanëve dhe të zgjedhjeve  është një referencë e qartë se në këtë mes bota perëndimore nuk ndanë me këta politikanë dhe oligarkë pasurinë e përbashkët të vlerave universale, për të cilat u fol në Konferencën e Munihut.  Oligarkët dhe interesat e tyre i kanë zënë frymën shoqërisë dhe zhvillimit të saj demokratik dhe kanë helmuar e korruptuar klasën politike dhe median, për interes të tyre.

Prandaj është më mirë, që përsa i përket reformës së dështuar në drejtësi dhe para se të derdhen fonde të tjera amerikane si në pus pa fund, të fillohet nga e para ose të hiqet dorë fare nga një përpjekje e tillë sado e dobishme dhe sado e nevojshme që të duket të jetë kjo nismë fisnike, por e gabuar.  Për ndryshe, si përfundim, rrezikohet që populli shqiptar të humbas besueshmërinë tek ambasada dhe shpresën tek Shtetet e Bashkuara, ashtu si shumica e shqiptarëve e kanë humbur me kohë shpresën tek kjo klasë politike shqiptare, në të dy anët e kufirit shqiptaro-shqiptar dhe gjithë spektrit politik shqiptar, pa dallim.  Mbaj mend një këshillë nga një redaktor i vjetër kur kisha filluar punën tek Zëri i Amerikës në fillim të viteve 1970-të, natyrisht në kontekstin e gazetarisë radiofonike të asaj kohe  i cili më pat thënë se do bëjsh gabime në karierën tënde, por kujdes e mos humb besueshmërinë tek dëgjuesit, sepse në qoftse humb besueshmërinë tek dëgjuesit, ke humbur çdo gjë dhe të shkon mundi kot.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Vetingu

Faktet dhe propaganda/ Zonja ambasadore e SHBA, SPAK është “mbreti lakuriq”

Publikuar

-

Nga

Dje ambasada e SHBA në Tiranë, nëpërmjet një reagimi ku flitej edhe në emrin tuaj zonja ambasadore Kim, shqiptarëve iu tha se do të mbështesnin SPAK-un. Do ta mbështesnin në këtë kohë që SPAK, kishte punuar dhe kishte hedhur themelet e tij të drejtësisë së re me disa hetime proactive.

Në fakt e nderuar zonja ambasadore, ne prej disa ditësh kemi publikuar me dhjetëra shkrime për SPAK, mefshtësinë që ka institucioni, por edhe problematikat që kanë vetë prokurorët.Disa kanë kaluar Vettingun në mënyrë të dyshimtë, dikush ka fshehur shpenzimet spitalore, dikush tjetër është i shantazhueshëm. Ka akuza se dikush ka fshehur edhe fëmijën nëVetting e shumë akuza të tjera si këto që bësoj raportet e strukturave të ambasadës I njohin më mirë se ne.

Por, le t’i quajmë të shkuara këto të gjitha dhe të kthehemi tek momenti dhe pritshmërisë dhe ato që SPAK i quan suksese.

Dje SPAK na tregoi se çfarë kishte bërë këto kohë. Na u duk si një vrimë në ujë, këtë shikojini edhe në reagimin dhe komentet e qytetarëve të zhgënjyer.

Ngjarja më e rëndësishme ishte kioska e burgut 313. E në qoftë se SPAK është themeluar që të hetojë raste të tilla korrupsioni si dyqanet brenda burgjeve, po e themi me plot gojë, që SPAK ka dështuar.

Kreu i SPAK, Arben Kraja

Le të shohim dhe diçka tjetër. Do të ishte mirë që ambasada dhe këshilltarët tuaj, të lexonin komentet e qytetarëve në shkrime, reagimet e tyre. Le t’i lexojnë lehtësisht në rrjetet sociale, pasi ne në server i kemi bllokuar ato.Janë me mijëra komente dhe qëndrime që tregojnë pritshmëritë e shqiptarëve ndaj SPAK.

Atë që iu kërkoni, që shqiptarët të mbështesin SPAK. Po, shqiptarët e kanë mbështetur dhe e mbështesin SPAK, ashtu siç e mbështesni ju por edhe më shumë zonja Ambasadore, sepse janë ata që e kanë vuajtur mbi supe padrejtësinë e 30 viteve.

Por, ajo që po servir SPAK-u sot është një lugë bosh. Ajo që po ndodh me SPAK sot dhe në qoftë se do të shpallet histori suksesi kjo punë që ata thonë, është dështim.

Ju mund të mos e pranoni, institucionet e tjera ndërkombëtare mund të mos e pranojnë, por qytetarët janë të vetëdijshëm e vërteta nuk mund të fshihet dhe SPAK nuk mund të shpëtojë nga akuzat duke u fshehur pas ndërkombëtarëve dhe duke thënë sna sulmojnë dot se nuk i le Amerika.

Këtu është rasti për t’iu kujtuar se në qoftë se SPAK është i paaftë dhe ka dalë “lakuriq” në rrugë, ne do ta themi po është i paaftë dhe ka dalë lakuriq në rrugë. Nuk mund të themi të kundërten, as ne dhe as shqiptarët.Të jeni e bindur zonja ambasadore. Ne nuk flasim në emër të tyre, por mjafton të lexoni komentet e shqiptarëve për të kuptuar se cilat kanë qënë pritshmëritë dhe sa të zhgënjyer janë nga ky SPAK.

Mund t’iu kujtojmë një përrallë të Hans Christian Andersen, të “Mbretit Lakuriq”, të cilin e gënjyen disa gjoja rrobaqepës dhe e nxorën në mes të turmës, të shoqëruar nga pas me disa këshilltarë vetëm me mbathje dhe të gjithë duartrokisnin sa bukur ishte veshur mbreti me rrobat e tij të reja.

Mbreti lakuriq dhe sherbetoret qe i mbajne “mantelin”

Një fëmijë diku në cep bërtiti dhe tha se mbreti është lakuriq dhe pastaj reagoi gjithë turma dhe mbreti u kthye i turpëruar.Ata “rrobaqepësit” morën florinjtë dhe u larguan.

E pra ne nuk mund të themi që “mbreti nuk është lakuriq”. Sot jemi në vitin 2020. Ne mund t’iu vlerësojmë dhe t’iu respektojmë së tepërmi për kontributin që jepni për vendin tonë, për partneritetin që keni marrë për Reformën në Drejtësi.  Gjithashtu e kemi mbështetur jo vetëm ne si media, por dhe shumica e shqiptarëve Reformën në Drejtësi.

Por, në qoftë se do të vazhdoni, qoftë edhe ju dhe vetë SPAK të na thotë se “mbreti është i veshur”, ndërkohë që ai ka “dalë lakuriq” në rrugë, ne nuk kemi për të heshtur. As shqiptarët nuk kanë për të heshtur zonja ambasadore. Kanë për të reaguar më fort se ç’po reagojnë këto ditë.

SPAK ka pasur pritshmëri të mëdha. Byroja Kombëtare e Hetimit gjithashtu. Pritej të bëhej një përmbysje e madhe. Nuk mundet të jetë ky institucion fasadë dhe dështim. Nuk mund të dalë në rrugë lakuriq dhe tëna thotë se është i veshur. Mjafton të kërkoni raportet nga vartësit tuaj, cila ka qënë puna e Prokurorisë së Krimeve të Rënda dhe cila është puna e SPAK sot.

LEXO EDHE:  “Nuk e fitojnë këtë dava”/ Paralajmëron Ngjela: Do ikin një nga një

LEXO EDHE:  Mero Baze: Berisha, telefonatë të ashpër me Donald Lu një natë më parë

Merrni gjashtë muajt më të këqinj të kohës së Prokurorisë së Krimeve të Rënda dhe shikojini me këta gjashtë muajt e parë, apo kur filloi punën Prokuroria e Krimeve të Rënda dhe rezultatet që ka sot SPAK. Megjithëse një pjesë e mirë që keni atje brenda janë të njëjtët persona.

Prandaj, mbështetja publike e shqiptarëve nuk mungon dhe askush nuk ka nevojë të shqetësohet sepse ata thonë të vërtetën.Ajo që duhet të ndodhë duhet të jetë ndryshe.Duhet të jetë SPAK që duhet t’iu tregojë me fakte konkrete shqiptarëve se nuk ka dalë “lakuriq në rrugë”. Dhe ne nuk do të heshtim si media, derisa SPAK ta bëjë këtë punë. Derisa SPAK të shkojë dhe të vishet dhe jota mashtrojnë “rrobaqepësit” në rrugë.

Adriatik Llalla

Nuk mundet të pranojmë që SPAK të na thotë histori korrupsioni me një dosje të vjetër të ish-prokurorit të përgjithshëm për të cilin kanë nisur një akuzë qesharake dhe kanë hequr të gjitha nenet ku ai mund të dënohej. Në rast se nuk e dini, Ardiatik Llalla do akuzohet vetëm për 20 mijë eurot që nuk deklaroi në kufi. I kanë bërë nder nuk kanë bërë drejtësi.

Hall korrupsioni një kioskë dhe SPAK hesht përballë politikanëve, të cilët ne i kemi treguar me fakte konkrete që kanë pasuri 500 milionëshe, të blerë për vetëm 30 mijë euro, në emër të fëmijëve të tyre.

Kur SPAK hesht për koncesionet korruptive të qeverisë shqiptare, të firmosura nga ministrat dhe ish-ministrat e Ramës, na bën të dyshojmë se kreu i institucionit Arben Kraja është drejtor politik i Rilindjes dhe jo produkt i një drejtësie të mbështetur nga SHBA.

Prandaj, në qoftë se SPAK nuk do fillojë hetimet dhe të çojë dosje konkrete në lidhje me korrupsionin, skandale, vjedhje dhe abuzime të shqiptarëve askush nuk do të heshtë dhe askush nuk do ta mbështesësi në fillim.

SPAK do të mbështetet kur të bëj punën e tij, e në qoftë se kanë ikur nga mendja dhe duan “të dalin lakuriq” në rrugë, iu qoftë rruga e mbarë atyre çdo ditë. Ne do të themi që janë “lakuriq”, nuk mund të themi se janë të veshur. Kush mendon ndryshe është në punën e tij.

Prokuroret e SPAK

Por, fëmija e tha fjalën e tij sepse pati kurajo.Nuk pati frikë për mbretin që kishte dalë i zhveshur. E në rast se ne jemi “fëmija” të tjerët pas nesh ndoshta shpresojnë të bëhen turma që t’i thonë të vërtetën mbretit, që të mos dalë më lakuriq në rrugë, se nuk turpëron vetëm veten por turpëron mbretërinë. Turpëron SPAK-u sot Shqipërinë.SPAK-u sot turpëron Reformën në Drejtësi, ambasadën e SHBA-ve dhe partnerët ndërkombëtarë, të cilët u investuan për këtë institucion.

Prandaj nuk mund të heshtë askush, edhe ata që kanë qënë zjarri dhe flaka e parë e mbështetjes së Reformës në Drejtësi, ne ndoshta kemi qënë pak më pas, sot janë të zhgënjyer, kur shikojnë një SPAK që shumica e quajnë ASPAK.

Prandaj që ta kuptoni lehtësisht “lakuriqësinë” e SPAK, lexoni komentet dhe reagimet e qytetarëve. Atëherë do të kuptoni vërtetë të çfarë po ndodh me një institucion që jo vetëm nuk po bën asgjë, por edhe po tallet me shqiptarët duke nxjerrë raporte sikur po heton apo punon 24 orë në ditë. Ndërsa në fakt nuk po bën asgjë. Thjeshtë po hesht dhe po miraton në heshtje korrupsionet e qeverisë dhe pagesat që i bëhen edhe opozitës që të heshtë ashtu si SPAK./ CNA.al

 

SPAK produkt i korrupsionit/ Çfarë mendojnë shqiptarët për Arben Krajën & CO

LEXO TE PLOTE

Vetingu

Mbarimi i mandatit/ KLGJ pranon kërkesën e Dvoranit

Publikuar

-

Nga

Kreu i KED, Ardian Dvorani do të ketë disa ditë kohë për të formuluar argumentet e tij ligjore për dhënie mendimi lidhur me mbarimin e mandatit të tij.

Dvorani kërkoi shtyrjen e afatit të kohë së dhënë nga KLGJ dhe kjo u pranua me vendim qarkullues.

Mbledhja e radhës e KLGJ mund të mbahet të martën edhe pse nuk ka një datë fikse. Presidenti Meta pak ditë më parë dërgoi një letër në Gjykatën e Lartë dhe KLGJ ku konstatonte mbarimin e mandatit të Dvoranit si anëtar në Gjykatën e Lartë.

Dvoranit i ka mbaruar mandati që në 2014 por ka qëndruar në detyrë prej vakumit në Gjykaten e Larte, derisa mbeti dhe si anëtari i vetëm i saj si pasojë edhe kreu i KED.

LEXO EDHE:  Ambasadori Lu jep sinjale pozitive/ Gjëra të mira do vijnë për shqiptarët

LEXO EDHE:  “Nuk e fitojnë këtë dava”/ Paralajmëron Ngjela: Do ikin një nga një

Tashmë me mbarimin e mandatit Ardian Dvorani duhet të largohet si anëtar i Gjykatës së Lartë, njëkohësisht dhe nga kreu i KED por gjithashtu duhet të vijojë përballjen me drejtësinë ndaj kallëzimeve penale nga Presidenti Meta jo më me si anëtar i këtij institucioni.

LEXO TE PLOTE

Vetingu

SPAK pranon publikisht dështimin/ Në gjashtë muaj asnjë hetim serioz

Publikuar

-

Nga

bashkeshortja e gjyqtarit te administratives drejt SPAK

Sot pas shumë denoncimesh, shënimesh dhe opinionesh, jo vetëm të CNA.al, por edhe të qytetarëve, publikuar për rreth 10 ditëve, ka reaguar SPAK.

Nëpërmjet një deklarate kanë raportuar publikisht se cila ka qënë puna e tyre në këtë kohë, dhe ashtu siç ne kemi thënë kërkojnë t’iu hedhin hi syve qytetarëve. Kërkojnë të thonë se po bëjnë luftë ndaj korrupsionit, duke mos bërë asgjë.

Raportojnë se kanë çuar në kallëzim ish-prokurorin e përgjithshëm, kur në fakt është në hetim dhe një proçedurë e nisur nga ish-Prokuroria e Krimeve të Rënda dhe SPAK nuk ka bërë asgjë. Thjeshtë dhe vetëm në disa nga hetimet, ku ne i kemi denoncuar, ka pranuar edhe se ka dështuar vetë.

Nga ana tjetër SPAK shprehet se ka bërë disa hetime aktive, proactive, për korrupsion, e kështu me radhë, duke përfunduar tek kioska e brendshme e burgut 313. Kjo është historia e suksesit të SPAK-ut. Më e madhja e saj, Se në fakt ajo e ish-kryeprokurorit dhe disa dosje të tjera nuk janë hetime të filluara prej tyre. Por janë të trashëguara nga ish-Prokuroria e Krimeve të Rënda.

Sot publikisht pranojnë dështimin. Tregojnë vetë në deklaratë që nuk ka bërë asgjë. Nuk tha emrin e një zyrtari të korruptuar, të çuar në procedim penal, nuk tha emrin e asnjë ministry apo ish-ministri. Nuk tha emrin e asnjë drejtori apo ish-drejtori. Nuk tha emrin e asnjë politikani. Nuk tha emrin e asnjë zyrtari që ka bërë tendera dhe ka përdorur milionat e dollarëve të shqiptarëve.

Nuk tha asnjë fjalë dhe nuk tregoi asnjë hetim për korrupsionin galopant të denoncuar nga KLSH-ja, për koncesionet.

Për skandalin me atë koncesion që quhet Check up, për skandalin me koncesionin e inceneratorëve dhe çdo koncesion tjetër të dhënë nga qeveria, që është një aferë e pastër korruptive. Nuk tha asgjë, a kishte filluar hetimet për Ben Blushin. Politikanin, i cili një pasuri 500 milionëshe, e kishte blerë për 30 mijë euro, në emër të vajzës së tij. Nuk tha asnjë fjalë a e ka hetuar ministrin Ilir Beqaj. Nuk tha asnjë fjalë a i ka hetuar ministrat që kanë firmosur koncesionet, Lefter Kokën apo kolegët e tjerë të tij.

LEXO EDHE:  A do kandidojë Arta Marku për SPAK?

LEXO EDHE:  Ambasadori Lu jep sinjale pozitive/ Gjëra të mira do vijnë për shqiptarët

Por, na tha se halli i madh kishte qënë kioska brenda burgut. Se ishte një korrupsion i madh.

Në fakt ajo kioska ndoshta bën 500 mijë lek xhiro në ditë, e gjithë vitin ndoshta bën disa miliona lekë. Kurse koncesioni i inceneratorëve ka marrë mbi 60 milion dollarë nga taksat e shqiptarëve. Pa folur për koncesionet e tjera. Pa folur për Check up, apo për politikanët me miliarda pasuri të fshehur në emër të fëmijëve të tyre apo shpenzime të padeklaruara për shkollimet që iu bëjnë trashëgimtarëve në Angli.

SPAK nuk na tha sot se kush nga kolegët e tyre ka fshehur kurimin jashtë vendit dhe nuk e ka deklaruar në Vetting. Pa folur për ndonjërin që ka shkuar deti te fshehja e fëmijës, pa folur për ndonjërin që ka qënë i shantazhueshëm dhe e deklaruar kjo edhe në Vetting.

Pa folur për ish-prokurorët apo ish-hetuesit e Sigurimit të Shtetit.

Këto SPAK nuk i tha dhe vazhdon të bëjë sikur punon. Sot pas gjashtë muajsh SPAK nuk ka bërë asgjë.

Ato që tha janë thjeshtë hi syve. Janë një gënjeshtër e madhe për shqiptarët, për t’iu thënë se kanë bërë çudira, porn ë fakt nuk kanë bërë asgjë. Ato janë një hiç, në skandalet dhe korrupsionin që ka sot në Shqipëri.

SPAK duhet të hetojë ministra, duhet të hetojë politikanë. Duhet të zbardhë dosje të vërteta të korrupsionit të koncesioneve, të pasurive dhe vjedhjeve që i janë bërë Shqipërisë. Jo të bëjë sehir dhe të ketë frikë, se janë të zhytur në llumin e pazareve dhe të korrupsionit me qeverinë./ CNA.al

Denoncimet e CNA.al/ Reagon SPAK: Ja çfarë kemi bërë

SPAK produkt i korrupsionit/ Çfarë mendojnë shqiptarët për Arben Krajën & CO

Zbulohen fotot ekskluzive të Arben Krajës dhe prokurorëve të SPAK

“Kriminelë me pelerina të zeza dhe prokurorë të korruptuar”/ Ja si e shikojnë qytetarët SPAK

SPAK-u me lugën e çorbës së prishur të korrupsionit

LEXO TE PLOTE