Connect with Us

Koronavirusi dëmton rëndë ekonominë/ Papunësia dhe dilemat e rihapjes në SHBA

Bota

Koronavirusi dëmton rëndë ekonominë/ Papunësia dhe dilemat e rihapjes në SHBA

Publikuar

-

Në SHBA vazhdojnë të shtohen radhët e të papunëve. Sipas një njoftimi të sotëm nga Departamenti i Punës, javën e kaluar u shtuan 3.8 milion punëtorë të tjerë që kërkojnë kompensim papunësie ndërsa pandemia e koronavirusit vazhdon të dëmtojë rëndë ekonominë më të madhe të botës.

Kërkesat e reja për pagesë papunësie e kanë çuar në 30.3 milion totalin e gjashtë javëve, edhe pse disa shtete kanë filluar të rihapin disa biznese dhe Presidenti Donald Trump po bën presion që ekonomia kombëtare të rivihet në lëvizje.
Por miliona punëtorë të tjerë mund të paraqesin kërkesa për ndihmë papunësie gjatë javëve të ardhshme, në kushtet kur pandemia ende nuk e ka arritur ndikimin e saj të plotë.

Shtetet e Bashkuara nuk kanë parë një nivel të tillë paunësie, më shumë se një në çdo gjashtë punëtorë, që nga Depresioni i Madh i viteve 1930. Përmasat e papunësisë kanë fshirë plotësisht rritjen e vendeve të punës të arritur që nga recesioni i vitit 2008.

Qeveria raportoi të mërkurën se ekonomia kombëtare ra 4,8 për qind në tremujorin e parë të këtij viti, me perspektivën e një rënieje shumë më të madhe në tremujorin prill-qershor, më tepër se në çdo periudhë që nga Lufta e Dytë Botërore.

Credit Suisse parashikon një rënie prej 33.5 për qind, ndërsa banka e investimeve Goldman Sachs pak më shumë se 34 për qind, me një shkallë papunësie prej 15 për qind.
Megjithatë, Goldman parashikon një rritje të fuqishme prej 19 për qind në tremujorin e tretë, korrik-shtator, kur SHBA të fillojnë me gjasë ta rimarrin veten nga pandemia.

Disa biznese pushuan punëtorë shumë herët, në mes të marsit, kur përhapja e koronavirusit po bëhej e dukshme. Por bizneset e tjera u zotuan të vazhdonin t’i paguanin punëtorët, të paktën për një kohë, edhe pse shumë prej tyre kishin shumë pak punë, pasi klientët e mundshëm qëndronin në shtëpi për të mbrojtur veten dhe familjet.

Disa biznese tani i kanë pushuar edhe këta punëtorë, ndërkohë që problemet ekonomike thellohen.

Kongresi i SHBA e ka rritur masën e kompensimit për papunësinë që paguajnë shtetet me 600 dollarë në javë, për një periudhë prej katër muajsh. Pagesat e shteteve për njerëzit e pushuar nga puna shpesh nuk mbulojnë as gjysmën e pagave të tyre të mëparshme.
Në shtetet që po rihapin gjerësisht bizneset, punëtorët do të përballen me zgjedhje personale nëse mendojnë se kthimi në punë është i sigurt. Pyetja që mbetet e hapur është nëse ata mund të vazhdojnë të marrin pagesa papunësie kur shteti i tyre i lejon bizneset të rihapen dhe ata personalisht zgjedhin të mos rikthehen në punë.

LEXO EDHE:  Ja pse Evropa ka nevojë për Amerikën

Totali i ri javor për kompensime papunësie është më i vogël se ai i katër javëve të fundit, kur aplikimet për ndihmë ishin miliona më shumë. Kjo tregon ndoshta se rënia është stabilizuar në një farë mase.

E panjohur është se për sa kohë do të mbesin të mbyllura bizneset apo do të funksionojnë vetëm mbi një bazë të reduktuar. Miliona njerëz mund të mbeten pa punë deri në fund të vitit 2020.

Tani për tani, rihapja e ekonomisë në SHBA është një proces jo uniform. Guvernatorët e një pjese të vogël shtetesh u bëjnë thirrje pronarëve të dyqaneve, restoranteve, salloneve të flokëve apo të thonjve, se janë të lirë të rihapen nëse dëshirojnë, duke praktikuar ndërkohë distancimin fizik dhe duke i inkurajuar njerëzit të mbajnë maska në publik.

Drejtuesit e disa korporatave më të mëdha të vendit kanë paralajmëruar Presidentin Trump se duhet të bëhen më shumë testime përpara se punëtorët të mund të rikthehen.

Autoritetet federale rekomandojnë që amerikanët të mbajnë të paktën një distancë fizike prej dy metrash nga njerëzit e tjerë deri në fund të prillit, por me hyrjen e muajit maj, Presidenti Trump po i heq rekomandimet.

Ritmi i shpejtë i pushimeve nga puna është i pashembullt në historinë e dekadave të fundit në SHBA, megjithëse shkalla e dëmit ekonomik nuk dihet saktësisht. Gjatë recesionit të madh në periudhën 2007-2009 u deshën dy vjet që të humbnin punën 8.6 milion njerëz.

Përkrahës të shumtë të Presidentit Trump janë duke i bërë atij presion që të rihapë ekonominë e vendit.

Gjatë dy javëve të fundit ka patur protesta në rrugë, ku demonstruesit kanë kërkuar që zyrtarët e qeverisë të ndërpresin mbylljet e bizneseve dhe t’i lënë ata të kthehen në punë.

Por në mediat amerikane po publikohen gjithashtu njoftime të shumta për vdekjen e njerëzve që nuk besonin se mund të binin viktimë e koronavirusit dhe që guxuan të shkonin në vende publike duke u infektuar në mënyrë fatale./VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Thaçi mandaton kryeministrin e ri të Kosovës/ Avdullah Hoti 15 ditë kohë për të krijuar qeverinë

Publikuar

-

Nga

Presidenti i Republikës së Kosovës, Hashim Thaçi, ka mandatuar st kryeministrin e ri të Kosovës.

Mësohet se Thaçi me anë të një dekreti i ka proporzuar Kuvendit si kandidat për kryeministër Avdullah Hotin.

Në dekret theksohet se Hoti duhet që brenda prej 15 ditësh t’i propozojë Kuvendit të Kosovës përbërjen e qeverisë së tij dhe të kërkojë votimin e saj.

“Në krejt këtë situatë të panatyrshme, legjitimiteti i qeverisë aktuale është sfiduar nga votimi i mocionit nga më shumë se dy të tretat e deputetëve. Në anën tjetër, është obligim i imi si President, të sigurohem për funksionim të insititucioneve. Mocioni ka qenë plotësisht sipas Kushtetutës, në përptuhshmëri me vullnetin e deputetëve dhe rendit demokratik në Kosovë. Pavarësisht rrethanave, këto janë të rregulluar qartë me kushtetutë, dhe nuk mund të konsiderohen sit ë jashtëzakonshme”, ka thënë presidenti i Kosovës gjatë një deklarate për mediat./ CNA.al

LEXO TE PLOTE

Kosova & Rajoni

Deklarata e pedagogut shqiptar/ “Lajmet e rreme ndaj NATO-s, BE-së dhe Perëndimit vijnë nga Rusia”

Publikuar

-

Nga

Pedagogu i gazetarisë dhe gazetari shqiptar në Malin e Zi, Ismet Kallaba, ka folur rreth luftës kibernetike ndaj ‘fake neës’ gjatë kohës së pandemisë COVID-19 në Malin e Zi.

Në një lidhje me “Euronews Albania”, Kallaba, duke iu referuar të dhënave nga raportet e BE-së dhe përfaqësive të tjera diplomatike, tha se shumica e lajmeve të rreme e kanë prejardhjen nga Rusia, pasi Moska po bën përpjeke për ndryshime gjeostrategjike në rajon.

“Lajmet e rreme janë shtuar gjatë periudhës së Coronavirusit. Kemi një përpjekje të shtuar për përhapjen e lajmeve të rreme në Mal të Zi. Po i referohem më tepër disa të dhënave që vijnë nga Bashkimi Europian dhe disa shqetësimeve që vijnë prej aty, por edhe nga përfaqësi të ndryshme diplomatike, sidomos nga ambasada e Shteteve të Bashkuara të Amerikës, të cilët kanë vërejtur jo vetëm në këtë periudhë, por edhe më përpara një prani të shtuar të lajmeve të rreme. Këto informacione të rreme përgjithësisht kanë për burim  Rusinë, e cila po bën një përpjekje për ndikime gjeo-strategjike”, tha Kallaba.

Më tej ai shtoi se në këtë periudhë të vërshimit të informacioneve në hapësirën kibernetike është e vështirë lufta ndaj lajmeve të rreme.

LEXO EDHE:  A u takua Basha me Donald Trump në SHBA?!/Zbulohet e vërteta

LEXO EDHE:  Video-Babë e bir vrasin fqinjin

“Mali i Zi është një shtet i vogël dhe sigurisht bën përpjekje për këtë luftë kibernetike që po zhvillohet. Edhe Mali i Zi nuk është imun në këtë luftë ashtu si dhe shtetet e tjera të Ballkanit Perëndimor. Unë mendoj që është pak e vështirë për të luftuar, megjithatë autoritetet zyrtare në Mal të Zi po mundohen të luftojnë kundër lajmeve të rreme, por në këtë kohë, të infoobezitetit, sfida bëhet më e madhe”, u shpreh Kallaba.

LEXO TE PLOTE

Bota

Shembulli shqetësues i Gjermanisë/ Ndërsa bllokimi nis e lehtësohet, përhapja e koronavirusit përkeqësohet

Publikuar

-

Nga

Shenjat e para që të dhënat e transmetimit të koronavirusit ishin përmirësuar, ishin të dukshme në të dhënat zyrtare gjermane, ndërkohë që vendi përpiqet të bëjë një lehtësim të kujdesshëm të masave të izolimit.

Riprodhimi ose niveli i infeksionit – nën vëzhgim të ngushtë nga autoritetet shëndetësore – u rrit përsëri në afro 1.0, që do të thotë se çdo person i infektuar ia kalon virusin një tjetri, sipas shifrave nga Instituti Robert Koch (RKI) për kontrollin e sëmundjeve, që u publikuan të hënën.

Në vend ka pasur debate të mëdha mediatike dhe politike, pasi kancelarja Angela Merkel paralajmëroi shtetet federale të Gjermanisë kundër heqjes së izolimit kaq shpejt.

Që nga mesi i muajit prill, niveli i infeksionit ishte ulur në 0.7, para se të rritej përsëri. Ndërkohë, shkalla e vdekshmërisë nga COVID-19, gjithashtu është duke u rritur dita-ditës.

Deri të martën, kishte arritur në 3.8 përqind, por mbetet shumë më poshtë se disa vende fqinje si Franca. Të dhënat e fundit treguan 156.337 raste në Gjermani dhe 5.913 vdekje.

Rritja e niveleve të infeksionit dhe vdekshmërisë mund të përbënte një mister për autoritetet, pasi popullata po fillonte të gëzonte disa liri të rikthyera.

Ministri i Shëndetësisë Jens Spahn, herët në prill, shpalli se pandemia ishte  “nën kontroll” në Gjermani, pasi Merkeli dhe kryeministrat e shteteve ranë dakord që dyqanet më të vogla mund të hapeshin dhe disa nxënës të ktheheshin në shkolla.

Ndërkohë, disa biznese të mëdha si gjigandi i makinave Volkswagen kanë rifilluar prodhimin ditët e fundit.  Tani të dhënat më pak inkurajuese do të jenë pjesë në diskutimet e kancelares me drejtuesit rajonalë ditën e enjte.

LEXO EDHE:  Video-Babë e bir vrasin fqinjin

LEXO EDHE:  SHBA tërheqin të gjitha trupat e mbetura nga Siria veriore

Deri më tani, 6 maji pritej të sjellë lehtësim të mëtejshëm të kufizimeve. Lutjet e Merkelit për të mos nxituar hap pas hapi nga frika se do të përkeqësohej sërish përhapja e virusit, u hodhën poshtë.

“Edhe nëse supozojmë se një person infekton 1.1 të tjerë, ne do të arrinim kufijtë e asaj që sistemi ynë shëndetësor dhe shtretërit e kujdesit intensiv mund të menaxhojnë në tetor,” paralajmëroi ajo në fillim të këtij muaji.

“Nëse supozojmë një normë prej 1.2 … do të arrinim në kufirin e sistemit shëndetësor në korrik. Dhe me një normë 1.3, kufiri do të ishte në qershor,” shtoi ajo.

Merkel u bëri thirrje qytetarëve që t’u përmbahen masave të rrepta të distancimit social që janë akoma në fuqi, duke i kufizuar ata që të takojnë vetëm një person tjetër nga jashtë familjes së tyre, në një distancë prej 1.5 metrash.

Ndërkohë, 16 shtetet federale të Gjermanisë e kanë bërë të detyrueshme mbulimin e hundës dhe gojës në hapësira publike, siç janë dyqanet dhe transporti publik. / bota.al

LEXO TE PLOTE