Connect with Us

Sekretari amerikan i Shtetit flet për “zhdukjen” e Kim Jong Un/ Nuk e dimë ku ndodhet

Bota

Sekretari amerikan i Shtetit flet për “zhdukjen” e Kim Jong Un/ Nuk e dimë ku ndodhet

Publikuar

-

Sekretari amerikan i Shtetit Mike Pompeo tha të mërkurën Shtetet e Bashkuara nuk kanë dijeni se ku ndodhet udhëheqësi i Koresë së Veriut Kim Jong Un dhe se po i vëzhgojnë me kujdes raportet për shëndetin e tij.

Ai tha se në vend ekziston një rrezik i vërtetë i urisë, për shkak të krizës botërore të koronavirusit.

Mediat e Koresë së Veriut nuk kanë njoftuar mbi vendndodhjen e Kim Jong Un-it që nga data 11 prill, kur ai kryesoi një takim dhe kjo ka provokuar hamendje të shumta për shëndetin e tij si dhe shqetësime se paqëndrueshmëria në shtetin me armë bërthamore mund të prekë vendet e tjera të Azisë si dhe Shtetet e Bashkuara.

“Ne nuk e kemi parë. Nuk kemi asnjë informacion që mund të raportojmë sot. Po e ndjekim situatën nga afër,” tha zoti Pompeo për Fox News, i pyetur për njoftimet kontradiktore lidhur me shëndetin e udhëheqësit koreanoverior.

Ai tha se Shtetet e Bashkuara po monitorojnë gjithashtu situatën më të gjerë në Korenë e Veriut, duke pasur parasysh rrezikun që paraqet koronavirusi.

“Ekziston një rrezik i vërtetë se në Korenë e Veriut do të ketë uri, mungesa ushqimore,” tha ai. Ne po i vëzhgojmë të gjitha këto nga afër, pasi ato kanë një ndikim real në misionin që i kemi vënë vetes, denuklearizimin e Koresë së Veriut.”

Presidenti Donald Trump u takua me Kim Jong Un-in tri herë në vitet 2018 dhe 2019, në përpjekje për ta bindur atë të hiqte dorë nga armët bërthamore, që kërcënojnë Shtetet e Bashkuara. Ndërsa bisedimet kanë ngecur, Presidenti Trump ka vazhduar ta quajë Kim Jogn Un-in një mik.

LEXO EDHE:  Ngjashmëria mes kryeministrit Edi Rama dhe diktatorit Kim Jong Un (foto)

Zoti Pompeo nuk dha hollësi mbi rrezikun e urisë në Korenë e Veriut, por një delegacion ekonomik i Phenianit ishte në Pekin këtë javë për të diskutuar mbi furnizimet ushqimore dhe çështjet e tregtisë, ndërkohë që shpërthimi i koronavirusit ka shkaktuar çrregullime serioze në gjendjen ushqimore të vendit, sipas personave me njohuri për këtë çështje.

Disa zyrtarët në Korenë e Jugut dhe në Shtetet e Bashkuara kanë thënë se Kim

Jong Un mund të jetë duke qëndruar në një vendpushim bregdetar për të shmangur ekspozimin ndaj koronavirusit dhe kanë shprehur skepticizëm për raportet e medias se ai ka një sëmundje të rëndë.

Ata paralajmërojnë megjithatë se shëndeti dhe vendndodhja e Kim Jong Un-it janë sekrete që ruhen me kujdes nga regjimi dhe se në Korenë e Veriut është e vështirë të nxirren informacione të besueshme./VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Mbi 22 mijë të vdekur nga Covid-19 në Britani, 161 mijë të infektuar

Publikuar

-

Nga

Britania e Madhe ka regjistruar 601 viktima nga Covid-19 në 24 orët e fundit, duke kapërcyer shifrat e 22 mijë të vdekur tashmë (22 mijë e 279në total).

Saktësisht në Angli u shënuan 455 viktima, 83 në Skoci dhe 73 në Uells.

Deri më tani numri i të prekurve në Britani është mbi 161 mijë persona, nga të cilët mbi 1500 pacientë janë në terapi intensive.

LEXO EDHE:  Trump, Pompeo urojnë myslimanët me rastin e Ramazanit

LEXO EDHE:  Heqja e taksës me Serbinë/ Kurti letër për Trump dhe Pompeo

Autoritetet zyrtare po përgatiten për të bërë  një  rinumërim të viktimave për të nxjerrë numrin real pasi dyshohet se ka shumë raste vdekjesh me Covid-19 të paraportuara që kanë ndodhur në kushte shtëpie./CNA.al

LEXO TE PLOTE

Kosova & Rajoni

Shkon në 74 numri i viktimave në Maqedoninë e Veriut/ Konfirmohet 21 të prekur të tjerë

Publikuar

-

Nga

21 persona kanë rezultuar pozitiv me Covid-19 në Maqedonin ë e Veriuit ditën e sotme nga 279 teste që janë kryer gjithsej.

Duke iu referuar shifrave zyrtare, Illyria News Agency raporton se 8 raste janë paraqitur në Shkup, 6 në Kumanovë, 4 në Prilep, si dhe nga një në Tetovë, Strugë dhe Pehqevë. Mësohet se nga fillimi i pandemisë në shtetin fqinj numri i personave të diagnostikuar me Covid-19 shkon në 1436.

Ndërkohë, numri i përgjithshëm i personave të shëruar nga Covid-19 është 627.

LEXO EDHE:  U tha se ka ndërruar jetë/ Koreja e Jugut sqaron gjendjen shëndetësore të Kim Jong-un

LEXO EDHE:  Sekretari Amerikan, Pompeo telefonon Bushatin/ Ja çfarë u bisedua

Fatkeqësisht, gjatë 24 orëve të fundit tre raste tjera me Covid-19 kanë humbur jetën, duke e dërguar numrin e viktimave në total në 74 persona./ CNA.al

LEXO TE PLOTE

Bota

SHBA/ Rihapen disa biznese me masa mbrojtëse ndaj Covid-19

Publikuar

-

Nga

Disa shtete amerikane tashmë po lehtësojnë masat kufizuese ndaj Covid-19, duke lejuar hapjen e bizneseve, pavarësisht shqetësimeve se numri i rasteve në vend vazhdon të rritet. Mbi 58,000 njerëz kanë vdekur nga koronavirusi në Shtetet e Bashkuara, dhe gati një milion të tjerë janë infektuar. Korrespondenti i Zërit të Amerikës Brian Padden njofton se guvernatorët e shteteve po përpiqen të balancojnë kërcënimin ndaj shëndetit publik me koston e rëndë ekonomike të mbylljes që ka lënë pa punë mbi 26 milionë amerikanë në muajin e fundit.

Palestrat, floktoret dhe restorantet janë ndër bizneset jo thelbësore që janë rihapur në Xhorxhia, shteti i parë amerikan që ndërmori hapa të mëdha për rihapjen e ekonomisë.

Megjithatë, këto biznese janë të detyruara të zbatojnë udhëzimet për distancim fizik, të dezinfektojnë mjediset e punës dhe duhet të kontrollojnë punonjësit për simptoma të koronavirusit, si temperatura e lartë.

“Ne po kontrollojmë temperaturën e punonjësve, u kërkojmë klientëve që plotësojnë një pyetësor para çdo shërbimi, dhe i lajmë duart”, thotë Shannon Stafford, pronare e floktores New Era Hair Studio.

Por numri i të infektuarve me koronavirus në Xhorxhia është ende duke u rritur.

Ekspertët e shëndetit publik paralajmërojnë se përpjekja për të lehtësuar pasojat ekonomike nga masat e hershme kufizuese, rrezikon të shkaktoj një shpërthim më të rëndë të virusit vdekjeprurës.

“Me hapjen e ekonomisë ne po ekspozojmë njerëzit që nuk e njohin imunitetin e tyre, domethënë ata që nuk kanë antitrupa ndaj virusit ose nuk janë prekur nga virusi, që në fund mund të çojë në rritje të numrit të viktimave dhe numrit të pacientëve nëpër spitale”, tha Dr. Jason Farley, epidemiolog në Universitetin Johns Hopkins.

Në mbarë vendin kanë shpërthyer protesta të amerikanëve që duan të kthehen në vendet e tyre të punës. Megjithatë, sondazhet tregojnë se ka një mbështetje të fortë të publikut për masat kufizuese për bizneset dhe tubimet e mëdha për të vënë nën kontroll pandeminë, derisa të zhvillohet një trajtim efektiv ose një vaksinë.

Presidenti Donald Trump ua ka lënë në dorë shteteve që të vendosin se kur do të rihapin ekonominë. Të hënën, ai njoftoi udhëzime të reja për të ndihmuar në rihapjen e bizneseve në mënyrë të sigurt dhe rritjen e kapacitetit të testimeve në shkallë vendi.

LEXO EDHE:  Koreja e Veriut bën bilancin e raketave/ Kim Jong-un: Më shumë testime priten në 2018

LEXO EDHE:  Ngjashmëria mes kryeministrit Edi Rama dhe diktatorit Kim Jong Un (foto)

“Siguria ekonomike është jetike për sigurinë shëndetësore të vendit tonë. Këto qëllime funksionojnë së bashku, krah për krah me njëri-tjetrin.”

Disa shtete të tjera gjithashtu po lejojnë rihapjen e bizneseve të caktuara, pasi humbja e një numri të madh të vendeve të punës dhe boshllëqet në ndihmën e qeverisë për papunësinë kanë lënë shumë njerëz pa para të mjaftueshme për të paguar për ushqime dhe qiranë. Por ky mund të jetë një proces i ngadaltë, thonë ekspertët.

Dr William Schaffner, Profesor i Sëmundjeve Infektive, Qendra Mjekësore e Universitetit të Vanderbiltit -skype

“Ne duhet ta bëjmë këtë gradualisht për të parë nëse mund ta përballojmë atë apo befas do të kemi një rritje të re të infektimeve me Covid-19. Ky do të jetë një veprim delikat balancimi”, tha Dr William Schaffner, Profesor i Sëmundjeve Infektive, Qendra Mjekësore e Universitetit të Vanderbiltit.

Në Nju Jork, epiqendra e koronavirusit në Shtetet e Bashkuara, Guvernatori Andrew Cuomo tha se shteti po zhvillon një plan me faza për të rihapur ekonominë bazuar në udhëzimet nga Qendra për Kontrollin e Sëmundjeve. Së pari, shtetet duhet të shohin një periudhë të qëndrueshme të zvogëlimit të rasteve me COVID-19, të pasuar nga shtimi i numrit të testimeve dhe vlerësimi i rrezikut.

“Ne do të lëmë dy javë midis fazave, në mënyrë që të monitorojmë efektin e vendimeve tona. Veprimet e ndërmarra duhet të monitorohen.”

Ndërsa disa biznese fillojnë të rihapen, përhapja e virusit ka detyruar mbylljen e bizneseve të tjera. Një rritje e infeksioneve me koronavirus në industrinë e paketimit të mishit ka mbyllur disa fabrika, duke shkaktuar probleme në zinxhirin e furnizimit që mund të çojnë në mungesa të ushqimit dhe çmime më të larta të mishit./ VOA

LEXO TE PLOTE