LEXO PA REKLAMA!

SHKARKO APP

Deri dje kërkonte pezullimin/ Basha "e dredh" për fasonët: Qeveria po i shtyn drejt mbylljes, të ulë kostot

29 Prill 2020, 18:30, Politikë CNA
Deri dje kërkonte pezullimin/ Basha "e dredh" për

Kryetari i opozitës Lulzim Basha ka takuar sot përfaqësuesit e Unionit të Fasonistëve të Shqipërisë, Gjergji Gjika dhe Florian Zekja.

Kryedemokrati bën me dije se me ta diskutoi për shqetësimet e tyre të mëdha për krizën. Basha thotë se fasonët po përballen me probleme, nga rënia e prodhimit dhe e shitjeve tek mungesa e likuiditetit për të paguar detyrimet ndaj shtetit dhe pagat e punonjësve.

Ndonëse deri dje thonte se fasonët nuk duhet të punojnë, sot lideri i opozitës deklaron se qeveria po i shtyn fasonët drejt mbylljes dhe kërkon që kjo gjë të parandalohet urgjentisht.

“Në vend të mbështetjes për të mbrojtur vendet e punës, qeveria ka shtuar kostot e tyre, duke rrezikuar mbijetesën e qindra ndërmarrjeve. Me ?protokollin e kuq? krejtësisht të pazbatueshëm, qeveria po i shtyn fasonët drejt mbylljes, pa patur detyrimin për t’i mbështetur financiarisht punonjësit e tyre. Nëse fasonët falimentojnë, 70 mijë punonjës humbin vendin e punës. Kjo duhet parandaluar urgjentisht. Është koha që fondet që shpërdorohen në mënyrë korruptive, të shkojnë në mbështetje dhe mbrojtje të punonjësve dhe të bizneseve duke rritur ndihmën ndaj tyre.

Ndërkohë që qeveria vazhdon edhe gjatë këtyre ditëve të paguajë miliona për koncesionet, rritja e papunësisë po kthehet në një plagë edhe më të rëndë, dhe varfëria po thellohet frikshëm. Paratë e taksave të shqiptarëve sot duhet të shkojnë të gjitha në ndihmë të njerëzve dhe të ekonomisë. Njerëzit meritojnë mbështetjen e munguar ekonomike, biznesi sot ka nevojë për mbështetje, ekonomia ka nevojë për frymëmarrje dhe likuiditet, ndërsa qeveria e ka për detyrë t?ju garantojë atyre ndihmën financiare që ju takon”, nënvizon kryetari i PD-së./ CNA.al

Lajmet e fundit nga