Connect with Us

U gjetën të pajetë në kodër/ Zbardhen detaje nga vrasja e dy personave në Lezhë

Kronika

U gjetën të pajetë në kodër/ Zbardhen detaje nga vrasja e dy personave në Lezhë

Publikuar

-

Detaje të reja kanë dalë në dritë nga vrasja e dyfishtë e ndodhur pasditen e djeshme në Lezhë.
Kol Murrani, rapsod i njohur në zonë dhe Preng Simoni u vranë dje në mesditë dhe trupat e tyre janë gjetur pa shenja jete rreth orës 16:00.

Si motiv për ngjarjen dyshohet te këtë qenë një konflikt pronësie për një tokë në fshatin Lalm.

Në lidhje me ngjarjen ishte shpallur në kërkim si autor i dyshuar 41-vjeçari Aleksandër Përdoda, banor i fshatit Lalm, i cili tashmë është arrestuar.
Kol Murrani nuk rezulton me të shkuar kriminale dhe njihet nga shumë banorë të zonës.
Kujtojmë se Kol Murrani bashkë me shokun e tij, Preng Simoni u gjetën të pajetë në një kodër nga i biri i një prej viktimave që ka lajmëruar dhe Policinë./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Vrasja e dyfishtë në Lezhë/ Arrestohet autori i dyshuar

Publikuar

-

Nga

Arrestohet autori i dyshuar i vrasjes së dyfishtë në Lezhë.

Në pranga është vënë shtetasi Aleksandër Perdoda I cili dyshihet se ka ekzekutuar me armë zjarri rapsodin e njohur Kol Murrani dhe miku i tij Preng Simonit, trupat e të cilëve u gjetën të pajetë në afërsi të fshatit Lalm i Vjetër, Lezhë.

Autori i dyshuar i ngjares, Aleksandër Përdoda 41 vjeç është një banor i fshatit Lalm, i cili sipas përgjimeve telefonike bëhet me dije se ka qenë pranë vendit të ngjarjes.

LEXO EDHE:  OnePlus 2 zbulon detajet

LEXO EDHE:  Vrau dhe u arratis/ Ekstradohet i shumëkërkuari

Dyshohet se Përdoda pasi ka qëlluar mbi dy viktimat i ka fshehur provat e krimit dhe është larguar./CNA.al

LEXO TE PLOTE

Kronika

“Ai ishte një katil”/ Vajza rrëfen dhunën barbare: “Hija” e babait na tmerronte, më thërriste bushtër

Publikuar

-

Nga

Lindita Miloti ka rrëfyer për “Abc-ja e mëngjesit”, dhunën me të cilën është rritur në familjen e saj. Lindita Miloti është vajza e Xhevdet Milotit hetues i Sigurimit të Shtetit në komunizëm, dhe Sabahet Milotit, edukatore.

Lindita rrëfeu se si është rritur në një familje, e dhunuar nga nëna dhe babai. Ajo thotë se historinë e jetës së saj pranoi ta tregojë për hir të vëllait të saj, i cili ka humbur jetën në një aksident në vitin 1983. “Babai më thërriste shpesh bushtër e keqe dhe shtazë”, thotë ajo. Lindita thotë se babai isaj ishte katil, ndërsa dhunuese ishte edhe nëna e tyre.

Në viti 1992, ajo është larguar në Itali dhe ka ndërtuar jetën e saj atje, larg familjes. Lindita rrëfen po ashtu se nuk ka marrë pjesë në varrimin e babait të saj në vitin 2017, ndërsa me të motrën nuk ka kontakte, pasi siç thotë ajo nëna i përçau.

Intervista e plotë: 

Unë jam vajza e Xhevdet Milotit dhe Sabahet Milotit. Xhevdet Miloti ishte hetues i degës së brendshme në Shkodër, ndërsa Sabahet Miloti ishte një edukatore e thjeshtë. Ne ishim tre fëmijë sepse vëllai im i dashur Agron Miloti, të cilit i dedikohet edhe jeta ime, dhe intervista ime, ka humbur jetën në një aksident. Jeta jonë ishte një diktaturë e vërtetë. Një frikë për të jetuar në familje. Një frikë për të parë babain tonë. Edhe komshinjtë kishin frikë nga Xhevdet Miloti.

Kaq i egër ka qenë babai juaj?

Autoritar i tmerrshëm dhe një kalë karroce.

Autoritar pse?

Sepse edhe ai ishte një injorant, nuk kishte kulturë. Mesa duket e ka pasur në karakter, por këtë ia ka përforcuar edhe Sigurimi i Shtetit, i cili e mjeshtëroi për tu bërë një katil.

Katil edhe në shtëpi?

Në radhë të parë unë e kam ditur vetëm në shtëpi, nuk e dija që ishte edhe jashtë. Ne e kishim frikë kur ai futej në shtëpi. Kur ishim të vegjël, dhuna e tij, mjaftonte hija për të na tmerruar. Muhabet me të nuk kemi bërë, sepse nuk na konsideronte fëmijët e tij. Jeta jonë ishte në dispozicionin e tij. mamaja ime zgurdullonte sytë kur na shikonte. Unë mbaj mend vetëm fytyrën e  saj vetëm me inat dhe me mallkime.

Ju kanë rrahur?

Gjithmonë.

Ju rrihte babi apo edhe nëna?

Mamaja gjithmonë. Ajo ishte edukatore në Shkodër, kur unë isha 5 vjeç, Xhevdet Milotin e transferuan në Tiranë, dhe kur kthehej nga kopshti vinte me hithra në dorë. Na rrihte se vështrimi jonë ishte për atë një shqetësim.

Ju rrihte të treve?

Unë isha më e vogla dhe kur ata rriheshin. Por mbaj mend më shumë unë dhe motra se vëllai iku shpejt nga shtëpia. Unë dhe motra ime trajtoheshim shumë keq nga mamaja. E shtynte Xhevdet Miloti se donte të kishte pushtet në familje.

Po babai?

Nuk dua ta thëras babai, Xhevdet Miloti ndërhynte kur Sabahet nuk e përballonte dot. Për Xhevdetin dhe Sabahetin fëmijët kanë ardhur në jetë për tu shërbyer. Babai më thërriste shpesh bushtër e keqe dhe shtazë.

Sa vjeç ishe?

Isha 9 vjeçe. E thërritura vazhdoi për gjithë jetën që kemi jetuar bashkë. Dhuna ishte e për orshme. Natë-ditë.

24 orët e tua ishin kështu?

Po kështu. Jo vetëm e imja, por edhe e vëllait.

Vëllai ishte më i dhunuari?

Meqë ishte djali i shtëpisë , Xhevdet dhe Sabiha ishin dy shtaza që prodhuan fëmijë. Agron Miloti ishte qëllimi i Xhevdetit. E shfrytëzoi jetën e Agronit vetëm për të shfrytëzuar. E detyronte të shkote në shkollën e sigurimit, gjë që Agroni nuk donte ta bënte. Ai shkoi në shkollë, 2 vjet në Sauk, por ishte i detyruar se Xhevdeti e thërriste bir kurve, ti nuk ke vend në këtë shtëpi dhe nuk je djali im nëse i nuk shkon në shkollën e sigurimit. E rrihte, e masakronte me kamxhik.

LEXO EDHE:  Fund tragjik në Tiranë/E reja hidhet nga pallati

LEXO EDHE:  Zbardhet atentati në Elbasan/Arrestohet autori, si i shpëtoi plumbit i riu

Ku shërbeu si oficer?

Agronin e çuan në Maliq të Korçës.

Ju e keni dhënë këtë intervistë për Jozef Radin, keni pasur edhe reagime nga ish të persekutuar në Korçë?

Agroni ishte një djalë i ri, i ndershëm dhe Xhevdet Miloti e hodhi jetën e tij në duart e kasapëve të sigurimit të Korçës. Ata donin që ai të masakronte njerëzit.

Ai nuk u kthye në një mostër?

Fëmijët kanë dy zgjidhje në jetë, ose tu ngjajnë ose jo rindërve.

Në këtë botë je ti dhe motra jote? Motra jote mendon si ti apo është kundër?

Mamaja ime gjithmonë na ka përçarë të dyjave. Xhevdeti e shtynte të na përçante. Ne u rritëm në të njëjtën çati, por në jetë të ndryshme pa e takuar njëra-tjetrën. Ajo më urrente pa qëllim, edhe unë. Unë erdha në Itali shumë shpejt. Ata patën mundësi për ta përpunuar motrën time, ajo zgjodhi ti ngjante mamasë dhe babait.

Ti e pret që ajo të reagojë?

Është e vërtetë. Unë kam dalë këtu që të tregoj faktet e mia. Ajo tani është e shtyrë se ka familjen e vet. Ajo influencohet.

Ti ke jetuar deri në 28 vjeç në Tiranë dhe ke bërë shkollën ekonomik. Ke punuar në “Misto Mane”, pastaj ike menjëherë. Pse?

Unë doja të lirohesha nga burgu i familjes sime. Unë nuk e njihja diktaturën në themel, se kisha një diktaturë në familje.

Ti thua se nuk kishe shoqe?

Atë model edukimi kisha. Prindërit e mi kishin hipokrizinë, me inatin dhe zilinë me të tjerët.

Ju keni pasur një marrëdhënie të fortë me vëllain? Si vdiq?

Jeta e tij u sakrifikua me dhunë nga krimineli Xhevdet Miloti. I mbështetur nga Sahahet Miloti. Vdekja e Agronit ishte disfata më e madhe e jetës sime. Ai sillte diellin kudo ku shkonte.

Çfarë i ndodhi?

Pas Korçës , pasi filloi të rebelohej, e detyruan që të shkonte në Kavajë. Edhe atje bëri të njëjtën gjë. Grupe të rinjsh që bënin gabime ai i shpëtonte. Pastaj e transferuan në Pukë.

Ka qenë zgjedhja e babait që ta çonte në Pukë?

Ishte zgjidhja e babait. Sepse Puka ishte një qytet shumë i vogël, aty ishin të gjithë spiunat. Ishte një internim për Agronin.

Përfundimi?

Agroni iu lut Xhevdet që të mos e çonin atje, sepse do vdes. Por ata nuk u pranuan. Dhe Agroni ra nga një makinë bashkë me 5 shokët e tij, në vitin 1983 në gusht. Deri sa në atë moment unë i kisha inat prindërit, në atë moment fillova ti urreja. Në vend që të kthehesha në shtëpi shkoja te varri i Agronit. Ishte ai q ëmë donte të mirën.

Ti shkove në Itali, prindërit janë gjallë?

Xhevdet Miloti vdiq në 2017 dhe Sabahet Miloti është akoma gjallë.

Ishe në varrimin e babait?

Unë isha rastësi. Hapa një raft ku gjeta disa llogari bankare të tyre shumë të dyshimta dhe mamaja dhe motra erdhën si të tërbuara. Ajo jeton me motrën në Bergamo. Në atë kohë rastisi që Xhevdet Miloti po vdiste në spital si një zotëri. Në karelë kishte thënë kam vetëm një vajzë. Ai vdiq në shtator. Mua nuk më lajmëruan se kishe vdekur babai.

Ti ke familjen tënde, ke një vajzë?

Po.

Ti vetë e ke goditur ndonjë herë vajzën?

Absolutisht. Kur ajo ishte vogël unë nuk dija të rrisja një fëmijë. Gjëja më e thjeshtë që mësova është se fëmija rritet me dashuri. Vendosa ta tregoj këtë histoi se jeta ime është vuajtje dhe trauma. E vërteta duhet thënë gjithmonë

A do kishe dëshirë ti falje?

Ndoshta do kisha menduar që urrejtjen ta transferoja në inat. Por ata nuk e meritojnë.

LEXO TE PLOTE

Kronika

Sherr me thika në mes të “Fast Food-it” te Myslylm Shyri/ Plagoset një i ri

Publikuar

-

Nga

Parandalohet përshkallëzimi i mëtejshëm i një konflikti me pasoja të rënda.
Ndërhyrja në kohë e Shërbimeve të Komisariatit të Policisë Nr. 2 çoi në pranga dy shtetas, për vrasje të mbetur në tentativë.

Shërbimet e Komisariatit të Policisë Nr. 2, pas njoftimit të marrë se në një ambient Fast Food-i, në rrugën “Myslim Shyri”, po ndodhte një konflikt mes disa personave, menjëherë kanë shkuar në adresën e dhënë, duke parandaluar përshkallëzimin e mëtejshëm me pasoja të rënda për jetën e një shtetasi.

Shtetasit R. O., 21 vjeç dhe A. G., 27 vjeç kishin hyrë në ambientet e një Fast Food-i, në rrugën “Myslym Shyri” dhe për motive të dobëta po konfliktoheshin me shtetasin R. Sh., 23 vjeç, duke e goditur me thikë disa herë në trup, i cili ndodhet në spital nën kujdesin e mjekëve. Ndërhyrja e Policisë parandaloi përshkallëzimin e mëtejshëm të konfliktit.
Në cilësinë e provës materiale, grupi hetimor sekuestroi një armë të ftohtë thikë, me të cilën autoret kryen veprën penale.

LEXO EDHE:  Aksident i rëndë/ Humb jetën një person

LEXO EDHE:  Bomba e Artan Hoxhës për vrasësit e Artan Santos

Në përfundim të veprimeve, nga specialistët e Hetimit të Krimit u bë arrestimi në flagrancë i shtetasve R. O. dhe A. G., për veprat penale “Vrasje me dashje, e mbetur në tentativë, kryer në bashkëpunim” dhe “Mbajtja pa leje e armëve të ftohta”.
Materialet e para hetimore i kalojnë Prokurorisë Pranë Gjykatës së Shkallës së Parë Tiranë, për hetime të mëtejshme./CNA.al

LEXO TE PLOTE