Connect with Us

Përdhunimi i të miturës/ Zbulohen detajet shokuese, thirrja urgjente për policinë

Kronika

Përdhunimi i të miturës/ Zbulohen detajet shokuese, thirrja urgjente për policinë

Publikuar

-

Organizata për mbrojtjen e të drejtave të Fëmijëve, CRCA Shqipëri ka reaguar në lidhje me ngjarjen e rëndë në Sarandë, ku një 17 vjeçare raportohet se është përdhunuar nga një i moshur.

CRCA/ECPAT Shqipëri i ka drejtuar një kërkesë urgjente Policisë së Shtetit, ndërsa kërkon hetim të gjithanshëm mbi dhunën dhe shfrytëzimin seksual të 17 vjeçares në Sarandë Policia e Shtetit të hetojë mangësitë e punës së Komisariatit të Policisë Sarandë.

“CRCA/ECPAT Shqipëri, është duke ndjekur me shqetësim dhe vëmendje ngjarjen më të fundit të dhunës dhe shfrytëzimit seksual ndaj një vajze 17 vjeçare në Sarandë. Sipas raportimeve të mediave, vajza ka ngritur akuzën se që në fëmijëri është shfrytëzuar seksualisht nga familja e saj për të ofruar marrëdhënie seksuale me persona të tjerë të cilët janë nën hetim nga ana e prokurorisë.

Përgjatë gjithë zhvillimit të ngjarjes e cila është fokusuar edhe nga kamerat e emisioneve mediatike, shqetësuese është mënyra e sjelljes jo profesionale të punonjësve të policisë, të cilët nuk pranonin denoncimin e një qytetari për një rast të dyshuar përdhunimi ndaj një të miture. CRCA e cila po e ndjek çështjen që prej ditës së parë të denoncimit, shprehet e shqetësuar për situatën psikologjike dhe emocionale të vajzës, e cila është viktima e të gjithë kësaj ngjarjeje. Ne kërkojmë nga policia e shtetit që të kryejnë në mënyrë profesionale detyrat që ligji ju ka ngarkuar.”-thuhet në deklaratë.

Më tej, CRCA thekson se “Sipas Kodit të Procedurës Penale, policia është e detyruar të pranojë denoncimin e çdo qytetari për vepra penale që kanë ndodhur apo mund të ndodhin dhe për më tepër sërish në bazë të ligjit çdo qytetar është i detyruar të raportojë pranë organeve ligjzbatuese çdo vepër penale që ka ndodhur ose mund të ndodhë. Në fokusin e kësaj ngjarjeje ishte një qytetar që në frymën e ligjit në mënyrë të vazhdueshme kërkonte të denonconte atë ç’ka ai beson që është një vepër penale që ka ndodhur ndaj vajzës 17 vjecare. Nga ana tjetër fatkeqësisht pamë një institucion ligj-zbatues dhe funksionarë të saj që jo vetëm refuzuan marrjen e deklarimit, por për më tepër sillen edhe në mënyrë hakmarrëse ndaj individit. Qëllimi i ligjit penal është që të nxisë të gjithë personat dhe sjelljen e tyre me synim mbrojtjen e të drejtave të qytetarëve. CRCA/ECPAT Shqipëri bazuar në raportimet e medias për ngjarjen e Sarandës kërkon një hetim sa më të shpejtë nga ana e Policisë së Shtetit për të gjitha dështimet apo mangësitë e punës që janë vënë re në komisiariatin e policisë Sarandë. CRCA/ECPAT ka një eksperiencë prej 22 vitesh të bashkëpunimit me policinë e shtetit dhe strukturat e saj, dhe gjatë kësaj kohe ne kemi vënë re një reformim të thellë të punës së saj në drejtim të mbrojtjes dhe respektimit të të drejtave të njeriut. Ngjarja e Sarandës, na tregoi se pavarësisht të gjithë këtyre përmirësimeve, Policia e Shtetit dhe zyrtarët e saj kanë ende shumë nevojë për tu përgatitur dhe formësuar në lidhje me mbrojtjen e fëmijëve dhe adoleshentëve nga dhuna seksuale.”

LEXO EDHE:  Aksidente dhe fshehje të ardhurash/ Në pranga 3 persona

Në këtë kuadër CRCA i rekomandon drejtuesve më të lartë të Policisë së Shtetit përgatitjen dhe miratimin e një protokolli të posaçëm pune për ndjekjen e rasteve të dhunës seksuale ndaj fëmijëve dhe adoleshentëve. Ne jemi të gatshëm të ofrojmë të gjithë ekspertizën tonë për ta bërë të mundur plotësimin e këtij rekomandimi. Shqipëria, numëron 1 në 10 fëmijë të abuzuar seksualisht, ndërsa në 83% të këtyre rasteve viktimat janë vajza nën moshën 18 vjeç./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Aksidenti tragjik në Elbasan/ Babai rrëfen si mësoi ngjarjen: Më ra telefoni nga dora, sikur ndjeja diçka

Publikuar

-

Nga

Aksidenti tragjik në Elbasan/ Babai rrëfen momentin si mësoi ngjarjen: Më ra telefoni nga dora, sikur ndjeja diçka

Pas aksidentit tragjik ku humbënjetën dy vajza, ka folur babai i njërës prej të mbijetuarave, Denisa Dibra, Edmond Dibra.
Ai bën me dije se vajza e tij është jashtë rrzikut për jetën.

“Në radhë të parë, më falni për gjendjen emocionale, nuk do ia dëshiroja një familje këtë tragjedi. Falenderoj të madhin Zot, një aksident tepër i rëndë, vajza është jashtë rrezikut për jetën, ka plagë, por është jashtë rrezikut. Falenderoj stafin e spitalit që kanë bërë çmos që vajza momentalisht ndodhet jashtë rrezikut. Është diçka vajza njihen nga Shkodra, e ndjera kishte ditëlindjen. Nervida Garunja është në një gjendje të vështirë për jetën, ishalla bën mrekulli. Aksidenti ishte shumë i rëndë, Shkodra jeton me hallin dhe brengën time dhe familjet që kanë humbur pjesëtarë, aksidenti ishte fatal. Denisa ka ardhur në vete në orën 5 të mëngjesit që ka komunikuar, me mua, nuk e kujton aksidentit tragjik. Kur është përmendur ka kërkuar shoqet e saj, kjo është e mirë që vajza i kujtohet pak a shumë”, tha ai për Report Tv.



Si e mora vesh lajmin?

“Mbrëmjeve ulem me bashkëshorten për të pirë një kafe dhe po shihja orën, vajza nuk ka shans që të mos më marrë 3 herë në ditë. “U thashë a po knaqeni”, “po hamë drekë, nga ora 6 do vijnë për Shkodër”. Në orën 7 them si ka mundësi që s’na ka marrë vajza, sikur më shtynte diçka. I marr në celular, më del një person. Më thotë një qytetar që vajza është jashtë rrezikut për jetën. Më thotë më jep në telefon babain. Ishte momenti kur kishte marrë zjarrfikësit dhe kishin nxjerrë vajzën nga makina, Kam lëshuar telefonin në tokë.
Autori?
Do të thoja që shteti të bëj detyrën e tyre, sic duhet. Gjendja e Nervida është kritike dhe do bëja thirrje, vajza ka nevojë për grup gjak. Kush ka mundësi të bëjë dhuratë gjaku se bëhet ndihmë për shpëtimin e saj. Njerëzit e Nervida janë në Shkodër se familja ka hapur dyer e morit, ato janë si vajzat e mia. Janë pjesë e familjes sime. Presin trupin e të ndjesës Lusinda që është në spitalin e Elbasanit dhe kanë në Shkodër në ceremoninë mortore, tha babai i vajzës./CNA.al

LEXO TE PLOTE

Aktualitet

Ardi Veliu ultimatum Drejtorive Vendore/ Verifikoni shtetasit e huaj dhe të ardhurat e tyre

Publikuar

-

Nga

Drejtori i policisë së shtetit Ardi Veliu, u ka nisur një shkresë ditën e sotme  Drejtorive Vendore, ne të cilën u kërkon të kryejnë verifikime në lidhje me shtetasit e huaj që janë në vendin tonë.

Gjithashtu ka bërë thirrje të kontrollohet edhe aktiviteti dhe të ardhurat e tyre.



Në fund ka kërkuar që t’i bëjnë një liste me emrat dhe aktivitetin e secilëve, të cilat duhet të dorëzohen ditën e nesërme. Në rast se nuk dorëzohet atëherë do të ketë penlitete.

LEXO TE PLOTE

Kronika

OFL ndalet në Tiranë dhe Durrës/ “Shigjeton të fortët” e radhës

Publikuar

-

Nga

OFl ndalet në Tiranë dhe Durrës/ “Shigjeton të fortët” e radhës

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

A. Z., banues në Vorë, Tiranë, i dënuar për veprën penale “Kultivimi i bimëve narkotike”;

D. G., banues në Durrës, i dënuar për veprën penale “Trafikimi i narkotikëve”;



M. F., banues në Durrës, i dënuar për veprën penale “Vrasja në rrethana të tjera cilësuese”.

LEXO EDHE:  Shpërthimi në Tiranë, policia zbardh detaje rreth ngjarjes

LEXO EDHE:  Video e plote/Policia priti 34 minuta pas sulmit në Elbasan

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë./CNA.al

LEXO TE PLOTE