Connect with Us

E konfirmon vetë Fejzullahu: Do rikthehem në Superligën shqiptare

Sport

E konfirmon vetë Fejzullahu: Do rikthehem në Superligën shqiptare

Publikuar

-

Arbnor Fejzullahu e nisi karrierën e tij si profesionist në Shqipëri, me Besën, që i hapi dyert për tre sezone, por kulmin e arriti me Partizanin. Mbrojtësi qëndroi plot katër sezone te të kuqtë, për tu larguar dy vite më parë në Zvicër te skuadra e Ksamaks.

Në ekipin helvet ai qëndroi vetëm një vit, për të mbetur më pas pa skuadër që nga fillimi i sezonit aktual. Një një intervistë për Super Sport, 27-vjeçari nga Kosova nuk e përjashton rikthimin në Kategorinë Superiore.

“Ka qenë një kohë e mirë në Tiranë. Tani për momentin kam bisedime me disa klube dhe në verë do të jem në një skuadër të re. Sezoni i Partizanit? E kam ndjekur rrgullisht Partizanin, pasi është një skuadër me emër në Shqipëri. Këtë sezon kanë një skuadër të mirë, por nuk i ka ecur e sezonin tjetër do të kthehet sërish aty ku i takon.

Sezonin e kaluar që Partizani fitoi titullin nuk kishte një ekip më të mirë se ne para disa sezonesh, por atëherë Skënderbeu kishte një ekip më të mirë e mori titullin. Nëse vjen ndonjë ofertë e mirë do të kthehesha në Superligë, pse jo. Kam pasur oferta nga disa klube”, përfundoi mbrojtësi. /vipsport.al/

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sport

Mbyllet futbolli në francë, kjo ishte renditja aktuale në Ligue 1

Publikuar

-

Nga

Ligue 1 dhe Ligue 2 franceze nuk do të jenë në gjendje të fillojnë deri në muajin shtator, si shkaku i koronavirusit.

Një vendim i tillë, Federatës së Futbollit të Francës nuk i lë gjë tjetër veç se të mendojë për sezonin e ri, dhe për këtë aktualin, të marrë një vendim përfundimtar.

Holandezët kanë vendosur ta shpallin të pavlefshëm kampionatin, duke mos i dhuruar askujt titullin e kampionit, e poashtu vendosur që të mos ketë rënie dhe promovime nga liga.

A do të marrë vendim të njëjtë edhe Ligue 1?

Në Francë, PSG prin në tabelë me 68 pikë, 12 më shumë se Marseille, e poashtu edhe me një ndeshje më pak të zhvilluar.

Një vendim për anulimin e sezonit, do ta dëmtonte PSG-në, që po shkonte sigurt drejt titullit të radhës në Ligue 1.

Në zonën e rrezikshme për rënie nga liga janë Nimes, Amiens dhe Toulouse./CNA.al

Ja renditja aktuale:

LEXO TE PLOTE

Sport

Tronditet futbolli/ Anulohet Ligue 1, mund të mos fillojë as Champions League

Publikuar

-

Nga

UEFA po përballet me një situatë të pakëndshme për përfundimin e Champions League pasi futbolli në Francë është anuluar deri në fillim të muajit shtator.

PSG dhe Lyon janë ende të përfshira në këtë garë dhe UEFA po planifikon që Ligën e Kampionëve ta përfundojë së paku deri në fund të muajit gusht, ndërsa masat e reja në Francë nënkuptojnë se dy klubet e tyre ndeshjet si vendas duhet t’i luajnë në një shtet tjetër.

PSG ka siguruar kalimin në çerekfinale pasi mposhti Dortmundin, ndërsa Lyon ka edhe një ndeshje për të zhvilluar me Juventusin, e cila ishte shtyrë shkaku i koronavirusit.

UEFA ka vendosur të shtyjë rifillimin e Ligës së Kampionëve në mënyrë që t’u jepet kohë ligave kombëtare t’i përfundojnë sezonet.

Pas Francës, masat kundër COVID-19 mund t’i vazhdojë shumë shpejta edhe Spanja, që do të sillte një situatë të njëjtë edhe në La Liga.

Gjithë kjo, duke e menduar më të keqen, mund të çojë edhe në anulimin e Ligës së Kampionëve, që do të ishte një goditje e rëndë financiare për futbollin.

LEXO TE PLOTE

Seria A

Juventusi pa Ronaldon dhe shumë yje të tjerë, deri më 18 maj

Publikuar

-

Nga

Juventus nuk do të nxitohet t’i thërrasë lojtarët që janë larguar nga Italia mes shpërthimit të koronavirusit, pavarësisht konfirmimit që seancat stërvitore individuale mund të fillojnë në 4 maj.

Kryeministri italian Giuseppe Conte njoftoi më 26 prill se, nga 4 maj e tutje, “atletët profesionistë dhe ata me interes kombëtar do të jenë në gjendje të stërviten ndërsa ndjekin rregullat e distancës sociale pas dyerve të mbyllura”.

Ministri i Sportit, Vincenzo Spadafora shtoi se stërvitja në ekip do të lejohej nga 18 maj, nëse “kushtet e sigurisë dhe shëndetit” do të konfirmohen para kësaj date, përcjell lajmi.net.

Përkundër optimizmit për të rifilluar sezonin 2019/20 në Serinë A, Juve nuk kanë dëshirë të bëjë presion te lojtarët e skuadrës për t’u rikthyer, me një numër të përzgjedhur që kanë marrë vendimin për të izoluar veten jashtë vendit.

Cristiano Ronaldo ka qenë në Madeira me të dashurën e tij Georgina Rodriguez dhe fëmijët e tij, ndërsa ish-portieri i Arsenalit, Wojciech Szczesny aktualisht është në Poloni dhe Adrien Rabiot është në atdheun e tij në Francë.

Mesfushori Miralem Pjanic është rikthyer në Torino por një numër i yjeve të klubit nga Amerika e Jugut që nuk janë aktualisht të pranishëm në Itali.

Kjo përfshin Danilo, Alex Sandro dhe Douglas Costa, ndërsa Gonzalo Higuain është përsëri në Argjentinë me nënën e tij, e cila po lufton me kancerin.

LEXO TE PLOTE