Connect with Us

“Dvorani në detyrë në kundërshtim me ligjin”/ Zbardhet letra e Metës dërguar KLGJ dhe GJL

Politikë

“Dvorani në detyrë në kundërshtim me ligjin”/ Zbardhet letra e Metës dërguar KLGJ dhe GJL

Publikuar

-

Presidenti Ilir Meta i ka drejtuar një letër Këshillit të Lartë Gjyqësor dhe Gjykatës së Lartë, në lidhje me kreun e KED-së, Ardian Dvorani.

Në letrën e tij, kreu i shtetit ndër të tjera thekson se kreut të KED, Ardian Dvoranit i ka përfunduar mandati dhe duhet të largohej nga detyra.

Sipas Metës, Dvorani është aktualisht në detyrë, në kundërshtim me ligjin.

“Në kushtet kur zotit Ardian Dvorani, i ka mbaruar mandati si gjyqtar në Gjykatës së Lartë që në shkurt të vitit 2014, dhe përfundimi i këtij mandati është njoftuar sipas ligjit të kohës nga Kryetari i Gjykatës së Lartë që në datën 16 janar 2014 me shkresën me nr. prot. 39, datë 16.01.2014, administruar në Institucionin e Presidentit me shkresën me nr. prot. 89, datë 17.01.2014, dhe procedura e zëvendësimit të tij nuk u përmbyll me dhënien e pëlqimit nga Kuvendi i Shqipërisë të zëvendësit të tij, ka bërë që de facto zoti Dvorani të ketë mbetur në vitin e 16 të ushtrimit të detyrës si anëtar i Gjykatës së Lartë, tashmë në shkelje të çdo parashikimi kushtetues e ligjor;

-Kur neni 136, paragrafi 5, i Kushtetutës përcakton se gjyqtari i Gjykatës së Lartë qëndron në detyrë deri në emërimin e pasardhësit;

-Kur në shkresën e Këshillit të Lartë Gjyqësor citohet se “[…]në shpalljen e 3 (tre) pozicioneve të lira, përmes Vendimeve nr. 108, nr. 109 dhe nr. 110, datë 09.07.2019, Këshilli i Lartë Gjyqësor ka konsideruar numrin e pozicioneve që kanë qenë të lira në atë moment […]”, dhe ku pozicioni i zotit Ardian Dvorani ka qenë i lirë;

LEXO EDHE:  Berisha: Sipas Metës fajin e kanë të huajt!

-Kur pozicioni i katërt vakant që po shqyrtohet nga KLGJ-ja, duhet të plotësohet nga radhët e juristëve të spikatur (jo gjyqtarë) dhe siç është deklaruar nga KLGJ-ja, i përket plotësimit të vendit vakant të krijuar nga përfundimi para kohe i mandatit të ish-gjyqtarit zotit Xhezair Zaganjori; dhe

-Kur tashmë Gjykata e Lartë ka në përbërje të saj 3 gjyqtarë të rinj të emëruar në detyrë, që kanë filluar ushtrimin e detyrës;
Sipas dispozitave të sipërcituara të Kushtetutës dhe ligjit, me emërimin dhe fillimin e ushtrimit të mandatit të rregullt të anëtarit të parë në Gjykatën e Lartë, që përkon me fillimin e ushtrimit të mandatit të zotit Sokol Sadushaj, zotit Ardian Dvorani i ka përfunduar tashmë dhe “detyrimi” për vijimin e ushtrimit të detyrës, detyrim ky që sipas tij, e ka mbajtur atë të lidhur me pozicionin si anëtar i Gjykatës së Lartë për thuajse 7 vjet pas përfundimit të mandatit të rregullt.”,-thuhet ndër të tjar në letrën që kreu i shtetit i drejton KLGJ-së dhe Gjykatës së Lartë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Shpërthen” regjisori i njohur/ “Më mirë qen në Itali, se njeri në Shqipëri. Rrini ju idiotë e votoni Ramën”

Publikuar

-

Nga

Regjistori Kastriot Çipi është shprehur mjaft kritik në lidhje me masat e marra për nga qeveria, kundër përhapjes së koronavirusit.

Në një postim në rrjetet sociale, Kastriot Çipi revoltën ai nuk e ka me Qeverinë, por me qytetarët që nuk reagojnë ndaj saj.

“Më mirë qen në Itali, se sa pensionist apo fëmijë në Shqipëri! Sepse qentë në Itali kanë të drejtë të dalin shetitje çdo ditë. Madje nëse nuk i nxjerrin dot të zotët, vijnë vullnetarët i marrin në shtëpi dhe i kthejnë pas shëtitjes.”-shkruan ndër të tjera regjisori i njohur.

Më tej, ai shkruan se “inati im nuk është me politikanët. Ata po bëjnë atë që kanë bërë gjithmonë: po na shtypin dhe madje po tallen me ne. Inati im është me ty, idiotin që rri i strukur në shtëpi, i mbushur në brekë nga frika e “armikut të padukshëm”, që je gati të jetosh gjithë jetën në strofullën tënde, mjaft të shpëtosh nga vdekja. Me ty që, siç ka thënë Linkolni, je gati të heqësh dorë nga liria, në këmbim të sigurisë dhe nuk meriton as lirinë, as sigurinë. Inati im është edhe me demokracinë, që ende nuk ka arritur të zhvlerësojë votën e idiotit, në raport me votën e njeriut inteligjent, që dyshon, analizon dhe gjykon.”

Postimi i Çipit:

Më mirë qen në Itali, se sa pensionist apo fëmijë në Shqipëri! Sepse qentë në Itali kanë të drejtë të dalin shetitje çdo ditë. Madje nëse nuk i nxjerrin dot të zotët, vijnë vullnetarët i marrin në shtëpi dhe i kthejnë pas shëtitjes. As ata që janë në moshë pune, por nuk punojnë, nuk janë më mirë se qentë italianë, sepse duhet ta ndajnë orën e liridaljes me bashkëshortin ose fëmijën e rritur.

Nuk janë më mirë as se kriminelët, që vuajnë dënimet për krime në burgjet shqiptare, sepse edhe ata kanë dy orë në ditë “ajrim”, pra kohë të lirë në oborrin e burgut. Ky është dënimi kolektiv, antikushtetues, që na ka caktuar politika. Them politika dhe jo qeveria, sepse as presidenti, as opozita, nuk i kanë kundërshtuar masat që ka marrë qeveria.

Por inati im nuk është me politikanët. Ata po bëjnë atë që kanë bërë gjithmonë: po na shtypin dhe madje po tallen me ne. Inati im është me ty, idiotin që rri i strukur në shtëpi, i mbushur në brekë nga frika e “armikut të padukshëm”, që je gati të jetosh gjithë jetën në strofullën tënde, mjaft të shpëtosh nga vdekja. Me ty që, siç ka thënë Linkolni, je gati të heqësh dorë nga liria, në këmbim të sigurisë dhe nuk meriton as lirinë, as sigurinë. Inati im është edhe me demokracinë, që ende nuk ka arritur të zhvlerësojë votën e idiotit, në raport me votën e njeriut inteligjent, që dyshon, analizon dhe gjykon.

Ka dyzet ditë që të kërkoj, ty, idiotin taksapagues e votues, që do të votojë këtë qeveri në vitin 2021, sepse mendon se të shpëtoi nga vdekja. Dua të të ulëras në fytyrë, ndonëse e di se ka pak shanse të më kuptosh. Të të them se unë nuk mund të shpallem fajtor, për një krim që nuk e kam kryer. Unë nuk duhet të karantinohem, përderisa nuk jam diagnostifikuar si bartës i virusit. E nëse jam bartës, sërish nuk e kam unë fajin, përderisa është qeveria që nuk më lejon të bëj testin.

Por edhe nëse jam bartës dhe i testuar, prapë kam të drejtë të jetoj jetën time, duke garantuar shëndetin tënd. Kam të drejtë të dal në rrugë, me maskë e me doreza, të shkoj në punë, në teatër, në stadium, në plazh, si të gjithë ata që vuajnë nga HIV/AIDS apo sëmundje të tjera infektive. Sepse e vetmja mënyrë, o idiot, që unë të të infektoj ty, është të kollitem para teje dhe një pikël pështyme të fluturojë nga goja ime në tënden!

E kupton, o idiot, sa i ulët është probabiliteti i infektimit tënd prej meje? Duhet ta kemi të dy gojë të hapur dhe unë ndërkohë të kollitem përballë teje! Por virusi nuk është dron i telekomanduar! Nëse unë kam maskë dhe ti ke maskë, sidomos nëse ti ruan edhe largësinë 1 metër, nuk ka asnjë shans që pikëza e pështymës sime të infektuar të mbërrijë në mushkëritë e tua.

Ah, po, ti do të thuash se mund të infektohesh edhe nëse prek një sipërfaqe që e kam prekur unë. As kjo nuk është e saktë. Unë duhet ta kem prekur atë sipërfaqe pasi të kem pritur me dorë piklat e pështymës, që kanë fluturuar gjatë kollitjes sime. Jo vetëm kaq, por ti or idiot, që të infektohesh, duhet që, pasi të prekësh atë sipërfaqe të kontaminuar, të futësh gishtat në gojë ose në hundë. Edhe për këtë unë e kam fajin o idiot? Pse nuk e ke ti, që nuk ke mësuar ende se nuk duhet të futësh në hundë ose gojë gishtat e palarë? Nëse nuk rri dot pa i futur, mjafton t’i lash dhe “fajësia” ime bie.

LEXO EDHE:  Deklarata bombë e Spartak Ngjelës/ Po i afrohet ora e llogaridhënies, ja kur e jep dorëheqjen Meta

LEXO EDHE:  Kundër sistemit edhe kundër Lulit, Ramës dhe Metës

Ti, idiot, shpesh je me universitet, me raste edhe me master. Ti di anglisht, përdor kompjuterin, lexon lajme në rrjete sociale e faqe mediash, por prapë mbetesh idiot. Sepse ti nuk do t’ia dish për atë që quhet “imunitet i tufës”, pra për infektimin masiv të popullatës së shëndetshme, të parrezikuar, që krijon imunitet ndaj virusit. Ti do që të gjithë të respektojnë frikën tënde idiote. Të jetojmë të gjithë si kavie laboratori.

Ti nuk do t’ia dish për faktet shkencore të provuara tashmë. Nuk do t’ia dish që 80% e njerëzve e kalojnë këtë virus pa asnjë simptomë (që mund të jetë edhe 99%, përderisa ende nuk ka as testime paraprake, as teste serologjike). Nuk do t’ia dish që 15% e kalojnë me simptoma të lehta, si çdo grip stinor, vetëm me lëngje e vitaminë C. Ti më tund para syve shifrën 5% të atyre që mund ta kalojnë me vuajtje, të atij 1%-shit që rrezikon të humbë jetën.

Ti më quan “vdekjendjellës” sepse unë dua që të gjithë të shëndetshmit të jetojnë jetën në liri. Por përgjigja ime për ty, “avokatin” e atij 1%-shi të rrezikuar është kjo: Nëse je mbi 65 vjeç (pra në moshë pensioni), e di që vuan nga 3 apo 4 patologji të tjera dhe nuk beson se maska dhe dorezat të mbrojnë RRI NË SHTËPI OR MUT! Rri ti ama, por mos hap gojën të thuash se duhet të rri edhe unë. Se unë nuk kam asnjë faj, as për moshën, as për patologjitë e tjera, që ke ti dhe as për infektimin tënd potencial me Covid-19, sepse nuk po vij të të thyej derën e shtëpisë, të të hap gojën me duar e të të pështyj në gojë!

Ti mund të kesh para mënjanë. Por nuk ke asnjë të drejtë të dënosh me uri, ata që nuk kanë. Je i lexuar, di të gjesh informacion në Internet. Informohu se 5% e shqiptarëve janë të kequshqyer, sipas OKB. Ti mund të kesh shtëpi të madhe, ndoshta me oborr, me korridor të gjatë e ballkon të gjerë, por ka njerëz në këtë vend që flenë nën katrama, sepse ua ka prishur shtëpinë tërmeti dhe me karantinën alla shqiptare nuk shkojnë dot as në gropën septike, që kanë improvizuar dhjetë metra më larg. Ti mund të kesh një punë, që të lejon të punosh nga shtëpia, por shumica e shqiptarëve nuk e kanë fatin tënd. Gjysma e shqiptarëve duhet të punojnë tokën, duhet të mbjellin këtë muaj, që të kenë ç’të korrin e ç’të hanë në vjeshtë. Ti mund të paguash më shtrenjtë ushqime të importuara në vjeshtë, por ata duhet të vdesin, nëse nuk mbjellin tani.

Ti mund të kesh prindë që kanë patologji nga ato që klasifikohen të rrezikshme në kombinim me Covid-19. Të takon ty t’i ruash, jo mua! Mua më takon të ruaj prindët e mi, që vuajnë nga sëmundje të cilat përkeqësohen nga stresi, mungesa e diellit dhe e lëvizjes. Unë dua t’i nxjerr në shetitje dhe kur dal me ta, nuk ta le ty në dorë sigurinë e tyre.

Ti mund të duash t’i mbash fëmijët e tu brenda katër mureve, me playstation e iPad, por unë dua që fëmijët e mi ta kuptojnë qysh tani çfarë është liria, jo vetëm liria fizike. Ti do të rrisësh larva që do të punojnë pa bërë zë për të siguruar të mirat materiale. Unë dua që fëmijët e mi të ëndërrojnë ta bëjnë botën më të mirë dhe për këtë arsye ata duhet ta urrejnë “distancimin social”.

Pra hesht idiot! Hesht më mirë dhe mos e hap kamaren tënde dixhitale. Mos lavdëro qeverinë e vetme në Europë, që burgosi pa faj një popull të tërë. Përndryshe do të të pështyj në fytyrë, kur të të shoh në rrugë dhe atëherë do të uroj të jem i infektuar nga virusi!

LEXO TE PLOTE

Politikë

Artan Hoxha zbulon prapaskenat/ Ja çfarë fshihet pas amnistisë fiskale

Publikuar

-

Nga

Gazetari investigativ Artan Hoxha ka folur sot në lidhje me amnistinë fiskale.

Nga studio e lajmeve në Abc News, Artan Hoxha tha se qëllimi është legalizimi i parave të korrupsionit.

“Po kërkojnë të legalizojnë paratë e korrupsionit se kanë bërë aq shumë sa nuk dintë ku ti cojnë. Po të shohësh në treg sot qarkullojnë vetëm paratë e korrupsionit dhe të drogës”-tha Artan Hoxha.

LEXO TE PLOTE

Politikë

Ish-ministri ironizon Ramën/ “Zbulon” oraret kur qarkullon virusi

Publikuar

-

Nga

Ish-ministri i Drejtësisë në qeverinë “Rama 1”, Ylli Manjani ka ironizuar kryeministrin Edi Rama në lidhje me fasha oraret e vendosura për lëvizjen e qytetarëve.

Në një postim në rrjetet sociale, Manjani shkruan se virusi sipas “Komitetit të Surrelit” qarkullon çdo ditë nga ora 17:30 deri në 05:00 dhe në fundjavë.

“Liria themelore e virusit..
Me siguri OBSH do studiojë oraret e lëvizjes së virusit në Shqipëri.

Komiteti teknik me në krye Komitetin Qendror të Surrelit lejojnë qarkullimin e Virusit në këto fasha orare:

1.Çdo ditë jave nga ora 17:30 deri në 05:00.

2. Çdo weekend nga ora 11:00 deri në 05:00.

3. Çdo të shtunë virusi qarkullon pjesërisht nga ora 8:30 deri në 11:00. Me marrëveshje virusi nuk prek pleqtë.

4. Çdo të diel, 8:30-11:00, virusi nuk prek nënat me fëmijë deri 10 vjeç.

5. Kriminelët e trafikantët, siç është rënë dakort me virusin, lëvizin në çdo orar.

6.Virusi lejohet të hyjë në çdo autoveturë dhe të infektojë cilindo që nuk ulet diagonal.”-shkruan Manjani.

LEXO EDHE:  Sulmi i Metës ndaj Dvoranit/ Balla: Ka qenë një prej 5 gjyqtarëve të dosjes penale në ngarkim të presidentit

LEXO EDHE:  Andrea Stefani godet fort/ Edhe bar do hamë, Rama-Meta mos prishen për inat të Saliut

Më tej, ish-ministri thekson se masat e marra sigurojnë më shumë orë lëvizje në liri për virusin sesa për njeriun.

Pra, sipas Manjanit virusi ka më shumë liri themelore sesa njeriu.

“Pra në total, masat e marra sigurojnë më shumë orë lëvizje në liri për virusin sesa për njeriun.

Po kur thonë se ska liri e të drejta themelore?! Ja virusi ka plot liri e të drejta. Virusi niset prej këtu e shkon edhe në Strasburg, po ti shkelen të drejtat.

Konventa Europiane e Lirive dhe të Drejtave, këtu vlen vetëm për virusin.

Kastriot Çipi shkruante pardje “më mirë qen në Itali sesa njeri në Shqipëri”. Mendoj se më mirë do ishte të ishim virus dhe i lirë.

Sigurisht që ky rast duhet studiuar. Ky është eksperiment njerëzor unik në llojin e vet.

Ndërsa Kryeministri që e zgjodhën njerëzit dhe i shërben virusit, duhet GJYKUAR.”-përfundon postimin e tij Ylli Manjani./ CNA.al

LEXO TE PLOTE