Connect with Us

“Air Albania Stadium” nominohet për të marrë një çmim të rëndësishëm

Kombëtare

“Air Albania Stadium” nominohet për të marrë një çmim të rëndësishëm

Publikuar

-

Ndërtimi i stadiumit “Air Albania” është një nga investimet më të mëdha të bëra në futbollin shqiptar, duke u bëra një nga stadiumet më të bukura në rajon. Ditën e sotme, FSHF ka njoftuar se stadiumi kombëtar, është nominuar për të marrë çmimin “Big SEE Architecture” për vitin 2020.

“Air Albania Stadium, investimi më i madh në historinë e sportit shqiptar, vazhdon të prodhojë lajm edhe pas inaugurimit të tij në 17 Nëntor 2019, në ndeshjen kundër Francës, kampiones së botës. Ky investim i Federatës Shqiptare të Futbollit është përzgjedhur për të marrë çmimin BigSEE Architecture Award 2020 dhe për më tepër është nominuar edhe si projekti më i mirë (Grand Prix) në kategorinë publike.

Fituesit e BigSEE Architecture Award do të vlerësohen në festivalin e madh të arkitekturës që do të zhvillohet më datë 16 Tetor 2020 në Qytetin e Dizajnit në Lubjanë të Sllovenisë. Në këtë festival të gjithë projektet do të ekspozohen për të pranishmit nga Shqipëria, Italia, Bullgaria, Bosnje Hercegovina, Qipro, Republika Çeke, Greqia, Kroacia, Italia, Hungaria, Kosova, Maqedonia e Veriut, Moldavia, Mali Zi, Rumania, Sllovakia, Sllovenia, Serbia dhe Turqia.

Qëllimi i BigSEE Architecture është për të forcuar suksesin dhe atraktivitetin e Europës Juglindore nëpërmjet kërkimit, vlerësimit dhe promovimit të mrekullisë arkitektonike që është në këto vende.”, shkruhet në njoftimin e FSHF.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kombëtare

Rrëfimi i Kaçes: Më kanë bërë padrejtësi në Greqi, ja kush më mbrojti kur dola foto me UÇK

Publikuar

-

Nga

Ergys Kaçe është një nga lojtarët që nuk i ka marrë karrierës atë që meriton, bazuar në aftësitë që zotëron. Huazime të njëpasnjëshme nga ky mesfushor, që PAOK nuk e ka mbajtur asnjëherë në skuadër, por nga ana tjetër, as nuk e lëshon përfundimisht kartonin e tij.

Në vitet e mëparshme ka qenë një lojtar kyç i kësaj skuadre. Por dalje me simbolin dhe fanellën e UÇK-së i trazoi shumë ujërat në Greqi, duke e vënë të gjithë opinionin sportiv kundër Kaçes. Në një rrëfim të fundit, mesfushori shqiptar i kthehet edhe këtij momenti. Ai shprehet se ka qenë periudha më e vështirë në jetën e tij, ndërsa nuk ngurron të falenderoj presidentin e PAOK që e ka mbajtur afër, Ivan Savidis. Gjithashtu Kaçe shprehet se i kanë bërë padrejtësi, pasi ka shumë për të treguar me skuadrën që zotëron kartonin e tij.

“Më ka ndihmuar huazimi te AEL, se ndryshe nuk do të kisha luajtur nëse nuk do të shkoja në huazim. Bëra shumë mirë me këtë lëvizje dhe dua të kem minuta në këmbë. Nëse rri i ulur në stol dhe nuk luan, atëherë nuk ke sesi të përmirësohesh.

Sigurisht që unë dua të kthehem te PAOK dhe të qendroj aty. Dua të jem në skuadër dhe të luaj si dikur, t’i provoj prapë këto ndjenja. PAOK është tani një skuadër me nivel të lartë. Do të doja të isha prapë pjesë e kësaj skuadre dhe të përjetoja titujt që ata fitojnë. Por ende nuk kam biseduar me PAOK, nuk e di se çfarë do të ndodhë. Agjenti im ka biseduar me disa skuadra jashtë Greqisë, por është ende herët.

A më është bërë padrejtësi? Mendoj se po. E them këtë sepse nuk më është dhënë hapësira për të treguar se kush jam. Mund të them se jam përmirësuar dhe kam përvoja. Kjo është ajo që ndiej brenda vetes. Nëse do të luaja dhe do e shihja që nuk e përballoja, do të dilja vetë dhe do të thoja: “Nuk e bëj dot”. Nuk kam pasur një shans në vitet e fundit dhe kjo është arsyeja pse mendoj se më kanë bërë padrejtësi.

Historia me fanellën e UÇK-së? Kur ndodhi ajo atëherë unë isha 19-vjeç dhe ata pretenduan se kisha vrarë njerëz. Të gjithë ishin kundër meje. Ndiehesha sikur do luftonin të gjithë me mua. Mbaj mend që kthehesha nga Kombëtarja dhe Ivan Savidis m’u gjend pranë, ishte si babai im. Jam një njeri që nuk harrojë lehtë. Në periudha të vështirë, paraqiten njerëzit që janë vërtetë pranë jush. Ishte momenti më i vështirë në jetën time”, tha Kaçe. /Sport Ekspres/

LEXO TE PLOTE

Kombëtare

Mavraj: Kumbulla super! Shqipëria ka brez të artë

Publikuar

-

Nga

Futbolli ka ndaluar thuajse në të gjithë botën. Koronavirus, jo vetëm që ka shtuar frikën te njerëzit, por edhe ka ndalur së rrotulluari sferën e lojës më të ndjekur në botë. Së fundmi, Gjermania është ndër të parat shtete që kanë hedhur hapat e parë të rihapjes nga kjo pandemi. Mirëpo, kjo ndalesë nuk i bën mirë lojtarëve dhe ekipeve, përkundrazi iu ul ritmin dhe formën e arritur deri më tani. Këtë e tregon edhe një prej kuqezinjve.

Kapiteni i Kombëtares, Mërgim Mavraj, ekskluzivisht për “Panorama Sport” tregon periudhën e rikuperimit nga një dëmtim muskulor në javën e parë të muajit shkurt. Ndryshe nga shumë të tjerë, qendërmbrojtësi e ka pasur më për shtat periudhën e ndaljes së futbollit për të rifituar formën nga dëmtimi.

Mërgim, si e shfrytëzuat periudhën e Koronavirusit për t’u rikuperuar?

Unë personalisht e shfrytëzova për një periudhë rikuperimi për dëmtimin që kam pësuar disa javë më parë. Në fakt, kjo periudhë pushimi në aspektin tim personal ishte mirë, sepse të gjithë ndaluan dhe pata mundësi të rikuperohem e të mos humbas asnjë ndeshje.

Sa ndikon te ju futbollistët kjo situatë, në aspektin psikologjik, kur e gjithë bota është në një situatë paniku dhe frike?

Unë besoj se çdo lojtar e ka mënyrën e tij personale për të përballuar situata të tilla. Jo vetëm për lojtarët, por për të gjithë, edhe te zyrtarët e ekipeve, federatave, fokusi dhe mendimi kryesor të jetë te shëndeti i njerëzve. Të gjithë drejtuesit, ndoshta edhe kapitenët e skuadrave, kanë shumë përgjegjësi situata të tilla. Gjatë këtyre ditëve, më është dukur si gjendje lufte dhe në këto kohë, normalisht që solidariteti me njëri-tjetrin duhet të jetë qëllimi primar.

Të gjithë po përjetojnë gjendje frike. Po ju?

Dikush ka më pak, dikush më shumë. Dikush blen shumë ushqime dhe mbyllet në shtëpi, kjo është mënyrë personale e secilit për t’u përballur me situatën. Në përgjithësi ne, familja dhe shtëpia jonë, kemi frikë vetë Zotin. Nëse Zoti na e cakton kthimin tek ai, s’ka asnjë virus dhe asgjë që mund të na  ndalojë dhe të mund të na e shpejtojë kthimin. Kështu që shpresa dhe besimi janë te Zoti. Këto gjëra kanë ndodhur edhe më parë, ka pasur gjithmonë sëmundje. Vdekja ka ekzistuar, e ndaj nuk është asgjë e re në sytë e mi. Ne edhe pa koronavirusin, asnjë sekondë nuk e kemi të sigurt. Mundësia për të ndërruar jetë nuk është më e madhe tani, por është gjithmonë reale.

Në aspektin sportiv, sa mund të ndikojë ndalesa në formën e lojtarëve?

Ndikon shumë! Çdo lojtar që ka pushuar një dy apo tre javë, e humb ritmin. Çdo lojtar e ka dhe për këtë, ndoshta niveli i ndeshjeve mund të ulet disi në momentin e rikthimit të kampionateve. Mirëpo, çdokush e ka në mendje këtë fatkeqësi dhe nuk besoj se është në favor të dikujt dhe disfavor të dikujt tjetër.

Vetëm aspekti fizik do të ketë ndikim apo edhe ai psikologjik?

Niveli fizik sigurisht që po, por ndoshta edhe për kokën. Do të jetë e vështirë që lojtarët të rifuten në mes të sezonit, sepse po bëjnë vetëm pushim, jo fazë dhe do të rikthehen direkt me ndeshje.

A ju mungon Kombëtarja?

Po, normal. Patjetër. Çdo lojtari nëse nuk grumbullohet një apo dy herë, i mungon Kombëtarja. Edhe atyre që e kanë lënë me dëshirë, ju mungon. Pra, po e shijove një herë ëmbëlsinë e Kombëtares, të himnit para ndeshjes, të mungon më tej gjithë jetën. Unë kam pasur disa dëmtime, e së fundmi prapë i dëmtuar, nuk isha me fat.

Duket si një rifreskim brezash?

Shyqyr që kemi çuna të rinj, lojtarë të rinj që po vijnë çdo repart, jo vetëm në mbrojtje. E ardhmja e Kombëtares është në duar të shtrenjta, në duar të mira me cilësi shumë të lartë. Kështu që edhe nëse ndonjëherë nuk grumbullohem apo nuk luaj, nuk është problem i madh, por normalisht që më mungon shumë.

Meqë përmendni të rinjtë, së fundmi Marash Kumbulla ka fituar vëmendjen e të gjithëve. Si i fushës që jeni, çfarë shihni tek ai?

Po, por edhe jemi stërvitur bashkë. E njoh atë dhe kam parë shumë ndeshje të tij. Mirëpo, është shumë e vështirë që të japësh një përkufizim. Kjo, për vetë faktin se dikush thotë për shembull Mërgimi është i gatë, dikush tjetër që është i shkurtër, dikush thotë që jam i shëndoshë e një tjetër që jam i hollë. Pra mendime të ndryshme. Mirëpo, për mua, cilësia kryesore e tij është qetësia.

LEXO TE PLOTE

Kombëtare

Bardhi: Shqipëria më kontaktoi, Kosova nuk më kërkoi asnjëherë

Publikuar

-

Nga

Enis Bardhi është një nga talentet shqiptare që po ecën me hapa të mëdha në Europë. Aktualisht pjesë e Levante në La Liga, ndërsa goditjete tij nga larg janë një makth për çdo portier. Në fushën e lojës di gjithmonë si të japë më të mirën dhe padyshim është një nga titullarët fiks te klubi spanjoll. Ndërkohë 24-vjeçari ka zgjedhur të përfaqësojë Maqedoninë e Veriut në arenën ndërkombëtare, megjithëse të gjithë do të donim ta shihnim me ngjyrat kuqezi.

Në një intervistë për “Sporti Total” në KTV, Bardhi tregon se në të shkuarën ka pasur interesim për të nga Shqipëria, ndërsa sa i përket Kosovës ka mohuar t’i ketë mbërritur njëkontakt apo shenjë që e dëshironin ta kishin pjesë të tyre. Kujtojmë se dardanët janë një përfaqësuese më e re dhe ekzistonte mundësia që lojtari të linte Maqedoninë për ta. Ndërkohë tashmë do i ketë përballë si kundërshtar në rrugën drejt ëndrrës së Kampionatit Europian.

“Nga Kosova jo, nuk ka pasur kontakte, kurse nga Shqipëria ka pasur kur isha më i ri, jo direkt nga ta, por nga njerëzit që kanë qenë përreth. Megjithatë asgjë konkrete nuk ka pasur. Nuk dua t’i përsëris ato gjëra, pasi kanë kaluar dhe nuk mund të kthehemi prapa. Duhet të shikojmë përpara”, ka thënë Enis Bardhi

LEXO TE PLOTE