Connect with Us

4.3 mln euro fond nga UEFA për klubet shqiptare? Zbulohet e vërteta e ndarjes së kësaj shume

Sport

4.3 mln euro fond nga UEFA për klubet shqiptare? Zbulohet e vërteta e ndarjes së kësaj shume

Publikuar

-

Në ditën e djeshme UEFA akordoi rreth 236 milionë euro për 55 Federatat anëtare të saj, ku secila pjesëtare, përfshirë edhe Shqipërinë, merr rreth 4.3 milionë euro. Por në këto kohë ka pasur edhe shumë ngatërresë e tymnajë mediatike për shkakun e pandemisë së Koronavirusit.

Kjo shifër nuk do të shkojë tek klubet shqiptare, por vjen te FSHF ashtu si edhe gjithmonë, me programin Hat-Trick. Ky është një Komitet i ndërtuar dhe ku buxhetin e marrë prej këtu, Federatat duhet ta përdorin për investime në fusha, stadiume dhe zhvillim të futbollit në nivel kombëtar.

Pra kjo është arsyeja e çeljes së këtij fondi dhe kjo nuk përkëthehet në para të tjera që mund të shkojnë sërish nga Federata për ekipet shqiptare. Për ta kuptuar më qartë ka ardhur edhe vetë njoftimi nga FSHF, atje ku shkruan qartësisht se këto 4.3 milionë euro nuk kanë asnjë rritje pas shpalljes së Pandemisë, por janë një shifër që jepej edhe më herët.

“Buxheti i Komitetit HatTrick, i cili nuk ka pësuar ndryshime apo rritje pas shpalljes së Pandemisë, është miratuar më parë dhe ky vendim i fundit i Komitetit Ekzekutiv të UEFA-s i jep fleksibilitet federatave në përdorimin e këtyre fondeve për ti orientuar sipas prioriteteve të veta në një moment të paprecedent për futbollin në të gjithë botën.

Fondet e Komitetit HatTrick i shpërndahen federatave anëtare të UEFA-s për të mbuluar kostot operative dhe për të ndihmuar në zhvillimin e futbollit vendas nëpërmjet projekteve infrastrukturore”, shkruhet në njoftimin e FSHF. /Sport Ekspres/

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Seria A

Sa shumë shqiptarë në Serinë A, tani shtohet edhe Ismajli

Publikuar

-

Nga

Shqiptarët janë gjithmonë e më shumë në modë në Serinë A, falë edhe talenteve që vazhdojnë të shpërthejnë, por edhe kosovarët gjithashtu po nisin të bëjnë historinë e tyre në elitën e futbollit italian. Dhe sivjet pritet që gjaku kuqezi të shtohet mes 20 klubeve më të mira të Gadishullit Apenin.

Afrimi i fundit shqiptar është Ardian Ismajli, i cili ka firmosur në radhët e Specias, por ndërkohë edhe shqiptarët e Kosovës, Vedat Muriqi dhe Mërgim Vojvoda, kanë nënshkruar respektivisht me Lacion dhe Torinon, dy klube me emër të madh në Serinë A, ku pritet të kenë një hapësirë të rëndësishme. Madje, për të mos dalë nga konturet, 48 orë më parë u finalizua edhe lëvizja më e shtrenjtë e historisë së një futbollisti shqiptar, ajo e Marash Kumbullës nga Verona te Roma, e cila mes pagesës për huazim, bonuseve dhe lojtarëve të futur në tratativë për të mbërritur te 20-vjeçari prek kuotën e 30 milionë eurove.

Shkurt, Seria A sivjet do të flasë edhe më shumë shqip sesa një vit më parë, por pa dyshim që edhe cilësia e lojtarëve tanë është vërtet e mahnitshme, duke qenë se mjaft prej tyre luajnë me klubet elitë. Nëse Elseid Hysaj tashmë mund të quhet një veteran te Napoli apo, pse jo, edhe Berat Gjimshiti tek Atalanta, Marash Kumbulla dhe transferimi me jo pak bujë i Ardian Ismajlit te Specia janë emrat që pritet të ecin në gjurmët e dy futbollistëve të mësipërm.

Por, ndërkohë, edhe Kastriot Dermaku pritet që të ketë sivjet më shumë hapësirë në radhët e Parmës, ndërsa Thomas Strakosha me Lacion do të provojë që të rivalizojë për titullin kampion, kundër Juventusit dhe Interit, që shihen si favorite absolute. Por, nëse zbresin një shkallë më poshtë në Itali, edhe Seria B ka shumë gjak kuqezi, duke nisur nga portieri Etrit Berisha me SPAL-in; Frederik Veselin që sivjet kaloi te Salernitana, apo edhe Emanuele Ndojin në radhët e Breshas.

SHQIPTARËT DHE KOSOVARËT NË SERINË A

* MARASH KUMBULLA (qendërmbrojtës, Roma)

* THOMAS STRAKOSHA (portier, Lacio)

* ELSEID HYSAJ (mbrojtës i djathtë, Napoli)



* BERAT GJIMSHITI (qendërmbrojtës, Atalanta)

* ARDIAN ISMAJLI (qendërmbrojtës, Specia)

* KASTRIOT DERMAKU (qendërmbrojtës, Parma)

* MËRGIM VOJVODA (mbrojtës i djathtë, Torino)

* SAMIR UJKANI (portier, Torino)

* VEDAT MURIQI (sulmues, Lacio)

* AMIR RRAHMANI (qendërmbrojtës, Napoli)

LEXO TE PLOTE

Sport

Shkëlzen Gashi rikthehet te goli!

Publikuar

-

Nga

Plot 2 vite pa gjetur rrugën e rrjetës, ish-sulmuesi i Kombëtares, duket se e ka thyer më në fund “mallkimin”, teksa ka shënuar në sfidën e sotme ndaj Uill. Gashi aktivizohet te skuadra e Arau në ligën e dytë zviceriane, teksa në minutën e 15-të kaloi në avantazh skuadrën e tij, pas një asist të Liridon Balajt.

Për të gjetur golin e fundit të Gashit në një ndeshje zyrtare, duhet të kthehemi në 23 shtatorin e vitit 2018, kur sulmuesi ishte pjesë e Kolorado Rapids, teksa shënoi në sfidën ndaj Kolumbus.



32-vjeçari iu bashku skuadrës së Arau, në gjysmën e dytë të sezonit të kaluar, por pa mundur të gjejë rrugën e rrjetës. Shqiptari duket se e ka nisur mbarë sezonin e ri, duke shënuar në sfidën e parë të kampionatit.

LEXO TE PLOTE

Sport

Prishtina, një mini-Skënderbe/ Fiton me 4 ish-futbollistët bardhekuqë në fushë

Publikuar

-

Nga

Prishtina ka fituar bindshëm në javën e parë të kampionatit, me rezultatin e pastër 3-0 ndaj Drenicës, në sfidën e zhvilluar në stadiumin “Fadil Vokrri”. Me afrimin në merkato të Sabjen Lilajt dhe Gledi Micit, skuadra kryeqytase, është bërë tepër e frikshme, duke mos e diskutuar për asnjë moment fitoren.

Bekteshi ishte njeriu që hapi serinë e golave në minutën e 31-të, pas asistit të Micit, duke kaluar në avantazh skuadrën e Ramadanit. Në startin e pjesës së dytë, bardheblutë dyfishuan shifrat me anë të Endrit Krasniqit, ndërkohë që për të vulosur gjithçka, mendoi ish-futbollisti i Skënderbeut, Oto Xhon, i cili pas asitit të Leonit Abazit nga mesi i fushës, realizoi një gol mjaft të bukur, duke ngritur shifrat në 3-0.



Vlen të theksohet fakti se te Prishtina, në sfidën e sotme, u aktivizuan nga minuta e parë plot 4 futbollistë që në të kaluarën kanë qenë pjesë e Skënderbeut, Mici, Lilaj, Abazi dhe Oto Xhon, si dhe 2 ishë të Partizanit, Haxho dhe Besnik Krasniqi.

LEXO TE PLOTE