Connect with Us

Salihamixhiç: Bajerni do të afrojë në verë dy yje botërorë

BundesLiga

Salihamixhiç: Bajerni do të afrojë në verë dy yje botërorë

Publikuar

-

Drejtori sportiv i Bajern Mynihut, Hasan Salihamixhiç, foli për herë të parë pas ndërprerjes së kampionatit në lidhje me strategjitë e të ardhmes së klubit më të titulluar në Gjermani. “Brazo” gëzoi të gjithë tifozët duke u premtuar atyre dy goditje madhështore në merkaton e ardhshme.

PLANI ME NOJERIN

Pas rinovimit me trajnerin Hansi Flik, erdhën edhe ato të dy lojtarëve, Tomas Myler e Alfonso Dejvis. Momentalisht klubi është duke punuar për të bindur kapitenin Manuel Nojer, i cili ka vënë disa kushte për të zgjatur kontratën, ndonëse Salihamixhiç e thotë qartë, duke u përpjekur që të ngjisë marrëdhënien me “gardianin”: “Jam optimist se me Nojerin do ta gjejmë shumë shpejt akordin”. Edhe pse situata u paraqit e tensionuar në fillim, duket se gjakrat mes të dyve janë ulur pas fjalëve të Rumeniges, i cili vlerësoi rolin e Nojerit në klubin gjerman.

Salihamixhiç, përveç çështjes “Nojer” ka patur ditë të zëna në zyrën e tij. Për të përditshmen “Die Welt” drejtori sportiv dha gjithashtu një lajm të madh: “Kemi vendosur të sjellim në skuadër një nga lojtarët më të talentuar në Europë si dhe një yll botëror. Këta do ta rrisnin nivelin e skuadrës duke na ndihmuar të fitojmë trofe dhe të rikthehemi në një nga klubet që luan futbollin më të bukur në planet.

Tifozët tanë do të kenë mundësi të shohin në stadium një skuadër që fiton dhe zbavit me lojë”. Dhe duke u nisur nga entuziazmi i “Brazos”, duket se Bajerni po planifikon dy blerje që mund të shkojnë edhe përtej afrimit më të shtrenjtë të historisë së klubit, kampionit të botës me Francën, Lukas Hernandezit, që la Atletikon për shumën e 80 milionë eurove.

HAVERC DHE SANE

Por cilët mund të jenë dy yjet që mendon të sjellë Bajerni në Mynih? Edhe pse Karl-Hainc Rumenige u shpreh se kriza e “COVID-19” do të ketë impaktin e saj në merkato, paratë në klubin gjerman nuk mungojnë. Portieri i Shalkes, Aleksandër Nybel, është i pari që do të zbarkojë sapo të përfundojë sezoni aktual. 23-vjeçari shihet si një ndër portierët më premtues për të ardhmen. Fakti që do të afrohet me kosto zero mund të quhet pa dyshim një blerje e goditur.

Kai Haverc duket se do të jetë talenti që të gjithë presin në Mynih. 20- vjeçari që luan për Leverkusen me shumë mundësi do jetë blerja e parë e Salihamixhiç dhe do t’u kushtonte bavarezëve jo më pak se 100 milionë euro. Pas tij është Leroi Sane. Anësori i majtë që luan për Mançester Sitin mezi pret të veshë fanellën e Bajernit dhe duket se sezonin e ardhshëm, tifozët do të kenë mundësinë ta shohin lojtarin si protagonist në “Allianz Arena”.

Kartoni i tij do t’u kushtojë bavarezëve të paktën 75-80 milionë euro, një shifër e mirë kjo duke marrë parasysh vlerën e lartë që kishte lojtari në sezonin e kaluar (120-130 milionë). Por nuk përjashtohet mundësia e një surprize tjetër. Timo Verner është një nga lojtarët që pëlqehet shumë nga trajneri Flik dhe mosha e madhe e Levandovskit mund të bëjë që Bajerni t’i kthejë sytë nga sulmuesi gjerman i Lajpcigut. Në këtë mënyrë dhe siç e ka dashur tradita e kësaj skuadre, bavarezët zgjerojnë edhe më tepër boshtin e lojtarëve gjermanë, duke u bërë edhe një busull e rëndësishme edhe për Kombëtaren e Joakim Lëvit.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

BundesLiga

Bundesliga nis me marsh të pestë, 21 gola në 5 ndeshje

Publikuar

-

Nga

Plot 21 gola janë shënuar në 5 ndeshjet e Bundesligës që u luajtën sot. Kështu debutuesit e Arminia Bielefeld e nisën me një barazim 1-1 në fushën e Frankfurtit.

Golit të Sokus në minutën e 51 i’u përgjigj Andre Silva në të 62-ën. Këlni u mund nga Hofenheimi vetëm në fund 2-3. Heroi i takimi për miqtë ishte Kramariç që realizoi tre gola.



Freiburgu i Abrashit mori një fitore të vështirë 2-3 në fushën e Shtutgartit. Lojtari i kombëtares u fut në lojë vetëm në minutën e 90-të. Augsburgu me dy gola në minutat e 82 dhe 89 arriti të mposhtë në transfertë Union Berlinin 1-3.

Verder Bremeni i Rashicës e nisi me një humbje të thellë në shtëpi edicionin e ri të Bundesligës, duke u mposhtuar 1-4 nga Herta Berlin. Rashica mungoi në këtë sfidë për shkak dëmtimi.

LEXO TE PLOTE

BundesLiga

Momenti që po çmend rrjetin, Levandosvki dhuroi asistin e vitit ndaj Shalkes (VIDEO)

Publikuar

-

Nga

Bayern Munich ka arritur të shënojë fitore në ndeshjen hapëse të Bundesligës ndaj Schalkes me rezultat 8-0.

Por në turpërimin që ja bëri Schalkes ka pasur vend edhe për spektakël.

Atëherë kur rezultati ishte 6-0, Robert Lewandowski prodhoi momentin më magjik të ndeshjes.

I gjendur brenda zonës së rreptësisë, polaku ka dhuruar një asistim perfekt me lëvizje mashtruese e njohur si ‘rabona’ për Thomas Muller që shënoi për 7-0.

Lewandowski edhe me këto asistime e mbyll kështu diskutimin se këtë vit e ka merituar “Topin e Artë”, duke ia shuar dyshimet edhe atyre që mund të kishin.



Gola, asistime, trofe dhe gjithçka tjetër. Ky është Lewa i këtij viti./CNA.al

LEXO TE PLOTE

BundesLiga

Levandovski në telashe, Polonia mund ta gjobisë për fshehje të ardhurash

Publikuar

-

Nga

Sipas gazetës së njohur gjermane “Spiegel”, Robert Levandovski rrezikon një gjobë milionaeuroshe. Kjo vjen pasi ish-menaxheri i tij polak, Cezari Kuharski, ka paditur sulmuesin e Bajernit të Mynihut. Sipas tij, lojtari dhe firma e tij “RL Manegment” kanë përfituar shuma të mëdha parash në mënyrë jo të ligjshme, të cilat i ka depozituar në një bankë në Poloni. Bëhet fjalë për 2.5 milionë euro të fshehura dhe të padeklaruara nga Roberti dhe gruaja e tij, Ana Levandovski.

Përveç akuzës së ish-agjentit, Leva do të përballej edhe me një padi civile nga shteti polak i cili në rast se vërteton këtë shkelje, mund ta gjobisë lojtarin me 9 milionë euro. Kjo manovër është kryer, sipas “Spiegel”-it, në vitin 2017. Ndërkohë, gazetarët e revistës së njohur gjermane kanë pyetur njerëz të afërt të lojtarit të Bajernit, i cili mësohet t’u ketë thënë njerëzve të tij se nuk mbante mend të ketë kryer një veprim të tillë dhe se gjithçka është e zbardhur në deklarimin e të ardhurave në shtetin gjerman.



Levandovski mendon se gjithçka është vetëm një keqkuptim dhe se shumë shpejt e vërteta do të dalë në pah. Ai vetë kurrë nuk ka pasur akses dhe dijeni në llogarinë bankare fantazmë, e cila fsheh ato 2.5 milionë euro të pretenduara nga ish-agjenti i tij, Cezari Kuharski, i cili pretendon të kundërtën e asaj që thotë sulmuesi i Bajernit të Mynihut.

LEXO TE PLOTE