Connect with Us

“Prill i dytë ngjalash” mes Ramës dhe Metës?/ Basha: Nuk diskutoj lajme sensacionale me karavidhe

Politikë

“Prill i dytë ngjalash” mes Ramës dhe Metës?/ Basha: Nuk diskutoj lajme sensacionale me karavidhe

Publikuar

-

“Darka e ngjalave” të 1 prillit të 2013-ës në Gjirin e Lalzit u mbyll me një marrëveshje mes Edi Ramës dhe Ilir Metës, pas një takim që zgjati mbi 7 orë për aleancën e tyre kundër Sali Berishës.

Duke marrë shkas nga kjo dhe nga marrëdhënia e Ramës me Metën gjatë ditëve të fundit, kryetari i opozitës Lulzim Basha u pyet në studion e Syri Tv nëse i trembet një “prilli të dytë ngjalash”.

Basha nuk pranoi të diskutojë për këtë temë, ndërsa ironizoi duke i cilësuar si lajme sensacionale me karavidhe dhe ngjala.

LEXO EDHE:  Nga Altin Goxhaj/ Dhjetë pyetjet që artistët nuk ia bënë Lulit

“Komentet jashtë emergjencës pandemike dhe nuk ka ndërmend ta shkelë këtë rregull për Presidentin e Republikës. Lajme sensacionale me karavidhe dhe ngjala në kohën e pandemisë nuk i diskutojmë”, deklaroi kryedemokrati./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Meta takim me Ambasadorin e Norvegjisë/ Të forcojmë marrëdhëniet dypalëshe në të gjitha fushat

Publikuar

-

Nga

Presidenti i Republikës Ilir Meta priti në një takim pune Ambasadorin e Jashtëzakonshëm dhe Fuqiplotë të Mbretërisë së Norvegjisë në Shqipëri, rezident në Prishtinë,  Jens Erik Grondahl.

Kreu i Shtetit, vlerësoi mbështetjen e vazhdueshme të Norvegjisë në proceset e integrimit euroatlantik të Shqipërisë dhe politikën e saj inkurajuese ndaj afrimit të Ballkanit Perëndimor në Bashkimin Europian.

“Marrëdhëniet shumë të mira mes dy vendeve në planin politik, veçanërisht konkretizimi i tyre i suksesshëm në planin ekonomik, mbeten model dhe nxitje për të shtuar përpjekjet tona në shfrytëzimin e mundësive dypalëshe edhe në fusha të tjera, si bujqësi, turizëm, infrastrukturë, tregëti dhe arsim”, – nënvizoi Presidenti Meta.

LEXO EDHE:  Mima-Ramës: U thua qytetarëve “tqr”, por …

LEXO EDHE:  Basha: KQZ shkeli ligjin/Rama: Në zgjedhje, edhe pa PD-në! KQZ në debate

Kreu i Shtetit e falënderoi Ambasadorin e Norvegjisë për ndihmën vyer të vendit të tij për përballimin e pasojave të tërmetit të 26 nëntorit të vitit 2019./CNA.al

LEXO TE PLOTE

Politikë

A i përmbushi pritshmëritë OFL?/ Felaj tregon rezultatet

Publikuar

-

Nga

A i përmbushi pritshmëritë OFL?/ Felaj tregon rezultatet

Kryetarja e Komisionit të Sigurisë Ermonela Felaj e konsideruar si të arsyeshëm aktin normativ të qeverisë për t’i kaluar SPAK dhe Gjykatës së Posaçme shqyrtimin e dosjeve, pas përfundimit të misionit të Operacionit Forca e Ligjit.

Sipas Felajt, lufta ndaj korrupsionit dhe krimit të organizuar do të vazhdojë sipas ligjit antimafia.

“Ajo që desha të nënvizoj është që OFL e përfundoi misionin e vet dhe çështjet e referuara në gjykatën dhe prokurorinë e posaçme do të përfundojnë aty dhe nuk do shpërndahet në prokurori të tjera, ndërkohë që lufta do të vazhdojë sipas ligjit antimafia”, tha Felaj për “A2”.

Pavarësisht situatës së vështirë për shkak të pandemisë dhe boshllëkut  të organeve të reja të drejtësisë në arritjet e OFL-së, Felaj thekson se u krijua modeli dhe një praktikë pune që do të shërbejë sesi duhet të veprojë policia.

“Numrat tregojnë se pavarësisht vështirësie që patëm vitin e kaluar akti normativ filloi te jepte efektet e tij n 2020 dhe në mars ne u karantinuam. Këto kanë qenë rrethana të paparashikueshme që kanë ndikuar në punën e e OFL dhe prokurorisë e gjykatave që nuk është proceduar. Deri në fund janë goditur 1500 pasuri dhe janë mbi 200 subjekte që i kanë në emër të tyre. Pavarësisht kësaj janë çështje  që ende nuk janë mbyllur me vendim përfundimtar.

Në momentin që filloi veprimi ne kishim një boshllëk në organet e reja dhe të gjitha këto pengesa dhe shumë çështje të hetimit pasuror ishin të arkivuara në sirtarët e prokurorisë dhe ky u pa si mekanizëm efikas kundër pasurive të paligjshme. U krijua një model e praktikë punë që do të shërbejë sesi duhet të veprojë policia”, tha kryetarja e Komisionit të Sigurisë.

LEXO EDHE:  Infermierja korçare i “përplas” në fytyrë të vërtetën Ramës/ Rrogat jo vetëm që nuk janë rritur, por…

LEXO EDHE:  Basha akuzon Ramën: Skema e ndihmës ekonomike për luks qeveritar

E pyetur nëse këto do të quhen sukses i punës së OFL-së Felaj shprehet se ky operacion ka dhënë rezultatet e veta, pasi ka krijuar frymën që kushdo që vë pasuri përmes krimit e korrupsionit ndëshkohet. Sipas saj OFL-ja ishte e domosdoshme për t’i dhënë goditje pasurive të paligjshme.

“Ky operacion i ka dhënë rezultatet e tij se ka krijuar bindjen që kushdo që vë pasuri përmes krimit e korrupsionit ndëshkohet. Nuk do të doja që të zëvendësonte prokurorinë e gjykatën. Policia kishte detyrë të posaçme dhe i referonte në gjykatë. Është detyrë e prokurorisë e gjykatës të shihnin sa e bazuar ishte kjo kërkesë dhe për të vijuar me konfiskimin.

Lufta kundër krimit dhe korrupsionit është një luftë e pandërprerë dhe i takon ligjvënësit për ta bërë sa më efikase këtë luftë. Ishte e domosdoshme për t’i dhënë një goditje pasurive të paligjshme”, u shpreh Felaj./CNA.al

LEXO TE PLOTE

Politikë

Biden si presidenti i 46-të i SHBA/ Bushati: Moment i rëndësishëm që duhet ta shfrytëzojmë maksimalisht

Publikuar

-

Nga

Ish ministri i Jashtëm, Ditmir Bushati thotë se sot është një ditë e rëndësishme për Shtetet e Bashkuara të Amerikës dhe mbarë botën pasi fituesi i zgjedhjeve presidenciale, Joe Biden, merr zyrtarisht detyrën si presidenti i 46-të i vendit.

Bushati ka kujtuar momentin kur shoqëronte kryeministrin Rama në takimin me Presidentin Obama në Shtëpinë e Bardhë, më 14 Prill 2016. Gjithashtu Bushati ka përmendur ndjeshmërinë e Zëvendës Presidentit Biden për historinë e dhimbshme të Ballkanit dhe angazhimi i tij për paqen dhe transformimin e rajonit në rrugën drejt anëtarësimit në BE.

Sipas ish ministrit, ky është një moment i rëndësishëm që duhet ta shfrytëzojmë maksimalisht, duke pasur në vëmendje rolin e pazëvendësueshëm të SHBA-ve për stabilitetin demokratik në Shqipëri dhe rajon.

Sot është një ditë e rëndësishme për Shtetet e Bashkuara të Amerikës dhe mbarë botën. Fituesi i zgjedhjeve presidenciale, Joe Biden, merr zyrtarisht detyrën si presidenti i 46-të i vendit. Ai mori 306 vota elektorale dhe më shumë se 81 milion vota popullore, duke thyer çdo rekord të zgjedhjeve presidenciale në SHBA.
Në klimën e polarizuar dhe aktet e dhunës që shoqëruan kontestimin e rezultatit të zgjedhjeve, duket se sfida më e madhe politike për Presidentin Biden është normalizimi i mosmarrëveshjeve politike. Krahas stabilizimit të brendshëm, kjo sfidë ka të bëjë edhe me forcën tërheqëse të modelit që përfaqësojnë SHBA-të në botë.
Si pasojë e Pandemisë COVID-19, bota është në dhëmbët e krizës më të rëndë që ka përjetuar që prej Luftës së Dytë Botërore. Në planin ndërkombëtar, SHBA-të mbeten aktori më i fuqishmëm. Kina është një konkurrent gjithnjë e më sfidues, me të cilën SHBA-të do të përballen në një rivalitet më së shumti teknologjik. Nga ana tjetër, ndikimi i Rusisë, kryesisht në kufijtë e NATO-s, rikthen vëmendjen për një angazhim të strukturuar me të.
Në këtë kontekst, ripërtëritja e aleancës euro-atlantike, sikundër rikthimi aktiv i SHBA-vë në disa nisma të rëndësishme shumëpalëshe pritet të marrë përparësi me administratën Biden. Viti 2021 do të jetë interesant për të testuar edhe ndërveprimin e SHBA-ve me vendet e G7. Gjermania dhe Japonia, dy aleatë të pazëvendësueshëm të SHBA-ve, respektivisht në Europë dhe Azi, tradicionalisht të njohura për qëndrueshmërinë e tyre, janë përfshirë në proceset e ndryshimit të drejtuesve politik. Për fatin tonë të mirë, rajoni ynë nuk është i huaj për Presidentin Biden. Përkundrazi! Krahas njohurive të thella për rajonin, ai ka edhe një lidhje shpirtërore, veçanërisht me Kosovën. Do të mbetet gjithnjë e pashlyer në memorien time – teksa shoqëroja kryeministrin Rama në takimin me Presidentin Obama në Shtëpinë e Bardhë, më 14 Prill 2016, – ndjeshmëria e Zëvendës Presidentit Biden për historinë e dhimbshme të Ballkanit dhe angazhimi i tij për paqen dhe transformimin e rajonit në rrugën drejt anëtarësimit në BE. Pikërisht, kjo lidhje e tij me rajonin, sikundër dhe e ekipit përgjegjës për politikën e jashtme dhe të sigurisë në Shtëpinë e Bardhë dhe Departamentin e Shtetit, janë inkurajuese për një vëmendje të shtuar të SHBA-ve në rajonin tonë dhe për një bashkëveprim më të ngushtë me BE-në, duke e konsideruar procesin e transformimit të Ballkanit dhe anëtarësimit në BE, një punë të papërfunduar. Për ne, ky është një moment i rëndësishëm që duhet ta shfrytëzojmë maksimalisht, duke pasur në vëmendje rolin e pazëvendësueshëm të SHBA-ve për stabilitetin demokratik në Shqipëri dhe rajon”, shkruan Bushati./CNA.al

LEXO TE PLOTE