Connect with Us

Kush do të rezistojë sot, do të udhëheqë nesër! 10 këshilla për të menaxhuar stafin në kohën e pandemisë

Ekonomi

Kush do të rezistojë sot, do të udhëheqë nesër! 10 këshilla për të menaxhuar stafin në kohën e pandemisë

Publikuar

-

Në këtë kohë të paimagjinueshme që po kalojmë, kur paniku shëndetësor dhe ekonomik është në krye të mendimve të kujtdo, disa Drejtues të Burimeve Njerëzore, Drejtorë të Përgjithshëm dhe Pronarë Sipërmarrjesh më kanë pyetur se çfarë duhet të bëjnë më mirë në këtë periudhë në kompanitë e tyre.

Çfarë mund të bëjmë ne më mirë në kompanitë tona, më shumë sesa një vështrim ekonomik mbi situatën globale dhe makroekonomike.

Ndonjëherë ne shqetësohemi më shumë për faktorët makro, të cilët nuk i kontrollojmë dot, dhe harrojmë të menaxhojmë si duhet kompaninë tonë. Ndihemi më mirë kur “fajin” e ka situata makro dhe ne nuk na mbetet asgjë tjetër përveç dëshpërimit.

Në gjykimin tim, ekipi drejtues, si HR Manager, CFO, CEO dhe pronarë kompanish, sot duhet të përqendrohet tek ato që ata mund të bëjnë. Natyrisht që këto funksione drejtuese kanë detyra të veçanta sipas përgjegjësive të strukturës, ku sa më lartë në hierarki, aq më e madhe është barra e vendimmarrjes. Mendoj që pikat më poshtë duhen marrë sipas radhës:
1-Shëndeti i punonjësve dhe kushtet e punës. Duhet të merren të gjitha masat që mbrojnë punonjësin në mjedisin e punës dhe të krijohen kushtet e duhura që punonjësit të punojnë të sigurtë dhe të qetë.
2-Puna në distancë. Zhvendosni operacionet tuaja online dhe aty ku është e mundur vendosni punën nga distanca. Puna nga distanca ka rregullat dhe mënyrat e veta, për të cilat kam shkruar më parë.
3-Ruajtja e punonjësve më të mirë. Bëni maksimumin që të mbani dhe paguani më të mirët! Mos i trajtoni të gjithë njësoj, nëse nuk janë njësoj. Çfarëdo që të themi mbi menaxhimin e njerëzve, nëse nuk paguhet bazuar në meritë, çdo gjë tjetër është populizëm.
4-Vazhdoni operimin e përditshëm. Është jetësore që ndërmarrja të mos ndalojë dhe fiket, por të punojë me kapacitet minimal derisa volumet të rriten gradualisht, ku vendime të tjera do të duhet të merren.
5-Optimizimi i kostove. Ka shumë mënyra për të optimizuar kostot. Duhet të bëni një plan të qartë për ndërhyrjen në kosto, masën dhe kohën, por asnjëherë mos shkurtoni çdo gjë emocionalisht, sepse mund të “vrisni” biznesin tuaj. Kjo është temë e gjerë dhe delikate, e cila kërkon analizë të personalizuar për krijimin dhe zbatimin e planit të masave.
6-Komunikim të qartë, por jo shumë të shpeshtë. Me komunikim të qartë, nuk kam parasysh komunikimin e hollësishëm për çdo vendim, por komunikimin e nevojshëm për të shmangur çdo panik të panevojshëm apo thashetheme që krijohen me shumicë në situata të tilla. Komunikimet nuk mendoj se duhet të jenë të përditshme, por më së shumti një herë në javë ose në dy javë. Komunikimi i përditshëm me qëllim transparencën e panevojshme, etj., e vendos kompaninë dhe drejtuesit në një situatë stresi të përditshëm, përkeqëson cilësinë e punës minimale aktuale, shkakton ankth për të nesërmen dhe mendoj që as punonjësit dhe as drejtimi apo pronësia nuk fitojnë gjë nga ky lloj komunikimi.
7-Konsultojini vendimet tuaja. Përpara sesa të ndërmerrni vendime të rëndësishme apo gjysmë të rëndësishme, konsultojini ato me persona që nuk kanë konflikt interesi me vendimin. Një këshillë vlen më shumë në kohë krizash.
8-Zbato vendimin tënd. Zbatimi është pjesa më e vështirë e çdo vendimi, por duhet bërë. Në kohë të vështira, merren vendime të vështira.
9-Shpenzo me zgjuarsi. Shpenzo për ato aktivitete që sjellin dhe mund të sjellin të ardhura. Edhe në kohë krizash shpenzohet, por duhet shpenzuar për ato asete, shërbime apo ide që mund të sjellin të ardhura shtesë nesër.
10Mendo për risi. Mendo si mund ta rimodelosh kompaninë apo punën tënde. Çfarë ndryshimesh mund të bësh sot dhe nesër. Koha po ndryshon, edhe ju fillimisht duhet të mendoni të ndryshoni. Të mendosh nuk është humbje kohe./Monitor

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Ekonomi

1.35 miliardë euro borxh në shpëtim të ekonomisë

Publikuar

-

Nga

FMN dhe Ministria e Financave parashikojnë se kriza e COVID-19 do ta çojë deficitin buxhetor të këtij viti përtej 5% të PBB-së. Nevojat për financim i kalojnë 1,1 miliardë eurot. Ministrja Denaj tha se, 700 milionë euro janë financim i siguruar si kredi të buta dhe grante, nga ndërkombëtarët dhe 650 mln euro do të financohen nga eurobondi. Shefja e Misionit të FMN për Shqipërinë, Yan Sun, bëri thirrje që paketat e ndihmës të përdoren për nevojtarët dhe me transparencë. Borxhi publik kalon 70% të PBB-së në fundvit. Ekspertët nuk e këshillojnë eurobondin deri në vjeshtë.

Blerina Hoxha

Çdo lloj krize ekonomike do të mund të menaxhohej më lehtë nëse qeveritë do të ishin më të përgjegjshme në kohë normale. Nëse reformat në tatime e taksa do të kishin mundësuar grumbullimin e të ardhurave në nivele rajonale, nëse shpenzimet publike nuk do të shfrenoheshin në koncesione dhe tenderë me kosto të pajustifikuara, qeveria e Shqipërisë do të ishte më e përgatitur sot për të ofruar një paketë ndihme dinjitoze për bizneset dhe qytetarët e saj, për të shmangur sadopak katastrofën që rrezikon të rikthejë varfërinë ekstreme.

Me nivelin e borxhit nga më të lartët në rajon (65,8% e PBB-së) me taksat më të larta gjithashtu, e goditur rëndë nga tërmeti i 26 nëntorit 2019, qeveria jonë ka pak mjete në dispozicion për të përballuar krizën që ka krijuar pandemia COVID-19-19.

Shefja e Misionit të FMN-së për Shqipërinë, Yan Sun, tha se fatkeqësisht, barra e rënies ekonomike është më e rëndë për ata që preken më shumë. Për të mbrojtur këto grupe, qeveria duhet të luajë një rol kryesor nëpërmjet stimujve fiskalë, për të mbështetur punësimin dhe për të ofruar mbështetje financiare për ata që kanë nevojë. Ajo tha se deficiti buxhetor gjatë këtij viti do të jetë më shumë se 5% e PBB-së, duke kujtuar se Ligji Organik e i buxhetit e lejon tejkalimin për situata të tilla.

Ministrja e Financave, Anila Denaj, tha se në skenarin e qeverisë, deficiti buxhetor parashikohet të zgjerohet në 5.4% të PBB-së këtë vit. Për të financuar këtë deficit, do të duhen të paktën 1,1 miliardë euro. Me këtë rritje, borxhi publik pritet të shkojë në 70.8% të PBB-së në fund të vitit 2020.

Burimet për financimin e deficitit, sipas ministres Denaj, janë huatë dhe grantet nga institucionet dhe emetimi i Eurobondit para periudhës së verës që do të arrijë në 650 milionë euro, nga 600 milionë që ishte parashikimi fillestar.

Blodin Çuçi, administrator në Caesar Investment Advisory Services, pasi analizoi strukturën e likuiditetit të institucioneve financiare dhe sistemit në përgjithësi dhe mungesën e alternativave financiare të investimit, sugjeroi se emetimet e brendshme të borxhit të qeverisë janë të favorizuara. Ai tha se interesat e borxhit në tregun ndërkombëtar nuk janë të favorshme për momentin, duke i sugjeruar qeverisë të shtyjë emetimin e eurobondit për në vjeshtë apo vitin tjetër.

Deficiti buxhetor do të kalojë 5% të PBB-së, duhen 1,1 miliardë euro

Hendeku në të ardhura dhe nevoja për shpenzime më të larta për shkak të paketave të ndihmave që ka aktivizuar qeveria pritet të rrisë deficitin buxhetor në mbi 5% të PBB sipas sugjerimeve të FMN-së. E përllogaritur në vlerë, me PBB e pritshme të këtij viti, para krizës së COVID-19, kjo përqindje sugjeron për një hendek ndërmjet të ardhurave dhe shpenzimeve përtej nivelit 142 miliardë lekë, (1,1 miliardë euro).

Pak ditë më parë, qeveria rishikoi buxhetin. Deficiti buxhetor u dyfishua, duke arritur vlerën e -68 miliardë lekëve nga -39,6 miliardë lekë që ishte planifikuar në fillim të vitit, në 3.9% të PBB-së. Por projeksionet e Fondit sugjerojnë se nevojat për financimin e deficitit do të jenë përtej 5% ose më shumë se 1 miliard euro. Burimet e financimit, sipas ekspertëve, duhet të përqendrohen në tregun e brendshëm, marrëveshje me institucionet financiare ndërkombëtare dhe rishikim të shpenzimeve buxhetore.

LEXO EDHE:  “Mos bëni plane këtë verë”/ Presidentja e KE këshillon qytetarët: Duhet të mësojmë të jetojmë me virusin

LEXO EDHE:  Zbulohet mashtrimi i qeverisë/ Kjo është skema e menaxhimit të universiteteve

700 mln euro grante dhe hua të buta nga institucionet ndërkombëtare

Në tërësinë e tyre, financimet nga Institucionet Financiare Ndërkombëtare mund të arrijnë mbi 700 milionë euro, fonde të cilat sipas nevojës së qeverisë shqiptare mund të disbursohen në kohë të ndryshme, tha ministrja e Financave, Anila Denaj. Nga kjo shumë, 150 milionë do të jenë financim nga Bashkimin Europian, si mobilizim i Asistencës Makro-Financiare, një instrument i parashikuar mbi të gjitha për vendet anëtare në BE dhe i vënë në dispozicion edhe të Shqipërisë në situatën e COVID-19. Kjo asistencë është një fond kredie mjaft e butë, me norma shumë të ulëta interesi dhe maturitet afatgjatë, sqaroi Denaj.

Fondi Monetar Ndërkombëtar ka akorduar për Shqipërinë 174 milionë euro, në përgjigje të krizave përmes instrumentit të Përgjigjes së Shpejtë. Ky financim synon të vijë në ndihmë të problematikave të mundshme në Bilancin e Pagesave dhe mbart meritën e aksesimit në një periudhë shumë të shkurtër, duke ofruar hapësirë frymëmarrjeje për financat publike.

“Kemi nisur gjithashtu diskutimet edhe me ekipet teknike për detajimin dhe krijimin e instrumenteve në përfitim të sipërmarrjes për mbështetjen financiare të vendosur në dispozicion për Rimëkëmbjen Ekonomike, prej 35 milionë euro” – tha Denaj. Banka Botërore ka ofruar lehtësinë e madhe për të orientuar financimet për projektet e përbashkëta në vend, drejt nevojës urgjente, përtej mbështetjes së re financiare që pritet të materializohet së shpejti.

Banka Islamike për Zhvillim po përgatit një instrument huaje të mirëpritur nga të gjitha vendet anëtare, me kushte financimi tepër të buta. Partnerë të tjerë të rëndësishëm si Banka Gjermane për Zhvillim, Agjencia Franceze e Zhvillimit, Banka e Këshillit të Europës do të mobilizojnë mbështetjen e tyre gjithashtu, në kuadër të COVID-19 ose jo.

Burimet e tjera, Eurobondi dhe tregu i brendshëm

 Qeveria shqiptare po planifikon të emetojë para verës një Eurobond me vlerë 650 milionë euro, nga 500 mln që ishin planifikuar në fillim të vitit. Ministrja Denaj tha se, në dallim nga fillimi i vitit, do të faktorizohet një shtesë prej 150 milionë eurosh për Eurobondin, duke arritur kështu shumën e 650 milionë euro, tha Denaj. Edhe në këtë vlerë, Eurobondi ka gjasa të sigurta të materializohet brenda vitit 2020, mundësisht brenda verës së këtij viti, sipas planit fillestar të daljes në tregjet ndërkombëtare, shtoi ajo.

Nga ana tjetër, tregu i brendshëm është likuid për kërkesën e shtuar të huamarrjes së brendshme të qeverisë shqiptare. Ministria e Financave planifikon që kjo rritje të mbetet një masë e përkohshme për vitin 2020, duke vijuar ndoshta në një masë të lehtë në 2021 dhe për t’iu kthyer niveleve optimale të huamarrjes së brendshme prej 23 miliardë lekësh në vitin 2022. “Në pothuajse të gjithë skenarët tanë, edhe në rastin se tregjet ndërkombëtare do të pësojnë një mbyllje gjatë këtij viti, skenar me probabilitet të ulët, dhe Eurobondi të mos arrijë të emetohet, Buxheti i vitit 2020 rezulton tërësisht i financuar pa nevojë për masa ‘ad hoc’”, tha Denaj.

Ministrja e Financave, Anila Denaj, pohoi se nevojat e shpenzimeve buxhetore, që nuk mbulohen nga të ardhurat, do të rishikohen duke ulur disa shpenzime. Rreth 4 miliardë lekë janë shkurtuar nga pagesat e koncesioneve të këtij viti, nëpërmjet akteve normative./ Monitor

LEXO TE PLOTE

Ekonomi

“A do e marrin 400 mijë lekshin ata që kanë aplikuar?”/ Përgjigjet ministrja Denaj

Publikuar

-

Nga

Ministrja e Financave dhe Ekonomisë, Anila Denaj, ka folur lidhur me 400 mijë lekshin që do të përfitojnë personat që kanë aplikuar.

“A mund të shkojë ai 400 mijë lekëshi tek të gjithë personat që kanë aplikuar? E dyta, ata që merren me bujqësi, a do të ketë diçka të parashikuar për ata? Sa mundet të hedhim likujditet tek njerëzit, sa mund të jenë hapësirat t’i përfshijë të gjithë këta?”, e ka pyetur Arjan Çuri ministren Denaj në “Zonë e Lirë”.

Ajo ka shpjeguar se paketa e dytë sapo ka filluar, ka pothuajse 3 ditë që është duke u bërë aplikimi.

“Për të dyja pyetjet e lidhur me evidencat e pagesave… Paketa e dytë sapo ka filluar, ka pothuajse 3 ditë që është duke u bërë aplikimi, 176 mijë veta s’mund ta kenë marrë për tre ditë. Tek paketa e parë sigurisht procesi ka arritur mbi 72%, diferenca ka të bëjë me disa aspekte, ndoshta teknike. Ka pasur refuzime dhe ka pasur kontestime, ku këto të dytat janë duke u verifikuar. Në paketën e dytë kemi parashikuar në thesar se javës tjetër do jetë e rezauruar e plotë. Ky aplikim ka ritmin e vet, nuk e shikojmë të pamundur. Për pjesën e bujqësisë është e vërtetë se nuk ka një paketë sepse në fizionominë e paketës kanë qenë grupe të ndryshme. Në rradhë të parë kanë qenë grupet e mbyllura dhe më pas ato të prekura. Nuk përjashtohen, por nuk janë adresuar veçmas për sektor paketat. Janë adresuar për grupe”, ka thënë ministrja Denaj./CNA.al

LEXO TE PLOTE

Ekonomi

Kriza nga koronavirusi/ Kreu i Dhomës Amerikane: Bizneset përballen me presion të lartë

Publikuar

-

Nga

Presidenti i Dhomës Amerikane të Tregtisë, Enio Jaço, ka folur për krizën e koronavirusit, ndikimin e saj te bizneset, paketat e ndihmës të qeverisë shqiptare, si dhe për mënyrën si po e menaxhon qeveria krizën e koronavirusit në Shqipëri.

Lidhur me paketat ekonomike të qeverisë, Jaço theksoi se sa i takon përmbajtjes së tyre, janë implementuar kërkesat kryesore të biznesit, ndërsa për sa i përket përmasave, duhet të rriten në fazat e tjera.

“Sektorët më të prekur kanë qenë turizmi, ndërtimi, shërbimet dhe transporti, por shqetësimi ynë më i lartë është për turizmin dhe shërbimet.
Bizneset duhet të trajtojnë problemin imediat që kanë. Ato përballen me një rrisk, me një presion të lartë. E para që duhet të bëjnë dhe që po bëjnë, është të mundohen të përballojnë situatën me mënyra të ndryshme, në mënyrë që të dalin me humbje sa më të ulta dhe kosto të ulëta. Por, duhet të fillojnë të mendojnë për periudhën kur ekonomia do të rihapet. Kjo nuk do të jetë një ekonomi njësoj si ajo që kishim, do të kemi normalitet të ri, që do të funksionojë me rregulla të reja. Do kemi tregje, që do kërkojnë mënyra të tjera funksionimi. Besoj kanalet digjitale do të kenë përparësi më të lartë. Kompanitë duhet të bëjnë një adaptim, gjatë kësaj kohe, pasi do të përfitojnë”, tha Jaço në një intevistë për News 24./CNA.al

LEXO TE PLOTE