Connect with Us

Bardhi: Shqipëria më kontaktoi, Kosova nuk më kërkoi asnjëherë

Kombëtare

Bardhi: Shqipëria më kontaktoi, Kosova nuk më kërkoi asnjëherë

Publikuar

-

Enis Bardhi është një nga talentet shqiptare që po ecën me hapa të mëdha në Europë. Aktualisht pjesë e Levante në La Liga, ndërsa goditjete tij nga larg janë një makth për çdo portier. Në fushën e lojës di gjithmonë si të japë më të mirën dhe padyshim është një nga titullarët fiks te klubi spanjoll. Ndërkohë 24-vjeçari ka zgjedhur të përfaqësojë Maqedoninë e Veriut në arenën ndërkombëtare, megjithëse të gjithë do të donim ta shihnim me ngjyrat kuqezi.

Në një intervistë për “Sporti Total” në KTV, Bardhi tregon se në të shkuarën ka pasur interesim për të nga Shqipëria, ndërsa sa i përket Kosovës ka mohuar t’i ketë mbërritur njëkontakt apo shenjë që e dëshironin ta kishin pjesë të tyre. Kujtojmë se dardanët janë një përfaqësuese më e re dhe ekzistonte mundësia që lojtari të linte Maqedoninë për ta. Ndërkohë tashmë do i ketë përballë si kundërshtar në rrugën drejt ëndrrës së Kampionatit Europian.

“Nga Kosova jo, nuk ka pasur kontakte, kurse nga Shqipëria ka pasur kur isha më i ri, jo direkt nga ta, por nga njerëzit që kanë qenë përreth. Megjithatë asgjë konkrete nuk ka pasur. Nuk dua t’i përsëris ato gjëra, pasi kanë kaluar dhe nuk mund të kthehemi prapa. Duhet të shikojmë përpara”, ka thënë Enis Bardhi

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kombëtare

Bunjaku: Duka i pakënaqur me De Biazin që la jashtë Milot Rashicën

Publikuar

-

Nga

Ish-trajneri i Kosovës, Albert Bunjaku ka zbuluar se Armand Duka ka qenë i zhgënjyer nga trajneri Xhani De Biazi për mosgrumbullimin e Milot Rashicës në Europian me Shqipërinë. Në një intervistë për “Reporteri”, Bunjaku shprehet se pas lënies jashtë të Rashicës, i ka thënë Dukës se nuk ka për t’ia mbyllur dyert lojtarit dhe se menjëherë nisi bisedimet me menaxherin Altin Lala.

“Në momentin e kampionatit europian e kam thënë edhe më herët, Shqipëria duhej që të bënte ndërrimin e gjeneratave. Por ky është mendimi im personal të cilin ia kam thënë edhe Armand Dukës në një takim në Paris në finale të kampionatit europian. Ka qenë kryetari i ndierë Fadil Vokrri, ka qenë Armand Duka, ka qenë Bobani, unë dhe një grup i njerëzve së bashku.

Gjatë bisedës tonë Duka më ka thënë se ishte i pakënaqur me De Biazin që nuk e kishte ftuar Milotin. Mua më kujtohet ai moment dhe i thashë Dukës: “Nëse Miloti do të na zgjedh ne, nuk kam për t’ia mbyllur dyert lojtarit. Duhet të jetë e drejta e zgjedhjes së tij”.

Menjëherë pastaj kemi nisur kontaktet me përfaqësuesin e Rashicës. E kam parë se Duka ka qenë i zhgënjyer me vendimin e trajnerit, por pikërisht për këtë të fundit, e pashë se m’u krijua hapësira për të marrë Rrahmanin dhe Rashicën, që i lanë jashtë Europianit. Kam biseduar shumë me menaxherin e tij dhe mikun tim Altin Lala. Ka qenë e rëndësishme që të mos bëhej presion as ndaj Lalës.

Ka qenë edhe për të shumë e vështirë pasi ka luajtur për Shqipërinë dhe ka një lojtar që do vinte për Kosovën. Nuk më harrohet kurrë një moment kur më telefonon Lala. Më tha, Albert, kam vetëm një kërkesë. Numrin 7 për Rashicën. E marrë në telefon Bajramin dhe i them që bëj gati numrin 7 se po vjen Rashica”, u shpreh Bunjaku.

LEXO TE PLOTE

Kombëtare

Lila: Kemi ndihmuar 150 futbollistë dhe ish-futbollistë, ja kur do rikthehem dhe unë në fushë

Publikuar

-

Nga

Kreu i Sindikatës së Futbollistëve tregon se janë 150 futbollistë dhe ish-futbollistë që ato kanë ndihmuar gjatë kësaj kohe të vështirë. Në një intervistë për emisionin “Dribling”, Lila thekson se ata që ndihmuan për këtë fond janë legjenda të së kaluarës si Cana, Skela, Hasi, Strakosha, Dallku etj… Ndërkohë, kavajasi nuk ka harruar edhe të bëjë stërvitje gjatë kësaj pjesë të pauzës dhe shpreson që me rifillimin e kampionatit, të jetë edhe ai gati.

“Jemi mundur që të organizojmë ditën në mënyrën më të mirë. Ne si Sindikata kemi punuar për të ndihmuar futbollistët më në nevojë dhe ne jemi treguar të gatshëm duke shkuar derë më derë. Dua të falenderoj edhe disa ish-lojtarë Kombëtares që ndihmuan në krijimin e një fondacioni për të ndihmuar futbollistët që kanë pasur më shumë nevojë.

Deri tani janë 150 futbollistë dhe ish futbollistë që kemi ndihmuar. Kryesia e Sindikatës bëri të ditur që nuk do të bëhen emrat e atyre që kemi ndihmuar. Foto Strakosha, Skela, Hasi, Dallku, Sukaj, Ardian Aliaj dhe Lorik Cana kanë qenë disa nga ata që kanë ndihmuar ekonomikisht për të krijuar këtë fond që të ndihmojmë lojtarët dhe ish lojtarët që kanë nevojë”.

Rinisja e futbollit? “Në këtë rifillim duhet të paktën 10 ditë stërvitje që futbollistët të vijnë në formën e tyre pasi nëse futen direkt do të jetë e vështirë për ta. Mendoj se është e mjaftueshme koha për 2 javë pasi nëse fillon direkt do të ketë dëmtime të lojtarëve. Nuk kemi folur me FSHF-në, por kemi dërguar për bisedime kontratën kolektive, por nuk kemi marrë përgjigje. Kur koha të qetësohet mund të bëjmë edhe tubime dhe mbledhje për të krijuar kryesinë e Sindikatës për të krijuar kontratën kolektive”.

Rikthimi në fushë? “Gjatë kësaj kohe kam bërë stërvitje shumë mirë dhe me rifillimin e kampionatit shpresoj që të jem edhe unë në fushën e lojës dhe të mos kem probleme me gjurin”.

Kontratat? “Siç do të veprojë gjithë Europë do të veprojë edhe në Shqipëri besoj. Do të ishte pa kuptim që një futbollist të mos e mbyll sezonin aty ku e nisi”.

Keni bërë kërkesë për lojtarët që të bëjnë teste? “Italia është një nga vendet më të prekura, ndërsa Shqipëria është shumë më mirë. Nuk mund të fillojë sezoni pa marrë masa të ashpëra shëndetësore dhe këto janë normale pasi askush nuk dëshiron të fillojë në mënyrë tjetër. Kemi dërguar disa shkresa në Federatë dhe nuk kemi pasur asnjë përgjigje për ne. Në ditët në vazhdim do të dërgojmë shkresa të tjera dhe do të mblidhemi për të parë situatën tonë”.

Deklarata e Idrizit për shpërndarë 2 milionë lekë të vjetra për lojtarët? “Për zotin Idrizi kam respekt pasi është një njeri me shumë vision. Nuk jam dakord që me FSHF-në që licencon një klub që nuk paguan lojtarët. Për këtë arsye kontrata kolektive është e nevojshme dhe  Flamurtari nuk do të ishte licensuar nëse kjo kontrata do të ishte bërë. Futbolli shqiptar ka nevojë për një reformë të jashtëzakonshme, e para është miratimi i ligjit të sponsorizimit, e dyta është kontrata kolektive dhe e 3 klubet duhet të privatizohen dhe 4 është statusi i sportistit”, u shpreh Lila.

LEXO TE PLOTE

Kombëtare

Bare: I pari që do pranoj të kthehemi në fushë, nuk kam frikë…

Publikuar

-

Nga

Keidi Bare është një nga lojtarët më të vlefshëm te Malaga, jo vetëm për vlerën e kartonit, por edhe për kontributin në fushën e lojës. Në një deklaratë për radio “Marca”, mesfushori i Kombëtares ka deklaruar se nëse vendoset të luhet, ai do të jetë i pari që do të pranojë:

“Nëse vendoset që të luhet futboll, nuk mund të mendojmë që nëse përplasemi do të infektohemi. Nuk na bën mirë kjo mendësi. Nëse na rikthejnë, jam i bindur që nuk do të ndodhë asgjë.

Kam dëgjuar edhe që ka futbollistë, të cilët kanë frikë por unë nuk kam. Nuk ka vend për frikë dhe do të jem i pari që do pranoj të futem në fushë. Sigurisht, që ka edhe një anë tjetër, për të cilën as unë nuk kam dëshirë që të mendojmë për futboll kur po vdesin kaq shumë njerëz”, ka deklaruar Bare.

LEXO TE PLOTE