Connect with Us

Kriza nga koronavirusi nuk do ta dëmtojë buxhetin gjerman

Bota

Kriza nga koronavirusi nuk do ta dëmtojë buxhetin gjerman

Publikuar

-

Po të nisë punën ekonomia pas mbylljes, Gjermanisë mund të mos i duhen më shumë borxhe, tha ministri gjerman i Financave. Por disa nga ata që fitojnë më shumë mund të përballen me faturë më të lartë tatimore, shtoi ai.

Gjermania do të jetë në gjendje ta kompensojë borxhin e krijuar për të menaxhuar pandeminë e virusit Corona, po të përmirësohet ekonomia në gjysmën e dytë të vitit, tha Ministri gjerman i Financave Olaf Scholz në një intervistë, botuar të dielën.

Scholz nuk e përjashtoi krejtësisht mundësinë e marrjes së një borxhi shtesë përtej 156 miliardë eurove, që u miratua nga parlamenti gjerman në fund të marsit. Por ai i tha gazetës Welt am Sonntag se kjo mund të mos jetë e nevojshme “po të arrijmë ta lëvizim kurbën ekonomike për lart në gjysmën e dytë të vitit “. Gjithsesi, shtoi ai, është “shumë herët për të dhënë sinjalin e hapjes së plotë”, megjithë uljen e ritmit të infeksionit.

Deutschland Berlin | Videokonferenz Eurogruppe | Olaf Scholz, Finanzminister (Imago Images/photothek)
Olaf Scholz, ministri gjerman i Financave

Parlamenti Federal e ngriti tavanin e borxhit të Gjermanisë, duke e lejuar qeverinë federale të huazojë rreth 100 miliardë euro më shumë se e zakonshmja për të luftuar krizën dhe për të zvogëluar ndikimin në punëtorët dhe bizneset në Gjermani.

Gastronomia në krizë

Shpenzimet e reja kanë për qëllim financimin e kujdesit shëndetësor të vendit dhe ndihmën për sipërmarrjet që rrezikojnë të mos paguajnë dot kreditë e tyre. Dehoga, një shoqatë e hoteleve dhe restoranteve gjermane, tha se 70.000 hotele e restorante mund të falimentojnë për shkak të efekteve të virusit Corona. “Na u desh të parëve të mbylleshim, dhe ne do të jemi ata që do të vuajnë më gjatë”, tha kryetarja e shoqatës Ingrid Hartges për Bild am Sonntag. “Pa mbështetje shtesë shtetërore, një në tre institucione përballet me falimentimin.” Restorantet dhe bizneset e tjera të goditura nga kufizimet e distancimit social për shkak të virusit Corona mund të marrin mbështetjen e shtetit.

Deutschland Corona-Pandemie | geschlossenes Restaurant (picture-alliance/dpa/SvenSimon)
Taksa më të larta për ata që fitojnë më shumë

LEXO EDHE:  "Bota po mendon për valën e dytë të pandemisë"/ Manjani leksion Ramës: Lëri përrallat

Scholzi tha gjithashtu se ata që kanë të ardhura më të larta mund të përballen me taksa më të mëdha pas krizës, për të balancuar nivelin e lartë të mbështetjes shtetërore të mundësuar nga sistemi i mirëqenies sociale të vendit.

Scholz-i tha se Partia e tij Socialdemokrate (SPD), në koalicion të madh me konservatorët e Kancelares Angela Merkel, ka mbajtur prej kohësh qëndrimin që grupet me të ardhura më të ulëta mund të ndihmohen, po të paguajnë më shumë taksa shtetasit me të ardhura të larta. Një taksim i tillë duhet të jetë “korrekt dhe i drejtë”, tha ai.

Por Ministri i Ekonomisë, Peter Altmaier e hodhi poshtë thirrjen për taksa më të larta. “Diskutimet nga individë për rritjen e taksave për njerëz të caktuar, grupe ose për degë janë të gabuara dhe të dëmshme,” i tha ai gazetës Bild am Sonntag. “Ne duhet të jemi të kursyer dhe askujt nuk do t’i duhet të paguajë taksa më të larta.”

Stimulimi post-virus

Qeveria gjithashtu do të shikojë të ofrojë stimuj ekonomikë në fund të bllokimit prej virusit Corona, i cili ka mbyllur bizneset dhe mban njerëzit në shtëpi. “Kur të jetë koha e duhur, ne do të përgatisim masa për të stimuluar përsëri biznesin,” tha Scholz-i. “Ata duhet të jenë ashtu siç do t’i imagjinonin ekonomistët – me objektiv, të mjaftueshme për qëllimin dhe të kufizuara në kohë”. “Gjithashtu, ne do t’i mbajmë sytë të fiksuar në modernizimin e vendit tonë, siç në zvogëlimin e emetimeve të dioksidit të karbonit, zgjerimin e mobilitetit elektrik dhe digjitalizimin”.

Aditya Sharma-DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Shfaqi probleme me shëndetin/ Presidenti Thaçi përfundon në spital

Publikuar

-

Nga

Orët e para të mëngjesit të sotëm, presidenti i Kosovës, Hashim Thaçi është shtruar në spital pas disa komplikimeve shëndetësore që ai i ka pasur.

Sipas mediave kosovare, Presidenti Thaçi pas disa problemeve shëndetësore ka përfunduar në QKUK ku është duke marrë trajtim mjekësor.

Mësohet se Thaçi u është nënshtruar analizave mjekësore nga stafi i urologjisë, aty ku është duke qëndruar për momentin.
Dje Presidenti i vendit kaloi të dielën me një shëtitje në Bjeshkë teksa sot kishte për të takuar edhe kryeministrin në detyrë Albin Kurti lidhur me situatën që po kalon Kosova me COVID-19./CNA.al

LEXO TE PLOTE

Bota

Greqia shpalos planin e rihapjes/ Më 4 maj njerëzit dalin lirisht, hapen edhe lokalet

Publikuar

-

Nga

Greqia ka shpalosur edhe planin e rihapjes me rwnien e ndjeshme të shifrave nga koronavirusi.

Sipas mediave greke, më 4 maj është faza e parë e rihapjes teksa qytetarët nga kjo datë nuk do të duhet të kërkojnë autorizim për të lënë shtëpitë. Po ashtu në këtë datë do të lejohen edhe dyqanet dhe parukeritë të hapen.

Më 11-18 maj janë datat kur do të hapen për herë të parë pas mbylljes kafenetë, baret dhe restorantet, vetëm ato që kanë hapësirë ​​në natyrë ku do te zbatohet masa e një numri specifik të klientëve, por edhe distanca midis karrigeve në tryezë. Hotelet do të hapen në qershor, saktësisht në datën 15 qershor.
Për momentin në Greqi ka 2235 raste infeksioni dhe janë regjistruar 113 viktima nga infeksioni i koronavirusit./CNA.al

LEXO TE PLOTE

Bota

Trump nuk ndalet/ Duam të hyjmë në Kinë, të hetojmë shpërthimin e koronavirusit

Publikuar

-

Nga

Gjatë konferencës së përditshme për koronavirusin, presidenti Amerikan, Donald Trump është shprehur se SHBA-të duan të dërgojnë investigues në Kinë për të hetuar shpërthimin e Covid-19.

CNN, raporton se SHBA-të kanë bërë edhe më parë kërkesa të tilla, të cilat janë kundërshtuar.

“Ne po bisedojmë me Kinën. Ne iu kemi kërkuar atyre edhe para shumë kohësh që të mund të hetojmë në Kinë për virusin. Ne duam të hyjmë”, tha Trump gjatë konferencës.

LEXO EDHE:  “Bota po mendon për valën e dytë të pandemisë”/ Manjani leksion Ramës: Lëri përrallat

LEXO EDHE:  Ish-ministri i Shëndetësisë jep dy lajmet e mira/ Si mund ta mundë Shqipëria koronavirusin

Shtëpia e Bardhë ka akuzuar vazhdimisht Kinën se ka fshehur informacionin e saktë në lidhje me shtrirjen e virusit brenda Kinës, rrjedhimisht ka fshehur edhe numrin real të viktimave.

LEXO TE PLOTE