Connect with Us

SPAK ka vdekur si Silvia Konti?!

Vetingu

SPAK ka vdekur si Silvia Konti?!

Publikuar

-

Institucioni i krijuar për të hetuar krimin dhe korrupsionin në Shqipëri, me prokurorët që do bënin “gjëmen” me hetimet e tyre, do të zbulonin korrupsionin, hajdutëritë e politikanëve, duket se ka vdekur pa lindur mirë. Në pesë muaj bëma më e madhe është lokali i një burgu dhe asgjë më tepër se kaq. Dosjet e bujshme si Dibra, blerja e votave në Durrës, pasuritë e politikanëve, skandalet e ministrave dhe gjyqtarëve, aferat korruptive të koncesioneve, as që dëgjohen dhe as që diskutohen.

Shumica e tyre dërgohen në prokuroritë e rretheve të tjerat nuk hetohen fare. SPAK bën sikur punon, por a mund të punojë i vdekuri?

Por, pse e lidhëm me Silvia Kontin?

Këtu kujtuan ditët e fundit edhe ndarjen nga jeta të aktores franceze, Patricia Millardet, e cila ka qënë në rolin e prokurores Silvia Konti në filmin “Oktapodi”, në krah të komisar Katanit, i cili u vra nga mafia.

Një film simbol i luftës kundër mafies dhe korrupsionit, që në atë kohë shqiptarët e shikonin më endje. Për më tepër kur do të emërohej një kryeprokuror në Shqipëri, ish-kryeministri Sali Berisha e identifikoi si “Silvia Konti”. Është një emër mjaft i njohur për shqiptarët dhe kur SPAK u përfol për Reformën në Drejtësi, pritjet ishin që ne do të kishim prokurorë të zellshëm që do të luftonin fort për të vënë drejtësinë në vend.

Por, çfarë ndodhi?

Pak ditë më parë u nda nga jeta aktorja Patricia Millardet, ikona e “Oktapodit”. Por, megjithëse ajo u nda nga jeta, si një aktore la një emër të madh. Luajti një rol të madh dhe në mendjet e shqiptarëve la Silvia Kontin.

LEXO EDHE:  Kriminaliteti i rënduar në vend/ Tahiri “fshikullon” drejtorët

Ndërsa SPAK duket se ka humbur jetën si aktorja, por nuk mundi të bënte mbi 61 vjeç. SPAK ka vdekur pa lindur.

Nuk po krijon dot thelbin e tij. Nuk po krijon dot një “Silvia Konti”, nuk po krijon dot një prokuror symbol, nuk po ndërton dot një hetim, nuk po ndërton dot një institucion të besueshëm që t’iu thotë shqiptarëve se po luftohet vërtetë korrupsioni. Se denoncimet e tyre, se denoncimet e mediave do të hetohen, do të verifikohen dhe se e vërteta do të dalë në dritë. Nuk do të heshtin, por do të investigojnë. Dhe do të luftojnë për drejtësinë, për të luftuar korrupsionin.

Por, SPAK fatkeqësisht ka vdekur , prokurorët e këtij institucioni kanë zgjedhur thjeshtë të jenë figurantë dhe jo aktorët e vërtëtë. Dhe jo të një filmi, por të një realiteti që duhet luftuar.

Por, a mund ta bëjnë një tufë të paaftësh dhe prokurorësh me të shkuyar të dyshimtë këtë punë? Vështirë. Në pesë muaj zero, s’ka pasur asnjë rezultat, por vetëm një dështim spektakolar i një grupi që nga SPAK rëndom po quhet ASPAK./ CNA.al

SPAK një tufë me prokurorë dështakë apo të korruptuar

Prokurorë të dobët, të paaftë dhe shantazhues/ SPAK dështimi simbol i reformës në drejtësi

….në dyert e SPAK

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Vetingu

SPAK një tufë me prokurorë dështakë apo të korruptuar

Publikuar

-

Nga

Kanë 5 muaj në detyrë, ishin simboli i pritshërive të reformës në drejtësi, miliona dollarë të shpenzuara nga partnerët tanë si SHBA dhe BE, drejtësi e sakatuar për të ngritur institucionin që do luftonte korrupsionin dhe sot pas kaq muajsh shikon së SPAK është kthyer në strukturënm më sharlatane që ka parë drejtësia në 30 vite.

U ngrit të zbulonte e zbardhte korrupsionin politik në Shqipëri dhe merret me 2 mijë leksha policësh, dosjet e skandaleve të mëdha I luan ping-pong që ti heqë nga duart e saj, asnjë po asnjë hetim serioz për emra konkretë zyrtarësh, politikanësh, ish-drejtuesish të denoncuar publikisht në media apo nga opozita.

Një strukturë që do pagugët me miliona dollarë për vitet në detyrë dhe nuk bën asgjë. Askush nuk lëviz as gishtin e vogël. Jo se nuk dinë, jo se nuk ka informacione dhe raste konkrete, por nuk duan, sepse këta personazhe të zgjedhur, përjashto ndonjë prej tyre, në shumicë janë vegla të korruptuara të politikës dhe të kaluara në vetting më porosi politike, apo me nxitim pazaresh për të ngritur një strukturë thjesht për emër. Se për ekzistencë dhe rezultatre konkrete këto 5 muaj rezultati është një zero me bisht, ata prokurorë thjesht kanë shtuar me disa milionë lekë rrogat dhe benefitet e tyre.

Por le t’i shohim një e nga një dhe të sjellim në vëmendje kush janë këta personazhe që erdhën më shpresë për drejteësi e luftë ndaj korrupsionit, dhe po flejnë në emër të korrupsionit.

E kur shikon cfarë po bën kjo trupë, nuk mund tju thuash gjë tjetër veccse të dështuar, që nuk punojnë ose sepse janë të paaftë, ose të korruptuar. Denoncime e skandale pa fund hetime mbi to asgjë, nuk janë as 1 e 1000-ta e ish prokurorisë së Krimeve të Rënda.

Më 19 dhjetor, Këshilli i Lartë i Prokurorisë zgjodhi prokurorin Arben Kraja, si kreun e SPAK.

Kush është Arben Kraja dhe si ka ndryshuar pasuria e tij ndër vite?

Autoritetit për Informim mbi Dosjet e Ish-Sigurimit të Shtetit ka konfirmuar se kreu i SPAK, Arben Kraja ka qenë hetuesi i komunizmit.
Autoriteti pohon që Arben Kraja ka qenë hetues më 1990-ën dhe se ka hetuar çështje të kalimit të paligjshëm të kufirit.
Kraja e ka filluar karrirën e tij në organin e akuzës në vitin 1993 dhe prej dy dekakadash punon në Prokurorinë e Përgjithshme, ku ka drejtuar sektorë të rëndësishëm si task-forca kundër krimit dhe korrupsionit.
Arben Kraja, është i njohur si prokurori që hetoi dosjen hetimore për abuzimet me fondet e rrugës Durrës-Kukës, ku u hetua edhe kryetari i Partisë Demokratike, Lulzim Basha.
Kraja mundi ta kalojë Vettingun lehtë, megjithëse ka pasur dhe denoncime ndaj tij.
Ndërsa sipas të dhënave të pasurisë rezulton milioner. ( Lexo këtu pasurinë)

Klodian Braho

Kandidati i parë që ka thyer akullin për tu bërë pjesë e SPAK ka qenë prokurori i Krimeve të Rënda, Klodjan Braho.

Ai ka hetuar ish kryeprokurorin Adriatik Llalla, ndërsa më herët ka hetuar edhe ish-kryebashkiakun e Vlorës, Shpëtim Gjika, i cili akuzohej për falsifikim të dokumenteve dhe ndërtimit të paligjshëm.
CNA.al sjell pasurinë e deklaruar nga prokurori Braho, sipas të dhënave të publikuara nga Open Spending Albania.
Prokurori Braho në nisje të karrierës së tij në Berat, rezulton i varfër dhe më vonë, në vitin 2010 ka nisur ta marrë veten ekonomikisht.
Thënë ndryshe ka shtuar të ardhurat dhe është bërë me apartament në Tiranë. Pasi mund të thuhet se është rehatuar si prokuror por edhe si profesor në universitet private, në vitin 2015 ka qëlluar në shenjë, tek një punonjëse e administratës.
Bëhet fjalë për bashkëshorten e tij, cila punon në Hipotekën e Tiranës, dhe që rezulton me një pasuri modeste. ( Lexo këtu, pasurinë)

Altin Dumani

Altin Dumani ka mbajtur postin e drejtuesit të përkohshëm në Prokurorinë e Apelit të Krimeve të Rënda. Dumani është prokurori që ka pasur në dorë dosjen e “21 Janarit”, madje edhe apeloi çështjen në Gjykatën e Lartë.

Emri i Dumanit është lakuar në kohën kur punonte në Prokurorinë e Apelit, pasi ka rënë pre e përgjimeve. Në media u raportua se ai ishte mbajtur për disa ditë në survejim të plotë nëpëmjet një mekanizmi elektronik GPS dhe një Laptopi.

Ka qenë vetë Dumani që e ka konstatuar që ishte në përgjim, pasi ka gjetur pajisjen elektronike. Dumani deklarohet si prokuror, por nëse i shikojmë pasurinë ngjan me një agjenci imobiliare e cila sapo ka nisur biznesin. ( Lexo këtu pasurinë)

Edvin Kondili

CNA.al ka bërë një vëzhgim mbi deklaratat e pasurisë së prokurorit Kondili, pa lënë mënjanë edhe anën profesionale.

Kondili ka pasur në dorë dosje të rëndësishme dhe ishte një nga prokurorët rebelë që refuzuan shortin për dosjen Shullazi dhe kërkesën e kryeprokurores së komanduar të Krimeve të Rënda, Donika Prela.

Ai ka hetuar më parë dosjen e vendosjes së tritolit në farmacinë e babait të ish-ministrit të Brendshëm, Saimir Tahiri.
Gjithashtu, Kondili është prokurori që ka bërë veprimet e para për sekuestrimin e 613 kg kokainë në Portin e Durrësit. Kondili ka një sërë çështjesh të trafikimit të kanabisit, por edhe dosje të tilla si “Lazarati”, por edhe dosjen e Alket Hatijas. Edvin Kondili ka hetuar edhe grupin e Admir Tafilit. Po ashtu, Edvin Kondili ka pasur në duart edhe dosjen e rrëmbimit dhe zhdukjes së Remzi Hoxhës.
Sa i përket pasurisë, Kondili, burimet e të ardhurave i ka nga paga e tij dhe e bashkëshortes. Të paktën sipas të dhënave të Open Spending Albania. ( Lexo këtu, pasurinë)

Ened Nakuci

Prokurori Ened Nakuçi, edhe pse e kaloi Vettingun, ndaj tij janë kërkuar hetime disiplinore.

Kujtojmë se në shtator të vitit 2018, tek Krimet e Rënda shpërtheu sherri mes prokurorëve dhe shefes së tyre Donika Prela, pasi prokurori i dytë i çështjes “Shullazi” Ened Nakuçi, u tha se kishte marrë një leje gjashtëmujore për arsye shëndetësore.

Në media u raportua se administrata e Krimeve të Rënda ishte munduar të lidhet në telefon me prokurorin Nakuçi , por ai rezultonte me telefona të fikur.

Ky veprim i tij u kushtoi internimin tre prokurorëve , të cilët bashkë me shtatë kolegë të tjerë u vunë edhe nën hetim disiplinor.

Behar Dibra

Behar Dibra është ndër prokurorët që ka hetuar kryesisht vrasje. Gjithashtu, Dibra ka qenë pjesë e disa dosjeve të vrasjeve për shkak të marrëdhënieve familjare.
Ndër të tjera Dibra ka pasur në dorë çështjen e vrasësit me pagesë Julian Sinanaj.

LEXO EDHE:  Kryebanditi dhe kryehajduti President/ Në burg prokurorët që aministuan “Ilirin e floririt”

LEXO EDHE:  Katër kandidatë në garë për drejtimin e SPAK dhe Byrosë/Në listë dy femra

Behar Dibra ka bërë deklarim të pasurisë, e cila duket “e varfër”. Sipas deklaratës së dhënë në mars 2018, kutitë janë thuajse bosh. Gjendet informacion për të ardhurat vjetore dhe shpërblimet nga puna si prokuror në Prokurorinë e Krimeve të Rënda në shumën 17 milionë lekë të vjetra. Dhe në kuadratet e detyrimeve financiare, ka të shënuar një kredi për strehim të marrë në BKT në shumën 50 milionë lekë të vjetra për të shlyer shtëpinë.

Ka shlyer rreth 4 milionë lekë, por ka ende për të bërë. Për herë të parë regjistrimi i shtëpisë është bërë në vitin 2013, kur është deklaruar në pasuri. Një apartament 1+1 në katin e shtatë të një godine 9 katëshe në Tiranë, me 62.7 metra katrorë që sikurse deklaron e ka blerë me kredinë prej 5 milionë lekësh. Kontratën e sipërmarrjes me firmën e ka deklaruar që në 2012, madje edhe shumën e parave që do të blejë shtëpinë.

Më pas, gjithçka në deklaratën e tij të pasurisë janë kuadrate bosh, as depozita bankare, as makinë, as sende me vlerë, as bashkëshorte apo fëmijë, madje asnjë familjar i afërt. Vetëm prokurori, paga e tij si prokuror, dhe shtëpia 1+1 në një pallat 9-katësh në kryeqytet.

Enkelejda Millonai

Prokurorja Enkeleda Millonai që ndryshe njihet dhe si prokurorja që i bën “fresk” korrupsionit.
Emri i prokurores Millonai e cila kaloi në mënyrë të dyshimtë Vettingun, nuk është se është lakuar për hetimin e ndonjë çështjeje të bujshme, megjithëse në Elbasan ku edhe ajo punon, nuk kanë munguar “dosjet e nxehta”.

Publikisht emri i Millonait është lakuar nga emisioni “Stop”, pasi ka mbyllur hetimet për një gjyqtare.
Dafina Peci, banore e fshatit Gjinar në Elbasan, ka denoncuar më herët në emisionin “Stop”, gjyqtaren e Elbasanit, Pajtime Fetahu.

Sipas saj, gjyqtarja ka falsifikuar një vendim, duke rritur në mënyrë fiktive sipërfaqjen e tokës së saj në Gjinar.Për të njëjtën cështje, Pajtime Fetahu ka dhënë dy vendime identike, por me sipërfaqje toke të ndryshme.
Çështja ka kaluar në Prokurori, por prokurorja Millonai e ka mbyllur çështjen e gjyqtares Fetahu, pa i hyrë gjemb në kokë.

Elida Kaçkini

Prokurorja Kaçkini, ka hetuar më herët katër aktivistët e shoqërisë civile, të cilët më 22 shkurt 2016 protestuan për paligjshmërinë dhe dhunimin e dhjetra ligjeve nga Bashkia Tiranë për ndërtimin e një këndi lojërash në park.

Pas disa muajsh hetimesh, prokurorja i ka kërkuar gjykatës dënimin e aktivistëve.
Në aspektin profesional, vetëm kjo çështje mund të konsiderohet e ndjeshme që ka kaluar në duart e prokurores Kaçkini.
CNA.al ka zbardhur pasurinë e prokurores Elida Kaçkini (Celami), e cila duket se ka qenë e “përkëdhelur” nga Ambasada Amerikane, e cila e ka radhitur në listën e trajnimeve të DASH-it.
Prokurorja rezulton se ka marrë dieta nga Ambasada Amerikane dhe DASH, në seminarin një mujor, 17.02.2014-16.03.2014.
Edhe bashkëshorti i prokurores, Elida Kaçkini (Celami),është pjesë e sistemit të drejtësisë. Bezart Kaçkini është gjyqtar në Gjykatën Administrative të Shkallës së parë.
Çifti në fjalë, të ardhurat kryesore i ka nga paga dhe rezultojnë të pastrehë. Të paktën sipas të dhënave që kanë deklaruar pranë ILDKPI-së.
Sëbashku me bashkëshortet kanë zaptuar institucionet, universitetet private, duke shtuar llogaritë, kursimet, a thua se këta janë të vetmit më të zotë në Shqipëri dhe nuk paska të tjerë që bëjnë punën e tyre.( Lexo këtu, pasurinë).

Doloreza Musabelliu

Doloreza Musabelliu, e cila ka qenë prokurore pranë Krimeve të Rënda, në vitin 2007 kur gjykohej Emiljano Shullazi pranoi hetimin e cështjes megjithse shumë kolegë të saj refuzuan dhe kërkoi 18 vite burgim ne atë rast.

Kujtojmë se Musabelliu, është prokurorja që ka pasur në duar procedimin penal me nr. 188 të vitit 2016 ndaj të hetuarit Guido Guidi, i dyshuar për trafik narkotikësh, mbetur në tentativë.
Bëhet fjalë për një avion të vogël tip “Piper”, i cili pa leje fluturimi nga aviacioni civil, u ul në Ishëm të Durrësit. Për avionin në fjalë u dyshua se shërbente për trafikun e drogës.
Gjithashtu Musabelliu, urdhëroi lëshimin e vendimit të sekuestros preventive ndaj pasurive të dyshimta të Nikolin Janinës, një biznesmen ky që kërkohej nga Spanja për përfshirje në trafik droge.
Më herët Musabelliu ka qenë drejtuese e njësisë së Anti-Korrupsionit tek Krimet e Rënda. Mirëpo në muajin Mars 2017. ish kreu i Krimeve të Rënda Besim Hajdarmataj, e shkarkoi duke e lënë vetëm prokurore të thjeshtë në njësinë kundër trafiqeve.
Sa i përket pasurisë, Musabelliu të ardhurat i ka vetëm nga paga e saj dhe e bashkëjetuesit. ( Lexo këtu, pasurinë)

Dritan Prenci

Krahasuar me kolegët, tek prokurorët e varfër radhitet dhe prokurori i Krimeve të Rënda Dritan Prençi.

Prençi në vitin 2008, sipas të dhënave të Open Spending Albania ka deklaruar se është bërë pronar i një apartamenti banimi me sipërfaqe 78 m2, 31 204 euro, blerë me kredi bankare, për të cilin ka marrë certifikatën e pronësisë në vitin 2011.

Ndërsa sipas të dhënave të siguruara nga CNA.al për vitin 2016, Prençi ka deklaruar kredinë bankare në shumën 2 595 000, me afat 96 muaj, me normë interesi 3 përqind.

Data e fillimit me 09.09.2011 dhe data e mbarimit 09.09.2019, me këst mujor 30 500 lekë. Paguar shuma 366.035.01 lekë, ndërsa pa paguar shuma 964.566.75 lekë. ( Lexo këtu, pasurinë)

Vladimir Mara

Emri i Vladimir Marës është lakuar më herët për dekonspirim operacioni.
Në aksionin e tetorit 2017, pas zbulimit të një sasie lënde narkotike, në media u lakua se prokurori Vladimir Mara, i ndodhur në vendngjarje bashkë me Policinë e Shtetit, ka dekonspiruar aksionin.

Ai e ka mohuar një të tillë, duke mohuar se ka qenë në vendgjarje, pasi ka pasur fëmijën sëmurë.
Prokurori Vladimir Mara gjithashtu është pjesë e grupit të prokurorëve që po hetojnë ish-ministrin e Brendshëm Saimir Tahiri dhe për të thënë të vërtetën bashkë me koleget kanë dështuar në këtë rast.
Pas ndërrimit të drejtuesve të Prokurorisë për Krime të Rënda, Mara është parë në krahun e të komanduarës Donika Prela. Duket se bashkë me disa të tjerë tek Krimet e Rënda, ai është pjesë e klanit Donika Prela-Arta Marku.
Ndërsa sa i përket pasurisë, sipas të dhënave të Open Spending Albania, prokurori Mara rezulton se të ardhurat i ka nga paga e tij dhe e bashkëshortes. ( Lexo këtu pasurinë)

LEXO TE PLOTE

Vetingu

Prokurorë të dobët, të paaftë dhe shantazhues/ SPAK dështimi simbol i reformës në drejtësi

Publikuar

-

Nga

Struktura e Posaçme kundër Korrupsionit dhe Krimit të Organizuar filloi të merrte formë prej 19 dhjetorit të vitit që lamë pas, kur tetë anëtarët e parë të SPAK, u betuan para Presidentit të Republikës së Shqipërisë, Ilir Meta.

SPAK drejtohet nga Arben Kraja dhe përbëhet nga anëtarët: Altin Dumani, Edvin Kondili, Ened Nakuci, Behar Dibra, Enkelejda Millonai, Elida Kackini, Doloreza Musabelliu, Klodian Braho, Dritan Prenci caktuar me afat 1 vjecar nga KLP dhe Vladimir Mara caktuar me afat 1 vjecar nga KLP.

Kjo strukturë së bashku me Gjykatën e Posaçme Kundër Korrupsionit dhe Krimit të Organizuar, të njohur edhe si Gjykata Speciale, pas shkrirjes së Gjykatës së Krimeve të Rënda duhet të hetojë dhe gjykojë të gjitha veprat penale dhe akuzat për korrupsion ndaj ish-pushtetarëve dhe atyre aktualë, që nga viti 1990 dhe në vijim.

Kanë kaluar më shumë se tre muaj prej atij momenti. E përgjatë kësaj kohe prokuroria e posaçme s’ka dhënë ende asnjë sinjal se do të godasë “peshqit” e mëdhenj të krimit e korrupsionit. Pritej shumë por deri tani këta të “kulluar”, janë marrë vetëm me rryshfete policësh, dyqane burgjesh dhe kanë braktisur bombat e korrupsionit. Janë kthyer thjesht dhe vetëm në avoketër të krimit dhe korrupsionit në Shqipëri duke hequr nga përgjegjësia e tyre skandalet, hetimet e vërteta dhe duke heshtur për bëmat dhe gjëmat e korrupsionit që raportohen cdo ditë në media dhe politikë.

Shumë dosje të bujshme, për të cilat shpresohej se SPAK do i jepte drejtim, kanë ngelur pezull pa asnjë lloj rezultati, pa folur për dosje të reja të cilat as që bëhet fjalë.
Prokurorët thonë nën zë se janë të ngarkuar me dosje që u kanë ardhur nga rrethet, se ka denoncime në masë, por që brenda tyre s’ka të dhëna konkrete që të japin rezultat, se ende s’kanë zyra dhe BKH s’ka nisur nga puna. Por, i pakuptueshëm mbetet fakti sesi SPAK mbyll sytë nga korrupsioni që ndodh ditën për diell dhe hesht për skandalet, ku dalin të dhëna për zyrtarë të lartë.

LEXO EDHE:  Vasili: Mazhoranca vulosi kriminalizimin e qeverisë, shqiptarët pa kryeministër

LEXO EDHE:  Krim i shëmtuar/ Punëtori humbet krahun në punë, Albpetrol fsheh ngjarjen

Anëtarët e SPAK, CNA.al i ka kaluar “në filter”, duke iu referuar anës tyre profesionale dhe asaj të pasurisë dhe do sjellë një publikim të plotë nesër mbi karrirën, skandalet bëmat dhe gjëmat e tyre, por edhe standartet e dyfishta në këto muaj punë.

Ajo që bie në sy është se pjesë e SPAK janë prokurorë të dështuar apo edhe milionerë që nuk dihet se në çfarë rrethanash e kanë bërë pasurinë.
Prokurorë të dobët, të paaftë dhe shantazhues nuk mund t’i sjellin asgjë te re drejtësisë.

SPAK-u me këtë përbërje rezulton institucioni i më dobët i prodhuar nga reforma në drejtësi.
Në mesin e anëtarëve të SPAK, ka prokurorë që i kanë bërë “fresk” korrupsionit, prokurorë që kanë shantazhuar biznese, apo prokurorë që janë bërë palë me politikën./CNA.al

LEXO TE PLOTE

Vetingu

U përplas me vëzhguesin ndërkombëtar/ Kryeprokurorja e Durrësit heq dorë nga kandidimi për në SPAK

Publikuar

-

Nga

Kryeprokurorja e Durrësit, Anita Jella ka vendosur të tërheqë kandidaturën e saj për t’u bërë pjesë e Prokurorisë së Posaçme. Kërkesa për tëheqjen nga SPAK do të shqyrtohet sot nga Këshilli i Lartë i Prokurorisë, gjatë një mbledhje online, në kuadër të respektimit të udhëzimeve të autoriteteve shëndetësore për kufizimin e përhapjes së covid-19. Zonja Jella ishte kandidate për në SPAK dhe në 17 korrik të 2019 prezantoi vizionin e saj si dhe iu përgjigj pyetjeve të anëtarëve të KLP, gjatë një seance dëgjimore. Por, Jella befas ka hequr dorë nga kjo ambicie, pasi kakaluar filtrin e parë të Vetingut. –raporton Shqiptarja.com.

Anita Jella u emërua përkohësisht në krye të Prokurorisë së Durrësit në maj të 2018 nga Arta Marku, në atë kohë në krye të Prokurorisë së Përgjithshme. Më parë ky post mbahej nga Donika Prela, e cila u emërua në krye të Prokurorisë së Krimeve të Rënda, sot e shkrirë për shkak të krijimit të SPAK. Në dhjetor të 2019, Komisioni i Pavarur i Kualifikimit, organi bazë i Vetingut, vendosi të konfirmonte në detyrë kryeprokuroren e Durrësit. Por, vendimi u shty me dy nuaj dhe u firmos përmes polemikash për shkak të qëndrimit kritik të Operacionit Ndërkombëtar të Monitorimit ndaj kryeprokurores. Shkak ishte çështja e kreut të Kadastrës së Durrësit, Liridon Pulaj, i cili përplasi qeverinë me prokurorin Arjan Ndoja. Ky i fundit është akuzuar për lidhje me krimin e organizuar, ndërsa iu bë atentan disa muaj më parë, teksa udhëtonte me makinë me të “fortin e Sukthit”, Landi Muharremi, i njohur edhe si ‘Rrumi’.

Gjatë seancës dëgjimore, vëzhguesi ndërkombëtar, Theo Jacobs, akuzoi kryeprokuroren Jella se kishte vonuar qëllimisht arrestimin drejtorit Pulaj dhe se operonte me dy standarde, duke iu referuar një rasti tjetër të ngjashëm. Jella mohoi mdikimin e saj, por megjithatë përplasja në seancë ishte e ashpër. Komisionini i Vetingut e konfirmoi zonjën Jella në detyrë. Më pas, vëzhguesi ndërkombëtar, Theo Jacobs hartoi një dokument, ku i kërkoi Komisionerit Publik të ankimonte vendimin e KPK në Kolegjin e Apelimit, duke kërkuar shkarkimin e kryeprokurores së Durrësit nga detyra. Komisioneri Publik e firmosi ankimimin në 25 shlurt 2020. Tashmë vendimi përfundimtar do të merret nga Kolegji i Apelimit.

LEXO TE PLOTE