Connect with Us

Nesër mbyllen aplikimet për “pagën minimale”/ Kur nisin për paketën e dytë

Ekonomi

Nesër mbyllen aplikimet për “pagën minimale”/ Kur nisin për paketën e dytë

Publikuar

-

Drejtoria e Përgjithshme e Tatimeve njoftoi këtë të premte se afati i fundit për të aplikuar lidhur me “pagën minimale” është dita e shtunë 18 prill. Bëhet fjalë për përfitimin 26 mijë lekë që qeveria miratoi për të vetëpunësuarit dhe bizneset e vogla me xhirro deri në 14 milionë lekë në paktën e saj të parë. Njëkohësisht Tatimet kanë bërë me dije se aplikimet për paketën e dytë do të fillojnë ditën e martë datë 21 prill.

“Te nderuar bashkeqytetare Drejtoria e Pergjithshme e Tatimeve ju njofton se aplikimet per te gjithe perfituesit e paketes se pare ekonomike do te mbyllen diten e neserme date 18 Prill ne oren 12:00! Gjithashtu deshirojme t’ju bejme me dije se per te gjithe perfituesit e paketes se dyte ekonomike, aplikimet do te fillojne diten e marte ne date 21 Prill” thuhet në njoftimin e Tatimeve.

Pak ditë më parë kreu i qeverisë, Edi Rama zbardhi paketën e dytë duke theksuar se vlera totale e saj llogaritej 70 milionë dollarë për 176 mijë përfitues.

Sipas Ramës do të përfitojnë 10 mijë të punësuar në turizëm ndihmë 40 mijë lekë, 66 mijë të punësuar te biznesi i madh 40 mijë lekë ndihmë dhe 100 mijë të punësuar te biznesi i vogël. Kjo ndihmë do jepet vetëm një herë.

“Paketa e parë ndihmoi në zbutjen e dhimbjeve të atyre që u goditën menjëherë. 123 mijë familje me ndihmë ekonomike që u dyfishua, biznesve të vogla u akordua ndihmë që vazhdon të jepet çdo ditë nga tatimet dhe pensionistë ve iu indeksua pensioni.

Sot pasi e kemi ndjekur dinamikën e ndihmës është momenti ta zgjerojmë , pasi plot të tjerë janë goditur drepërdrejtë dhe kërkojnë ndihmë. Sot që flasim kjo paketë e zgjeruar do të mbë shtesë 176 mijë të tjerë individë dhe familje. Të gjithë ve do t’u japim mjetin financiar për ta përballuar këtë 40 ditësh deri në fund të muajit maj. Pasi presim që deri në fund të muajit maj kurba të bjerë, duke mundësuar edhe kthimin në punë në kushte strikte. Në datat 20 dhe 25 maj do të jemi gati për paketën e tretë, për t’u ardhur në ndihmë atyre që nuk do të kenë të ardhura nga puna. Pra mbë shtetja do të jetë deri në fund të muajit maj.

LEXO EDHE:  Nesër hapen aplikimet për lotarinë Amerikane/ Çfarë duhet të dini

Kategoritë që përfitojnë:

10 mijë të punësuar në turizëm do të marrin 40 mijë lekë

66 mijë punonjës që janë larguar nga biznesi i madh, do të jetë ndihma 2,64 miliard lekë dhe të punësuarit do të marrin direkt 40 mijë lekë

100 mijë punonjës në biznese të vogla që kanë punuar, por me xhiro minimale dhe nuk kanë përfituar nga paketa e parë do të marrin 40 mijë lekë./Monitor

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Ekonomi

Koronavirusi!/ Ekonomia shqiptare pritet të humbë 1.1 miliardë euro në 2020-n

Publikuar

-

Nga

Në janar të vitit 2020, Ministria e Financave parashikonte, në Kuadrin Afatmesëm, se Prodhimi i Brendshëm Bruto (PBB-vlera e mallrave dhe shërbimeve përfundimtare që prodhohen nga ekonomia në një vit) do të ishte 1.78 trilionë lekë, ose rreth 14.4 miliardë euro.

Ndonëse qytetet qendrore të vendit ishin goditur rëndë nga tërmeti i 26 nëntorit, ekonomia pritej të rritej me rreth 4% në 2020-n, në raport me vitin e mëparshëm, e nxitur dhe nga programet e rindërtimit dhe gjallërimi i konsumit.

Por, marsi i ktheu përmbys të gjitha parashikimet. Ekonomia shqiptare, ashtu si ajo globale, hyri në një territor të paeksploruar më parë, kur ajo u bë “kurban” për një çështje më madhore, minimizimin e jetëve të humbura nga infeksioni i Covid-19, që u përhap me shpejtësi që nga 11 marsi, kur u shënua dhe rasti i parë tek ne. Rritja ekonomike tashmë është një ëndërr e largët, ashtu siç po ndodh në pothuajse gjithë globin.

Fondi Monetar Ndërkombëtar deklaroi së fundmi se ekonomia shqiptare pritet të bjerë me 5% në vitin 2020, për t’u rimëkëmbur më pas me 8% në vitin 2021.

Kjo rënie prej 5%, duke marrë në konsideratë një nivel inflacioni prej 2-2.5%, nënkupton që prodhimi i brendshëm në 2020-n do të jetë 43 miliardë lekë më pak se në 2019-n, ose 1.63 trilionë lekë, apo 13.3 miliardë euro (sipas të dhënave zyrtare të INSTAT, PBB me çmime korente në 2019-n, ishte rreth 1.68 trilionë lekë).

Në raport me prodhimin që pritej të arrihej në 2020-n përpara epokës së Covid-19, diferenca mes skenarit me dhe pa virus është 1.1 miliardë euro, që është dhe humbja që pritet t’i vijë ekonomisë shqiptare këtë vit, nga shpërthimi i pandemisë (shih grafikun).

“Nga një rënie e tillë duhen minimalisht 4 vjet të marrësh veten”, thotë Azmi Stringa, pedagog finance. “Kjo do të thotë mimimalisht 4 vjet shtyrje e rritjes së investimeve të domosdoshme në arsim, shëndetësi dhe infrastrkturë, aq shumë të nën investuara”.

Stringa shton se në kushtet e rënies ekonomike dhe mbylljes së shumë bizneseve “nevoja për stimul fiskal në ekonomi është më e madhe, ndërsa hapësira më e vogël. Presioni është i madh ndaj qëndrueshmërisë së financave publike”.

FMN: Ekonomia pritet të bjerë me 5% këtë vit

Fondi Monetar Ndërkombëtar në Pasqyrën Ekonomike Globale të prilit 2020, parashikon se ekonomia shqiptare pritet që të tkurret me 5% në 2020-n, si rrjedhojë e pasojave që ka shkaktuar pandemia e Covid-19.

LEXO EDHE:  “Narkoshteti falimenton”/ Mësuesve i shtyhet paga me 2 javë

LEXO EDHE:  Nesër hapen aplikimet për lotarinë Amerikane/ Çfarë duhet të dini

Nga shtetet e tjera të rajonit, Maqedonia do të tkurret me -4%, Bosnja -5 , Kosova me -5%, Mali i Zi me -9. Recesionin më të lehtë pritet ta ketë Serbia, që parashikohet të ketë një tkurrje prej 3%.

Shqipëria ka një varësi të lartë nga Italia, partnerit kryesor tregtar të vendit, drejt së cilës shkojnë mbi 50% e eksporteve shqiptare. Italia, ndër shtetet e goditura më rëndë nga Covid-19 pritet të ketë një rënie prej 9% në 2020. Edhe fqinji tjetër, Greqia pritet të ketë një rënie ekonomike prej 10%, duke qenë dy shtetet me humbjen më të madhe në Europë.

Kjo krizë nuk është si asnjë tjetër, thuhet në raport. Së pari, tronditja është e madhe. Humbjet që po vijnë nga emergjenca shëndetësore dhe masat e lidhura me të ka të ngjarë të jenë më të larta sesa pasojat e krizës globale financiare.

Së dyti, si në një luftë apo në një krizë politike, vazhdon paqartësia e rëndë për kohëzgjatjen dhe intensitetin e tronditjes.

Së treti, në rrethanat aktuale ka një rol shumë të ndryshëm të politikave ekonomike. Në krizat normale, politikëbërësit përpiqen të inkurajojnë aktivitetin ekonomik duke stimuluar kërkesën totale sa më shpejt që të jetë e mundur. Këtë herë, kriza është në një masë të madhe si pasojë e masave të nevojshme të kontrollit. Kjo e bën veprimtarinë stimuluese më sfiduese dhe, të paktën për sektorët më të prekur, të padëshirueshëm.

Ka shumë të ngjarë që këtë vit ekonomia globale të përjetojë recesionin e saj më të keq që nga Depresioni i Madh, duke tejkaluar krizën financiare globale një dekadë më parë. Bllokimi i Madh, siç mund ta quajë dikush, parashikohet të zvogëlojë rritjen globale në mënyrë dramatike. Një rikuperim i pjesshëm është parashikuar për vitin 2021, por niveli i PBB-së do të mbetet nën trendin para-virus, me një pasiguri të konsiderueshme për forcën e rimëkëmbjes.

Ka të ngjarë që rënia të jetë edhe më e fortë. Kjo do të ndodhte nëse masat pandemike dhe të kontrollit zgjasin më shumë, ekonomitë e zhvilluara dhe ato në zhvillim goditen edhe më rëndë, vazhdojnë kushtet e shtrënguara financiare, ose nëse shfaqen efekte të tjera zinxhir për shkak të mbylljeve të firmave dhe papunësisë së zgjatur./Monitor

 

LEXO TE PLOTE

Ekonomi

Dhoma e Fasonistëve kërkesë qeverisë/ Të mbulohen pagat e punonjësve, subvencion të qirasë deri në 50%  

Publikuar

-

Nga

Dhoma e Fasonistëve i ka drejtuar një kërkesë për ndihmë qeverisë. Ndërkohë që vendi po përballet me Covid-19, Dhoma e Fasonistëve i bën thirrje qeverisë për marrjen e masave, duke kërkuar mbështetje financiare.

“Duhen masa mbështetëse ekonomike. Qeveria të marrë masa për situatën. Ne kërkojmë mbështetje financiare. Qeveria të mbulojë pagat e punonjësve si dhe subvencion të qirasë deri në 50% të vlerës. Po ashtu kërkojmë dhe mbulim të plotë të vlerës kontributeve, asistencë për punonjësit që humbin punën si dhe mbështetje financiare për eksportuesit. Kërkojmë rimbursim të TVSH-së”, thuhet në kërkesën e Dhomës së Fasonistëve.

LEXO TE PLOTE

Ekonomi

“Do ishte vrasje ekonomike”/ Malaj leksion qeverisë: Çfarë duhet të bëjë për biznesin

Publikuar

-

Nga

Ish-ministri i Financave, Arben Malaj deklaroi sot se pandemia e koronavirusit, do të ndikojë shumë në ekonomi, e cila do ta ketë të vështirë të ringrihet, aq më tepër nëse qeveria nuk i krijon siguri.

Mes të tjerash, ish-ministri dha disa sugjerime për qeverinë, se çfarë duhet të bëjë në këtë periudhë të vështirë për të ndihmuar në ringritjen e ekonomisë, biznesit të vogël dhe të madh.

“Rihapja duhet të jetë vendim i stafeve të mjekësisë. Duhet të respektojmë ekspertët tanë, që kanë përballuar një sfidë të jashtëzakonshme. Duhet të dominojë në fazën e rihapjes vendimi vetëm i ekspertëve të mjekësisë. Nëse nuk hapet dhe në vendet e tjera, çdo hapje duhet të jetë pjesore, edhe pse kjo mund të ndihmojë pak, por nuk na rikthen në normalitet. Lidhur me ringritjen, kjo do të jetë një sfidë që i mbetet në dorë politikës, mazhorancës, opozitës apo faktorëve të tjerë social. Me çfarë pritshmërie do të na zërë hapja, nëse do jemi optimistë, një pjesë e bizneseve do të ringrihen shpejt, por nëse biznesi është i pasigurtë, konsumi dhe investimi i biznesit do të jetë më gradual. Kjo do të ishte një vrasje e ekonomisë. Në ringritjen e ekonomisë ka vend të vecantë së pari solidariteti që tregon qeveria, ndihma që jep.”-tha Malaj.

Sa i takon paketës së qeverisë, ai tha se duhet parë koha në të cilën paketa bëhet funksionale.

“BSH ka ulur koston e parasë, që shkojnë për të ushqyer ekonominë, por ne duhet të mbërrijmë tek ai huamarrësi i vogël. Duhen qartësuar paketat dhe duhet eliminuar do pengesë për mbërritjen e tyre në ekonomi. Në të kundërt, nëse ambienti shoqëror dhe politikë do jetë i agravuar, nuk do kemi ringjallje ekonomike, sepse krijohet pasiguri dhe kjo ul dëshirën për të investuar.”-u shpreh ish-ministri.

LEXO EDHE:  Haberet e Mitros/ Bishti i gomarit ne ekonomi

LEXO EDHE:  “Narkoshteti falimenton”/ Mësuesve i shtyhet paga me 2 javë

Po ashtu ai tha se fakti që ne e fillojmë aplikimin e paketave pas dy-tre javësh, do të thotë që dicka nuk funksionon. Duhet të kemi sisteme funksionale të mbrojtjes së varfërisë.

Qeveria duhet të shkurtojë në maksimum çdo burokraci, çdo pengesë për shoqërinë. Pjesa e tretë është biznesi i vogël, që me pak mund të arrijnë ta ndezin biznesin e tyre ekonomik. Mendoj se duhet të ketë më shumë grante, sesa kred. Për këto biznese, çdo burokraci që pengon lëvizjen e lirë të tyre, duhet shoqëruar edhe me kred të buta, edhe me rialokim të detyrimeve, në mënyrë që të fillojnë të punojnë. Për bizneset e mëdha duhet të shtyhen borxhet. Ka një sërë elementesh që biznesi të ndihmohet, por edhe biznesi vetë duhet të kuptojë situatën, se ishte dhe tërmeti, tani pandemia. Duhet të rikonceptojmë jetën tonë shoqërore dhe ekonomike në një botë me pandemi.”-tha Arben Malaj.

LEXO TE PLOTE