Kronika
Policia ndjek 5 kilometra “Audin”/ Arrestohet 47-vjeçari me pistoletë e municion
Policia ka arrestuar një 47-vjeçar në Durrës që qarkullonte me armë zjarri me vete dhe municion luftarak.
Blutë bëjnë me dije se kishin marrë informacione në rrugë operative se një person qarkullonte me armë zjarri dhe organizuan punën për bllokimin e mjetit dhe të personit që dyshohej se qarkullonte me armë.
Pasi e konstatuan në lëvizje të sheshi “Pranvera”, në Durrës punonjësit e policisë i kanë bërë shenjë për ndalim. Drejtuesi i mjetit ka kundërshtuar urdhrin e dhënë dhe është larguar me shpejtësi, por pas 5 km ndjekje nga ana e Policisë është bërë e mundur që në autostradën Durrës-Tiranë, në afërsi të mbikalimit të Shkozetit, të bllokohej mjeti tip Audi që drejtohej nga shtetasi A. B., 47 vjeç, banues në Golem, Kavajë.
Pas kontrollit të ushtruar u konstatua se në sediljen e pasme ndodhej një çantë krahu brenda së cilës ndodhej një pistoletë tip “TT” dhe një krehër me 7 fishekë, të cilat u sekuestruan në cilësinë e provës materiale.
Ndërkaq, materialet i kaluan Prokurorisë së Rrethit Gjyqësor Durrës, për veprat penale “Mosbindja ndaj urdhrit të punonjësit të policisë” dhe “Armëmbajtja pa leje”, për të cilën parashikohet dënimi me burgim deri në 7 vjet./ CNA.al
Kronika
59 vjeçarja i jep fund jetës me armë gjahu/ Policia merr në pyetje familjarët
Një grua 59 vjeçare i ka dhënë fund jetës mbrëmjen e sotme në Mamurras.
Policia njofton se rreth orës 22:20 në banesën e saj gruaja me inicialet A. Sh. i dha fund jetës duke u vetëvrarë me armë gjahu.
Policia thekson se grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes, ndërsa pritet marrja në pyetje e familjarëve./CNA.al
Kronika
Grabitet farmacia në Tiranë/ Hajdutët marrin xhiron ditore nën kërcënimin e armës
Një tjetër grabitje me armë zjarri ka ndodhur në Tiranë! Mësohet se ngjarja ka ndodhur në një farmaci pas shkollës “Sami Frashëri” shumë pranë qendrës.
Me kërcënimin e armës së zjarrit autorët kanë marrë xhiron e ditore dhe më pas janë larguar me shpejtësi nga vendi i ngjarjes.
Patrulla të shumta të policisë kanë shkuar në vendin e ngjarjes ku po mbledhin prova dhr dëshmi për të bërë të mundur identifikimin dhe kapjen e autorëve.
“Tiranë/Informacion paraprak
Më datë 26.01.2021, rreth orës 20:13, në rrugën “Bardhok Biba”, një person ende i paidentifikuar dyshohet se nën kërcenimin e armës ka vjedhur në një farmaci.
Sherbimet e Policisë menjeherë kanë ngritur pika kontrolli dhe po bëhet krehja e zonës në afërsi të vendit të ngjarjes me sherbime të shtuara.
Grupi hetimor ndodhet në vendngjarje dhe po punon për fiksimin e çdo prove që do çojë në identifikimin dhe kapjen e autorit”, thuhet në njoftimin e policisë./CNA.al
Kronika
Aksidenti në Vlorë/Kjo është 23 vjeçarja që humbi jetën, bashkëudhëtarja në gjendje kritike
Zbulohet emri i 23-vjeçares e cila humbi jetën mbrëmjen e sotme në aksidentin në aksin Vlorë-Levan.
Ajo është shtetasja Anxhela Çapo, ndërkohë që ka mbetur e plagosur dhe bashkëudhëtarja e saj 22-vjeçarja Silvana Muho, e cila është transportuar në spitalin e Vlorës në gjendje kritike për jetën.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
Njoftimi i plotë i policisë:
Vlorë/Informacion paraprak
Më datë 26.01.2021, rreth orës 19:25, në autostradën Vlorë- Fier, mjeti me drejtuese shtetasen A.Ç., dhe pasagjere shtetasen S. M., 22 vjeçe, ka humbur kontrollin dhe ka dalë nga rruga.
Si pasojë e daljes nga rruga ka ndërruar jetë në vendngjarje drejtuesja e mjetit shtetasja A. Ç, dhe është dërguar në spitalin e Vlorës, në gjëndje të rëndë shëndetësore pasagjerja e mjetit shtetasja S.M.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit./CNA.al
Lajme të Rekomanduara:
Zbardhen detajet e para/ Kush është i riu që u ekzekutua me kallashnikov në mes të Durrësit
Janë zbardhur detaje të reja në lidhje me vrasjen që tronditi mbrëmjen e sotme qytetin e Durrësit. Burime nga policia kanë bërë të ditur se...
Tronditet Durrësi, vritet me armë i riu në mes të qytetit
Një vrasje ka ndodhur mbrëmjen e sotme në Durrës. Një i ri është i ri është qëlluar me armë, duke ndërruar jetë në spital. Durrës/Informacion...
