Connect with Us

Gjermania zgjat kufizimet për shkak të Covid-19

Bota

Gjermania zgjat kufizimet për shkak të Covid-19

Publikuar

-

Kancelarja Merkel dhe kryeministrat e landeve ranë dakord që kufizimet për shkak të krizës së Coronës të vazhdojnë deri më 3 maj. Shkollat do të rihapen “gradualisht” duke filluar nga data 4 maj.

Bashkë me lajmin për zbutjen e masave kufizuese për për shkak të krizës së Coronës kancelarja Angela Merkel u bëri edhe një herë thirrje qytetarëve që të respektojnë kufizimet në luftën kundër pandemisë së Coronës. Vërtet që në Gjermani spitalet, mjekët dhe stafi infermieror nuk janë të mbingarkuar, tha Merkeli pas takimit virtual me kryeministrat e landeve, por ky është vetëm “një sukses i brishtë i ndërmjetëm”.

Merkel njoftoi se shkollat do të rihapen “gradualisht” duke filluar nga data 4 maj, por shtoi se nuk ka shumë hapësirë për ndryshime të masave kufizuese ose për t’u nxituar, edhe nëse këto lidhen me qëllime të mira. Po ashtu u mor vendim që fillimisht të rihapen vetëm dyqane me sipërfaqe deri në 800 metra katrorë.

Kujdes ekstrem

Kancelarja paralajmëroi se ende nuk është gjetur ndonjë vaksinë dhe prandaj duhet të vazhdojë të ushtrohet “kujdes ekstrem”. Po për këtë arsye edhe aktivitete të mëdha si konferenca, festivale, koncerte apo festa nuk do të lejohen as muajt e ardhshëm. “Sipas vlerësimeve tona festivale apo aktivitete të mëdha nuk do të jenë të mundshme të zhvillohen deri më 31 gusht 2020,” tha kryeministri i landi të Hessenit, Volker Bouffier.

Edhe shërbesat fetare “njëherë për njëherë nuk do të lejohet të zhvillohen”, tha kancelarja Angela Merkel, duke sqaruar se këtë javë do të zhvillojë bisedime edhe me përfaqësuesit e feve.

Deutschland PK Merkel Corona (Reuters/B. von Jutrczenka)

Aplikacion për gjurmimin e të infektuarve

LEXO EDHE:  Habit Kryemadhi/ Unë nuk e njoh Covid-19

Kancelarja falënderoi qytetarët që respektuan në shkallë të lartë kufizimet. Liberalizimi i masave kufizuese mund të shoqërohet me detyrimin për të mbajtur maska në hapësira publike. Po ashtu në mënyrë që përhapja e virusit Corona të pengohet edhe më tej duhet të ndiqen rrugët e infeksionit dhe të kufizohen vatrat e mundshme të infeksioneve. Për këtë qeveria gjermane planifikon krijimin e një aplikacioni për smartphone, me të cilin mund të gjurmohen kontakte të mundshme me njerëz të infektuar. Por përdorimi i këtij aplikacioni do të jetë vullnetar, tha Merkel.

Vendimi që fillimisht të rihapen vetëm dyqane me sipërfaqe deri në 800 metra katrorë u kritikua ashpër nga Shoqata Gjermane e Tregtisë, sepse sipas saj ky vendim çon në “shtrembërim të konkurrencës dhe pasiguri ligjore”./DW

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Patentat e vaksinave kundër COVID-19, Gjermania kundër propozimit të SHBA

Publikuar

-

Nga

Patentat e vaksinave kundër COVID-19, Gjermania kundër propozimit të SHBA

Gjermania ka shprehur kundërshtim ndaj propozimit të mbështetur nga SHBA për të hequr dorë nga patentat për vaksinat COVID-19, duke thënë se ato nuk po pengonin prodhimin e dozave.

Qeveria e saj tha se “mbrojtja e pronës intelektuale është një burim inovacioni dhe duhet të mbetet e tillë”. Bashkimi Evropian më herët tha se ishte gati të fliste për propozimin dhe disa shtete i dhanë mbështetjen e tyre të plotë.

Mbështetësit e planit thonë se ai do të lejojë më shumë prodhues të prodhojnë vaksina që shpëtojnë jetën.

LEXO EDHE:  Habit Kryemadhi/ Unë nuk e njoh Covid-19

LEXO EDHE:  Si ndikon rrjeti 5G dhe kur mund të bëhet testimi i antikorpës/ Pipero mesazh qytetarëve

Ata argumentojnë se kjo do të rrisë qasjen në vaksina në vendet e varfra. Por kundërshtarët, përfshirë prodhuesit e ilaçeve, thonë se kjo nismë mund të mos ketë efektin e dëshiruar./euronews

LEXO TE PLOTE

Bota

Von der Leyen: BE gati të diskutojë për heqjen dorë nga patentat e vaksinave

Publikuar

-

Nga

Von der Leyen: BE gati të diskutojë për heqjen dorë nga patentat e vaksinave

Presidentja e Komisionit Evropian Ursula von der Leyen tha të enjten se Bashkimi Evropian është i gatshëm të diskutojë një propozim për të hequr dorë nga të drejtat e pronës intelektuale për vaksinat COVID-19. Ajo i bëri komentet ndërkohë që kompanitë farmaceutike janë shprehur kundër.

Presidenti i SHBA Joe Biden shprehu mbështetje të mërkurën për heqjen dorë nga patentat dhe negociatorja e tij e lartë për tregtinë, Katherine Tai, miratoi me shpejtësi fillimin e negociatave për këtë qëllim në Organizatën Botërore të Tregtisë.

Shefi i OBSH-së Tedros Adhanom Ghebreyesus e quajti vendimin e zotit Biden “një moment monumental në luftën kundër COVID-19” dhe tha se kjo pasqyronte “mençurinë dhe udhëheqjen morale të Shteteve të Bashkuara”.

Von der Leyen, duke folur në Institutin e Universitetit Evropian në Firence, tha se BE-ja është e gatshme të diskutojë çdo propozim për trajtimin e krizës “në një mënyrë efektive dhe pragmatike”.

“Kjo është arsyeja pse ne jemi të gatshëm të diskutojmë se si propozimi i SHBA për heqjen dorë nga mbrojtja e pronës intelektuale për vaksinat mund të ndihmojë në arritjen e këtij objektivi,” tha ajo.

Por kompanitë farmaceutike, të cilat kanë prodhuar vaksina kundër koronavirusit në një kohë rekord, thanë se propozimi mund të sjellë efekt të kundërt, duke prishur zinxhirin e furnizimit që është mjaft i brishtë.

Në vend të kësaj, kompanitë u kërkuan vendeve të pasura që t’i ndajnë vaksinat më bujarisht me botën në zhvillim.

LEXO EDHE:  Habit Kryemadhi/ Unë nuk e njoh Covid-19

LEXO EDHE:  Habit Kryemadhi/ Unë nuk e njoh Covid-19

Gjermania, fuqia më e madhe ekonomike e BE-së dhe që zotëron një sektor të madh farmaceutik, e hodhi poshtë idenë, duke thënë se arsyet e mungesës së vaksinave janë kapacitetet e prodhimit dhe standardet e cilësisë.

Ministri gjerman i Shëndetësisë Jens Spahn tha se ai është dakord me synimin e Presidentit Biden për të mbuluar të gjithë botën me vaksina, por një zëdhënëse e qeverisë tha në një deklaratë se “mbrojtja e pronës intelektuale është burim i novacioneve dhe duhet të mbetet e tillë në të ardhmen”.

Federata Ndërkombëtare e Prodhuesve dhe Shoqatave Farmaceutike tha se heqja dorë nga patentat do të inkurajojë prodhuesit e rinj, të cilëve u mungojnë njohuritë bazë dhe masat e mbikëqyrjes.

Një nga këto firma, Moderna, e cila kishte hequr dorë nga të drejtat e saj të patentës qysh në tetor, vuri në dukje të enjten mungesën e kompanive që janë në gjendje të prodhojnë me shpejtësi një vaksinë të ngjashme dhe të sigurojnë miratimin e saj./ VOA

LEXO TE PLOTE

Bota

Varianti i koronavirusit i zbuluar në Indi mund të ketë nxitur valën vdekjeprurëse

Publikuar

-

Nga

Varianti i koronavirusit i zbuluar në Indi mund të ketë nxitur valën vdekjeprurëse

India ka thënë se varianti i ri i koronavirusit, i raportuar fillimisht në këtë shtet në muajin mars, mund të jetë i lidhur me valën vdekjeprurëse të pandemisë.

Mostrat me mutacionin e dyfishtë janë identifikuar në disa rajone të Indisë, ku janë raportuar shifra rekorde të infektimit.

Megjithatë një zyrtar i Qendrës Kombëtare për Kontrollin e Sëmundjeve ka thënë se autoritetet ende nuk kanë krijuar plotësisht lidhjen në mes të këtyre varianteve dhe shkallës së infektimit.

Mutacioni i dyfishtë krijohet kur dy mutacione bëhen bashkë në të njëjtën virus.

Në 24 orët e fundit, India ka raportuar një rekord prej 412,000 rasteve, bashkë me 3,980 viktima.

Pse të dhënat për pandeminë në Indi mund të mos jenë të sakta?

Eksperti qeveritar ka paralajmëruar se vala e tretë është e pashmangshme.

Duke folur në një konferencë për media nga Ministria e Shëndetësisë, K Vijay Raghavan ka pranuar se ekspertët nuk e kanë parashikuar “ashpërsinë” e rritjes së numrit të rasteve.

LEXO EDHE:  Masat për festat e fundvitit/ Policia sekuestron mjetet piroteknike në Tiranë e Vlorë

LEXO EDHE:  Gentian Zenelaj e thotë hapur: Edi Rama na e kalon për humor

“Faza e tretë është e pashmangshme, marrë parasysh nivelet e larta të qarkullimit të virusit”, ka thënë ai.

“Mirëpo nuk është e qartë se në çfarë shkalle do të ndodhë kjo valë. Ne duhet të jemi të përgatitur për valë të reja”.

Vala aktuale e pandemisë ka vështirësuar rëndë punën e sistemit shëndetësor, pasi ka mungesë të shtretërve, oksigjenit dhe nuk ka hapësirë për krematoriume.

Disa rajone tashmë janë nën masa të izolimit, mirëpo qeveria nuk ka marrë vendim për një masë të tillë kombëtare, duke u frikësuar për ndikimin që mund ta ketë një gjë e till në ekonomi./rel

LEXO TE PLOTE