LEXO PA REKLAMA!

SHKARKO APP

Goditja e turizmit/ Klosi zbulon rregulloren për të bërë plazh: Do merret leje te E-albania, s'ka festa

15 Prill 2020, 17:17, Politikë CNA
Goditja e turizmit/ Klosi zbulon rregulloren për të bërë

Ministri i Turizmit Blendi Klosi ka deklaruar sot se sektori i turizmit do të jetë më i prekuri nga pandemia e koronavirusit, jo vetëm në vendin tonë por në të gjithë botën.

Klosi tregoi se e gjithë industria e turizmit po shikon të gjejë veten, të gjejë mekanizma të rinj për të dalë nga ky ngërç dhe për të patur mundësinë të zhvillohet në kushtet e momenteve në të cilat ndodhemi.

“Shpresoj shumë që viti 2020 të mos jetë viti i rrëzimit të turizmit, por të jetë një vit i goditjes, një vit që do të shërbejë si një platformë të rikthejë në 2021 ato standartet e 5 milionë turistëve që pati 2019-ta. Turizmi është akoma në fazën e tij të zhvillimit dhe si i tillë është shumë mirë i administruar nga pikëpamja e burimeve njerëzore”, u shpreh ai në një lidhje me Tv T.

Më tej ministri rrëfeu se sektori i turizmit punëson rreth 110 mijë qytetarë, por theksoi se problemi është se shumë prej tyre punojnë në të zezë dhe pa siguracione.

“Do të jetë një goditje e madhe, por shpresojmë që ky sektor të mbijetojë, ne të kemi mundësi dhe një menazhim kaq i mirë të vazhdojë dhe Shqipëria të mos jetë një target i goditur fort ka mënyra e menaxhimit të koronës dhe kjo do ta bëjë të pëlqyeshëm dhe turistët e huaj ta shikojnë Shqipoërinë si një vend i cili bazohet shumë te turizmi i natyrës, te lëvizja në natyrë, te një vend i cili ka pasuri të mëdha natyrore”, tha ai më tej, ndërsa kujtoi edhe mbështetjen e turizmit nga paketa e dytë e qeverisë me shtyrjen e pagesës së tatim-taksave.

“Turizmi mori gjithashtu mbështetje me likuiditetet. Pra marrja e kredive të mbështetura shumë nga buxheti i shtetit dhe nga garancia shtetërore janë kredi të cilat do ndihmojnë shumë për likuiditet pasi ka nevojë shumë për likuiditet”, nënvizoi Klosi.

Ministri tha se shpreson që turizmi të hapet brenda pranverës, pasi po vajti deri në verë i mbyllur do të jetë një situatë tjetër e cila do një analizë tjetër.

Ndërkohë, për plazhin këtë verë, Klosi tregoi se do jetë më i reduktuar dhe pushuesit do duhet të marrin leje të E-albania.

“Nuk bëhet fjalë ta gjykojmë tani se pyetja më e vështirë është se kur do të mbarojë pandemia por ne po përgatisim së bashku me Ministrinë e Drejtësisë një rregullore të re të plazheve. I kemi dedikuar një punë të mirë sigurisë së jetës së njerëzve dhe rrezikut të mos përhapjes së pandemisë në vendin tonë dhe kjo do të kërkojë punë, do të kërkojë detaje se si do të menaxhohet më ndryshe, por një draft të parë e kemi me rregulla të përcaktuara qartë me distancë të madhe nga çadrat e plazhit, me një botë tjetër që nuk do të tentojë të ketë festa dhe parti masive në bregdet, por do të jetë një turizm familjar, një turizm i qetë dhe natyrisht duke marrë leje të E-albania. Pa leje do të jetë e vështirë që të mendohet sezoni turistik”, nënvizoi ai./ CNA.al

Lajmet e fundit nga