Connect with Us

Akademia Kombëtare e Shkencave: Si do të jetë e përditshmja me koronavirusin në Gjermani

Bota

Akademia Kombëtare e Shkencave: Si do të jetë e përditshmja me koronavirusin në Gjermani

Publikuar

-

Akademia Kombëtare e Shkencave – Leopoldina – ka paraqitur rekomandimet e saj për kthimin gradualisht në normalitet në kohën e virusit Corona. Si do të jetë e përditshmja në Gjermani?

Nxënësit duhet të mësojnë në grupe të vogla, në mjediset publike në Gjermani pjesërisht do të jetë e detyrueshme mbajtja e maskës mbrojtëse dhe aplikacionet do të përdoren vullnetarisht, pasojat ekonomike do të zbuten në nivel mbarë-europian – kështu e përfytyrojnë normalitetin e ri me në kohët e virusit Corona studiuesit e fushave të ndryshme nga Akademia Leopoldina. Rekomandimet e Akademisë Kombëtare të Shkencave u pritën me interes, kancelarja Angela Merkel në prag të publikimit e quajti atë „një studim shumë të rëndësishëm”. Kur të hënën e Pashkës dokumenti i pritur me interes prej 18 faqesh u publikua në internet, faqja e akademisë në Halle an der Saale ishte e mbingarkuar dhe pjesërisht e paarritshme.

Sa jetë publike është e mundshme?

Zbutjen e kufizimeve shkencëtarët e venë në varësi të tre faktorëve: Stabilizimi i infeksioneve të reja në një nivel të ulët, klinikat duhet të krijojnë kapacitete rezervë dhe duhet të rifillojnë trajtimin si normalisht të të gjithë pacientëve të tjerë, së treti qytetaret dhe qytetarët u përmbahen masave të njohura mbrojtëse si rregullat e ruajtjes së distancës dhe mbajtja e maskës. Të parat mund të rihapen dyqanet e shitjes me pakicë dhe bizneset e gastronomisë, autoritetet dhe ndërmarjen mund të rifillojnë aktivitetin me publikun. Edhe udhëtimet mund të rifillojnë duke iu përmbajtur masave mbrojtëse. Për këtë akademia Leopoldina rekomandon detyrimin për përdorimin e maskës „në sektorë të caktuar si në shërbimin e qarkullimit urban”. Duke ruajtur distancë të mjaftueshme mund të rihapen edhe aktivitetet kulturore e sportive. Në këtë drejtim është i domosdoshëm një monitorim i vazhdueshëm të numrit të infeksioneve.
A është i mundur kthimi në shkolla së shpejti?

Prej një muaji në Gjermani shkollat janë të mbyllura – e Homeschooling me materiale të organizuara me ngut funksionon në forma të ndryshme sipas rastit. “Rifillimi i orës së mësimit në shkolla duhet të mundësohet sa më shpejt të jetë e mundur”, thuhet në dokumentin e akademisë Leopoldina. Fillimisht mund të hapen gradualisht shkollat fillore, duke nisur me klasat e nivelit më të lartë. Kjo duhet realizuar pasi të jenë garantuar klasa me hapësirën e duhur për ruajtjen e distancës, ku mund të grumbullohen deri në 15 fëmijë bashkë.

Në shkollat e niveleve të tjera rifillimi mund të jetë i ngjashëm, prioritet në to kanë provimet përmbyllëse. Universitetet dhe shkollat e larta semestrin e verës do ta zhvillojnë kryesisht në hapësirën digjitale. “Të gjitha masat duhet të zbatohen për një kohë të gjatë duke respektuar rregullat e higjenës, distancës, mbrojtjes së hundës dhe gojës me maskë, testimit dhe pasojave të karantinës”, shkruajnë anëtarët e akademisë.

Si do të mbikqyret përhapja e virusit?

Shkencëtarët bëjnë fjalë për një „lëvizje shumë delikate”: Çdo hap i kërkuar me insistim për kthimin në normalitet bart rrezikun e numrit të rasteve, që mund të mbingarkojnë sistemin e shëndetësisë deri në limitet e veta. Deri tani përhapja e pandemisë në Gjermani është dokumentuar kryesisht përmes „grumbullimit të të dhënave sipas simptomave”, që do të thotë se janë testuar kryesisht personat që kanë pasur simptoma. Shkencëtarët propozojnë, që këto të dhëna të plotësohen përmes serisë së testeve reprezentative dhe rajonale. Krahas testimit akut të të infektuarve të mundshëm duhet të verifikohet edhe se kush është imun kundrejt virusit, pra që e ka përballuar sëmundjen dhe ka krijuar antitrupat. Prej kësaj shkencëtarët shpresojnë një parashikim afatshkurtër të sigurtë, prej nga politika mund të mësonte se çfarë efekti kanë masa të caktuara.

LEXO EDHE:  Koronavirusi në Itali/ Shehaj: Lajm i keq për Shqipërinë, qeveria të veprojë!

A do të vijë aplikacioni Corona?

Ky dokument përmend duke e vlerësuar Korenë e Jugut, që ka ndjekur përmes lokalizimit nga celularët përhapjen e virusit Corona. Akademikët rekomandojnë projekte të ngjashme në Gjermani mbi bazën e vullnetit të lirë: “Kjo do ta rriste precizionin e modeleve aktuale në dispozicion, për të lejuar një parashikim të diferencuar të rrjedhës së pandemisë në varësi të kontekstit dhe lokalizimit”, shkruajnë studiuesit.

Ata i varin shpresat tek „donacioni digjital i të dhënave”, që shkojnë edhe më tej se përcaktimi i profileve të lëvizjes: Në një aplikacion mund të nisin anketimet aktuale të popullsisë, Fitness-Tracker mund të japin të dhëna, prej nga mund të nxirren konkluzione për një sëmundje të mundshme me COVID-19.

Por që luftimi i pandemisë të mos kulmojë në një mbikqyrje masive digjitale, të dhënat parimisht duhet të mbahen anonim dhe pas skadimit të afatit të shuhen – për mbrojtjen e të dhënave mund të ketë menaxhues të pavarur.

Si mund të zbuten pasojat psiqike?

Kriza Corona i stërmundon mendërisht qytetarët. Ndaj shkencëtarët rekomandojnë një komunikim të kuptueshëm dhe një komportim të vetpërgjegjëshëm me situatën. Shërbimet e konsulencës dhe të emergjencës duhet të zgjerohen. Në këtë kontest në dokument vlerësohen masat e marra në Francë, ku në supermarkete dhe në farmaci janë instaluar qendra për rastet e dhunës në familje dhe situata të tjera emergjence familjare.
Çfarë do të bëhet me ekonominë?

Shkencëtarët në plan të parë rekomandojnë masa, që duhet të kontribuojnë për ta mbajtur recesionin sa më të butë që të jetë e mundur. Dokumenti përmend edhe masa, që ndërkohë i ka marrë qeveria, si punën me normë të reduktuar, ndihma likuiditeti dhe shtyrje e tatimeve. Në nivel europian është rënë dakord për paketën e shpëtimit financiar për krizën Corona, por ende jo për bondet Corona, që po debatohen me zjarr. Rindërtimin e ekonomisë pas krizës Corona studiuesit e konsiderojnë si një „shans historik” për më shumë qendrueshmëri: “Ndërtimi i një ekonomie konform ruajtjes së klimës dhe si rrjedhojë një kthesë e mobilitetit dhe bujqësisë japin impulse thelbësore për inovacion dhe rritje ekonomike.”

Kush qendron pas këtyre propozimeve?

Akademia Leopoldina që nga viti 2008 ndodhet nën kujdestarinë e presidentit, paraardhësja e akademisë aktuale kombëtare është themeluar në vitin 1652. Dokumenti me rekomandimet i publikuar tani është i treti në radhë që nga fillimi i pandemisë Corona. Ndër bashkëutorët janë studiuesi i shkencave ekonomike Clemens Fuest, sociologu Armin Nassehi, psikologu Klaus Fiedler dhe presidenti i Akademisë Leopoldina Gerald Haug. Por vendimet përfundimtare merren nga politikanët që janë dhe përgjegjës për zbatimin e tyre. Të mërkurën (15.04) kryeministrat e landeve bashkë me kancelaren do të konsultohen për ecurinë e mëtejshme gjatë një konference telefonike./DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Zgjedhjet në SHBA/ Sondazhet nxjerrin fitues Joe Biden përballë Trumpit

Publikuar

-

Nga

Kandidati demokrat Joe Biden është në avantazh me 4 pikë përqindje përballë, Presidentin Trump, sipas një sondazhi të realizuar nga Hill-HarrisX.

Sipas shifrave të dala nga ky sondazh, 43 për qind e votuesve të regjistruar, thanë se do të mbështesin Biden për president nëse zgjedhjet do të mbaheshin sot, ndërsa 39 për qind e votuesve në sondazhin 3-4 korrik thanë se do të votojnë për Trump.

LEXO EDHE:  “Frikë jo, kujdes po!”/ Koronavirusi anullon seancën plenare në Kuvend

LEXO EDHE:  Një tjetër rast pozitiv me Covid-19 në Sarandë/ U infektua në QSUT

Pesë përqind e votuesve thanë se preferojnë dikë tjetër, ndërsa një përqindje shtesë prej afro 5 për qind e votuesve thanë që nuk planifikojnë të votojnë në zgjedhje.

Anketa  zbulon se epërsia e Biden është ngushtuar me 10 pikë nga përplasja e muajit të kaluar, ku Trump po sumonte ish-Zëvendës Presidentin demokrat. /CNA.al

Sondazhet e ditëve të para të korrikut

 

 

 

LEXO TE PLOTE

Bota

Njeriu i Merkel/ Parlamenti të miratojë marrëveshjen e 5 qershorit pa asnjë ndryshim

Publikuar

-

Nga

Njeriu i Merkel/ Parlamenti të miratojë marrëveshjen e 5 qershorit pa asnjë ndryshim

Nënkryetari i grupit parlamentar të CDU/CSU në Budestagun gjerman, Johann Wadephul ka shprehur keqardhjen se marrëveshja e 5 qershorit nuk është kodifikuar ende.

Përmes një postimi në rrjetin social “Twitter”, Wadephul shton se aprovimi i reformës zgjedhore dhe zbatimi i saj është kyç për rrugën e integrimit të Shqipërisë në BE.

Shpreh keqardhjen që marrëveshja e 5 qershorit nuk është kodifikuar akoma. Aprovimi me konsensusin e partive politike i reformës zgjedhore, pa asnjë ndryshim, si dhe zbatimi i saj është kyç për rrugën e Shqipërisë drejt BE. Nxis të gjitha palët, e në veçanti deputetët, ta finalizojnë këtë kriter të rëndësishëm. Forca Shqipëri!/CNA.al

 

LEXO TE PLOTE

Bota

Gjykata e Lartë në SHBA vendos për taksat e presidentit

Publikuar

-

Nga

Gjykata e Lartë në SHBA vendos për taksat e presidentit

Gjykata e Lartë amerikane do të bëjë të njohura sot opinionet përfundimtare të mandatit të saj të tanishëm.

Vëmendja është përqendruar në tre çështje të cilat lidhen me kërkesat e disa komisioneve të Kongresit dhe të një prokurori të Nju Jorkut që presidenti Donald Trump të publikojë taksat dhe dokumente të tjera financiare.

Presidenti Trump, i cili nuk ka ndjekur praktikën e kandidatëve të tjerë presidencialë, duke refuzuar të bëjë publike dokumentet tatimore gjatë fushatës së vitit 2016, është përpjekur të bllokojë publikimin e dokumenteve të tij financiare.

Disa komisione të Dhomës së Përfaqësuesve kanë kërkuar të dhëna për këto dokumente nga dy banka, Capital One dhe Deutsche Bank, si dhe nga firma e kontabilitetit Mazars USA.

Çështja kryesore që po shqyrtojnë gjyqtarët ka të bëjë me ndarjen e pushteteve midis degëve të qeverisë federale dhe kompetencave të kongresit për të hetuar një president.

Avokati i zotit Trump, Patrick Strawbrige, tha gjatë argumentimit të çështjes në muajin maj se kërkesat për dokumentet financiare nuk i shërbenin ndonjë qëllimi me rëndësi dhe se ligjvënësit nuk duhet të kenë autoritet të pakufizuar për të hetuar një president.

Ndërkaq, disa gjykata të nivelit më të ulët Nju Jork dhe Uashington dhanë vendime kundër Presidentit Trump në çështjen e kërkesës për dokumentet financiare.

Gjyqtari Jon O. Newman i Gjykatës së Apelit për Qarkun e Dytë të Nju Jorkut shkruante:

“Interesat e komisionevetë Kongresit për të ushtruar funksionet e tyre kushtetuese dhe legjislative janë një interes publik shumë më i rëndësishëm se çfarëdo interesi tjetër …”.

Jay Sekulow, një tjetër avokat i zotit Trump, argumentoi para Gjykatës së Lartë në muajin maj se presidenti gëzon “imunitet të përkohshëm kushtetues” nga ndjekja penale gjatë kohës që shërben në detyrë dhe se prokurori i qarkut të Nju Jorkut nuk ka asnjë autoritet për të hetuar zotin Trump.

LEXO EDHE:  Zbulohet sekreti për rini të përjetshme

LEXO EDHE:  Masakra me 11 viktima në Gjermani/ Angela Merkel: Sulmi, i motivuar nga racizmi

Carey Dunne, këshilltar i përgjithshëm për prokurorin e qarkut të Manhatanit, tha se presidentët, ndërsa gëzojnë imunitet nga ndjekja penale, ata nuk përjashtohen nga kërkesat që të dorëzojnë dokumente. Për më tepër tha zoti Dunne, të dhënat që kërkon zyra e tij i takojnë periudhës përpara mandatit të Presidentit Trump dhe nuk mbrohen nga privilegji ekzekutiv.

“Ekziston një rrezik që presidentët amerikanë dhe palë të treta pa dashje të dalin mbi ligjin”, tha ai.

Gjykata e Larta e ka trajtuar edhe në të kaluarën çështjen nëse një president në detyrë duhet të përmbushë një kërkesë ligjore për dokumente.

Në vitin 1973, gjykata vëndosi njëzëri kundër Presidentit Richard Nixon në çështjen që lidhej me dorëzimin e regjistrimeve audio të Shtëpisë së Badhë tek një prokuror special. Gjykatësit po ashtu morën një vendim të njëzëshëm kundër Presidentit Bill Clinton në vitin 1997, duke lejuar një proces gjyqësor në ngarkim të presidentit për ngacmim seksual.

Gjatë argumenteve me gojë në muajin maj, të nëntë gjyqtarët lanë shumë pak të kuptohet se çfarë ane do të mbajnë për çështjet e ngritura para tyre.

Përveç vendimit në favor të njërës ose tjetrës palë, gjyqtarët mund të vëndosin dërgimin mbrapsht të çështjeve për rishqyrtim nga një gjykatë më e ulët.

Ndërsa vendimet e gjykatës së ulët kundër zotit Trump erdhën mes procesit për shkarkimin e tij nga Dhoma e Përfaqësuesve nën akuzat për pengim të drejtësisë dhe abuzim pushteti, akuza për të cilat Senati e nxori të pafajshëm, vendimi i Gjykatës së Lartë vjen ndërsa vendi është vetëm pak muaj para se të vendosë nëse do të rizgjedhë zotin Trump për një mandat të dytë presidencial, apo rivalin e tij, ish Zëvendës Presidentin Joe Biden./VOA

LEXO TE PLOTE