LEXO PA REKLAMA!

SHKARKO APP

Skandali/ Gazetari u hoq pasi denoncoi aferat për koncesionin e inceneratorëve

9 Prill 2020, 12:19, Politikë CNA
Skandali/ Gazetari u hoq pasi denoncoi aferat për koncesionin e

Më shumë se dy muaj më parë, në 30 janar 2020, gazetari i ekonomisë, Klodian Tomorri, i cili në një sërë postimesh në rrjetet sociale ka shkruar dhjetëra herë në lidhje me koncesionet korruptive të qeverisë, është ndalur tek koncesioni i inceneratorëve.

Në këtë shkrim, gazetari Tomorri është ndalur tek tenderi 15 milion euro, për mbylljen e venddepozitimit të mbetjeve në Porto Romano.

Por, gazetari theksonte se ky është vetëm hapi i parë i një manovre qindra milionë euroshe, në qendër të së cilës qëndron koncesioni i inceneratorit të Tiranës.

Ai ka shkruar një shkrim të plotë, ku tregon sesi ky koncesion, do t’i sjellë koncesionarit të inceneratorit të paktën 150 milionë euro nga qeveria. Një koncesion, i cili përfshin një zinxhir të tërë kompanish që fillojnë nga Klodian Zoto, te Mirel Mërtiri, Eva Blushi, të cilët janë tashmë janë dhe partnerë në biznese edhe me pronarë mediash siç është rasti i Vjollca Hoxhës me Valtelina Kafe.

?Porto Romano është venddepozitimi i vetëm që grumbullon mbetjet urbane të qytetit të Durrësit. Me mbylljen e këtij landfilli, duhet gjetur një vend tjetër për të sistemuar plehrat e qytetit të Durrësit. Dhe me sa duket qeveria e ka gjetur zgjidhjen, ndonëse nuk e ka zyrtarizuar ende atë. Mbetjet e Durrësit do të vijnë në Tiranë, ku do të përpunohen nga koncesioni i inceneratorit. Ky është biznes i madh. Shumë i madh.

Incenratori i Tiranës u dha me koncesion në vitin 2017 tek një kompani e quajtur Integrated Energy BV SPV, me qendër në Hollandë. Në bazë të kontratës koncesionare, kompania ka fituar të drejtën e ndërtimit të landfillit, inceneratorit dhe rehabilitimin e venddepozitimeve ekzistuese të Tiranës për një afat 30 vjecar. Në këmbim Bashkia Tiranë paguan 29 euro për çdo tonë mbetje, që depozitohet apo përpunohet nga koncesionari.

Por vendimi për depozitimin e mbetjeve të Durrësit në Tiranë i ndryshon llogarisë. Sipas të dhënave zyrtare, aktualisht qyteti i Durrësit prodhon rreth 150 mijë tonë mbetje në vit. Me tarifën 29 euro për tonë, kjo do të thotë se biznesi i inceneratorit të Tiranës do të përfitojë 4.5 milionë euro të tjera në vit nga plani i qeverisë për të sjellë mbetjet e qytetit bregdetar në Tiranë. Për 30 vitet e koncesionit, kjo manovër do t’i sjellë koncesionarit të inceneratorit të paktën 150 milionë euro, duke mbajtur parasysh dhe rritjen natyrale të sasisë së mbetjeve gjatë viteve në vijim.?-shkruante Klodian Tomorri në postimin e tij.

Dhe sipas gazetarit, kjo manovër, përmes të cilës qeveria thuajse dyfishon koncesionin e inceneratorit të Tiranës, ngre një sërë pikëpyetjesh të forta ligjore, por edhe financiare.

Por, mesa duket ky shkrim nuk i ka pëlqyer dikujt dhe ndaj gazetarit vjen hakmarja. Një ditë më parë u mësua se gazetari Klodian Tomorri, një ndër emrat ikonë të gazetarisë ekonomike në Top Channel, është pushuar nga puna nga drejtori i këtij televizioni Ben Blushi.

Por mesa duket dardha e ka bishtin prapa. Në javët e fundit Klodian Tomorri ka bërë disa statuse të cilat godasin fort mediat që janë pranë qeverisë. Në një tjetër shkrim të publikuar në datën 6 prill, ndër të tjera gazetari Tomorri shkruan se ?Teksa pandemia thellon efektet në ekonomi, biznesi ka shtuar kërkesat për të përfituar para nga buxheti. Por ndërsa, financimi i të gjitha bizneseve me para publike është një opsion praktikisht e madje edhe teorikisht i pamundur, ekziston një risk i madh. Ai që qeveria të bëjë financime selektive, tek bizneset e afërta me të ose ato që i mundësojnë të ruajë pushtetin. Të parët janë oligarkët, të dytat mediat. Të gjithë këta tashmë janë hedhur në sulm për të marrë para nga buxheti. Secili me armet e tij. Bizneset e mëdha përmes kërcënimeve se do te pushojne njerëzit nga puna, ndersa mediat duke shfrytëzuar kamzhikun publik.

Ditët e fundit nje pjesë e madhe e mediave kanë nisur një fushatë të koordinuar për të kërkuar para nga buxheti i shtetit. Nën titujt apokaliptik, media drejt shfarosjes apo demokracia në rrezik, industria e mediave po kërkon financime nga paratë e qytetarëve.?

Por, cfarë lidhje ka Ben Blushi dhe Vjollca Hoxha me inceneratorët?

Në datën 12 shkurt 2020, CNA.al publikoi një shkrim, ku nëpërmjet dokumenteve ekskluzive dhe zyrtare zbulohet ortakëria e Ben Blushit me pronarët e kompanisë së inceneratorëve.

CNA.al zbuloi se pronarët e kompanisë së inceneratorëve kanë themeluar në Bullgari një kompani e cila quhet EM Capital Group, dhe ku bashkëaksionere është edhe bashkëshortja e Ben Blushit, Eva Blushi. ((Lexo këtu)

Investigimi ynë shkoi edhe më tej, ndërsa zbuluam skemën e plotë sesi PPP-të e qeverisë lidheshin me Top Channel. EM Capital Group, ku Eva Blushi ka 30% të aksioneve, më pas vjen në Tiranë dhe blen 51% të askioneve të kompanisë Valtelina Kafe, e cila mban emrin tregëtar Lori Kafe dhe që ?rastësisht?, ka të njëjtët pronarë me Top Channel.(Lexo ketu)

Është kjo skemë e cila ngre dyshime të forta se shkarkimi i Klodian Tomorrit, është thjeshtë dhe vetëm hakmarrje e dyshes së ortakëve të inceneratorëve.

Pasi gazetari Tomorri nuk ka qënë në një linjë me interesat e Vjollca Hoxhës dhe Ben Blushit, që janë zhyrtur në ortakëri me ata që rrjepin taksat e shqiptarëve./ CNA.al

Hakmarrja e Ben Blushit/ Top Channel largon gazetarin Klodian Tomorri

Lajmet e fundit nga