Sociale
Ndalimi i qarkullimit të makinave/ Çfarë duhet të bëjnë qytetarët për të mos paguar taksat
Për të gjithë qytetarët që nuk dëshirojnë të paguajnë taksat e mjetit për periudhën që nuk mund të qarkullojnë/nuk janë autorizuar për lëvizje me mjet përkohësisht apo sepse duan të çregjistrojnë mjetin përfundimisht, DPSHTRR mundëson:
-çregjistrimin e përkohshëm të mjetit (heqje e përkohshme nga qarkullimi) pa afat
-çregjistrimin e përhershëm të mjetit kur mjeti del jashtë përdorimit (heqje e përhershme nga qarkullimi)
Si funksionon?
Si fillim, plotësoni formularin e mëposhtëm për çregjistrim të përkohshëm/përhershëm të mjetit dhe më pas do kontaktoheni nga numri i telefonit/adresa e e-mail nga stafi i drejtorisë rajonale për t’ju njoftuar për orarin dhe datën se kur duhet të paraqiteni në sportel për të vijuar me procedurat e çregjistrimit të përkohshëm/përhershëm të mjetit.
Sociale
Mbërrin i nxehti afrikan/ Si parashikohen temperaturat për nesër
Në vendin tonë tashmë kanë depërtuar masat ajrore të nxehta me origjinë nga Afrika e Veriut të cilat kanë sjellë jo vetëm temperatura të larta, por edhe prezencë të grimcave të rërës në ajër.
Shërbimi Meteorologjik raporton se edhe ditën e nesërme vendi ynë do të vijojë të jetë nën ndikimin e këtyre masave.
Moti parashikohet kryesisht i kthjellët, vranësira të pakta kalimtare. Era do të fryjë me drejtim jugperëndim-veriperëndim me shpejtësi mesatare 1-8m/s, shoqëruar me valëzim në dete të forcës 2 ballë.
Ndërkohë, temperaturat parashikohen pa ndryshime në vlerat minimale dhe rritje në vlerat e mësditës.
Më konkretisht në:
zonat malore 18°C deri në 34°C
zonat e ulëta 24°C deri në 39°C
zonat bregdetare 25°C deri në 36°C./ CNA.al
Sociale
Tirana nesër pa energji elektrike/ OSHEE publikon zonat dhe oraret
Operatori i Shpërndarjes së Energjisë Elektrike, OSHEE njofton se ditën e nësërme disa zona do të mbeten pa energji elektrike.
Për shkak të disa punimeve sipas OSSHE do të stakohet energjia në intervalin kohor 09:00-16:00 në zonat e mëposhtme.
Njoftim për abonentët #Tiranë
Stakim, 23 qershor
Në vijim të investimit për rikonstruksionin e kabinave, në datën 23 qershor gjatë intervalit kohor 09:00-16:00 do të stakohet energjia në këto zona në Tiranë:
Pjesërisht: Zona pranë Depos së Ujit dhe rruga “Budi”
Sociale
I nxehti afrikan godet vendin/ Urgjenca Mjekësore thirrje qytetarëve: Ja si të parandalojnë dëmtimet nga vapa
Në një kohë kur vendi është përfshirë nga i nxehti afrikan, Qendra Kombëtare e Urgjencës Mjekësore, u ka bërë thirrje qytetarëve që të tregohen të kujdesshëm për të parandaluar dëmtimet nga i nxehti.
Më anë të një postimi në rrjetet sociale, QKUM shpjegon disa hapa të thjeshtë se si të mbrohesh në këto ditë të nxehta, ndërsa bën apel që të evitohet ekspozimi në diell nga ora 11:00 deri në orën 17:00.
Parandalimi i dëmtimeve nga i nxehti:
– Evitoni ekspozimin në diell nga ora 11:00 – 17:00, sidomos për fëmijët dhe të moshuarit.
– Ambienti të jetë i freskët dhe ajrosur mirë. Të vendosen perde të errëta në dritare që janë të ekspozuara ndaj rrezatimit të diellit.
– Të pihen sa më shumë lëngje, kryesisht ujë.
– Konsumoni vakte ushqimore të shpeshta dhe në sasi të vogël. Të ftohta dhe me përbërës ushqimorë të tretshëm.
– Vishuni me rroba të lehta, me ngjyra të hapura dhe prej pambuku ose linoje.
– Për personat që përdorin terapi mbajtëse të mos e ndërpresin ose ndryshojnë pa u konsultuar me mjekun.
– Rekomandohen dushe të shpeshta me ujë të vakët dhe pa u tharë me peshqir.
Për çdo Urgjencë Mjekësore telefononi në numrin pa pagesë 127./CNA.al
