Connect with Us

Nga Astrit Patozi/ Nga ty pritet ndryshimi i botës

Opinione

Nga Astrit Patozi/ Nga ty pritet ndryshimi i botës

Publikuar

-

Karantina të privon nga shumë të drejta, por jo nga fantazia. Fjala vjen, ti mund ta mendosh veten suedez e të pretendosh që jeta të vijojë normalisht, me restorante, dyqane e kinema të hapura, sepse COVID-19 është thjesht një grip si gjithë të tjerët. Nëse je edhe më trim se kaq, mund të kthehesh në australian e të mësysh plazhet, se koha nisi të ngrohë dhe detin nuk e kemi shumë larg.
Kjo mund të shërbejë pastaj që të rebelohesh dhe të kërkosh tenxheret nëpër shtëpi që t’i përplasësh me sa ke fuqi në ballkon. Dhe po e pe se shembullin tënd nuk e ndjek njeri tjetër, mos u mërzit, se jeta është e gjatë edhe në karantinë. Do të vijnë patjeter ditë më të mira dhe këtë nuk e thotë vetëm Mbretëresha Elizabetë.
Nëse do që të jesh më i sigurt për vdekshmërinë edhe po u preke nga korona, mund të shndërrohesh në gjerman, me taksën që mund të fillosh të biesh në dashuri me kryeministrin, sepse atje iu rritën menjëherë aksionet Merkelit, sapo nisën masat kundër pandemisë.
Por ti e ke vetë në dorë, zgjidh vetë një kryeministër tjetër dhe turru nëpër rrjete sociale, duke e lavdëruar dhe bërë tifozllëk për të, sepse është e sigurt që nuk do të ketë zgjedhje, që të provohet se nuk ke bërë gjetjen e duhur.
Në karantinë mund të ndërrosh edhe fenë, madje edhe mund të fillosh të besosh nga e para. Por mund ta bësh edhe me radhë, një ditë të jesh besimtar, ditën tjetër ateist. Mund të predikosh me zë të lartë se Zoti nuk do të na lërë të lëngojmë gjatë, por edhe mund ta kërkosh shpëtimin vetëm nga njeriu, si kapitali më i çmuar. Mjafton që të mos çmendesh.
Nëse do patjetër që ta fitosh luftën i pari, mos ngurro gjatë, por mendoje veten kinez, se nuk është ndonjë hall kaq i madh të jetosh në monizëm. Tek e fundit, duhet të jetë mirë se sa në një demokraci falso, si kjo e jona. Atje të paktën e ke me letra që ka vetëm një parti drejtuese dhe se nuk mund ta shash në asnjë rast udhëheqësin. Kurse këtu ta bëjnë edhe me keq dhe të thonë që është pluralizëm.
Mund të zgjedhësh edhe të jesh britanik, por në një vend ku u sëmurën njëri pas tjetrit kryeministri dhe princi i kurorës, nuk ka shumë siguri që korona mund të të kursejë ty, me gjithë rëndësinë që ke. Ndaj është më mirë të jesh irlandez, sepse ke mundësinë që, të paktën një herë në javë, të mos e shohësh në televizor kryeministrin. Ata e kanë mjek të tyrin dhe atje nuk lejohet të japësh inrvista nga spitali, si ato të Lali Erit, kur u çon ushqime të moshuarve nëpër fshatra.
Ti vërtetë që je i mbyllur, por nuk të ndalon askush që të parashikosh me ekzaktësi kur do të ndalojë epidemia, kur do të hapen shkollat, sa miliarda do të humbasin kompanitë në gjithë botën, por mbi të gjitha, kur do të zhvillohet finalja e Champions League dhe në do t’i jepet trofeu Liverpulit pa u mbyllur kampionati apo jo. E sigurt është që debati, nëse duhen apo nuk duhen maskat për t’u mbrojtur nga infektimi nuk do të jetë mbyllur edhe pasi lufta të mbarojë me dorëzimin e koronavirusit.
Në karantinë mund ëndërrosh të bëhesh amerikan, edhe me faturën që ta vuash si të gjithë të tjerët sëmundjen. Madje po të jesh në New York mund ta pësosh edhe më keq se kudo tjetër. Në këmbim mund të krenohesh që je shtetas i supërfuqisë së vetme të planetit dhe që nuk ke nevojë për vizë për të udhëtuar, kudo që të teket. Edhe pse tani kjo nevojë nuk para ekziston. I vetmi problem është se atje nuk e kanë për shumë zakon që të shajnë të pasurit, sa herë që bien në krizë.
Natyrisht, ti nuk ke asnjë arsye pse të zgjedhësh ta jesh italian, spanjoll apo francez, sepse në ato vende korona po bën kërdinë, ndërkohë që ti je shumë më i mençur, më i lexuar, më i pasur dhe më i kulturuar se ata. Sepse ti je, edhe shqiptar, edhe trim.
Ndaj vazhdo grindu, revoltohu, rrëzoje qeverinë, shkruaj peticione, fyeje dhe poshtëroje opozitën, kërko të drejtat e shkelura të qenit, përplas tenxheret, ndrysho kufinjtë, përmbyse botën, bëj revolucion, rivendose drejtësinë e munguar dhe sille më në fund botën, republikën, monarkinë apo monogaminë e re, që të gjithë po e presim prej kaq shumë kohësh.
Vetëm ti mund ta bësh, sepse ti je në karantinë.

Për të rejat më të fundit behuni pjesë e grupit tonë në facebook : City News Albania

Opinione

Nga Spartak Ngjela/ Shqipëria në prag të suksesit historik

Publikuar

-

Nga

Nga Spartak Ngjela/ Shqipëria në prag të suksesit historik

Shqipëria është në prag të suksesit të saj historik, të pritur në dy shekuj, gjatë një tmerri antishqiptar, që nga viti 1820. Kjo kuptohet edhe nga shqetësimi iracional edhe i serbëve, por edhe i rusëve. Politika ruse dhe ajo serbe, janë me korrupsionin e lartë shtetëror në Shqipëri, në një kohë kur, ky korrupsion, po shkon drejt likuidimit.

l.

Historia e së tashmes historike të çdo shteti apo çdo shoqërie analizohet gjithmonë duke u mbështetur në aspektet më të rëndësishëm të gjendjes, si aktualitet.

Këto aspekte janë të rëndësishëm atëhetë kur lidhen me njëri – tjetrin dhe mbajnë brenda kësaj lidhjeje thelbin e historisë së segmentit kohor aktual.

Duke i qëndruar këtij koncepti historik, në historinë e sotme të Shqipërisë, ne gjejmë katër aspekte qëndrorë që lidhen me njëri-tjetrin dhe mbajnë të fokusuar brenda vetes, historinë e momentit aktual.

Katër aspekte kryesorë të historisë së Shqipërisë se sotme janë:

Fitorja e çiftit të pakorruptuar e patriot në Kosovë, Kurti-Osmani.

Tensioni iracional i presidentit të Serbisë nga përbuzja e re e politikës amerikane kundrejt Serbisë.

Amullia e korrupsionit të lartë shtetëror në Tiranë.

Zgjedhjet e 25 prillit.

ll.

Në këta katër aspekte kuptohet se po qëndron politika e re Amerikane. Janë dy nga aspektet e më sipërm që tregojnë presionin amerikan kundër Serbisë dhe,   edhe trajtimin e Serbisë nga amerikanët njëlloj si për Gjermaninë naziste të pasluftës së Dytë Botërore.

Në këtë rrjedhë vijnë dhe bashkohen të katër aspektet e mësipërm, sepse patriotizmi i bashkimit kombëtar në politikën Kurti-Osmani, dhe amullia e korrupsionit të lartë shtetëror në Tiranë, do të vijnë e do të përplasen me diskreditim në zgjedhjet e 25 prillit të këtij viti.

Shumë mirë. Por brenda këtij trajtimi shihet qartë se gjithçka po vihet brenda idesë se, interesi amerikan në Ballkanin Petëndimor, është i përqendruar te riafirmimi historik i shqiptarëve si mbajtësit e epiqendrës së historisë së Ballkanit Perëndimor. Në fakt, kjo është risia që po sjell koha jonë, duke filluar që nga lufta për çlirimin e Kosovës. Por kjo ka krijuar dhe gjendjen acaruese të politikës serbe, dhe frikën që po shihet në sjelljen e të gjithë politikanëve ekstremistë të Serbisë.

LEXO EDHE:  Kryemadhi mesazh qytetarëve/ “Nuk mund t’i shmangemi pandemisë, respektoni këshillat”

LEXO EDHE:  Maskat në Shtëpinë e Bardhë

Në fakt, këta po i tremb rishkrimi real i historisë në rrjedhën Iliri-Arbëri-Shqipëri.

Prandaj kuptohet se është pikërisht kjo që po e hedh në veprim të gjithë egërsinë serbe, por, edhe atë ruse. Këta gjithë tension nervor, rëndom po përmendin Shqipërinë e Madhe, a thua se krijimi i kësaj Shqipërie është pushtim. (!)

Kjo tregon se turpi i tyre historik po vijon si në 100 vjet: serbët, bashkimin e shqiptarëve të pushtuar prej tyre e quajnë një vepër “kriminale”, sepse Shqipëria bëhet një shtet i madh. Kuptohet se ky është një devijim që del jashtë arsyes normale, sepse ideja e tyre është kjo: meqë shqiptarët e bashkuar formojnë një Shqipëri të Madhe, ata nuk duhet të bashkohen kurrë. Por, këta hajvanë historikë nuk na thonë: pse nuk paskan të drejtë shqiptarët të krijojnë një Shqipëri ku do të bashkohen të gjithë shqiptarët? Nuk e thonë dot, se dalin qesharakë.

Por, sot këta po i tremb studimi i thellë i gjuhës shqipe në rrafsh akademik, i cili për serbët vërteton se janë të ardhur në Ballkan; kurse për shqiptarët vërteton që janë po ata, në rrjedhën mbi dymijë-vjeçare ilirë-arbër-shqiptarë.

Por, na duhet të theksojmë se, sidomos, ajo që i fundos në marrëzi serbët e sotëm, është fakti që po kuptohet se politika amerikane është për Shqipërinë natyrore, sipas hartës që ka paraqitur në Konferencën e Londrës ministri i jashtëm i Austro-Hungarinsë, Berthold, në vitin 1912.

Ja, kjo është situata, prandaj edhe shqiptatët duhet të jenë të vëmendshëm, dhe, në këtë kohë, likuidimi i korrupsionit, në Shqipëri dhe në Kosovë, duhet kuptuar se është domosdoshmëri historike./CNA.al

LEXO TE PLOTE

Opinione

Nga Mentor Kikia/ Lum partitë për këtë popull që kanë!

Publikuar

-

Nga

Lum partitë për këtë popull që kanë!

Ne nuk jemi vetëm në krizë pandemie, krizë ekonomike apo sociale. Ne jemi edhe në një krizë të thellë mendore si shoqëri më duket.

Bëra një postim, me një sens humori, duke shfrytëzuar një foto të kryeministrit, nga arkivi. “Rama duke kërkuar deputetë të rinj” – ishte thelbi i postimit tim.

Dhe njerëzia që e lexoi këtë postim lëshohen duke sharë ca Ramën, ca Berishën(që është më i vjetër se kjo zonja në foto), e ca mua që kritikoj Ramën, por jo Bashën.

Po si është e mundor që jemi kaq thellësisht të indoktrinuar, sa mendojmë se edhe një ironizim apo humor shkakton reagime agresive të njerëzve, të cilët janë gati të hanë njëri-tjetrin, pse mendojnë se u ke sharë partinë apo udhëheqësin.

LEXO EDHE:  Nga Astrit Patozi/ Nuk kemi pse presim luftën e tretë botërore!

LEXO EDHE:  “Po rritet me shpejtësi”/ Identifikohet një variant i ri i koronavirusit në Angli

Po qeshni more derdimenë, qeshni ndonjëhere edhe me partinë tuaj. Atë se gjen gjë, ndërsa juve bën mirë, ju çliron ankthin.

 

LEXO TE PLOTE

Opinione

Nga Ilir Levonja/ A di gjë ku kandidon ish presidenti Moisiu?

Publikuar

-

Nga

Nga Ilir Levonja/ A di gjë ku kandidon ish presidenti Moisiu?

Në fushatën e 2013-ës gjithë makineria elektorale e Edi Ramës ishte karshi një gjyshi. Ky ishte Sali Berisha. Gjyshi me jelek antiplumb. Askush nuk të sillte një program të mirëfilltë ekonomik ku të zbërtheheshin firot e qeverisë së kohës dhe avantazhet e atyre që po kërkonin pushtetit.

Por gjithçka sfidohej me një gjysh kamorrist që lëvizte lart e poshtë me jelek antiplumb. Madje sfida shkoi deri studiove ku do të provohej fakti nëse vërtet Sali Berisha lëvizte me jelek antiplumb apo jo? Kaq shumë ishin magjepsur shqiptarët pas këtij fakti sa të tjerat ishin kot fare. Nu kishte asnjë rëndësi se si do u përmisohej ekonomia apo se si do të minimizohej informaliteti në mënyrë të atillë që vendi të futej në shina në rrugën drejtë Unionit Europian.

Një gjysh me antiplumb ishte kthyer në një gogol që do e kthente botën shqiptare në kazan të plehrave dhe riciklimit. Që po pengonte hapjen e 300 mijë vendeve të punës, eksodin e të tjera. Nuk flisje dot me një shok socialist se menjëherë gjyshi, gjyshi etj. Dhe ta mendosh që në 2013-ën pas plot 8 vjet qeverisje, Sali Berisha nuk ishte më shumë se 69 vjeç. Sot antigjyshërit kanë nisur një fushatë vulgare se po afrojnë vlerat duke u dhënë shqiptarëve kandidatë 80 vjeçarë. Dhe shqiptarët presin të rifreskohen me botëkuptim a arsim perëndimor, megjithëse hapen zorrësh me një gjak puro shqiptar (Alba Kokalari) e cila përfaqëson Suedinë në Parlamentin Europian. Madje kësaj fushate vulgare ia nxjerrin vetë bojën kur deklarojnë se po largohen nga politika për shkak që t’u hapin rrugën të rinjëve.

LEXO EDHE:  Kryemadhi mesazh qytetarëve/ “Nuk mund t’i shmangemi pandemisë, respektoni këshillat”

LEXO EDHE:  Shkon në gjashtë numri i të prekurve nga koronavirusi në Shqipëri

Referuar kulmit të numrave në rritje të vdekshmërisë, dështimit total me pandeminë, ku spitalet u kthyen në vatra të depresionit dhe vetvrasjeve, kur nuk kanë arritur të vaksinojnë as 0,01% të popullatës, antigjyshërit të ofrojnë si shembull suksesi një gjyshe parukerie. Referuar kulmit të numrave të të pastrehëve nga tërmeti i 26 nëntorit 2019, antigjyshërit të ofrojnë një stërgjyshe si shëmbull suksesi. Pika hapjen e rrugës suaj karshi të rinjëve. Nuk e di nga bëhet Alfred Moisiu, por ofrojeni edhe atë. Se kushedi vjen edhe ai me ide të reja. Studentëve jepuni dërrmën, tregojuni ambasadat, portet apo aeroportet. Shpejt do keni kështu një Shqipëri të denjë europiane të antigjyshërve, gjyshërve dhe stërgjyshërve.

LEXO TE PLOTE