Një vit më parë, opinioni publik pa disa përplasje mes disa biznesmenëve, por edhe Televizionit Kombëtar Top Channel, i cili prej disa kohësh drejtohej nga ish-politikani Ben Blushi, ish-ministër, ish-deputet, dhe ish-kryetar i një partie të dështuar në zgjedhje.

Nëpërmjet një emisioni, Top Story në televizionin kombëtar, publikonte denoncime, për të cilat pretendonte se ishin të vërteta, në lidhje me një grosist ilaçesh në Shqipëri. Por, probleme pati dhe denoncime edhe për pronarin dhe administratorin e një rrjeti spitalesh private në Tiranë.

CNA.al këto ditë ka zbardhur me detaje me akuzat e hedhura nga palët ndaj njëra-tjetrës, por edhe mënyrën sesi ata kanë reaguar. (Lexo ketu)

Në atë kohë, Nadir Çausholli, pronari i CFO Pharma reagoi mjaft ashpër. Me kallëzime penale në prokurori, me letra drejtuar ambasadës së SHBA dhe Autoritetit të Mediave Audiovizive.

Ne patëm një komunikim me Zotin Çausholli, i cili thoshte se tashmë i kishte zgjidhur problemet me mediat dhe se situata në Top Channel ishte një keqkuptim. Pra, një keqkuptim, për të cilin nga njëra anë Top Channel thoshte se kush ishte Nadir Çausholli, ilaçet që tregtoheshin prej tij, abuzimet, e të tjera.

Për më tepër publikonte edhe një letër, ku shoferi i Zotit Çausholli i dërgonte një letër Ministrisë së Financave për të kontrolluar një tjetër pronar televizioni.

Përplasje të forta, të cilat janë zgjidhur në dhjetor të këtij viti dhe tashmë CFO Pharma është një nga sponsorat zyrtarë të Top Channel. Kjo “luftë” u mbyll me paqe, si shumë luftera të tjera.

Por, opinioni publik për disa muaj me radhë dëgjoi “ulërima” kundër Nadir Çaushollit, apo akuzat e këtij të fundit kundër Topit.

Nadir Çausholli nuk e mohon përplasjen, por kërkon qetësi, ashtu sikundër Top Channel ka ndalur çdo lloj sulmi apo akuze ndaj pronarit të CFO Pharma, i cili me një letër iu drejtua ambasadës së SHBA-ve. Nje letër, e cila në atë kohë u shpërnda në mjaft media nga njerëz të afër të Zotit Çausholli, nga njerëz që zakonisht dërgojnë reklamat në media.

Dokumenti ishte një akuzë e fortë, por sot Zoti Çausholli, atë shkresë, me kokën e kompanisë së tij dhe të shpërndarë prej  njerëzve të tij, e kërkon me vulën e ambasadës, por harron se ka edhe një kallëzim në prokurori, i cili është pushuar, pasi ai nuk është se ka ndihmuar për zbardhjen e së vërtetës, apo edhe letra në një institucion tjetër siç është Autoriteti i Mediave Audiovizive, ku thuhet se janë të njëjtat detaje që i janë çuar edhe ambasadës së SHBA-së.

Më pas një tjetër biznesmen pati përplasje me Top Channel, me Vjollca Hoxhën dhe Ben Blushin.

Ai është Klodian Allajbeu i Spitalit Amerikan. Mësohet se ky i fundit ka pasur një takim në atë kohë me zyrtarë të Ambasadës, në lidhje me të njëjtën problematikë që kishte shfaqur në opinionin publik edhe biznesmeni, grosisti ii laçeve, zoti Nadir Causholli.

Në atë kohë, Spitali Amerikan financonte një emision shëndeti, i cili drejtohej nga një prej menaxherëve të Spitalit Amerikan, “Hipokrati”, i cili kishte sponsor zyrtar Spitalin Amerikan. Më pas ky emision mbyllet dhe fillojnë përplasjet. (Lexo këtu)

Gjithësesi, Nadiri në një letër dhe Klodi në një takim, në atë kohë personit të cilit i është dërguar kjo letër zyrtarisht në ambasadën e SHBA-ve.

Në atë kohë ka pasur edhe një reagim nga ambasada e SHBA. Shefi i Marrëdhënieve me Publikun në Ambasadën e SHBA në Tiranë, Brian Beckmann në prill 2019, u shpreh se mediat përdoren si armë kundër biznesit, personave apo partive politike dhe jo si mjet për të treguar të vërtetën. “Shohim histori që janë shkruar, jo të bazuara në të gjitha faktet e vlefshme, por në të kundërt, me informacion të pjesshëm, të shtrembëruar që ofrohet për të promovuar interesin e një industrie, partie, një individi kundrejt një tjetri. Ata përdorin median me qëllimin e vetëm që të arrijnë atë që duan. Çdo takim ditor editorial në Shqipëri duhet të fillojë me pyetjen “Cila është historia që duhet të tregojmë?” dhe jo “Kujt do t’i vihemi nga pas sot? Lajmet duhet të përqendrohen tek e vërteta, dhe jo si mund të përdoret forca e shtypit si një armë kundër një personi, biznesi, apo një partie politike”,- deklaroi në atë kohë Brian Beckmann, i cili është i personi të cilit Zoti Çausholli i kishte drejtuar letrën për Top Channel.

Pra, merita ka qënë e Ben Blushit, që në 2019, Top Channel, përtej gjithçkaje, pas edhe disa kallëzimeve penale në prokurori, me akuza mjaft të forta, nga ana tjetër edhe letra në Ambasadën e SHBA-ve dhe pretendimet e biznesmenit në lidhje me bashkëpunimin me televizionin  Kombëtar Top Channel dhe drejtorin e këtij televizioni, reklamime apo fushata të ndryshme që do të kryheshin në Top Channel, gjithçka duket se është mbyllur.

Këta janë vetëm dy emra, por CNA.al ka siguruar edhe të tjerë personazhe, pas disa investigimeve të kryera për disa muaj, të cilët janë sulmuar drejtpërdrejt në ekranin e Top Channel. Janë sulmuar në këtë ekran dhe në ato që janë pjesë e Top medias, portale periferike dhe ato që janë pjesë e Top Channel, të cilët për shumë kohë në emër të opinionit publik, në emër të së drejtës së informimit kanë bërë kronika dhe lajme, denoncime të forta dhe vetëm pas pak kohësh shikon sesi shfaqen në këtë ekran reklamat e kompanive që Top Channel ka sulmuar.

Por, ka edhe nga ato raste, siç është a ii Porto Romanos, dhe investimi prej 15 milion euro i bërë nga qeveria, ku televizioni kombëtar ka qënë në mbështetje të inceneratorëve dhe më vonë zbulohet se bashkëshortja e drejtorit të Top Channel, Ben Blushit, është ortake me pronarët e kompanisë së inceneratorëve dhe së bashku, nëpërmjet një kompanie në Bullgari, kanë blerë 51% të kompanisë Valtelina Kafe, e cila mban emrin tregtar Lori Kafe dhe që “rastësisht” ka të njëjtët pronarë me Top Channel.

CNA.al do të sjellë në vazhdim edhe të tjera fakte, dokumente ekskluzive dhe denoncime të bëra të paktën për periudhën e vitit 2019, ku vihet re sjellja agresive e këtij televizioni ndaj bizneseve dhe më pas hiqen apo shtohen reklama dhe krijohen marrëdhënie të dnryshme, siç është rasti i Nadir Caushollit, i CFO Pharma, apo Spitalit Amerikan.

Në kohën kur këta dy personazhe, këta biznesmenë reaguan, ka pasur edhe një qëndrim publik nga ambasda amerikane, siç ne e përmendëm më lart.

CNA.al do të sjellë edhe të tjera detaje skandaloze, mjaft të dyshimta të politikave editorial apo të ecicioneve të lajmeve, të ndjekur nga Top Channel./ CNA.al

Përplasjet mes Ben Blushit dhe Klodian Allajbeut/ “Urrejtja dhe dashuria” e Top Channel me Spitalin Amerikan

Përplasja Top Channel-Nadir Çausholli/ Nga akuzat, kallëzimet penale tek “dashuria në kohën e kolerës”

Top Channel dhjetëra shkrime e kronika kundër Nadir Çaushollit/ Sot transmeton reklamat e tij

Ekskluzive dokumenti/Zbulohet ortakëria e Klodit të inceneratorëve me Ben Blushin

Fajtorë pa faj, gënjeshtarë apo çfarë?/ Top-i apo Nadiri, dikush i piu “ilaçet”