Connect with Us

Parashikimi i ekspertit amerikan/ 100 mijë vetë mund të humbin jetën nga koronavirusi në SHBA

Bota

Parashikimi i ekspertit amerikan/ 100 mijë vetë mund të humbin jetën nga koronavirusi në SHBA

Publikuar

-

Eksperti amerikan: Rihapja e parakohshme shkaktoi rritje të infektimeve

Eksperti më i lartë i qeverisë amerikane për sëmundjet infektive, Dr. Anthony Fauci, parashikoi të dielën se 100 mijë ose më shumë amerikanë mund të vdesin nga koronavirusi, 50 herë më shumë sesa shifra aktuale.

Dr. Fauci, Drejtor i Institutit Kombëtar të Alergjive dhe Sëmundjeve Infektive i tha CNN-it se Shtetet e Bashkuara mund të kenë “miliona raste” me COVID-19, një përhapje e shpejtë e pandemisë në vend, ku zyrtarët thonë se nujmri i rasteve të konfirmuara të infektimeve ka arritur në 132,600 dhe i vdekjeve në 2,300. Shifrat janë rritur me shpejtësi.

Si dr. Fauci edhe dr. Thomas Inglesby, drejtor i Qendrës për Sigurinë e Shëndetit në Universitetin Johns Hopkins, hodhën poshtë sugjerimet e Presidentit Donald Trump për zbutjen e masave si këshilla për të ndenjur në shtëpi dhe distancimi sociale për frenimin e përhapjes së koronavirusit.

Dr. Fauci tha se do të mbështeste lehtësimin e masave kundër koronavirusit në zonat më pak të goditura të vendit, nëse rritet disponibiliteti i testeve për t’i monitoruar ato zona. Por ai tha se situata është pak e paqartë aktualisht.

“Duhet të vazhdojmë me distancimin social”, tha Dr. Inglesby në televizionin Fox.

Ritmi i koronavirusit në Shtetet e Bashkuara ka qenë alarmues, me 1 mijë të vdekur regjistruar gjatë një muaji dhe 1 mijë të tjerë vetëm dy ditët e fundit.

Presidenti Trump sugjeroi javën e kualuar se pjesë të vendit mund të rikthehen në punë pa problem, duke vazhduar “distancimin social dhe larjen e duarve”.

I pyetur nëse kjo është e realizueshme, Dr. Inglesby tha: “Nuk besoj”.

Ai tha se nëse amerikanët, miliona prej të cilëve po punojnë nga shtëpia ose po rrinë në shtëpi pa page, kthehen në punë para kohe, koronavirusi do të përhapet “gjerësisht dhe me agresivitet. Duhet seriozisht të vazhdojmë kufizimet”.

Nënpresidenti Mike Pence, që drejton grupin e punës së administratës për luftën kundër koronavirusit, i the televizionit Fox News se në ditët në vazhdim do t’i japë Presidentit Trump të dhëna lidhur me përparimin e sëmundjes.

LEXO EDHE:  Viktima e 28 nga Covidi në vend/ MSH jep detajet: 60 vjeçari prej dy javësh në reanimacion

“Do ta hapim vendin sa më parë që të mund ta bëjmë një gjë të tillë në mënyrë të përgjegjshme”, tha ai.

Zoti Pence tha se “duhet të jetë inkurajuese për amerikanët” që nga qindra mijëra njerëz që janë testuar, vetëm 10 për qind kanë rezultuar pozitivë.

Por kryetarja demokrate e Dhomës së Përfaqësuesve, Nancy Pelosi, paralajmëroi për ditë të vështira. Ajo tha se vendimet e Presidentit Trump kanë rezultuar vdekjeprurëse, përfshirë mohimin e tij fillestar të ndikimit të pandemisë dhe vonesat e qeverisë për të siguruar paisjet mjekësore për zonat ku janë të nevojshme.

“Duhet të parandalojmë humbjet e mëtejshme të jetëve, jo të rifillojmë hapjen. Duhet të vazhdojmë testimet”, tha ajo në CNN.

Guvernatori republikan i Merilendit, Larry Hogan u bëri jehonë ekspertëve të shëndetësisë.

“Do të ndjekim këshillën e doktorëve dhe shkencëtarëve”, tha ai në Fox News. Ai tha se jo vetëm që vendi nuk do t’i kthehet normalitetit për Pashkë, por “mendojmë që pas dy javësh do të jetë më keq, jo më mirë”.

Guvernatorja demokrate e Miçiganit, Gretchen Whitmer, që ka debatuar shpesh me republikanin Trump lidhur me mungesat në paisjet mjekësore për profesionistët e shëndetësisë, than ë CNN se duhet ndaluar përhapja e koronavirusit “për t’u dhënë spitaleve shansin” që trajtojnë pacientët.

Presidenti Trump, kishte shqyrtuar mundësinë e vënies në karantinë për dy javë të shteteve Nju Jork, Nju Xhersi dhe Kenektikat, por u tërhoq nga kjo lëvizje, duke i bërë thirrje Qendrës për Kontrollin dhe Parandalimin e Sëmundjeve që të lëshojë një “udhëzim të rreptë për udhëtimet” në zonën që përfshin këto shtete./ VOA

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

CDC: Të vaksinuarit mund të mos mbajnë maska

Publikuar

-

Nga

CDC: Të vaksinuarit mund të mos mbajnë maska

Qendrat Amerikane për Kontrollin dhe Parandalimin e Sëmundjeve (CDC) këshilluan të enjten se për amerikanët e vaksinuar plotësisht nuk do të jetë e nevojshme të mbajnë maska përjashta si dhe mund t’i shmangin ato edhe në pjesën më të madhe të ambienteve të mbyllura. Përditësimi nga ana e agjencisë do të mundësojë rikthimin tek normaliteti.

CDC-ja tha gjithashtu se për njerëzit e vaksinuar plotësisht nuk do të jetë e nevojshme të ruajnë distancën fizike në shumicën e mjediseve. Agjencia shpreson që udhëzimi të nxisë edhe më shumë amerikanë që të vaksinohen.

Udhëzimi i rishikuar është një hap i rëndësishëm drejt rikthimit tek jeta normale para pandemisë. Megjithatë agjencia rekomandon që personat e vaksinuar të vazhdojnë të mbajnë maska në aeroplane, trena, në aeroporte, qendra masive tranziti, si dhe vende spitale a poliklinika.

CDC-ja tha se njerëzit e vaksinuar plotësisht megjithatë duhet të mbajnë maska kur një gjë e tillë kërkohet nga ligjet federale, shtetërore, lokale, apo territoriale si dhe t’u përmbahen rregulloreve për bizneset apo udhëzimeve në vendin e punës.

LEXO EDHE:  Shi, borë dhe mjegull/ Parashikimi i motit për ditën e sotme

LEXO EDHE:  Një tjetër efekt i Covid-19/ Mjekja shqiptare në Gjermani flet për pasojat e izolimit

Në fund të muajit prill, CDC-ja udhëzoi që njerëzit e vaksinuar plotësisht mund të kryenin aktivitete në natyrë pa maska, por rekomandoi që ata të vazhdojnë ta përdornin maskën në hapësirat e tjera publike./voa

LEXO TE PLOTE

Bota

BE: Rusia po përpiqet të përvetësojë pjesë të Ukrainës lindore

Publikuar

-

Nga

Zyrtarë të Bashkimit Evropian kërkuan që blloku t’i përgjigjet më fuqishëm agresionit rus ndaj Ukrainës, duke paralajmëruar se qëllimi përfundimtar i Moskës është të përvetësojë pjesë të Ukrainës lindore.

Paralajmërimi vjen në një raport të shkruar nga zyra diplomatike e BE-së, që u shpërnda në fillim të kësaj jave midis vendeve anëtare të BE-së dhe u rishikua nga Radio Evropa e Lirë.

Rusia ka aneksuar gadishullin ukrainas të Krimesë në vitin 2014 dhe që nga ajo kohë mbështet separatistët që luftojnë forcat qeveritare në lindje të Ukrainës.

Konflikti në këtë zonë ka lënë mbi 13,000 njerëz të vrarë dhe ka zhvendosur mbi një milion.

Së voni, Rusia po ashtu ka vendosur mbi 100,000 trupa dhe armatim të rëndë në rajonet kufitare me Ukrainën.

Presidenti ukrainas, Volodymyr Zelenskiy, ka kërkuar dhe fituar mbështetjen e Perëndimit përballë kërcënimeve ruse dhe Moska përfundimisht i ka tërhequr disa nga forcat e saj.

Dokumenti i BE-së, i parë nga REL dhe i quajtur “Dokumenti i opsioneve: Veprimet e BE-së për të forcuar qëndrueshmërinë e Ukrainës dhe për t’iu përgjigjur përshkallëzimit të mëtejshëm potencial”, rekomandon një seri hapash që blloku mund t’i ndërmarrë, përfshirë ndihmën për Ukrainën, për të ulur varësinë e saj energjetike nga Rusia, dhe mbështetjen për përpjekjet e Kievit “për të trajtuar kërcënimet hibride, përfshirë luftimin e kërcënimeve kibernetike dhe dezinformimin”.

LEXO EDHE:  Një tjetër efekt i Covid-19/ Mjekja shqiptare në Gjermani flet për pasojat e izolimit

LEXO EDHE:  Shqipëria rrezikon të rimbyllet pas shtimit të rasteve të reja?/ Skënder Brataj apel të fortë qytetarëve

Dokumenti u lëshua nga Shërbimi Evropian i Veprimit të Jashtëm. Ai po ashtu paralajmëron se Moska po përpiqet të përvetësojë zona të Ukrainës lindore, që janë pjesë e rajonit të Donbasit, duke organizuar zgjedhje të paligjshme dhe duke lëshuar pasaporta për vendasit.

Dokumenti bën thirrje për të ndihmuar Ukrainën edhe në përpjekjet e saj për vaksinimin e popullatës kundër koronavirusit, në mënyrë që të shmanget dobësimi i mëtejshëm i vendit nga kriza e zgjatur shëndetësore dhe socio-ekonomike.

Dokumenti pritet të zyrtarizohet nga Shërbimi i Veprimit të Jashtëm në javët e ardhshme./REL

LEXO TE PLOTE

Kosova & Rajoni

Vjosa Osmani takon presidentin slloven/ “Kufijtë e Kosovës janë përcaktuar në vitin 2008”

Publikuar

-

Nga

Pas më shumë se një orë takim me presidentin slloven, Borut Pahor, presidentja e Kosovës, Vjosa Osmani ka thënë se pret nga Sllovenia që të vazhdojë bashkëpunimin në fushën e mbrojtjes dhe arsimit. Në lidhje me kufijtë e Kosovës, znj. Osmani ka thënë se ata janë përcaktuar në vitin 2008, ndaj tani duhet të diskutohet për çështje aktuale.

“Kufijtë tonë janë përcaktuar në vitin 2008. Kosova do të ulet në tavolinë për të trajtuar tema që janë të rëndësishme për vendin tonë”, tha ajo.

Vjosa Osmani dhe homologu i saj slloven kanë diskutuar për përgatitjet e nevojshme për procesin e Brdu-Brijuni dhe nevojën për përshpejtimin e procesit të integrimit evropian të Kosovës. Znj. Osmani ka kërkuar mbështetje për vaksinat kundërt COVID-19.

“E sigurova presidentin qe Kosova e ka prioritet integrimin evropian. Reformat që duhet të ndërmerren nuk i shohim si të imponuar por për nevojën e qytetarëve tanë. E potencuam qartë që Kosova i ka plotësuar kriteret për liberalizimin të vizave. Jo që ka plotësuar kriteret, por dyfishin e tyre. Është një pritje e gjatë dhe i mbetet BE-së të mbajë premtimin. E njoftova presidentin për faktin që akoma kemi nevojë për mbështetje sa i përket vaksinave. Shpresoj qe Sllovenia që ndihmojë Kosovën, sepse siç thotë edhe populli ynë “miku i mirë gjendet në ditë të vështira”, tha ajo.

LEXO EDHE:  Manastirliu shpjegon rolin/ Ja çfarë do bëjnë mjekët e familjes në këtë betejë

LEXO EDHE:  Moti merr kthesë të papritur/ Si parashikohen temperaturat për javën e ardhshme

Në konferencën e përbashkët për media, presidenti i Sllovenisë, Borut Pahor ka deklaruar se do të këshillohen mbi vështrimet dhe perspektivën evropiane.

“Do të provojmë të shohim se a mund të themi diçka më optimiste sa i përket perspektivës evropiane të shteteve të Ballkanit. Në aspektin e paqes dhe sigurisë, në zonën e Ballkanit Perëndimor është me rëndësi që të vihet deri në një qëndrim të BE-së se zgjerimi është domosdoshmëri gjeopolitike e karakterit primar. BE duhet të përshpejtojë këtë proces dhe ta shohë këtë hapësirë si tërësi”, tha ai. Euronews.

LEXO TE PLOTE