Connect with Us

Mbërrijnë në Itali mjekët shqiptar/ Ministri italian: I treguat BE-së vlerat europiane

Sociale

Mbërrijnë në Itali mjekët shqiptar/ Ministri italian: I treguat BE-së vlerat europiane

Publikuar

-

Kanë mbërritur në Itali mjekët dhe infermjerët shqiptarë të cilët u nisën pasditen e sotme nga aeroporti i Rinasit në ndihmë të shtetit fqinj në luftën kundër koronavirusit.

Ata u pritën nga Ministri i Jashtëm Luigi Di Maio i cili bëri me dije se ata do të shërbejnë në një spital në zonën e Lombardisë,  zona më e nxehtë dhe janë pjesë e 3 mijë vullnetarëve që i’u përgjigjën thirrjes për t’u bashkuar në luftën kundër COVID-19.

Di Maio shprehu gjithashu falenderimet që Shqipëria iu përgjigj thirrjes së Italisë për ndihmë duke treguar edhe njëherë vlerat europiane në këtë kohë të vështirë.

‘Dua të falenderoj publikisht  kryeministrin Rama dhe qeverinë e popullin shqiptar  për solidaritetin e madh që po tregojnë. Rama mbajti një fjalim mjaft prekës para nisjes së mjekëve dhe infermierëve, për të cilin e falenderojë dhe treguan edhe një herë se shpirti i tyre i solidaritetit është vlera europiane që bashkon BE dhe që po ia kujton shumë vendeve të BE në këto momente të vështira që po kalojmë’, tha Di Maio.

Atterrato un aereo dall'Albania con a bordo un team di medici e infermieri che supporteranno il nostro personale medico. Vi spiego tutto, collegatevi!

Gepostet von Luigi Di Maio am Samstag, 28. März 2020

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Konfirmohen dy raste të reja me Covid-19 në Qarkun e Shkodrës

Publikuar

-

Nga

Dy persona kanë rezultuar pozitiv me Covid-19 në Vaun e Dejës.

Të prekurit janë familjarë të 35-vjeçarit i cili iu shtua dje listës së të prekurve në Qarkun Shkodër, raporton ABC news.

Nëna dhe kunata e 35-vjeçarit kanë rezultuar pozitiv duke bërë që numri i të prekurve në këtë qark të shkojë në 8 raste.

Sipas ministrisë së Shëndetësisë në total numri i të prekurve me covid-19 ka shkuar në 197, ndërsa vetëm në 24 orët e fundit 11 raste kanë rezultuar pozitiv.

LEXO EDHE:  Kapet “mat” Angela Merkel/ Përsëri në qendër të vëmendjes për veshjen e saj

LEXO EDHE:  Itali/ 30 vjet burg vrasësve të Albert Drenit

 

LEXO TE PLOTE

Sociale

“Nuk e braktisim mikun në ditë të vështira”/ Rama përcjell drejt Italisë mjekët

Publikuar

-

Nga

10 mjekë dhe 20 infermierë shqiptarë janë nisur drejt Italisë ku do ndihmojnë kolegët e tyre për të shpëtuar jetët e pacientëve të prekur me COVID-19.

Të veshur me veshjen mbrojtëse, ata janë pëciell nga kryeministri Edi Rama, ministrja e Shëndetësisë, Ogerta Manastirliu dhe ministrja e Infrastrukturës, Belinda Balluku në aeroportin e Rinasit.

“Sot ne nuk mund t’i mbajmë forcat rezervë në pritje që të hyn në luftë këtu, ku në Itali ku po kurohen edhe shqiptarë, kanë një nevoje urgjente për ndihmë. Pikërisht se nuk jemi të pasur dhe sepse nuk na ka lënë kujtesa, nuk mund ta lejojmë vetes të harrojmë miqtë në këto ditë të vështira. Sot ne jemi të gjithë italianë, Italia duhet e do ta fitojë luftën edhe për ne e të gjithë Europën e botën”, tha Rama në fjalën e tij.

Ashtu si u raportua më heret mjekët që do të shkojnë në shtetin fqinj do të paguhen 3000 euro në muaj, ndërsa infermierët 2500 euro në muaj./CNA.al

 

LEXO EDHE:  Itali/ 30 vjet burg vrasësve të Albert Drenit

LEXO EDHE:  Itali/ 30 vjet burg vrasësve të Albert Drenit

 

LEXO TE PLOTE

Sociale

“Sjellje denigruese ndaj të semurëve me Covid-19 dhe familjareve të tyre”/ ISP i drejtohet prokurorisë

Publikuar

-

Nga

Gjatë javëve të fundit kur vendi ndodhet në situatën e emergjencës civile për shkak të Covid-19 media ka raportuar raste të qytetarëve që kanë rezultuar pozitiv dhe që janë nën trajtim mjekësor.

Në lidhje me këtë situatë, Instituti i Studimeve Politike thotë se një nga gjetjet kritike të monitorimit të raportimeve në media dhe në publik (rrjete sociale, TV, deklarata politikanësh, etj) është se në shumë prej rasteve, në vend të solidaritetit me personat e sëmurë dhe nën trajtim, është përdorur gjuhë denigruese e fyese ndaj tyre, duke i konsideruar ata rrezik për familjet e tyre, fqinjët, komunitetin dhe shoqërinë.

ISP, thekson se “Fatkeqësisht ka pasur raste kur zyrtarë e politikanë të lartë kanë akuzuar persona të sëmurë ose të ardhur nga zona e kuqe jashtë vendit se po vrasin njerëz; ka pasur deklarime konkrete duke akuzuar fëmijët apo mbesat/nipërit se kanë sëmurë gjyshërit apo prindërit e tyre, duke i bërë paraprakisht dhe publikisht ata fajtor në rast se ndonjë prej gjyshërve/prindërve humb jetën; ka pasur raste kur sapo është dhënë njoftimi për ndonjë të sëmurë në rrjetet sociale është denigruar ai/ajo apo familja e tij, siç ka pasur edhe raste kur është kaluar çdo limit në shprehjet kundër personave të sëmurë, edhe kur këta kanë qenë mjekë apo zyrtarë të sektorit të shëndetësisë, politikës apo administratës.”

Më tej, në raportin e monistorimit të ISP thuhet e skenat dhe publikimet nga familjarë të të sëmurëve, që përpiqen të mbrohen në publik nga komentet fyese e denigruese, apo që dhimbjen personale e kanë të dyfishuar nga keqtrajtimi publik që i bëhet identitetit dhe privatësisë së tyre personale e familjare, janë trishtuese dhe një tregues kritik për nivelin kulturor, solidar e human të shoqërisë tonë.

“Një klimë e tillë denigrimi të pacientëve që po përballen me mbijetesën është jo morale, jo qytetare, jo humane dhe ligjërisht përbën shkelje të të drejtave të njeriut dhe vepër penale. Kodi Penal në nenin 119 thekson se “fyerja e qëllimshme e personit përbën kundërvajtje penale dhe dënohet me gjobë nga pesëdhjetë mijë gjer në një milion lekë. Po kjo vepër, kur kryhet botërisht, në dëm të disa personave ose më shumë se një herë, përbën kundërvajtje penale dhe dënohet me gjobë nga pesëdhjetë mijë gjer në tre milionë lekë”.-thekson ISP.

LEXO EDHE:  Itali/ 30 vjet burg vrasësve të Albert Drenit

LEXO EDHE:  E rëndë/ Burri ther gruan në sy të të birit adoleshent

ISP bën të ditur se në këto rrethana i bën thirrje prokurorisë të veprojë dhe po ashtu edhe të tjera institucioneve, që të investohen në mbrojtje të dinjitetit dhe të drejtave të qytetarëve.

“Në këto rrethana Instituti i Studimeve Politike i bën thirrje Prokurorisë të ndërmarrë çdo hap ligjor për hetime kur kemi konsumim të veprës penale të nenit 119 ndaj të sëmurëve me Covid-19, apelon institucionet dhe sidomos politikanët e zyrtarët e lartë të shmangin çdo deklarim kritik të bërë me dashje apo pa dashje ndaj personave të sëmurë e familjarëve të tyre, apelon Komisionerin kundër Diskriminimit dhe Komisionerin për mbrojtjen e të dhënave personale, Avokatin e Popullit dhe nën/komisionin për të Drejtat e Njeriut në Kuvend, etj, që të investohen në mbrojtje të dinjitetit dhe të drejtave të qytetarëve të sipërcituar; si edhe apelon median të shmangë çdo raportim që cenon liritë e të drejtat e njeriut dhe që shkel dukshëm privatësinë e pacientëve dhe privatësinë e familjeve të tyre që gjenden në këtë situatë të vështirë.”-thuhet në deklaratën e ISP./ CNA.al

LEXO TE PLOTE