Connect with Us

Meta flet për situatën aktuale/ Zbulon arsyen pse ftoi Bashën në mbledhjen e Këshillit të Sigurisë Kombëtare

Politikë

Meta flet për situatën aktuale/ Zbulon arsyen pse ftoi Bashën në mbledhjen e Këshillit të Sigurisë Kombëtare

Publikuar

-

Presidenti Ilir Meta ka zbuluar detaje nga mbledhja e Këshillit të Sigurisë Kombëtare për situatën aktuale të krijuar nga koronavirusi dhe tregoi se përse e kishte ftuar edhe kryetarin e opozitës Lulzim Bashën.

“Kjo mbledhje synonte realizimin e një vlerësimi për situatën dhe për përmirësimin e mekanizmit reagues, me qëllim minimizimin e pasojave për qytetarët dhe të gjitha efektet në ekonominë kombëtare, familjare dhe të drejtat e çdo qytetari. Kjo ishte arsyeja pse ishte i ftuar edhe kreu i PD, Lulzim Basha për të shfaqur edhe ai pikpamjet e tij dhe të opozitës për të dhënë sugjerimet dhe për të bashkërenduar punën”, tha Meta në Euro News.

Kreu i Shtetit deklaroi se të gjithë duhet të bëjnë përpjekjet e tyre, që nga qeveria që ka përgjegjësitë më të mëdha, përfshirë Bankën e Shqipërisë dhe opozitën. ai rrrëfeu se opozita është e përfshirë me idetë, qoftë dhe kritikat.

Sipas tij, qëllimi është për të inkurajuar energji pozitive dhe për të dhënë mesazhe bashkëpunimi dhe optimizmi tek qytetarët.

LEXO EDHE:  Zëvendës Kryeministri i kthehet Bashës: Or ti Lul...!

“Duke i ndërgjegjësuar të gjithë shqiptarët se secili prej tyre e ka për detyrë të japë kontributin e vet në këtë betejë, të dëgjojnë dhe të zbatojnë mesazhet dhe këshillat e autoriteteve. Jo vetëm të mos dalin në rrugë, por edhe brenda familjes, pasi bëhet fjalë për të mbrojtur shëndetin e tij dhe familjes dhe ekonominë tonë kombëtare dhe familjare”, tha ai./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Murrizi tallet keq me Këshillin e Sigurimit të Metës

Publikuar

-

Nga

Presidenti Ilir Meta mblodhi sot Këshillin e Sigurisë Kombëtare i cili u zhvillua online për të diskutuar rreth situatës së krijuar nga koronavirusi.

Lidhur me këtë ka reaguar dhe deputeti i opozitës parlamentar, Myslim Murrizi.

Duke e konsideruar si një show të radhës, Murrizi shkrua se kanë 30 vjet që mblidhen në tavolinë fizikisht por vetëm janë tallur me shqiptarët.

Gjithashtu, Murrizi ironizon dhe planin e masave të qeverisë për parandalimin e përhapjes së covid-19, duke shkruar “Ky varianti qe te shtune e te djele ne izolim total dhe nga e hena gjer te premten bredhje tufa tufa ne çdo lokal, nuk e di se ku eshte kopjuar ose cili protokoll e ka?”

“MBLEDHJET ONLINE SHOU I RADHES I TE NJENJTEVE AKTORE TE TEATRIT TE PESHTIRE POLITIK

Keta kane 30 vjet qe mblidhen ne tavoline e fizikisht dhe vetem jane tallur e kane VJEDHUR SHQIPTARET

Tani duke qene larg njeri tjetrit dhe e shohin me ekran” besoj” qe do ta rregullojne

KESHILLI I SIGURISE KOMBETARE ME KUSHTETUTE, ESHTE SI BASHKIMET PROFESIONALE DIKUR

Neni 168 i Kushtetutes pika 3 shprehet qarte se :

Keshilli i Sigurise Kombetare eshte organ keshillues i Presidentit te Republikes

Pra njelloj siç nje President tjeter emertoi nje strukture me “ veterane pensioniste” dhe i quajti “ keshilli i te urteve”

Por ndryshimi eshte se
“ keshilli i te urteve” nuk eshte cituar ne asnje nen te Kushtetutes

LEXO EDHE:  Lulzim Basha marshon përpara me Jemin Gjanën

LEXO EDHE:  Diskutimet për negociatat/ Koronavirusi shtyn mbledhjen e KE

Ndersa Keshilli i jo te urteve por i hajduteve me emrin keshill i sigurise Kombetare, eshte sanksionuar ne Kushtetute( neni 168 pika 3)

Tani se çfare keshillash mund ti japin Presidentit per Pandemine dhe virusin convid-19 keta “ baballare” te MJEKESISE nuk besoj se ka Shqiptare ta dije

Por edhe se çfare keshille ,keshillimore pret Presidenti nga keta 9 politikan ku asnjeri nuk eshte MJEK, vetem Presidenti mund ta dije.

1 ka mbaruar per gjuhe,1 ka mbaruar anglisht, 1 ka mbaruar ekonomik,1 ka mbaruar shkenca politike,1 ka mbaruar per kimi, 1 ka mbaruar juridikun, 1 ka mbaruar oficer dhe Rama me Bashen me shkolle te mesme se njeri ka mare diplome per zhgarravina, tjetri pas 12 viteve por “anonime”si jurist-perkthyes dhe te dy vijne me katapult nga emigrant ne France e Hollandene ne“ lidera”per Shqiptaret

Nje gje nuk kam arritur ta kuptoj fare fare dhe ishalla mar ndonje shpjegim nga keshilli keshillimor i Presidentit

Ky varianti qe: te shtune e te djele ne izolim TOTALdhe nga e hena gjer te premten bredhje tufa tufa ne çdo lokal, nuk e di se ku eshte kopjuar ose cili protokoll e ka????????

 

LEXO TE PLOTE

Politikë

BSH uli normën bazë të interesit/ Meta përshëndet veprimin

Publikuar

-

Nga

Për shkak të situatës së krijuar në vend nga koronavirusi, Banka e Shqipërisë uli normën bazë të interesit nga 1% në 0.5%.

Për këtë vendim të bërë publik nga guvernatori i BSH-së ka reaguar edhe presidenti Ilir Meta, i cili e përshëndet publikisht.

“Përshëndes vendimin e Këshillit Mbikqyrës së Bankës së Shqipërisë për uljen e normës bazë të interesit nga 1% në 0.5%. Ky vendim i Bankës së Shqipërisë është i nevojshëm në situatën e krijuar, për të koordinuar politikën monetare lehtësuese me politikën fiskale të ndërmarrë nga Qeveria”, shkruan Kreu i Shtetit në një postim në rrjetet sociale./ CNA.al

LEXO TE PLOTE

Politikë

Nga Astrit Patozi/ Lufta dhe paqja që duhen fituar njëkohësisht

Publikuar

-

Nga

Bota tashmë ka ndryshuar dramatikisht dhe pyetja e vetme është ku do të ndalet kjo tatëpjetë deri ditën që të shpallet fitorja mbi armikun e padukshëm. Ata, që na thonë se do të përqafohemi e do ta vazhdojmë jetën njësoj si më parë, ose nuk e kuptojnë fare çfarë po ndodh, ose nuk duan të na e shtojnë edhe më shumë ankthin për të ardhmen.

Tri javë më parë shumë prej nesh u mërzitën shumë ngaqë ndeshjet e futbollit nisën të zhvillohen pa tifozë. Pas një jave jo pak u shqetësuan që në fillim ndeshjet dhe pastaj me radhë kampionatet nisën të pezullohen. Ndërsa sot mund të kenë ngelur shumë pak njerëz në botë që janë ende të merakosur nga perspektiva e zymtë e futbollit. Natyrisht, përveç lojtarëve, trajnerëve, arbitrave, menaxherëve etj, që e kanë jetën të lidhur drejtpërdrejt me këtë industri.

Do të mjaftonte vetëm ky shembull për të kuptuar se jemi realisht në luftë dhe se kjo nuk është thjesht një metaforë për të na sensibilizuar që ta marrim seriozisht koronavirusin. Mirëpo historia na ka mësuar se lufta ka ligje të tjera, të cilat jo domosdoshmërisht ka nevojë të shkruhen.

Njerëzimi i ka hequr në kurriz me qindra herë, por të paktën në dy raste në mënyrë masive gjatë shekullit të kaluar. Dhe sa herë që ka ndodhur, shoqëritë janë përshtatur, duke nisur që nga shtetet më të mëdha, e deri tek ndividët më të thjeshtë.

Ata që në kohë paqeje shisnin traktorë, gjatë luftës filluan të prodhonin tanke, ata që merreshin me enë kuzhine, nisën të fabrikonin fishekë dhe predha, ndërsa shtëpitë e modës i lanë mënjanë veshjet estravagante dhe u turrën të qepin uniformat ushtarake.

Duhet ta kuptojmë një herë e mirë që lufta i ndryshon në mënyrë drastike prioritetet e shteteve dhe të njerëzve dhe se kjo nuk vlen vetëm për kohën, që ajo zhvillohet, duke pasur armikun përballë, por edhe gjatë fazës së rehabilitimit, e cila vjen pas fitores. Sot shëtitjet buzë detit, baret dhe pub-et e të shtunës, udhëtimet e zakonshme jashtë qytetit në fundjavë, ndeshjet e Champions League, koncertet e të famshmëve në stadiume, tubimet për të drejtat e kafshëve e shumë të tjera si këto tingëllojnë si shaka pa kripë dhe jo si ngjarje normale të dikur përditshmërisë sonë të tronditur.

Puna është se shumë prej këtyre zakoneve tona mund të jenë goditur aq fort, sa edhe pas luftës mund të mos kenë më për një kohë të gjatë të njëjtën rëndësi. Dhe gjithë sekreti është si të nisim të mendojmë që tani për atë që na pret nesër nesër.

Për shkak se bota është kapur e papërgatitur, për fat të keq, ka pasur kudo një ngathtësi të frikshme për t’u përshtatur, që nis nga shtetet më të fuqishme dhe përfundon tek personazhet më të famshëm të planetit. Dhe ta mendosh se gjithçka është rrokullisur në vetëm tre muaj.

Ata që na thonë më shumë se të tjerët që jemi në luftë, duhet të na e tregojnë në radhë të parë se po bëjnë gjënë e duhur që ajo të mbarojë sa më shpejt dhe me sa më pak kosto. A janë duke u përshtatur sa duhet qeveritë, organizatat ndërkombëtare, agjencitë, bankat, gjigandët e biznesit dhe të industrisë, mediat dhe të tjerët, në radhë të parë me rrethanat e luftës, dhe pastaj me atë që na pret pas përfundimit të saj?

LEXO EDHE:  Papa Francesku mban meshën online/ Mesazhe për të prekurit me koronavirus

LEXO EDHE:  Qytetarët kryqëzojnë Bashën: Tradhtar, nuk ke lidhje me PD-në

Vështirë shumë të thuhet, ndonëse tani nuk ka shumë mundësi për t’u ndalur gjatë në analiza, sa kohë që armikun e kemi ende tek dera. Por që të jemi ushtarë të bindur të kësaj lufte, na duhen patjetër prova se edhe komandantët i kemi njësoj të përgatitur. Është shumë e vështirë të pranosh se gjithçka është nën kontroll, kur të thonë se është vënë një dispozicion vetëm një paketë masash, të cilat do të na mundësojnë të mos vdesim për bukë për një farë kohe. Ndërkohë ne sot kemi nevojë që i gjithë buxheti dhe çdo gjë tjetër që ka një shtet apo qeveri në dispozicion të jetë në funksion të luftës dhe të asaj që vjen mbrapa. Sepse, po aq sa rrezikohet mbijetesa në kushtet e luftës, aq vihet në pikëpyetje edhe vazhdimi i jetës më vonë.

Qofsha i gabuar, por unë mendoj se kjo është një sfidë më e madhe dhe me e ashpër se dy luftërat e fundit botërore. Dhe ky nuk është një perceptim që vjen nga paniku, të cilin, falë Zotit, nuk e ndjej ende. Sepse ajo mund të mos i ketë aq të shumta viktimat, nëse do të fitohet shpejt, por është e sigurt se do t’i ketë më të rënda pasojat.

Sepse është e para herë në histori që e gjithë bota po fiket njëkohësisht, pa e ditur askush me saktësi se kur do të ristartojë. Ndryshe, nga të gjitha rastet e ndodhura më parë. Gjatë luftërave botërore ka pasur hapësira të pamata me miliarda njerëz, që nuk kanë shkrepur asnjë pushkë dhe vazhdimi normal i jetës në ato vende ka qenë një garanci e madhe për ata që përgjakeshin me njëri-tjetrin, se pasojat e luftës do të kapërceheshin shpejt. Sot kjo garanci nuk ekziston, prandaj edhe bota po e vuan më shumë se çdo herë tjetër.

Por përtej kësaj, nuk ka asnjë dyshim se njerëzimi do ta fitojë këtë luftë dhe jeta do të triumfojë. Sfida është që gjithkush duhet të përshtatet pa humbur kohë me rrethanat e reja të luftës dhe me paqen, që do të vijë pas saj, duke u përgatitur që tani se shumëçka nuk do të jetë më si parë. Në radhë të parë, për ta pasur më të lehtë luftën, por edhe për të nisur që tani punën për rindërtimin, kur çlirimi të arrihet.

Merita është ta bësh sa më shpejt e të mos jesh në radhën e parë të atyre që do të kenë më shumë dëme apo viktima. Dhe kjo vlen, si për qeveritë, që nuk kanë pse presin apo ndjekin domosdoshmërisht njëra-tjetrën, ashtu edhe me çdo aktor tjetër, që nga kompanitë e bankat shumëkombëshe, e deri tek individët më të varfër dhe më të pambrojtur, kudo në botë.

Të parët që do ta fitojnë betejën e njëkohshme me armikun dhe me paqen e panjohur do të jenë ata që këtë ndalesë të papritur të botës do ta konsiderojnë si një mundësi për t’i bërë një remont kapital projekteve të tyre për vijimin e jetës.

LEXO TE PLOTE