Në një kohë kur gjithë bota është duke luftuar me koronavirusin që ka marrë mijëra jetë, telefonatat dhe videot në WhatsApp janë dyfishuar, përtej pikut tradicional vjetor të natës së Vitit të Ri.

Themeluesi Mark Zuckerberg ka dekalruar se për momentin situata nuk është jashtë kontrollit.

“Me të vërtetë duhet të sigurohemi që të kemi një infrastrukturë për këtë situate. Ne do të sigurojmë nivelin e shërbimit për njerëzit që kanë nevojë në një kohë si kjo”, theksoi Mark Zuckerberg në një video-konferencë në lidhje me shërbimet e mbingarkesës pas epidemisë së koronavirusit./CNA.al

Ministria për Evropën dhe Punët e Jashtme informon të gjithë qytetarët shqiptarë që ndodhen në Hungari , që për arsye të situatës së krijuar nga virusi COVID-19, të aplikojnë online për zgjatjen e statusit të tyre të qëndrimit, para përfundimit të tij.

“Ministria për Evropën dhe Punët e Jashtme informon të gjithë shtetasit shqiptarë që ndodhen aktualisht në Hungari, me një vizë të vlefshme apo që e kanë të pamundur të largohen nga zona Schengen brenda periudhës 90 ditore, për shkak të rrethanave që nuk varen nga ata, se mund të aplikojnë për zgjatjen e vizës së tipit C pranë autoriteteve hungareze.

Qytetarët shqiptarë të cilëve tashmë u ka skaduar viza dhe që e kanë pasur të pamundur të udhëtojnë jashtë vendit për shkak të kufizimeve, mund të paraqesin kërkesën e tyre për zgjatjen e vizës pranë Drejtorisë së Përgjithshme të Policisë për të Huajt në Hungari.

Ju mund të kontaktoni me autoritetet hungareze, si dhe të informoheni në lidhje me pandeminë e koronavirusit dhe si ndikon kjo situatë në procedurat e zgjatjes së qëndrimit”/CNA.al

Autoriteti Kombëtar i Ushqimit kërkon në mënyrë rigoroze zbatimin dhe forcimin e masave për ndalimin e përhapjes së Koronavirusit.

Së fundmi AKU i’u bën thirrje të gjithë subjekteve që tregtojnë fruta-perime të ndërmarrin në mënyrë të menjëhershme këto masa:

Të gjitha produktet fruta-perime duhet të jenë të mbuluara me qese plasmasi të tejdukshme në mënyrë që të shmanget kontakti me spërklat e mundshme gjatë të folurës apo tështitjes së personave,
Të gjithë shitësit por edhe konsumatorët të shmangin prekjen e drejtpërdrejtë me dorë të produktit.

Zgjedhja dhe blerja e tyre do të bëhet vetëm nëpërmjet dorashkave njëpërdorimshe ose qeseve që shërbejnë për mbajtjen e produktit.

Theksojmë se këto masa vijnë si rrjedhojë dhe nevojë e forcimit të mëtejshëm të masave të mëparshme të ndërmarra nga AKU, me qëllimin e vetëm mbrojtjen e shëndetit dhe jetës së të gjithë konsumatorëve./CNA.al