Connect with Us

Shkon në 123 numri i personave të prekur nga koronavirusi në Shqipëri

Sociale

Shkon në 123 numri i personave të prekur nga koronavirusi në Shqipëri

Publikuar

-

Ministria e Shëndetësisë bën të ditur se numri i personave të prekur nga koronavirusi në vendin tonë ka arritur në 123.

Specialistja e sëmundjeve infektive në ISHP, Eugena Tomini  deklaroi sot se në 24 orët e fundit janë konfirmuar 19 raste të reja me COVID-19 dhe janë kryer 74 testime.

“Deri në këto momente testuar 930 janë raste të dyshuara dhe prej tyre janë të konfirmuar pozitivë me COVID-19, 123 numrin e të prekurve.
Në 24 orët e fundit ka ndërruar jetë një pacient i shtruar prej 13 ditësh në spitalin infektiv, 49 vjeç nga Tirana. Pavarësisht përpjekjeve të ekipit mjekësor të spitalit Infektiv, 49 vjecari arriti të mbijetojë. I ndjeri vuante nga diabeti mellitus dhe ishte prej 10 ditësh në terapi intensive. Ministria e Shëndetëisë dhe Mbrojtjes Sociale i shpreh ngushëllimet e sinqerta familjes së të ndjerit. Ju informojmë se, deri në këto momente kanë humbur jetën 5 persona të prekur nga COVID-19.
Por lajm i mirë është se 10 qytetarë deri në këto momente janë shëruar (të shtruar dhe të vetëizoluar) pas dy testeve të kryera. Por ata duhet të qëndrojnë në vetëkarantinim për 14 ditë.
Harta e të prekurve nga COVID-19 eshte shtrirë tashmë edhe në Lezhë, Has dhe Berat dhe zgjerohet në Tiranë, Korçë, Fier, përveç rasteve të zbuluar për të cilat po kryhet hetimi epidemiologjik dhe ku po punohet me shumë intesitet nga epidemiologët për gjurmimin e kontakteve të rasteve pozitive dhe ndërprerjen e transmetimit të infeksionit.

Ndërsa shpërndarja gjeografike e rasteve pozitive, është si vijon:

•Tiranë            72 qytetarë
•Durrës             8 qytetarë
•Lushnje     4 qytetarë
•Elbasan     2 qytetarë
•Fier        12 qytetarë
•Rrogozhinë     2 qytetarë
•Kavajë            4 qytetarë
•Korcë              9 qytetarë
•Vlorë              4 qytetarë
•Shkodër          2 qytetarë
•Lezhe             1 qytetarë
•Berat              1 qytetarë
•Has                 2 qytetarë

Ju informojmë se në spitalin Infektiv ndodhen aktualisht  57 pacientë të shtruar, 2 prej tyre janë në terapi intensive. Ndërsa pjesa tjetër e të shtruarve në pavion janë në gjendje të stabilizuar deri në këto momente.
Ministria e Shëndetësisë dhe Mbrojtjes Sociale i drejtohet edhe një herë me një lutje qytetarëve: Mos shkoni menjëherë në spital!
Ministria ka vënë në dispozicion një linjë të gjelbër FALAS 0800 40 40 për çdo qytetar që kërkon informacon apo këshilla në lidhje me COVID-19. Kjo linjë do të shërbejë edhe për pacientët kronikë që të marrin informacion se si të lidhen me mjekun e familjes, se si mund të përfitojnë barnat me rimbursim dhe për cdo shqetësim tjetër që ata kanë.
Por është e rëndësishme të sqarohet se: Nëse qytetarët kanë shenja të sëmundjes dhe për rastet e urgjencave duhet të telefonohet numri unik i urgjencës kombëtare 127!”-tha Tomini.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Si të mbroni veten nga COVID-19?

Publikuar

-

Nga

Qëndroni në shtëpi dhe dilni vetëm për medikamente ose nevoja ushqimore.

Lani shpesh duart me ujë dhe sapun ose pastrojini ato duke i fërkuar me pastrues me bazë alkooli;

Kur kolliteni apo teshtini, mbuloni gojën dhe hundën me gropëzën e bërrylit ose shami letre. Hidheni menjëherë shaminë e letrës në koshin e plehrave dhe pastaj lani duart;

Mënjanoni kontaktet e ngushta me këdo që ka temperaturë dhe kollë;

Mbani një distancë të caktuar, dy metër nga njerëzit e tjerë, veçanërisht kur kolliten ose teshtijnë ose nëse kanë ethe, sepse virusi gjendet në spërklat e pështymës dhe mund të transmetohet nëpërmjet frymëmarrjes në distancë të afërt.

LEXO TE PLOTE

Sociale

“Si të kurojmë koronavirusin me trajtime bimore”/ Mjeku popullor këshilla për qytetarët

Publikuar

-

Nga

Mjeku popullor Ylli Merja ka dhënë trajtimet bimore që mund t’i bëhet koronavirusit në kushte shtëpiake.

Në një lidhje live për emisionin “Vila 24”, Merja tha se masazhi me raki dhe me paracetamol, avulli nga rakia e bashkuar me hudhrën dhe e nxehur në petrogaz apo ponçi i krijuar në kushte shtëpiake janë mënyra të shkëlqyera fillestare për të trajtuar personat me COVID-19 apo ç’do virozë tjetër.

Mjeku thotë se koronavirusi godet më shumë mushkëritë dhe aty është problemi kryesor dhe me trajtime bimore dhe shtëpiake duhen larguar qelizat virale dhe parazitët për të ndihmuar organet.

Po ashtu ai i jep përgjigje edhe pyetjeve të atyre që kanë sëmundje të tjera që preken nga koronavirusi duke këshilluar përdorimin e rigonit, hidrave etj.

“Duke ditur që viruset kanë ato trajtimet bimore. Periudha po kristalizohet dhe jemi në një rrugë për ta minimizuar dhe amplituda e tij të jetë në nivele të ulëta.

Edhe atëhere nuk ju dhashë kot që kemi aq profesionalizëm sa njerëzt me koronavirus t’ju japim ndihmën.

Nëse kemi një person të prekur nga viroza, ç’rëndësi ka, një grip. Fillimisht e masazhojmë në një temperaturë mbi 45 gradë dhe trupi mund të masazhohet me raki apo paracetamol të shtypur në të.

Pas 15- 30 minutash e mbështjellim me rroba që të nxisim nxehtësinë dhe përgatisim ponçin. Si mund të përgatisim një ponç në kushte shtëpie?

Mund të bëhet, marrim 25- 30 mililitra raki rrushi që të jetë e fortë. Hedhim 2-3 thelpi hudhra, në mënyrë që squfuri të vrasë virusin brenda. I nxehim mbi petrogaz që rakia të çlirojë avull.

Më pas së bashku rakinë dhe hudhrat vendosen mbi petrogaz. Mund ta përdorin të gjitha moshat. Të moshuarit pasi edhe vetë këta janë rezistentë më të ulët.

Hedhim 30 mililitra raki edhe një lugë çaj me sheqer. Ndërkohë dua që avujt që do të ngrihen nga ponçi i çojmë në bronke dhe alveola aty ku është dhe fronii luftës. Aty ky leukocitet, ku krijohen vatrat e imflamacionit. Mund të shtojmë edhe rigon. Nëse rigoni bëhet si çaj atëhere bëhet anti- viral i shkëlqyer.

Hedhim çajin, brenda kam edhe hudhrën. Mund të thithim avullin. E thithim në mënyrë të tillë. Vendos dorën dhe gishtat sipër, dhe thith avullin. Zgjat 4-5 minuta. Mund të kollitemi por është faza jep efektin dhe organizimi, ndihmoj organizmin.

Ponçi i bën mirë atyre me temperatura mbi 37- 37.5. Dhe më pas i sëmuri mbështillet që të djersijë.

Këto janë antibiotikë dhe antiviralë. Aty në alveola ku bëhet lufta. Ku virusi hyn në bronke, dhe shkon në alveola. Antireceptorët e viruseve tentojnë të ngacmojnë qelizat e bardha dhe të hiqen sikur janë pjesë e tyre. Në këto faza këto qeliza mbrojtëse nuk e njohin këtë lloj virusi dhe tentojnë ta fusin në brendë. Kur trupi vëren se shërohet, trupi tenton të gjejë armën si mund të vriten.

Aty ku është alveola, ajo tenton të prodhojë ujë që të mbysë virusin. Edhe këto viruset që janë futur duan të mbijetojnë në organe të tjera, më e afërta është zemra. Pra ç’orinetohet edhe zemra. Pra kjo raki jep ndikim pozitiv tek minimizimi i ndikimeve agresive dhe nxit qarkullimin e gjakut. Përbërësit antivirusalë ndikojnë nga minuti në minutë në organizëm. Lirohen hundër, djersij dhe marr frymë lirshëm. Kur rritet nxehtësia atëher organizmi vetëpastrohet.”- tha Ylli Merja.

LEXO TE PLOTE

Sociale

“Një armik i rrezikshëm po kërcënon njerëzimin”/ Ruçi mesazh të fortë qytetarëve

Publikuar

-

Nga

Edhe kryeparlamentari Gramoz Ruçi iu ka drejtuar sot një mesazh të fortë sensibilizimi qytetarëve në lidhje me respektimin e masave kundër koronavirusit.

Ruçi e cilëson Covid-19 një armik të rrezikshëm që kërcënon njerëzimin, ndërsa shpreh solidaritet me të gjithë shqiptarët “për sakrificat dhe kostot që përballojmë në betejën për mbrojtjen e jetës”.

Po ashtu, kreu i Kuvendit iu kërkon qytetarëve të zbatojnë sa më shumë masat e qeverisë, pasi sipas tij, kjo do të na shpëtojë më shpejt nga ky rrezik global.

“Të dashur qytetarë të Shqipërisë,
Motra dhe vëllezër,

Në këto ditë të vështira, kur të gjithë ne, si mbi një miliard njerëz në botë, jemi mbyllur në shtëpi, për tu mbrojtuar nga korobavirusi Covid -19, ky armik i rrezikshëm që kërcënon njerëzimin, shpreh solidaritetin me të gjithë ju, për sakrificat dhe kostot që përballojmë në betejën për mbrojtjen e jetës.

Jeta njerëzore është e drejta e vetme supreme dhe në emër të jetës së secilit prej nesh, fëmijëve, motrave, vëllezërve, prindërve, gjyshërve dhe gjithë të dashurve, le t’i kushtohemi të gjithë, me të gjitha liritë e detyrimet tona, në shërbim dhe në mbrojtje të jetës.

Sa më i madh të jetë përkushtimi, aq më e shkurtër do të jetë koha kur do të dalim e do të shpëtojmë nga ky rrezik global.

Kuvendi i Shqipërisë mbështet plotësisht masat e marra nga Qeveria dhe Kryeministri dhe vlerëson qëndrimet e Presidentit të Republikës, të institucioneve, partive politike, sipërmarrjes, shoqërisë civile e të medias që kontribojnë në këtë luftë.

Mbi të gjitha, shpreh vlerësimin dhe nderimin e Kuvendit të Shqipërisë dhe timin personal për punën dhe përpjekjet titanikë të mjekëve infeksionistë dhe specialistëve të shëndetësisë për shpëtimin e jetëve njerëzore si edhe për kontributin e jashtëzakonshëm të punonjësve të policisë dhe të forcave të armatosura për zbatimin me rigorozitet të rregullave të imonuara nga kjo situatë lufte.

Le të zbatojmë të gjithë me disiplinën jetësore, individuale, familjare e komunitare maksimale kufizimet e pashmangshme që na detyron mbrojtja e jetës së secilit dhe e të tjerëve.

Në emër të këtij qëllimi tē lartë, Kuvendi do të miratojë aktet normative dhe masat e marra nga Qeveria, puna për të cilat ka filluar.

Deputetët e Kuvendit, duke respektuar kufizimet dhe në pajtim me rregullat e vendosura, janë në komunikim të vazhdueshëm me qytetarët dhe agjencitë shtetërore dhe ndjekin me vëmendje punën e tyre.

Në përshtatje me kushtet e reja të krijuara, komisionet parlamentare do të fillojne këtë javë shqyrtimin e projekt-akteve ligjore, duke punuar online.

Të gjitha shërbimet esenciale të Kuvendit janë në punë dhe kanë përgatitur infrastrukturën e nevojshme për funksionimin e Kuvendit online, derisa të krijohen kushtet për funksionimin normal.

Kuvendi i Shqipërisë ka qenë, është dhe do të jetë në lartësinë e funksioneve e detyrave të tij, në shërbim të qytetarëve.”-thuhet në mesazhin e Gramoz Ruçit./ CNA.al

LEXO TE PLOTE