Connect with Us

Si mania e holandezëve pas tulipanëve, shkaktoi shembjen e parë të një skeme piramidale

Blog

Si mania e holandezëve pas tulipanëve, shkaktoi shembjen e parë të një skeme piramidale

Publikuar

-

Në shekullin e XVII-të, ndodhi spekulimi i parë i madh tregtar, që u pasua nga kriza e parë financiare botërore. Gjatë një periudhe disa mujore, tregtarët holandezë kishin investuar gjithnjë e më shumë para mbi lulet e tulipanit, duke besuar se këto lule ekzotike do t’i bënin të pasur.

“Ai që merr në konsideratë fitimet që arkëton çdo vit nga tulipanët e vet, beson se nuk ka një alkimi më të mirë se sa kjo lloj bujqësie”- shkroi një kronikan i shekullit XVII-të gjatë të ashtuquajturës “mani mbi tulipanët”.

Por ajo dukuri, dëshmoi të ishte shumë e rrezikshme. Pasi çmimet e tulipanëve u rritën në vitet 1630, “flluska” shpërtheu. Fiksimi pas tulipanëve, shërbeu si një paralajmërim për të gjithë tregtarët e Evropës:se pasuritë e tyre, mund të shkatërroheshin po aq shpejt sa ishin krijuar.
Tulipano-mania nisi në vitet 1500, kur turistët perëndimorë në oborrin e perandorit osman në Kostandinopojë, u habitën me tulipanët e tij. Shumë shpejt, tregtarët perëndimorë i morën me vete në Francë, prej nga ku u përhapën në Hollandë.

Hollanda e shekullit XVII-të, mburrej me një nga ekonomitë më të forta në Evropë. Amsterdami u shndërrua në një nga kryeqytetet e tregtisë në kontinent. Në vitin 1602, u hap bursa e Amsterdamit, duke krijuar edhe më shumë mundësi për të investuar në tregjet ekzotike dhe në të ardhmen.
Ana Goldgar, autore e librit “Tulipmania:Paraja, nderi dhe dijet në Epokën e Artë”, mbledhja e gjërave si të shtrenjta, sidomos ato nga rajonet ekzotike, ishte shumë në modë. Tulipanët ishin veçanërisht në modë, pasi kishte një lloj pasioni për shkencën dhe historinë e natyrës, sidomos në mesin e njerëzve që ishin të arsimuar dhe të pasur.

Pra, njerëzit që mblidhnin lule tulipani, ka të ngjarë që të kishin para, edhe për të koleksionuar sende të tjera luksoze si pikturat. Tulipanët u bënë shumë të njohur, edhe për shkak se ata bartnin elementin e befasisë:nuk kishte asnjë garanci se një filiz do të çelte me ngjyra të forta. “Askush nuk e dinte realisht se çfarë do të ndodhte me tulipanët që kishin. Njerëzve u pëlqente fakti se këto lule ndryshonin vazhdimisht formën”- thotë Goldgar.
Për pasojë, tregtarët dhe zejtarët e pasur, nisën të kenë në vitet 1630 një dëshirë të pangopur për tulipanë. Në vitin 1636, kërkesa për tulipanë u ndërpre. Ishte ende dimër, dhe zhardhokët e mbjellë kishin ngecur nën tokën e ngrirë. Në tavernat e Amsterdamit, tregtarët premtonin të blinin zhardhokë të rinj tulipani sapo të vinte pranvera, duke shkaktuar një rritje të madhe të çmimeve në treg.

Mania e tulipanëve, shpërtheu në fillim të vitit 1637. Çmimet u rritën 1 mijë herë më 31 dhjetor 1636, kur tregtarët hollandezë e shitën një zhardhok tulipani për 125 gilde (monedha e vjetër holandeze) ose 1 paund britanik. Por pak më shumë se një muaj më vonë, më 3 shkurt 1637, i njëjti tulipan shitej 1.500 gilde.
“Fqinjët dukej se flisnin me fqinjët; kolegët me kolegët; pronarët e dyqaneve, shitësit e librave, furrtarët dhe mjekët fliisnin me klientët e tyre, dhe kjo krijoi idenë e një komuniteti të përfshirë nga ethet e fitimeve të mëdha”-shkruan Goldgar.
Çmimi i tulipanëve u rrit shumë, bazuar në besimin se lulet do të shiteshin shumë më tepër në pranverë kur edhe të çelnin. Një tregtar kërkoi 5.200 gilde për një zhardhok të veçantë tulipani – sa çmimi i një shtëpie të kohës – në një kohë kur edhe zejtarët më të aftë, arrinin të fitonin në vit rreth 300 gilde.
Pra një zejtari do t’i duhej më shumë se 17 vjet, për t’i lejuar vetes të blinte një zhardhok tulipani. Por shumë javë përpara së të vinte pranvera, “flluska” e tulipanëve shpërtheu. Pse ndodhi kjo? Disa studiues spekulojnë, se kriza nisi kur tregtarët kuptuan sesa spekulant ishte
ky treg.

LEXO EDHE:  Pse “truri” i NATO-s nuk ka vdekur ende

Studiues të tjerë, flasin për një moment më specifik. Gjatë një ankandi tulipanësh në Haarlem më 3 shkurt 1637, nuk u zhit asnjë zhardhok i vetëm. Blerësit u bindën se tulipanët ishin mbiçmuar, dhe çmimet ranë befas në mënyrë drastike. Në atë kohë, predikuesit fetarë, kritikonin tregtarët spekulantë, dhe u bënin thirrje njerëzve të mos binin pre e premtimeve të gënjeshtërta për pasurim të shpjetë.
Financieri Gordon Geko, e etiketoi maninë mbi tulipanët si “historinë më të madhe spekulative të të gjitha kohërave”. Por shumë historianë, e kundërshtojnë këtë gjë. Në fakt, miti i manisë së tulipanëve, ngjan shpesh i ekzagjeruar. Edhe pse quhet “mania e tulipanëve”, i gjithë vendi në tërësi nuk i ndjeu pasojat negative.

Goldgar pohoi se vetëm disa holandezë super të pasur, që ishin të përfshirë në tregti u dëmtuan, por jo aq shumë. “Në fakt, unë nuk kam gjetur gjatë studimeve të mia ndonjë tregtar që falimentoi plotësisht, për shkak të manisë ndaj tulipanëve”-thotë ajo.
Meqë shumë blerës nuk paguanin kurrë për çmimin e kërkuar, shumë pak prej tyre falimentuan. Nëse pati nga ata që u dëmtuan, këta ishin kultivuesit e tulipanëve. Në prillin e vitit 1637, qeveria anuloi të gjitha kontratat mbi blerjen e tulipanëve. Për pasojë, kultivuesit nuk morën kurrë paratë që u kishin premtuar atyre blerësve.

Po si lindi miti i “manisë së tulipanëve”? Shumë nga studiuesit, bëjnë përgjegjës shkrimtarin skocez të shekullit XIX, Çarls Makej, që shkroi një histori dramatike mbi tulipano-maninë.
Sipas Makej, kur shpërtheu “flluska” ekonomia holandeze u shkatërrua, dhe shumë investitorë holandezë vranë veten duke u mbytur në kanalet e shumta të Amsterdamit. Edhe nëse nuk ka qenë aq dramatike sa kanë menduar disa, historia e bumit të tulipanëve, përbën një leksion shumë të vlefshëm për ekonominë.

Edhe nëse askush nga tregtarët nuk u vetëvra, ajo përvojë shërbeu si një paralajmërim për investitorët e ardhshëm në lidhje me natyrën e tregut. Tek e fundit, rrënimi i tregut të tulipanëve, u pasua nga shpërthime të tjera “flluskash”:Flluska e Detit të Jugut në vitet 1720, “flluska” e linjave hekurudhore e viteve 1840, dhe kriza e viteve 1920.
Në retrospektivë, çdo flluskë spekulative duket e pakuptimtë. E përse tregtarët holandezët do të investonin pasuritë e tyre në diçka aq delikate sa një lule? Gjithsesi, modeli përsëritet gjatë historisë, dhe zbulon rolin që luan besimi tek tregjet, dhe koston e humbjes së besimit mbi një produkt të vlefshëm./Përshtatur nga CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Blog

Enigmatike, spiune, biseksuale/ Kush ishte aktorja e famshme suedeze Greta Garbo

Publikuar

-

Nga

Greta Garbo e arriti kulmin e famës së saj në kinemanë e viteve 1920-1930, duke u vlerësuar për rolet e saj në filmat si “The Torrent” (1926), “Anna Christie” (1930), Mata Hari (1931), “Grand Hotel” (1932), “Anna Karenina” (1935), dhe “Camille” (1936).

Sytë tejet shprehës, aktrimi elegant, dhe bukuria sensuale e Garbos, magjepsën spektatorët dhe kritikët. Ndërkohë natyra e saj e fshehtë dhe e tërhequr jashtë ekranit, vetëm sa ia shtoi mistikën. Ja çfarë mund të mos dini mbi divën e kinemasë botërore.

Emri i vërtetë ishte Greta Lovisa Gustafson

E lindur në Suedi më 18 shtator 1905, Greta jetonte në varfëri me prindërit e saj dhe 2 vëllezërit dhe motrat më të mëdha. Kur ishte 14-vjeçe, i ati ndërroi jetë, dhe ajo filloi të punonte në një dyqan veshjesh. Në vitin 1924, pasi fitoi një bursë studimi për aktrim në Teatrin Dramatik Mbretëror, Greta luajti në filmin pa zë “Saga e Gosta Berlingut”. Duke ndjekur këshillën e drejtorit të teatrit, Moris Stiler, ajo e ndryshoi mbiemrin e saj në Garbo.

Kompania kinematografike amerikane “Metro Gold Mayer”, nuk donte që spektatori të dëgjonte anglishten e saj me theks të rëndë suedez

Kur mbërriti në SHBA në vitin 1925, Garbo nuk dinte asnjë fjalë anglisht. Ndonëse më në fund e mësoi gjuhën, theksi i saj i rëndë dhe zëri i saj i trashë, bëri që drejtuesit e “MGM” të hezitonin ta kalonin nga një aktore e filmave pa zë, tek filmat me zë. Gjithsesi në vitin 1930, ajo u shfaq tek “Anna Christie”, filmi i saj i parë me zë, që rezultoi një sukses i madh. Garbo u nominua për Çmimin e Akademisë së Aktores më të Mirë.

U quajt “Sfinksi Suedez” për shkak të personalitetit të saj enigmatik

Ndonëse Garbo ishte një yll i kinemasë botërore, ajo u distancua nga media, fansat dhe ngjarjet në Hollivud. “Sfinksi Suedez” e shmangu gati tërësisht prezencën në media,

dhe dha gjithsej vetëm disa intervista për gazetarët. Në vitin 1927, ajo deklaroi në njërën prej tyre:

”Kur isha e vogël, për aq sa më kujtohet, doja të rrija vetëm. Unë i urrej turmat… nuk më pëlqejnë ambientet me shumë njerëz”. Më vonë gjatë jetës, për të ruajtur privatësinë e saj Garbo përdorte pseudonime të ndryshme, dhe blinte gjithmonë disa bileta në avion dhe teatër, për të mos pasur njerëz pranë.



Mund të ketë punuar si spiune gjatë Luftës së Dytë Botërore.

LEXO EDHE:  Sa astronautë kanë vdekur deri më sot në hapësirë?

LEXO EDHE:  Kush ishte gruaja e Hitlerit, Eva Braun/ Si e ushtroi pushtetin e saj në prapaskenë

Në filma, ajo luajti rolin e një spiuneje ruse dhe Mata Harit (një balerinë holandeze, që u ekzekutua për spiunazh gjatë Luftës së Parë Botërore). Por edhe në jetën reale, Garbo thuhet se mblodhi informacione mbi simpatizantët e nazizmit në Suedi për llogari të shërbim sekret britanik.

Thuhet se ajo përçonte mesazhet që shkëmbeheshin rregullisht midis agjentëve britanikë dhe mbretit të Suedisë. Garbo u thoshte miqve të saj se dëshironte të takonte një ditë Adolf Hitlerin, i cili i kishte dërguar asaj një letër si një admirues, pasi në këtë mënyrë ajo mund ta vriste atë me një armë të fshehur në çantë.

U tërhoq nga aktrimi në mesin e të 30-ave

Me tre nominime “Academy Aëard” dhe shumë filma të suksesshëm, Garbo doli në pension që në vitin 1941, pas rolit të saj romantik në një film komedi. Edhe pse ishte vetëm 36-vjeçe, Garbo mendoi të bënte një lloj shkëputje nga aktrimi, por më pas nuk u shfaq më në ekran. Shumë kohë më vonë i tha një mikeshës së saj:”Mos më pyet kurrë për filmat… dhe sidomos mbi arsyen pse e braktisa aktrimin”.

Mbi seksualitetin e saj debatohet ende

Për dekada, studiuesit e filmit dhe biografët, kanë spekuluar në lidhje me seksualitetin e Greta Garbos. Megjithëse nuk u martua kurrë, Garbo mendohej se kishte marrëdhënie me burra dhe gra, përfshirë bashkë-protagonistin e saj të shpeshtë në filmat e saj, Xhon Xhilbert, për të cilin ajo dyshohet se e braktisi në altar. Një numër grash, pohuan më vonë se kishin pasur marrëdhënie romantike me Garbon, e cila e përshkruante zakonisht veten si “beqare”.

Fytyra e saj është në kartmonedhën 100-krona të Suedisë

Duke filluar nga viti 2015, banka kombëtare suedeze nisi emetimin e një serie kartmonedhash të ridizenjuara, që paraqesin figura të rëndësishme në historinë e Suedisë, përfshirë autoren e librit “Pipi Çorapegjata”, Astrid Lindgren. Ndërkohë kartëmonedha prej 100 kronash, ka në qendër pikurisht aktoren e madhe Greta Garbo./ mentalfloss.com–Përshtatur nga CNA.al

LEXO TE PLOTE

Blog

Çelësi i fitores së Trumpit/ Ai beson tek Amerika, demokratët jo

Publikuar

-

Nga

Çelësi i fitores së Trumpit/ Ai beson tek Amerika, demokratët jo

Nga Dick Morris “Newsmax”

Konventa Kombëtare e Partisë Demokratike, i dha mundësinë fushatës së Donald Trumpit për të pasur në fokus një temë qendrore:Besimi tek Amerika. Pesimizmi i skajshëm, që buronte nga çdo portal mbi Konventën e Demokratëve, krijon një kontrast të dukshëm midis dy kandidatëve dhe partive të tyre.

Optimizmi kundrejt pesimizmit, domethënë, besimi tek Amerika përkundrejt dyshimit mbi Amerikën. Demokratët besojnë se koronavirusi mund të na “pushtojë”. Republikanët besojnë se ne do ta pushtojmë dhe mposhtim koronavirusin.

Demokratët parashikojnë në rastin më të mirë një ekonomi të lëkundur, dhe në rastin më të keq një recesion të stërzgjatur. Por republikanët besojnë se rikuperimi i vazhdueshëm ekonomik do të vazhdojë, dhe nëse Trump fiton, ai do të përshpejtohet.

Demokratët besojnë se Irani është një regjim që ka dalë nga binarët, dhe se Lindja e Mesme mund të zhytet në një tjetër luftë. Republikanët besojnë se sanksionet tona e kanë gjymtuar rëndë ekonominë e Iranit, dhe se vetëm shpresa e një fitoreje të Bajdenit, është ajo që i mban në pushtet mullahët atje.

Ndërkohë, republikanët besojnë se marrëveshjet e fundit të paqes në Lindjen e Mesme, kanë krijuar një koalicion të madh anti-Iran me Izraelin, Egjiptin, Arabinë Saudite dhe shtetet e tjera të Gjirit kundër Iranit, dhe se këto shtete janë angazhuar të ndërpresin financimet ndaj Hamasit.

Kështu shtabi elektoral i Trump duhet t’u thotë demokratëve:”Si mund ta drejtoni ju një vend, kur nuk besoni tek e ardhmja e tij?”. Republikanët duhet të përgjigjen duke besuar tek motoja:”Beso tek Amerika, dhe bëje atë sërish madhështore!”.



Shtabi elektoral i Bajden, do të preferonte ta shndërronte garën presidenciale në një referendum personal mbi stilin, temperamentin dhe personalitetin e Donald Trump. Por në fakt zgjedhjet do të sillen në mënyrë të pashmangshme rreth punës faktike të Trump, dhe asaj që ajo do të thotë për të ardhmen e kombit tonë.

LEXO EDHE:  A mund të bashkëjetojmë me komunistët e Azisë?

LEXO EDHE:  Historiani rus: Lenini vdiq i helmuar nga Stalini

Strategjia e demokratëve, është të hedhin baltë ndaj Trumpin me një seri akuzash sugjestionuese të marra nga një mori librash të botuar së fundmi, për ta mbajtur presidentin nën një gjendje të përhershme irritimi. Por duke i bërë jehonë një mesazhi optimizmi, shtabi i Trump mund ta ndalë atë irritim.

Shumë nga figurat e njohura republikane, por edhe spotet publicitare të fushatës së Trump, po e vënë theksin tek disa të meta thelbësore të Bajdenit:shëndeti i tij i dobët fizik dhe mendor, agjenda e tij radikale, mënyra se si ai është marrë peng nga e majta radikale, dhe dështimi i tij për të frenuar mbështetësit e tij nga sulmet kundër policisë.

Ka ardhur koha të fokusohemi tek një mesazh i thjeshtë:Ne republikanët besojmë tek Amerika, ndërsa demokratët jo. Ne besojmë se do ta mposhtim koronavirusin, do të rindërtojmë ekonominë tonë, do të hapim vende të reja pune, do sjellim të ardhura në rritje për pakicat, për t’iu kundërvënë narrativës së padrejtësisë sociale të demokratëve.

Dhe statistikat vërtetojnë se kemi të drejtë:Rastet e reja me Covid-19, kanë rënë nga nga 75.821 më 17 korrik në 34.364 më 15 shtator. Numri i vdekjeve ditore, ka rënë nga 2701 më 6 maj në vetëm 1067 në 15 shtator.

Vende pune të reja të krijuara gjatë 4 muajve të fundit:10.6 milionë. Spotet e fushatës së Trumpit, duhet t’i citojnë këto statistika (dhe shifrat sipas shteteve të veçanta). Kur i shndërrojmë pesimistët në optimistë, ne i kalojmë votuesit amerikanë nga Bajden tek Trumpi. Dhe sigurisht, kur të mbërrijë vaksina, do të marrë fund edhe pandemia./ Përshtatur nga CNA.al

LEXO TE PLOTE

Blog

Jo, rusët nuk do ta fitojnë garën e vaksinave kundër koronavirusit

Publikuar

-

Nga

Nga Anastasia Rusanova “The American Conservative”

* Pavarësisht shumë kritikëve, presidenti amerikan Donald Trump ka paralajmëruar zhvillimin e mundshëm të një vaksine amerikane kundër koronavirusit deri në Ditën e Zgjedhjeve. Ndërsa disa thonë se kjo është e pamundur, të tjerët shpresojnë për një fund të afërt të terrorit që ka përhapur pandemia aktuale.

Por a është e mundur që gara kundër Covid-19 të ketë tashmë një fitues në Rusi? Kur është fjala për testimin e vaksinave, Amerika duket se është shumë hapa pas rusëve. Vaksinat amerikane kundër Covid-19 hynë në fazën e tretë të testimit mbi një numër të madh njerëzish më 27 korrik.

Ndërkohë Rusia deklaroi pak kohë më parë fundin e periudhës së testimit të vaksinave të saj, shpalli planet për të nisur vaksinimin mbarëkombëtar në fillim të muajit tetor. Por shumë njerëz janë të shqetësuar, dhe kanë plotësisht të drejtë.

Metodologjia dhe siguria e testimeve ruse ka pasur shumë probleme. Por kjo nuk e ka penguar Rusinë të njoftojë se do të nisë brenda këtij muaji vaksinimin e rusëve që janë më të rrezikuar nga koronavirusi. Besueshmëria e çdo rezultati nga testet e kryera, do të jetë e dobët në rastin më të mirë.

Pra me turra-vrapin e saj për ta fituar garën globale të vaksinave, qeveria ruse mund të vaksinojë qytetarët e saj me një vaksinë të tipit placebo që nuk do të funksionojë. Sipas Organizatës Botërore të Shëndetësisë, 34 vaksina kandidate nga e gjithë bota janë ende në fazën e testimeve që prej datës 8 shtator.

Vetëm 8 prej tyre kanë hyrë në testimet e fazës së tretë tek njerëzit, që është edhe mënyra më e besueshme për të përcaktuar efektivitetin e një vaksine. Sipas OBSH-së, lista përmban vetëm një vaksinë ruse.

Ajo u zhvillua nga Qendra Kombëtare e Kërkimit e Epidemiologjisë dhe Mikrobiologjisë Gamaleja. Edhe pse sapo ka hyrë në fazën  e tretë, rusët shpallën që në gusht zhvillimin e vaksinës së parë të aprovuar në botë kundër koronavirusit për përdorim të gjerë publik, pra para se të kishin përfunduar testimet e fazës së tretë.

I gjithë ky nxitim ka pak të bëjë me sigurinë e popullatës ruse, dhe më shumë me fitimin e garës globale për një vaksinë kundër koronavirusit. Prej disa muajsh, mediat shtetërore ruse kanë transmetuar në mënyrë aktive idenë e udhëheqjes ruse në këtë garë.

Është e njëjta propagandë që lulëzoi dikur gjatë garës hapësinore të epokës së viteve 1960. “Ngjan me momentin e lëshimit të satelitit. Amerikanët u habitën kur dëgjuan sinjalin satelitor. E njëjta gjë është e vërtetë edhe për këtë vaksinë. Rusia do të jetë e para në këtë garë”-tha Kiril Dimitriev, drejtori i përgjithshëm i Fondit Rus të Investimeve Direkte (RDIF).



Në qershor, Vladimir Putin kritikoi Shtetet e Bashkuara se kishin dështuar të reagonin si duhet ndaj krizës Covid-19, duke e krahasuar paaftësinë e SHBA-së me suksesin e pretenduar të Rusisë në frenimin e përhapjes së virusit në territorin e vet.

LEXO EDHE:  Kush ishte gruaja e Hitlerit, Eva Braun/ Si e ushtroi pushtetin e saj në prapaskenë

LEXO EDHE:  Kush ishte gruaja e Hitlerit, Eva Braun/ Si e ushtroi pushtetin e saj në prapaskenë

Të qenit e para në prodhimin e vaksinës, është një vazhdim logjik i narratives së udhëheqjes ruse. Por mungesa e të dhënave të besueshme mbi sigurinë dhe efikasitetin e vaksinës ruse është shumë shqetësuese.

“Sigurisht, është e mundur të krijohet prototipi i një vaksine gjatë një periudhe kaq të shkurtër kohe”- tha Vitali Zverev, kreu i departamentit të teknologjisë molekulare në Institutin e Vaksinave Meçnikov në Moskë. “Por është e pamundur që ato të testohen siç duhet… Disa gjëra thjesht nuk mund të përshpejtohen”- theksoi ai.

Ministria ruse e Shëndetësisë, lejoi kryerjen e 2 prova klinike për 2 variantet e vaksinës Gamaleja. E para u krye në Spitalin Ushtarak Burdenko më 19 qershor. Ndërsa vaksina e dytë iu bë vullnetarëve në Universitetin e Parë Shtetëror të Mjekësisë Seçenov në Moskë. Mostra e testimit për të dyja testet ishte jashtëzakonisht i vogël:76 ushtarë vullnetarë u vaksina gjithsej (38 për secilin studim).

Pasi u vaksinuan, pacientëve iu kërkua të karantinoheshin në spital për 28 ditë, e njëjta periudhë kohore gjatë së cilës po testohen vullnetarët në SHBA. Të gjithë pacientët dolën nga spitali me imunitet dhe pa efekte anësore. Por kjo nuk tregon  shumë.

Vetëm një testimi i rastësishëm mund të eleminojë paragjykimet të cilat çojnë në një vlerësim të pasaktë të efektit të vaksinës. Në SHBA, nga 30.000 vullnetarë, gjysma do të marrë një vaksinë-placebo të kripur, dhe gjysma tjetër vaksinën e vërtetë.

Ashish Jha, dekani i Shkollës së Shëndetit Publik të Universitetit Braun, ka shprehur shqetësimet e tij rreth sigurisë së vaksinës ruse. “Është vërtet shqetësuese, kur njerëzit fillojnë ta anashkalojnë procesin standard, që ne kemi për zhvillimin e vaksinave”- thotë ai.

Shumica e testeve klinike në të gjithë botën kërkojnë qindra – në mos mijëra – pacientë vullnetarë, si dhe muaj dhe madje edhe vite që të aprovohen. Edhe udhëzimi zyrtar mbi vaksinat i Ministrisë ruse të Shëndetësisë, thotë qartazi se që një vaksinë të marrë një dritën jeshile, do të duhet në teste të marrin pjesë mijëra njerëz.

Edhe nëse vaksina Gamaleja nuk është e dëmshme në vetvete, ajo sërish paraqet një kërcënim për popullin rus. Nëse qeveria ruse e vaksinon popullsinë e saj me një “placebo” jo të besueshme, teksa i bën qytetarët e saj të besojnë se janë të sigurt, pasojat e një “fitoreje” të tillë mund të jenë katastrofike./ Përshtatur nga CNA.al

LEXO TE PLOTE