Connect with Us

Pas mesazhit për Ramën/ Basha nxjerr këshilltarin dhe kërkon qeveri tranzitore

Politikë

Pas mesazhit për Ramën/ Basha nxjerr këshilltarin dhe kërkon qeveri tranzitore

Publikuar

-

Mbrëmjen e së mërkurës, në telefonin e gazetares Eni Vasili ka mbërritur një mesazh nga Lulzim Basha, ku ky i fundit i drejton një pyetje Ramës, nëse është i gatshëm që të largohet dhe t’i hapë rrugën për drejtimin e qeverisë.

Më pas Basha e mohoi dhe për më tepër dje doli edhe Vodafone me një deklaratë, ku thoshte se mesazhi është dërguar nga një platformë online.

Por, ndërkohë sot ka edhe një tjetër detaj që të çon në dyshime se mesazhi është dërguar nga vetë Basha, i cili ka nxjerrë këshilltarin të kërkojë qeveri tranzitore.

Këshilltari i Partisë Demokratike, Martin Henze, ka reaguar në një postim që Ministrja e Shëndetësisë dhe Mbrojtjes Sociale ka bërë në Tëitter, në lidhje me shërimin e dy personave të parë të prekur nga Covid-19.

LEXO EDHE:  Mbledhja e kryesisë/ Patozi: Ishte pasqyrë e degradimit të PD

Këshilltari Henze, në komentin e tij është në një linjë me mesazhin që iu dërgua Eni Vasilit.

Pasi kërkon që doktorët të mos lihen vetëm, “siç po ndodh në Itali”, Këshilltari i Lulzim Bashës kërkon një ekip ekspertësh dhe… “një qeveri tranzitore”.

Ndërkohë që në mesazhin që moderatorja Vasili tha se i vinte direkt nga Lulzim Basha, pyetej kryeministri “a largohesh ti që ta marrë unë drejtimin e qeverisë”, Henze kërkon që të largohet qeveria në mesin e kësaj krize për të krijuar një qeveri tranzitore./ CNA.al

Çfarë fshihet pas SMS-ve të Lulzim Bashës, drejtuar Eni Vasilit?

Për të rejat më të fundit behuni pjesë e grupit tonë në facebook : City News Albania
1 Koment

1 Koment

  1. arqile

    21 Mars, 2020 at 5:36 pm

    Ju te CNA jeni qelbesirat e shqiperise qe shpifni mizerje.

Komentoni

Your email address will not be published. Required fields are marked *

Politikë

“Një gënjeshtër e rrezikshme”/ PD reagon për videon e publikuar nga Rama

Publikuar

-

Nga

selia e partise demokratike tirane

Kryeministri Edi Rama ka publikuar sot një video të filmuar në Spanjë sipas tij, ku efektivët e policisë dhunojnë qytetarët që nuk i binden urdhërit për të qëndruar brenda me shkop gome.

Lidhur me këtë video ka reaguar dhe Partia Demokratike, ndërsa shkruan se kryeministri Rama është burim kryesor paniku.

Sipas tyre dhunën policore kundër opozitës në Algjeri, Rama ia prezanton si masa të Spanjës për të luftuar COVID-19, qytetarëve shqiptarë.

“Sot Edi Rama ka shpërndarë një gënjeshtër të rrezikshme për t’i trembur edhe më shumë qytetarët e Shqipërisë. Video e shpërndarë nga Edi Rama në profilin e tij zyrtar në facebook është mashtrim, sepse ajo është shkëputur nga një protestë antiqeveritare në Algjeri dhe jo nga situata e virusit në Spanjë.

Në Spanjë situata është e rënduar, por një shtet demokratik i Bashkimit Europian nuk vepron kurrë me dhunë ndaj shtetasve të vet, siç gënjen dhe mashtron Edi Rama. Ai është sot burimi kryesor i panikut dhe pasigurisë në Shqipëri.

I gjendur i papërgatitur, pa ide dhe në majë të një qeverie të kalbur nga skandalet dhe korrupsioni, ai ka dështuar të qetësojë dhe të kompensojë njerëzit, si dhe të menaxhojë një karantinë të efektshme.

Paraditei detyron qytetarët të dynden në dyqane, në drekë i terrorizon me video nga protestat antiqeveritare kundër regjimit autoritar në Algjeri, duke e shitur atë si dhunë që ndodh rëndom në Bashkimin Europian. Kjo është papërgjegjshmëri.

Partia Demokratike i bën thirrje Edi Ramës të dalë nga shtëpia dhe të bëjë detyrën, t’u japë fund mesazheve që përhapin panik tek qytetarët dhe të përqendrojë të gjithë vëmendjen e tij tek detyrat e Qeverisë për të parandaluar përhapjen e virusit dhe për të zgjidhur krizën social-ekonomike që ka krijuar situata.

Partia Demokratike i bën edhe njëherë apel të fortë çdo qytetari të ndjekin me seriozitet dhe përgjegjshmëri masat e kufizimit të lëvizjes dhe distancimit social. Zbatimi rigoroz i këtyre masave është me rëndësi JETIKE për të mbrojtur veten dhe njerëzit tanë më të dashur.

DEKLARATË E PARTISË DEMOKRATIKE TË SHQIPËRISË Sot Edi Rama ka shpërndarë një gënjeshtër të rrezikshme për t’i trembur edhe më shumë qytetarët e Shqipërisë. Video e shpërndarë nga Edi Rama në profilin e tij zyrtar në facebook është mashtrim, sepse ajo është shkëputur nga një protestë antiqeveritare në Algjeri dhe jo nga situata e virusit në Spanjë. Në Spanjë situata është e rënduar, por një shtet demokratik i Bashkimit Europian nuk vepron kurrë me dhunë ndaj shtetasve të vet, siç gënjen dhe mashtron Edi Rama. Ai është sot burimi kryesor i panikut dhe pasigurisë në Shqipëri. I gjendur i papërgatitur, pa ide dhe në majë të një qeverie të kalbur nga skandalet dhe korrupsioni, ai ka dështuar të qetësojë dhe të kompensojë njerëzit, si dhe të menaxhojë një karantinë të efektshme. Paraditei detyron qytetarët të dynden në dyqane, në drekë i terrorizon me video nga protestat antiqeveritare kundër regjimit autoritar në Algjeri, duke e shitur atë si dhunë që ndodh rëndom në Bashkimin Europian. Kjo është papërgjegjshmëri. Partia Demokratike i bën thirrje Edi Ramës të dalë nga shtëpia dhe të bëjë detyrën, t’u japë fund mesazheve që përhapin panik tek qytetarët dhe të përqendrojë të gjithë vëmendjen e tij tek detyrat e Qeverisë për të parandaluar përhapjen e virusit dhe për të zgjidhur krizën social-ekonomike që ka krijuar situata.Partia Demokratike i bën edhe njëherë apel të fortë çdo qytetari të ndjekin me seriozitet dhe përgjegjshmëri masat e kufizimit të lëvizjes dhe distancimit social. Zbatimi rigoroz i këtyre masave është me rëndësi JETIKE për të mbrojtur veten dhe njerëzit tanë më të dashur.

Gepostet von Partia Demokratike e Shqipërisë am Samstag, 21. März 2020

LEXO TE PLOTE

Politikë

Vasili “nxjerr bllof” Ramën/ “Pamjet e policisë që rreh qytetarët nuk janë në Spanjë”

Publikuar

-

Nga

Nënkryetari i LSI-së Petrit Vasili ka reaguar pasi kryeministri Edi Rama publikoi disa pamje të policisë e cila rrihte qytetarët që kishin dalë në rrugët e Spanjës.

Vasili pretendon se këto pamje nuk janë të regjistruara në Spanjë siç thotë kreu i qeverisë, por sipas tij janë të regjistruara gjatë protestës së opozitës në Algjeri.

“Edi Rama mashtron. Ai përdor pamje të shëmtuara se si policia në Algjeri shtyp opozitën dhe jua shet shqiptarëve si gjoja pamje nga Spanja dhe sikur policia po rreh qytetarët për shkak koronavirusi.

LEXO EDHE:  Foto-lajm / Ja ku ndodhen kryeministri Rama dhe komisioneri Hahn

LEXO EDHE:  Biznesi në ditët më të këqija/ Krimi po ju “merr frymën”

Turp. A ka prokurori në këtë vend, që të hetojë gjendjen psiqike të këtij individi kryeministër. Ky nuk drejton më vendin, ky thjesht përkthen paranojat në Vendime qeverie, policie dhe shëndetësie”, shkruan ai në rrjetet sociale./ CNA.al

LEXO TE PLOTE

Politikë

“Stop mallkimit të njëri-tjetrit!”/ Sonila Meço: Koha për Komitet Shpëtimi, duhet një plan

Publikuar

-

Nga

gazetarja sonila meco

Gazetarja dhe moderatorja e njohur Sonila Meço ka bërë thirrje të forta për qytetarët në këto ditë të vështira për shkak të situatës së krijuar nga koronavirusi.
Meço thotë se përdorimi i fashave orare për të kryer pagesa, blerje të domosdoshme, apo të tjera veprime nëpër zyra shtetërore po ngjan i pamundur të shmangë distancimin social.
Sipas saj, nuk po mjafton apelimi, ndërsa përshkallëzimi i situatës krijon panik të tepërt, ndaj thekson se qytetarët duhet të kuptojnë disa gjëra.
“1. Nuk ka zgjidhje tjetër veç vetizolimit në shtëpi. Është shpëtimi për veten, të dashurin, të afërmin. Përndryshe na pret skenari tragjik italian, të cilin me një klikim në faqet online të shtypit italian a transmetimet televizive atje mund ta mësoni. Detyrë e medias të pasqyrojë situatën.
2. Furnizimi me ushqime vijon e do të vijojë normalisht në markete e dyqane. Nuk do të ndërpritet zinxhiri ekonomik, që garanton jetesën. Pra e kotë të dyndesh, sepse raftet do të jenë plot. Këtë qeveria duhet ta bëjë me komunikime të rregullta, si ato për larjen e duarve. T’i thuhet troç shqiptarit se ka ushqim e mjete të domosdoshme mjaftueshëm.
3. Të jetë vetëm një pjestar familjeje, që me autorizim përkatës të bëjë blerjet një herë në katër ditë. Jemi në luftë, nuk mund të ruajmë rituale e menu ditësh festash. Detyrë e qeverisë dhe autoriteteve të ndërtojnë këtë lloj grafiku, duke shmangur fashat orare të përgjithshme.
4. Ushtria të vihet në dispozicion të policisë për të shmangur çdo grumbullim, që nuk respekton distancat, ku njerezit janë pa mjetet mbrojtëse, maska, doreza e dezinfektant. Detyrë e qeverisë dhe autoriteteve të ndërtojnë mbulimin e territorit. Detyrë e mediave ta kujtojnë çdo orë me shpjegimet përkatëse.
5. Askush të mos largohet nga shtëpia më shumë se 200m, as për të shëtitur qenin. Në rast emergjence funksionojnë numrat përkatës. Autoritetet komunikojnë rregullisht duke vënë në lëvizje drejtuesit lokalë deri në qelizë të funksionimit. Pallate e apartamente. Në fushata elektorale dimë edhe çfarë hanë banorët e zonave të ndryshme, na mësojnë edhe pemën gjenealogjike. Le të vlejë kjo përvojë për identifikimin e shtresave prioritare, banorëve të moshuar, atyre me probleme.
6. Pagesat jashtë vendit kryen online. Të ndërtohen grafikë të detajuar për të siguruar pagesat mujore. Me autorizim specifik ato që janë emergjente a ditore”, shkruan ajo në rrjetet sociale.
Gazetarja deklaron se për të dalë nga kjo situatë duhet sakrificë, por edhe plan, ndërsa pretendon se fashat orare shoqëruar me shtrëngime ekstreme nuk prodhojnë efikasitet, por bëhen kundërproduktive.
Ajo i kërkon autoriteteve të mbledhë koka të mençura të organizimit, të ngrejë një komitet ad hoc për ndërtimin e një strategjie të organizimit të jetës në kushte lufte.
“E kotë të humbasim energji me mallkime e shfryrje mbi njerëz që dynden rrugëve. Është koha për të vepruar me organizim, plan e strategji të fortë duke ndërtuar Komitet Shpëtimi. Të gjithë bashkë publik, mendje të ndritura, shkencëtarë, ekspertë, të çdo bindjeje e formacioni politik. Mallkimi e shtrëngimi pa strategji e organizim janë virus mbi virusin. Popull qëndro në shtëpi! Qeveri mblidh Komitetin e Mendjeve të Ndritura! Pash Zotin!”, thekson ajo./ CNA.al

LEXO TE PLOTE