Connect with Us

Nga Bledi Mane/ Edhe kështu shërohet Atdheu!

Sociale

Nga Bledi Mane/ Edhe kështu shërohet Atdheu!

Publikuar

-

Ti nxitove sot të gjeje hapur para orës një të drekës furrën e bukës apo marketin e ushqimeve, ndërsa ata përpiqeshin të zbusnin dhimbjet e plagës që ka pushtuar qytetin.

Personalisht u ndjeva krenar kur familja përmetare Milo më kërkoi ndihmën modeste. Bashkë me patriotët e mi që financuan dhe përgatitën gjithçka, shpalosëm sot në kryeqytet banderolën e madhe të mirënjohjes në shenjë sensibilizimi dhe respekti për doktorët, infermierët, sanitarët dhe gjithë mjekësinë shqiptare që na është përkushtuar të gjithëve 24 orë.

LEXO EDHE:  Komentet/ Bledi Mane: Jam kërcënuar nga djali i Dhori Kules

Sapo kaloni mbikalimin në afërsi të “Pallatit me Shigjeta” në drejtim të Kombinatit do u shfaqet billboardi gjigand ku do lexoni:

Zemrën falja DASHURISË,

Mushkëritë besoja MJEKËSISË!

#reapektPërBluzatEbardha

Me kontribute të tilla dhe duke ndenjur të gjithë në shtëpi do ua bëjmë më të lehtë punën mjekëve dhe do e shërojmë sa më shpejt Shqipërinë!

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Pacientët bëhen gati të lënë spitalin/ Manastirliu përgëzon mjekët e infektivit

Publikuar

-

Nga

Dy pacientë, kontakte të rastit zero të cilët pas ritestimit të dytë dolën negativë, po bëhen gati të lënë spitalin. Ministrja e Shëndetësisë dhe Mbrojtjes Sociale, Ogerta Manastirliu në një lidhje direkte me mjekët e infektivit ka ndarë lajmin e mirë me publikun.

“Sot jemi shumë të gëzuar sepse kemi dy qytetarët që i kemi gati për t’i nxjerrë nga spitali. Gëzimi është dypalësh, edhe për ata vetë që u shëruan, dhe e dyta edhe për ne që na gëzon që puna e kryer deri tani na dha dy rastet e suksesshme. Sigurisht që kemi pritje edhe për punë më të mira, por të gjithë do të bëjmë maksimumin e mundshëm për t’u shërbyer deri në fund”, tha prof. Najada Çomo, shefe e shërbimit infektiv në QSUT.

Mjekët konfirmuan gjithashtu se dy nga pacientët në terapinë intensive janë në gjendje pak më të mirë.
Ndërsa mjekët e infektivit që janë në krye të detyrës apeluan që qytetarët të qëndrojnë në shtëpi si e vetmja menyrë për të fituar këtë luftë, Manastirliu i falenderuar për punën heroike që ata po bëjnë.

LEXO EDHE:  Çani sulmon Bledi Manen dhe Mero Bazen/ I ka vënë pushteti për të më kafshuar

LEXO EDHE:  FOTOT/ Fullhani e fullpini në këtë Shqipëri të sëmurë!

“Unë dua që t’iu inkurajoj dhe t’iu përqafoj fort nga larg. Fizikisht jemi larg, por me zemër dhe me mendje jam aty, dhe jemi bashkë. Shpresoj shumë që edhe kjo ditë të kalojë mirë, sepse jemi duke monitoruar çdo ditë përpara të panjohurave të mëdha që ka ky virus. Ndaj vetëm me forcën tuaj, profesionalizmin tuaj mund ta përballim, por gjithashtu edhe me mbështetjen, edhe me bashkëpunimin e gjithë qytetarëve. Unë ju falenderoj fort dhe gjithashtu edhe ekipin tjetër të mjekëve dhe infermierëve që janë në shërbim sot dhe do të dëgjohemi sërish nesër si gjithmonë. Punë të mbarë!”, tha Manastirliu.

LEXO TE PLOTE

Sociale

Kreu i Komunitetit Mysliman thirrje qytetarëve/ Zoti iu këshillon, zbatoni rregullat dhe këshillat e mjekëve

Publikuar

-

Nga

Kreu i Komunitetit Mysliman në Shqipëri, Bujar Spahiu i ka drejtuar një apel qytetarëve që të zbatojnë rregullat dhe këshillat e mjekëve kundër përhapjes së koronavirusit.

Ai iu bën thirrje qytetarëve që të qëndrojnë në shtëpi dhe të shmangin kontaktet me personat të ndryshëm.

“Motra dhe vëllezër, ashtu si e gjithë bota, edhe vendi ynë, është duke kaluar një sprovë ditët e fundit për shkak të virusit COVID-19!

Të gjithë e dimë se sprovat kërkojnë durim! Durimi është cilësi e besimit tonë! Më të sprovuarit ndër njerëzit kanë qenë profetët e Zotit.

Ata i kanë kaluar me sukses sprovat e tyre të vështira. Edhe ne na këshillon Zoti që të ndjekim shembullin e tyre.

Ne nuk jemi vetëm në këto ditë të “jashtëzakonshme” që po kalojmë. Në këto ditë, përveç zbatimit me përpikëri të rregullave që na porositin mjekët, unë ju lutem që t’i përdorim edhe për të përfituar shpirtërisht prej tyre me lutje dhe durim.

Jeta e çdo njeriu është e shenjtë dhe ne jemi të obliguar të mbrojmë shenjtërinë e jetës si një amanet i dhënë nga Zoti.

Ky virus nuk përhapet vetvetiu, por jemi ne që e përhapim me kontaktet që kemi me njëri-tjetrin në rrugë apo në ambiente të ndryshme.

LEXO EDHE:  FOTOT/ Fullhani e fullpini në këtë Shqipëri të sëmurë!

LEXO EDHE:  “Zaga(r)njorët e drejtësisë shqiptare”

Fatkeqësisht mënyra e vetme për ta parandaluar, sipas ekspertëve të mjekësisë është qëndrimi në shtëpi, duke respektuar udhëzimet e autoriteteve, me shpresë që kjo situatë të kalojë sa më shpejt.

Natyrisht kjo situatë e jashtëzakonshme ka nevojë edhe për një solidarizim të jashtëzakonshëm me të gjithë njerëzit në nevojë, duke filluar nga njerëzit tanë më të afërm, komshinjtë dhe më gjerë.

Ta shprehim dashurinë për prindërit tanë dhe të afërmit e moshuar, duke u shërbyer atyre dhe duke u plotësuar të gjitha nevojat pa patur nevojë që të dalin nga banesat e tyre.

Duke falënderuar të gjithë mjekët dhe infermierët që janë në frontin e parë të kësaj beteje për punën dhe sakrificën e tyre, lusim Zotin për shërim sa më të shpejtë për gjithë të sëmurët!

E lusim Zotin të na bëjë solidarë dhe të dashur me njëri-tjetrin në këto ditë!
E lusim Zotin që kjo situatë të kalojë sa më shpejt!”, thekson Bujar Spahiu.

LEXO TE PLOTE

Sociale

Ish-deputeti iu drejtohet qytetarëve si mjek/ Rrini në shtëpi, mos u bëni shkak për përhapjen e koronavirusit

Publikuar

-

Nga

Ish-deputeti i PD-së, Bardh Spahia ia ka bërë një thirrje qytetarëve shqiptare që të qëndrojnë në shtëpi, pasi rrezikojnë të përhapin koronavirusin.

Në një postim në rrjetet sociale, Spahia ndërsa iu drejtohet qytetarëve si mjek, thekson se është me rëndësi respektimi i karantinës.

“Si mjek e si qytetar do doja të nënvizoja se sa i rëndësishëm është respektimi i karantinimit për shkak të COVID-19. E shoh me shqetësim të pasqyruar në media e rrjete sociale se si ka qytetarë që e shpërfillin kujdesin në këtë situatë. Mirëkuptoj vështirësitë për të hequr dorë nga jeta sociale, por duhet kuptuar se kjo sakrificë, garanton shëndetin e gjithsecilit e madje edhe jetën! Eshtë pra JETIKE TË RRIMË NË SHTËPI E TË SHMANGIM KONTAKTET SOCIALE. Ky virus i ri po sfidon edhe vendet me kapacitete shumë më të mëdha se tonat.”-shkruan Spahia.

Më tej, ai thekson se ç’ka mund të bëjmë secili për të ndihmuar veten së pari është respektimi i rregullave të izolimit ne shtepi dhe distancimit social.

“Respektimi i rregullave është arma më e mirë që kemi kundër Koronavirusit! Pra e kemi vetë në dorë, nëse do e përdorim këtë armë kundër këtij virusi apo kundër vetes sonë. Eshtë e pafalshme që ky rrezik të mos kuptohet drejt, e oraret e lëna në dispozicion për kryerjen e veprimeve të nevojshme, të shfrytëzohen papërgjegjshmërisht për socializim apo akoma më keq, të injorohet karantina! SECILI DUKE SHKELUR RREGULLAT E KARANTINIMIT, MUND TË BËHET BARTËS I VIRUSIT E TA COJË ATË NË SHTËPI TË VET SË PARI, TEK NJERËZIT MË TË DASHUR, PËRFSHI MË TË MOSHUARIT! Mendoni pasojat e një veprimi të tillë: ato do prekin familjarët tuaj, por edhe do rrisin fluksin e të infektuarve, duke i sprovuar kapacitetet tona shëndetësore, që mbeten modeste. Një nga 7 vendet më të industrializuara të botës si Italia, po përjeton vështirësi që kushtojnë jetë njerëzish cdo ditë, për shkak të përhapjes masive të Koronavirusit! Ne NUK KEMI KAPACITETE që të përballojmë flukse rastesh! Prandaj le të bëjmë atë që mundemi vetë, secili: të respektojmë rregullat, për të shpëtuar jetë! #RriNëShtëpi për të mirën e të gjithëve! Me durim dhe duke rrespektuar rregullat e higjienës e izolimit, do ia dalim ta kapërcejmë më lehtë këtë situatë!”-përfundon postimin e tij Bardh Spahia./ CNA.al

LEXO TE PLOTE